d) Lege provinziala di 10 de messè dl 2018, n. 91)2)
Teritore y cuntreda

(1) La chëuta sun l cost de costruzion ne ie nia da paië:

1. per la cubatura zareda ju y inò frabicheda su, sce la destinazion de nuzeda ne vën nia mudeda; 168)
   
2. per la frabiches di luesc da paur nunziedes tl articul 37;
   
3. per i cuatieres resservei ala persones residëntes nunziedes ti articuli 38, 39 o 40;
   
4. per i mplanc, l’atrezatures, la opres publiches o de nteres generel realisei dai ënc istituzionalmënter cumpetënc, nce tres la pruzedures nunziedes tla pert IV, titul I, dl decret legislatif di 18 d’auril 2016, n. 50, y mudazions suzessives, sciche nce per la opres nunziedes tl articul 18, fates nce da persones privates;
   
5. per i ntervënc che mira ala eliminazion di rëms architetonics;
   
6. per i ntervënc da realisé sun la imubilies de proprietà dl Stat y dla Provinzia;
   
7. per la sostes da mont nunziedes tl articul 1 dla lege provinziel di 7 de juni 1982, n. 22.
   

(2) Tl cajo de mplanc nia destinei a nuzeda residenziela y pra chëi che l’autëza linëusa di partimënc singui ie sëura i trëi metri, vëniel, per l calcul dla chëuta sun l cost de costruzion, mé ratà l’autëza de trëi metri per uni partimënt. Tl cajo de ntervënc sun frabiches ejistëntes, nce sce les vën zaredes ju y fates su da nuef, zënza mudazion dla destinazion de nuzeda, ie la chëuta sun l cost de costruzion da paië tl cajo de aumënt dla sëuraspersa de utl, ora che sce chësta chëuta ne ie nia bele unida paieda per dut l volum de frabica ejistënt zënza la limitazion a trëi metri dl’autëza linëusa di partimënc singui. I criteres per l calcul dla chëuta sun l cost de costruzion tl cajo de aumënt dla sëuraspersa de utl ie da fissé tl regulamënt cumenel nunzià tl articul 78, coma 6, sun la basa dl regulamënt model nunzià tl articul 79, coma 4. 169)

(3) Cun l regulamënt nunzià tl articul 78, coma 6, possa i Chemuns preudëi per l volum de frabica sot a tiera na delibrazion dal paiamënt dla chëuta sun l cost de costruzion o na reduzion de chësta chëuta. 170)

(4) Tl cajo de ntervënc sun frabiches ejistëntes che cumporta la mudazion dla destinazions de nuzeda, vën la chëuta sun l cost de costruzion calculeda tenian cont dla majera soma eventuela n referimënt ala destinazion de nuzeda nueva ti cunfronc de chëla da dant. L ie da paië la defrënza. L amudlé dla majera soma eventuela ie for ratà n referimënt ai valores stabilii dal Chemun n la data che l vën dat ora l’autorisazion de frabiché o che l vën presentà la SZSA/SCIA. La chëuta sun l cost de costruzion ne ie nia da paië tl cajo de mudazion dla destinazion de nuzeda, sce chësta chëuta fova bele unida paieda dant per la medema destinazion de nuzeda per la frabica o per la pert dla frabica nteresseda dala mudazion. 171)