d) Lege provinziala di 10 de messè dl 2018, n. 91)2)
Teritore y cuntreda

(1) Ora che per cie che ie preudù dai comes tlo dedò ne vëniel nia aplicà la despusizions de chësc capitul per:

1. i ntervënc y i programs de ntervënt publics o de nteres publich, da realisé cun l’apurvazion dl Chemun nteressà do n’acurdanza de program, aldò dl articul 39 dla lege regiunela di 3 de mei 2018, n. 2, sce l’acurdanza nstëssa cuntën i elemënc costitutifs dl’autorisazion curespundënta;
   
2. i ntervënc publics o de nteres publich apurvei dal organ cumenel cumpetënt aldò dl articul 27 dl decret legislatif di 18 d’auril 2016, n. 50, y mudazions suzessives, de chëi che la cunformità urbanistica ie unida detlareda cun pruvedimënt dl Ambolt/dl’Ambolta; 143)
   
3. i ntervënc de nteres sëuracumenel o provinziel, do che l ie unì azertà si cunformità ala normes y ala prescrizions urbanistiches avan audì l Chemun nteressà; la cunformità di proiec al plan per l teritore y la cuntreda dl Chemun teritorielmënter cumpetënt y a chësta lege vën azerteda dal diretëur/dala diretëura dla repartizion provinziela competënta tla materia de natura, cuntreda y svilup dl teritore, do avëi audì l Ambolt cumpetënt/l’Ambolta cumpetënta aldò dl teritore, che muessa comuniché si arat tl tëmp de destumeda de 60 dis; n mancianza de chësc arat vën l’apurvazion rateda data. Tl cajo che l ie de bujën dl’autorisazion de cuntreda vën chësta data ora dal’autorità provinziela cumpetënta. Sce i ntervënc se damanda na mudazion di strumënc de planificazion cumenela, vëniel cun l’apurvazion dl proiet dla Jonta provinziela ratà apurvà nce la mudazion, a cundizion che l Chemun sibe unì tëut ite tl pruzedimënt d’apurvazion dl proiet aldò dl articul 18 dla lege provinziela di 22 d’utober 1993, n. 17, y mudazions suzessives, y che l sibe oradechël garantì la despunibltà dla sperses; y a cundizion che la pruposta de mudazion di strumënc de planificazion vënie publicheda tla Rë zivica dla Provinzia y pra la sënta dl Chemun per 15 dis ndolauter dan la cunvocazion dla Cunferënza di servijes nunzieda tl articul 18 dla lege provinziela di 22 d’utober 1993, n. 17, y mudazions suzessives. Ntan chësc tëmp possa chichemei prejenté usservazions. La delibrazion d’apurvazion dla mudazion vën publicheda tl Buletin Ufiziel dla Region y à fazion dal di do la publicazion; 144)
   
4. i ntervënc dla Provinzia y dl Chemun che reverda la manutenzion urdinera y straurdinera de frabiches, atrezatures, mplanc, opres idrauliches, stredes y troies, sperses da parché y vërt coche nce i ntervënc fac aldò dl articul 32, coma 4, dla lege provinziela di 21 d’utober 1996, n. 21, y mudazions suzessives. L Chemun nteressà vën nfurmà danora per scrit;
   
5. i ntervënc preudui tl proiet d’esecuzion prejentà dal uperadëur economich che à giapà l agiudicamënt per n cuntrat, dat aldò dla pruzedures nunziedes tla pert IV, titul I, dl decret legislatif di 18 d’auril 2016, n. 50, y mudazions suzessives;
   
6. i ntervënc de prim aiut tl cajo de desgrazies publiches y i lëures de prevenzion de prëscia.
   

(2) Cun l’apurvazion dl proiet de fatibltà tecnica y economica o dl proiet definitif de lëures publics o de utl publich da pert dl Cunsëi cumenel vëniel, sce l ie de bujën, nce apurvà la varianta al plan cumenel. La delibrazion d’apurvazion vën publicheda tl Buletin Ufiziel dla Region y giapa fazion n l di do si publicazion. L art. 70, coma 2, ie unì ntegrà dal art. 23, coma 3, dla L.P. dl prim de juni 2023, n. 9.145)

(3) La data dl scumenciamënt efetif di lëures nunziei tl coma 1 muessa unì comunicheda al Chemun tla manieres aldò dl articul 75. 146)

(4) Per i ntervënc apurvei aldò di comes da dant tlechel prejenté, mpede la senialazion zertificheda per l’agibltà nunzieda tl articul 82, l zertificat de culaudamënt o de esecuzion regulera dl’opra o l verbal nunzià tl articul 52 dla lege provinziela di 17 de dezëmber 2015, n. 16, che cuntën nce la zertificazions n cont di mplanc per servijes y di mplanc tecnologics y la documentazion contra l meldefuech aldò dla normativa provinziela n forza. 147)