d) Lege provinziala di 10 de messè dl 2018, n. 91)2)
Teritore y cuntreda

(1) Tl cajo de ntervënc realisei zënza o n desvieda dal’autorisazion de cuntreda, ie l azertamënt dadedò dla cumpatibltà de cuntreda lascià pro nce per i ntervënc che à determinà la criazion de sëurasperses de utl y volums, uel dì, n aumënt dla sëurasperses de utl y di volums realisei legitimamënter, a cundizion che chisc ntervënc ne nteressëie nia sperses stravardedes per lege nunziedes tl articul 12 o sperses nunziedes tl articul 13, sometudes a mesures de defendura particuleres dates dant dala Jonta provinziela n ucajion dl’apurvazion dl plan de cuntreda nunzià tl articul 47 o de mudazion de chësc.

(2) L azertamënt dadedò dla cumpatibltà de cuntreda ie a uni maniera lascià pro:

1. per l’adurvanza de materiai che ne curespuend nia al’autorisazion de cuntreda;
   
2. per i lëures che ie te uni cajo da raté ntervënc de manutenzion urdenera o straurdenera aldò dl articul 62.
   

(3) L’autorità cumpetënta per dé ora l’autorisazion de cuntreda nunzieda tl articul 67 dij la sia sun la dumanda d’azertamënt dla cumpatibltà de cuntreda tl tëmp d’esclujion de 180 dis. L vën a uni moda aplicà la straufonghes de scioldi preududes dal articul 99. 199)