(1) L’amunta dl imprëst por na costruziun nöia ne pó nia jí sura chisc limic fora: 112)
- 113)
- 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora.
(2) L’amunta dl imprëst por la cumpra ne po nia jì sura le plü bas di limić suandënć fora:
- 114)
- 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora;
- 75 porcënt dl prisc de cumpra.
(3) L’amunta dl imprëst por la recuperada ne po nia jì sura le plü bas di limić suandënć fora:
- 115)
- 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora;
- 75 porcënt dles spëises reconesciüdes por l’intervënt de recuperada.
(4) Sce al vëgn ma cumpré le su dërt de nüz de n'abitaziun mëss le proprietar dl’abitaziun dé pro che al vëgnes iscrit l’ipoteca eventuala sciöche garanzia dl imprëst provinzial y che i lians dl frabiché abitatif alisiré vëgnes anotá sön la proprieté bludra. 116)
(5) 117)
(6) Sc’al convir cun la porsona che fej domanda inće sü geniturs vëgn les amuntes di imprësć preodüs ti comesc 1, 2 y 3 aumentades respetivamënter de 20 o 30 miliuns de lires sce un o trami i geniturs vir adöm al damanant da almanco dui agn y al s’impegnëia a tó sö i geniturs tl’abitaziun alisirada.
(6-bis) Sce le damanant s’impegnëia a tó sö te süa abitaziun te na manira permanënta sorus y fredesc che à na diminuziun dla capazité de laurè sura le 74 porcënt, o sce al vir tla familia na porsona cun n handicap fisich permanënt, aladô dl articul 41, coma 3-bis, vëgn les amuntes di imprësć preodüs dai comesc 1, 2 y 3 aumentà de 10.000,00 euro por vigni atra porsona tuta sö. Chësc impëgn vëgn metü ite tl documënt cun chël ch’al vëgn tut sö le lian sozial dè dant tl articul 62. 118)
(7) Por les spëises implü che resultëia dal respet di lians aladô dles normes sön la sconanza y la conservaziun dl patrimone storich, artistich y popolar y inće de chëres sön la sconanza dla contrada vëgn l’amunta dl imprëst a fić basc alzada ćina al 25 porcënt.
(8) I limić mascimai di imprësć aladô di comesc 1, 2 y 3 po gnì mudà dala Junta provinziala; le limit mascimal dl 75 porcënt dl cost de costruziun por lege de n’abitaziun cun na spersa convenzionala de 160 metri cuadrać ne po indere nia gnì superè.
(9) Tl caje de cumpra vëgnel alzé dl 20 porcënt i cosć de costruziun por lege dl'abitaziun en conscidraziun di cosć de spersa y di cosć de urbanisaziun. 119)
La pröma frasa dl art. 55, coma 1 é gnüda mudada insciö dal art. 26, coma 2 dla l.p. di 4 d'agost dl 2023, n. 18.
La lëtra a), dl art. 55, coma 1 é gnüda abrogada dal art. 26, coma 3 dla l.p. di 4 d'agost dl 2023, n. 18.
La lëtra a), dl art. 55, coma 2 é gnüda abrogada dal art. 26, coma 3 dla l.p. di 4 d'agost dl 2023, n. 18.
La lëtra a), dl art. 55, coma 3 é gnüda abrogada dal art. 26, coma 3 dla l.p. di 4 d'agost dl 2023, n. 18.
L’art. 55, coma 4 é gnü sostituí insciö dal art. 26, coma 4 dla l.p. di 4 d'agost dl 2023, n. 18.
L’art. 55, coma 5 é gnü abroghé dal art. 26, coma 5, dla l.p. di 4 d'agost dl 2023, n. 18.
Art. 55, coma 6-bis é gnü naôta ajuntè dal art. 11 dla l.p. di 10 d’agost dl 2001, n. 8, y spo sostituì insciö dal art. 1, coma 2 dla l.p. di 13 de jügn dl 2012, n. 11.
L'art. 55, coma 9 é gnü ajunté dal art. 26, coma 6 dla l.p. di 4 d'agost dl 2023, n. 18.