d) Lege provinziala di 10 de messè dl 2018, n. 91)2)
Teritore y cuntreda

Publicheda tl suplemënt n. 3 dl B.U. ai 12 de lugio 2018, n. 28.

Per la jita n forza cëla l articul 107, comes 1 y 2 de chësta lege.

Art. 72 (Ntervënc per chëi che l ie de bujën na senialazion zertificheda de scumenciamënt dl’atività, n‘autorisazion de frabiché y na comunicazion de scumenciamënt di lëures cunfermeda)

(1) Sometui a autorisazion de frabiché ie i ntervënc cumpedei su tla njonta D.

(2) Sometui a senialazion zertificheda de scumenciamënt atività (SZSA/SCIA) ie duc i ntervënc cumpedei su tla njonta E.

(3) I ntervënc che ne ie nia cumpedei su tla njontes C, D y E possa unì realisei sun prejentazion de na comunicazion de scumencianënt di lëures cunfermeda (CSLC/CILA). A una cun l Cunsëi di Chemuns, vëniel tl regulamënt d’esecuzion preudù dal articul 71, coma 1, individuà i ntervënc de sort menuda che ne ie nia sometui ala comunicazion de scumenciamënt di lëures cunfermeda (CSLC) y che possa unì realisei zënza deguna autorisazion de frabica. N referimënt ala comunicazion de scumenciamënt di lëures cunfermeda (CSLC), vëniel cun l medemo regulamënt adotà prescrizions de detail y scemplificazions n cont di formuleres y dla documentazion da njunté. 149)

(3/bis) N desvieda dai comes dan chësc possa i ntervënc che toma tl cheder d’aplicazion dl articul 119, coma 13/ter, dl decret lege di 19 de mei 2020, n. 34, mudà cun la mudazions dla lege di 17 de lugio 2020, n. 77, y mudazions suzessives, unì realisei cun la comunicazion de scumenciamënt di lëures cunfermeda (CSLC/CILA) tl respet dla cundizions y di termins preudui dal articul 119 niunzià. 150)

149)

L art. 72, coma 3, ie unì ntegrà dal art. 24, coma 1, dla L.P. dl prim de juni 2023, n. 9.

150)

L articul 72, coma 3/bis, ie unì njuntà dal articul 4, coma 8, dla L.P. di 10 de jené 2022, n. 1.