b) Lege Provinziala di 17 de dezëmber dl 1998, n. 131)
Ordinamënt sön le frabiché abitatif alisiré 2)

(1)  Por ademplì la competënza legislativa primara tl ćiamp dl frabiché alisiré te dötes sües formes preodüda dal articul 8, coma 1, numer 10, dl Statut spezial por le Trentin-Südtirol y por realisé i prinzips fondamentai y i fins preodüs dal plann de svilup y coordinamënt dl teritore aprovè cun lege provinziala di 18 de jenà 1995, nr. 3 ti va la Provinzia autonoma da Balsan do a chisc fins:

1. la costruziun, la cumpra, la recuperada y la tuta adinfit de abitaziuns da dè en afit ai damananć che davagna dër püch;
2. fà a na manira che n’ampla pert dla popolaziun röies pro n’abitaziun de proprieté tres contribuć por la costruziun, la cumpra y la recuperada de cuartiers por curì le bojëgn primar de n’abitaziun;
3. mëte a desposiziun grunt da frabiché sostignin l’acuisiziun y l’urbanisaziun de grunt da frabiché por le frabiché abitatif alisiré;
4. la recuperada dl patrimone de frabica esistënt por fins abitatifs;
5. le sparagn d’energia y l’adoranza de fontanes d’energia alternatives tl setur dl frabiché abitatif alisiré.
6. le finanziamënt dla proprieté abitativa tres le model dl sparagn dl frabiché tres mosöres de sostëgn implü. I criters che alda laprò vëgn stabilis dala Junta provinziala.3)

(2)  Por arjunje le fin dla proprieté abitativa por n’ampla pert dla popolaziun mëssel gnì incorajè la jënt a sparagné y a se dè da fà instëssa.

(1)  I intervënć dl frabiché abitatif alisiré reverda:

• A)   la conzesciun de contribuc de capital al Istitut por le frabiché sozial, da chiló inant nominé “IPFS”, por realisé i programs de costruziun y por l’esecuziun dla manutenziun straordinara y la recuperada de abitaziuns de proprieté dl IPFS o surandades en gestiun;   4)
• B) La conzesciun de contribuc costanc de de plü agn al IPFS por l’amortamënt de imprësć che é gnüs tuc sö dal IPFS cun l’autorisaziun dla Junta provinziala por la realisaziun di programs de costruziun, dla manutenziun straordinara y dla recuperada de abitaziuns de proprieté dl IPFS o gestides dal IPFS.  5)
• C)  La conzesciun de contribuć de capital al IPFS
  • 1)  por cumprè abitaziuns;  6)
  • 2)  por eserzité le dërt de cumpra sön abitaziuns zedüdes en proprieté ti caji preodüs dales leges provinziales y statales;
• D)  Aiüć te caji straordinars che se damana intervënć aprontà por bojëgns particolars te chisc caji:
  • 1)  intervënć d’emergënza por gauja de catastrofes naturales o inće de catastrofes d’atra sort;
  • 2)  intervënć d’emergënza te caji soziai gravënć;
  • 3)  intervënc d'emergënza por la remoziun y la desmandrada de amiant dai frabicac d'abitaziun esistënc de proprieté de porsones privates, tuc fora i frabicac aziendai. 7)
• E1)  La conzesciun de imprësć por chinesc o vint agn dal fonds de rotaziun por le frabiché abitatif alisiré a damananć singui o a porsones assoziades te cooperatives por la costruziun o la cumpra de abitaziuns popolares por le bojëgn primar de n’abitaziun.
• E2)  La conzesciun de contribuć de fić costanć sön imprësć ipotecars tuć sö da damananć singui o da porsones assoziades te cooperatives pro istituć de credit por la costruziun o la cumpra de abitaziuns popolares por le bojëgn primar de n’abitaziun.
• E3)  La conzesciun de contribuć costanć por diesc agn a damananć singui o a porsones assoziades te cooperatives por la costruziun o la cumpra de abitaziuns popolares por le bojëgn primar de n’abitaziun.
• E4)  La conzesciun de contribuć de n iade, impede imprësć, contribuć de fić y contribuć costanć por diesc agn preodüs dales lëtres E1), E2) y E3).
• F1)  La conzesciun a damananć singui de imprësć por chinesc o vint agn dal fonds de rotaziun por le frabiché abitatif alisiré por recuperè abitaziuns popolares o economiches por le bojëgn primar de n’abitaziun.
• F2)  La conzesciun de contribuć de fić costanć sön imprësć ipotecars tuć sö da damananć singui por recuperè abitaziuns popolares o economiches por le bojëgn primar de n’abitaziun.
• F3)  La conzesciun de contribuć costanć por diesc agn a damananć singui por recuperè abitaziuns popolares o economiches por le bojëgn primar de n’abitaziun.
• F4)  La conzesciun de contribuć de n iade a damananć singui por recuperè abitaziuns popolares o economiches por le bojëgn primar de n’abitaziun.
• G)  Intervënć por recuperè le patrimone de frabica esistënt tres la conzesciun de:
  • 1)  contribuć de n iade a damananć che surantol por les abitaziuns recuperades les oblianzes dl frabiché convenzionè;
  • 2)  contribuć de n iade ai comuns.
  • 3)  contribuć a damandanć che surantol por les abitaziuns cumprades y recuperades i dovëis dl frabiché alisiré. 8)
• H)  Le finanziamënt dl’acuisiziun y dl’urbanisaziun de sperses por le frabiché abitatif alisiré tres:
  • 1)  la surantuta direta a ćiaria dla Provinzia dl 50 porcënt dles indenitês d’espropriaziun che é debit por les sperses dl frabiché abitatif alisiré;
  • 2)   la conzesciun de finanziamënc y de contribuc de capital ai comuns, al IPFS y a sozietés zënza intenziuns de davagn; 9)
  • 3)  la conzesciun de contribuć “una tantum” a porsones che à les condiziuns por ciafè en assegnaziun sperses por le frabiché abitatif alisiré.
• I)  La conzesciun de contribuć de n iade a comuns, al IPFS o a sozietês o ënć cun le fin de frabiché o cumprè zënza intenziun de davagn abitaziuns popolares da dè adinfit, inće cun la garanzia de podëi plü inant les vëne, o da vëne o de fà sö ćiases alberch por studëntes y studënć, laurantes y lauranć. I contribuć po inće gnì conzedüs por realisé abitaziuns tres la recuperada de frabiches che é bele. 10)
  
• K)   11)
• L)  La conzesciun de contribuć de n iade ćina al mascimo dl 80 porcënt dla spëisa lasciada pro por la realisaziun de laûrs por superè o tó jö impedimënć architetonics te frabicać bele esistënć, inće sc’ai à la funziun de zëntri o istituć residenziai por l’assistënza de porsones cun handicap, y inće por adatè abitaziuns ai bojëgns dles porsones cun handicap.
• M)  La promoziun de scomenciadies por fà conësce les leges che reverda le frabiché abitatif sozial, alisiré y convenzionè, por che i zitadins ti pois pormez plü saurì a n’abitaziun adeguada, le finanziamënt de stüdi, inrescides y convëgns che reverda le frabiché residenzial publich y la conzesciun de contribuć a ënć y organisaziuns che à aladô de so statut la inćiaria de se mëte dant chisc fins.
• N)  La conzesciun de contribuć ales cooperatives de garanzia aladô dla lege provinziala di 30 de dezëmber 1982, nr. 40.
• O)  Le finanziamënt de proieć pilot realisà tres l’IPFS che reverda en particolar le sparagn d’energia tl frabiché abitatif.
• P)  La conzesciun de contribuć a ënć publics o privać che tres na convenziun cun l’aministraziun provinziala, s’impegnëia da dè en afit cuartiers privać, ch’ai à a desposiziun, a lauranć che se tëgn sö regolarmënter tl raiun dla Provinzia. Por chësta rajun aprovëia la Junta provinziala n program olach’al vëgn determiné le numer de cuartiers por chi ch’al vëgn conzedü contribuć y les categories de lauranć a chi ch’al po ti gnì dè en afit i cuartiers. Le contribut ne po nia jì sura le 30 porcënt dl afit provinzial dles abitaziuns metüdes a desposiziun, aladô dl articul 7.12)
• Q1) La conzesciun de mesi finanziars por sostignì la proprieté abitativa aladô dl model de sparagn da frabiché. Le fin dl model de sparagn da frabiché é chël da stimolé le sparagn privat por fà sö, cumprè y recuperè la pröma abitaziun tres l’adejiun a n program de de plü agn che vëgn aministré da sogeć publics o privać söla basa de na convenziun cun la Provinzia. 13)
• Q2) Mosöres de sostëgn suraprò por le finanziamënt dla proprieté abitativa aladô dl model dl sparagn dl frabiché, 14)
• R)  La conzesciun de alisiraziuns söla basa dla soma totala teoretica dles detrates dala cuta por intervënć de recuperada pro le frabiché privat; 15)
• S)  Le sostëgn y la realisaziun de modí d'abitaziun inovatifs che reverda le co-housing y le co-working, ince en colaboraziun cun sogec de dërt publics o privac zënza intenziun de davagn. La Junta provinziala stabilësc i criters che alda lapró; 16)
• T)  ) La conzesciun de contribuc por istituí y manajé fonds de garanzia aladô dl articul 131-ter. 17)

(2)  Sce la porsona responsabla de laurè fora la domanda d’alisirimënt por frabiché abitaziuns constatëia che por le damanant fóssel n’atra sort d’alisirimënt plü convegnënt de chël damanè, ti fêjel la proposta de trasformè la domanda. Le damanant à insciö trënta dis de tëmp, do ch’al ti é gnü fat la proposta, por damanè la trasformaziun. Sc’al ne vëgn nia presentè domanda de trasformaziun spo vel la domanda originara.

(1)  Al ne po nia gnì damanè i alisiramënć preodüs dal articul 2, coma 1, lëtres E1), E2), E3), E4), F1), F2), F3) y F4) sc’al esist por le medemo fin alisiramënć preodüs da d’atres normes de lege.

(2)  Chi che tol ite zënza dërt frabicać publics o privać de d’atri cun l’intenziun tlera de se procuré n’abitaziun vëgn stlüć fora por cin agn alalungia dai intervënć dl frabiché abitatif alisiré preodüs da chësta lege y dal’assegnaziun adinfit de abitaziuns publiches.

(1)  La jënt emigrada te paîsc foradecà, mo che â denant che s’un jì la residënza da almanco cin agn tla provinzia y so om o süa fomena nia despartis che à intenziun de spostè indô la residënza tla provinzia, vëgn por faziun de chësta lege parificà ales porsones residëntes tla provinzia.

(2)  Le laûr fat por n certo tëmp foradecà vëgn aratè sciöche fat tla provinzia. 18)

(1)  Les abitaziuns te döta la provinzia che é arjignades da gnì surandades aladô dl articul 94 y i mesi por i intervënć aladô dl articul 2, coma 1, lëtres C), E1), E2), E3), E4), F1), F2), F3), F4), I y K mëss gnì partis sö danter i damananć di trëi grups linguistics en proporziun al valur mesan danter süa consistënza, aladô dla ultima cumpëda generala dla popolaziun, y le bojëgn de vigni grup.

(2)  Le bojëgn de vigni grup linguistich vëgn stabilì ann por ann. Por determiné le bojëgn vëgnel tut en conscidraziun les domandes dades jö ti ultimi diesc agn y plü avisa:

1. les domandes d’alisiramënć por frabiché provinziai por fà sö, cumprè y recuperè la pröma abitaziun, che à arjunt nia manco co 20 punć;
2. les domandes por l’assegnaziun de n cuartier en afit dl IPFS y por l’aiüt finanziar por l’abitaziun, che à arjunt nia manco co 25 punć;

(3)  Les abitaziuns che ti vëgn assegnades a families zënza n tët aladô dl articul 119 ne vëgn nia sotmetüdes ala partiziun proporzionala danter i grups linguistics.

(4)  Por garantì l’osservanza dl articul 15 dl Statut spezial por le Trentin-Südtirol mëss i damananć mëte dant le zertificat de portignënza o agregaziun a un di trëi grups linguistics aladô dl articul 20-ter dl decret dl Presidënt dla Republica di 26 de lugio 1976, nr. 752 y mudaziuns suandëntes.19)

(5)  Chi che damana n alisirimënt por frabiché preodü da chësta lege mëss detlarè aladô y por faziun dl articul 5 dla lege provinziala di 22 d’otober dl 1993, n. 17, y mudaziuns suandëntes, che al à les condiziuns por rové pormez a n alisirimënt por frabiché. Implü mëssel dè dant tl formular che vëgn arjigné ca por chësc fin dal’aministraziun, düć i fać importanć por calcolè le numer de punć.20)

(6)  Inće i zitadins di stać comëmbri dl’Uniun Europeica (UE) che é aćiasà tl raiun dla provinzia, che fej n laûr y che é en possès dles atres condiziuns por l’amisciun ai alisiramënć por frabiché mëss dè jö la detlaraziun de portignënza o de agregaziun a un di trëi grups linguistics aladô dl articul 20-ter dl decret dl Presidënt dla Republica di 26 de lugio 1976, nr. 752, y mudaziuns suandëntes. Sce i damananć nominà dessura é maridà, mëss ma un di dui avëi n laûr tl caje de na separaziun coniugala.21)

(7)  Cun la deliberaziun de aprovaziun dl program de intervënć preodüs dal articul 6 o cun provedimënt a pert determinëia la Junta provinziala vigni ann le numer dles abitaziuns dl IPFS da dè adinfit y la mosöra di mesi da resservè ai zitadins di Stać che ne alda nia pro l’Uniun Europeica y ai zitadins zënza nazionalité che sojornëia regolarmentër da altamo cin agn incà tl teritore provinzial canche la domanda vëgn presentada, y che à laurè altamo trëi agn tl teritore provinzial. Le numer dles abitaziuns en afit che po gnì dades ia ai imigrà nominà, vëgn determiné en proporziun a tanć che ai é y aladô de sü bojëgns. La cuota di mesi por le frabiché sozial por cumprè, fà sö y recuperè abitaziuns por le bojëgn abitatif primar, sciöche inće por l’aiüt finanziar por l’abitaziun vëgn determinada aladô di medemi criters. Sce ara se trata de imigranć maridà mëss ma un di dui avëi n laûr da trëi agn incà tl caje de separaziun coniugala. Por le tëmp olache l’imigré ne n’à nia les condiziuns de sojornanza y de laûr, mëss le datur de laûr ti garantì na sistemaziun abitativa tl cheder dl raport de laûr. Les modalitês d’atuaziun che alda laprò y les sanziuns tl caje de contravenziun vëgn determinades dala Junta provinziala.22)

(1)  Vigni ann aprovëia la Junta provinziala le program di intervënć por le frabiché abitatif alisiré partin sö i mesi finanziars a desposiziun danter les categories di intervënć preodüdes dal articul 2.

(2)  Tl program di intervënć stabilësc la Junta provinziala co ch’al vëgn adorè i mesi finanziars che röia derevers ti fonds de rotaziun singui.

(3)  Tl program di intervënć vëgnel inće stabilì ći fin che le netto di scioldi trać ite dal afit y dala venüda de abitaziuns y de d’atri imobii dl IPFS fej.

(1)  Canche al vëgn determiné i cosć de costruziun por meter cubich por faziun dla lege provinziala di 10 de messé dl 2018, n. 9, y mudaziuns suandëntes, determinëia la Junta provinziala i cosć de costruziun por meter cubich de spersa convenzionala por faziun dl frabiché abitatif alisiré. 23)

(2)  Cun regolamënt d’esecuziun vëgnel fat fora i criters por calcolè la spersa convenzionala dles abitaziuns por la faziun:

1. dl’amisciun ai alisiramënć por frabiché;
2. dla determinaziun di cosć dl frabiché lascià pro por realisé i programs de costruziun dl IPFS;
3. dla determinaziun dl valur convenzional dles abitaziuns.

(3)  L’afit por les abitaziuns fates sö, cumprades o recuperades cun alisiramënć por frabiché provinziai ne po nia ester sura le 4 porcënt dl valur convenzional dl’abitaziun, ater co sc’al vëgn desponü atramënter. Le valur convenzional dl’abitaziun é metü adöm:

1. dai cosć de costruziun por lege che resultëia dal’aplicaziun di cosć de costruziun por meter cuadrat ala spersa convenzionala dl’abitaziun;
2. dai cosć dla spersa che ne po nia fà fora plü dl 30 porcënt di cosć de costruziun aladô dla lëtra a);
3. dai cosć de urbanisaziun fissà aladô dla lege.

(4)  Sc’ara se trata de abitaziuns bele arjignades ite spo vëgnel apliché l’articul 12, coma 5 dla lege di 27 de lugio 1978, nr. 392.

(5)  L’afit fat fora aladô dl coma 3 vëgn nominé da chilò inant “afit provinzial”.

(1)  I intervënć dl frabiché abitatif alisiré aladô dl articul 2 vëgn desponüs dal assessur provinzial por le frabiché abitatif sön la basa dl program unitar di intervënć aprovè dala Junta provinziala. I mesi relatifs po gnì gestis defora dal bilanz aladô dl articul 65 dla lege provinziala di 29 de jenà dl 2002, n. 1, y dl regolamënt d’esecuziun che alda laprò emanè cun decret dl Presidënt dla Provinzia di 16 de dezëmber dl 2002, n. 49. 24)

(2)  Sce l’assessur ciafa fora che les detlaraziuns fates dal damanant por gnì lascè pro ai alisiramënć por frabiché dla provinzia ne corespogn nia ala verité despónel l’estlujiun de chësta domanda; al vëgn fat n’ezeziun te chi caji olache les detlaraziuns che ne corespogn nia ala verité é da conscidré, aladô dles situaziuns, nia d’importanza por gnì lascià pro al alisirimënt o por la mosöra dl alisirimënt.

(3) 25)

(1)  Pro la Repartiziun provinziala frabiché abitatif vëgnel metü sö le Comitê por le frabiché residenzial.

(2)  Le Comitê por le frabiché residenzial é metü adöm dal assessur provinzial por le frabiché abitatif che é a će dl Comitê y da cater assessurs; un de chisc surantol inće la funziun de vizepresidënt.

(3)  Le Comitê por le frabiché residenzial vëgn nominé dala Junta provinziala por la dorada de so tëmp de inćiaria.

(4)  Le sorvisc de secretariat dl Comitê por le frabiché residenzial vëgn fat dal Ofize programaziun dl frabiché alisiré dla Provinzia.

(5)  Le Comitê por le frabiché residenzial à la inćiaria de tó na dezijiun definitiva por ći che reverda i recursc fać.

1. cuntra les dezijiuns dl assessur provinzial por le frabiché abitatif
2. cuntra les dezijiuns dl diretur dla Repartiziun provinziala Frabiché abitatif;
3. 26)
4. 27)
5. cuntra i provedimënć dl Presidënt dl IPFS.28)

(1)  I programs de costruziun dl IPFS vëgn aprovà dala Junta provinziala sön proposta dl assessur provinzial por le frabiché abitatif conscidran le bojëgn de cuartiers aladô dles domandes d’assegnaziun de n cuartier en afit dades jö ti comuns singui.31) 

(2)  Ti programs de costruziun dl IPFS vëgnel inće fat fora le numer di cuartiers da resservè ales categories speziales preodüdes dala lege; te chësc contest po almanco le 20 porcënt di cuartiers indöt programà gnì resservè ales porsones atempades.

(3)  Ti programs de costruziun dl IPFS vëgnel inće fat fora le numer di cuartiers da resservè a categories soziales particolares. Chëstes categories vëgn determinades tla medema deliberaziun d’aprovaziun dl program de costruziun. Les condiziuns ogetives y sogetives por chëstes categories y por les porsones atempades vëgn stabilides dala Junta provinziala inće desvian da chëres preodüdes da chësta lege.

(4)  Por l’alojamënt de porsones te na situaziun de handicap é l’IPFS autorisé a fà sö, cumprè, recuperè y tó en afit y a adatè ai bojëgns dla porsona te na situaziun de handicap inće cuartiers singui.

(5) 32) 

(6)  Por slisiré, aladô dl articul 60, coma 1 dla lege urbanistica provinziala, l’alojamënt temporann de families che mëss lascè süa abitaziun atuala, é l’IPFS autorisé a cumprè o a tó en afit abitaziuns sön le marćé lëde.

(7)  Ti programs de costruziun dl IPFS pol inće gnì preodü de fà sö ćiases – alberch por lauranti, por porsones singoles che mëss jì fora dla ćiasa coniugala a gauja dla separaziun, por studënć, por porsones te situaziun de handicap y por porsones che alda pro categories soziales particolares.33)

(1)  Por azelerè ti comuns cun passa 10.000 abitanć la realisaziun di programs de costruziun dl IPFS preodüs dai articui 22 y 90, aplichëia l’IPFS, do avëi ciafè l’autorisaziun dala Junta provinziala, la prozedöra suandënta en desviaziun ales desposiziuns preodüdes dal articul 19 y suandënć dla lege provinziala di 11 d’agost dl 1997, n. 13:

1. l’IPES chërda ite na gara por la cumpra de sperses fabricades o nia frabicades, adatades ala realisaziun de abitaziuns. Tla mosöra mascima dl 30 por cënt di programs preodüs dai articui 22 y 90 pol ester oget dla gara, ti pröms cin agn dala jüda en forza de chësta lege, inće abitaziuns bele fates sö. L’afidamënt vëgn fat tl respet di prinzips de economizité, efiziënza, imparzialité, parité de tratamënt, trasparënza y proporzionalité;
2. l’aiudicaziun vëgn fata a bëgn dl pitadù che presentëia la miù oferta por ći che reverda l’ubicaziun, la dimenjiun, la sort de costruziun y le prisc, y che garantësc inće de ti surandè les abitaziuns te 24 mëisc dal’aiudicaziun al IPFS;
3. sce les abitaziuns programades ess da gnì fates sö sön na spersa sön chëra che, sön la basa dles indicaziuns dl plann urbanistich comunal varënt, ne n’él nia conzedü da fà sö abitaziuns, o a vigni moda nia te chë mosöra, mëss le pitadù che tol pert ala gara preodüda dal coma 1, lëtra a) ajuntè l‘arat liënt sön l’idoneité urbanistica dla spersa. La comisciun urbanistica provinziala dà jö sön domanda dl pitadù - a öna cun le comun competënt a livel teritorial - n arat te 60 dis. Sce l’arat ne vëgn nia dè jö tl tëmp dit dessura, vëgnel aratè sciöche positif. Sce l’arat dl comun é positif deliberëia la Junta provinziala la mudaziun dl plann urbanistich.

(2)  Les abitaziuns mëss ti corespogne al standard ćiasa clima B aladô dles diretives de aplicaziun dl articul 127, coma 5, dla lege provinziala di 11 d’agost dl 1997, n. 13, y mudaziuns suandëntes.

(3)  Le prisc dles abitaziuns mëss ti corespogne ai criters fissà dala Junta provinziala y ne po a vigni moda nia jì sura le 25 por cënt dl valur convenzional preodü dal articul 7 fora. L’Ofize Sciazada dla Provinzia dà jö n arat sön la conformité dl prisc. Sce les abitaziuns ti corespogn aladô dles diretives de aplicaziun dl articul 127, coma 5, dla lege provinziala di 11 d’agost dl 1997, n. 13, y mudaziuns suandëntes, al standard ćiasa clima A, vëgn le prisc de cumpra alzè dl 5 por cënt dl valur convenzional. Le prisc di terac ti corespogn al’indenité de espropriaziun ti raiuns de espanjiun por les frabiches d’abitaziun preodüdes dal articul 7-quinquies, coma 3, dla lege provinziala di 15 d’aurì dl 1991, n. 10.

(4)  Sce n comun ô fà sö les abitaziuns odüdes danfora tl program de costruziun preodü dal articul 90, él autorisé da apliché les desposiziuns por aprescè la realisaziun di programs de costruziun preodüdes te chësc articul.

(5)  La Junta provinziala ti conzed al IPFS l’autorisaziuns preodüda dal coma 1 ma sce al ne vëgn nia stlüt jö la convenziun por l’individuaziun azelerada di raiuns abitatifs preodüda dal articul 87-bis. Do avëi ciafè le consëns dl comun competënt a livel raional po la prozedöra preodüda da coma 1 gnì daurida inće indipendentemënter dai passaji prozedurai preodüs dal articul 87-bis, comesc 1 y 2.

(6)  Do avëi ciafè l’autorisaziun dala Junta provinziala, po la prozedöra preodüda dai comesc 1, 2 y 3 gnì atuada inće dales sozietês o dai ënć preodüs dal articul 2, coma 1, lëtra I), sce ai ciafa la inćiaria da realisé i programs de costruziun dala Junta provinziala.35)

(1)  Por ademplì les inćiaries preodüdes dales desposiziuns de lege relatives po l’IPFS tó en afit abitaziuns adatades a sü bojëgns sön le marćé lëde.

(2)  L’afit ne po nia ester plü alt co l’afit provinzial.

(3)  Les spëises che vëgn a s’al dè por la tuta en afit de abitaziuns vëgn curides dai scioldi trać ite dal afit; sce chisc scioldi ne bastass nia spo vëgnel tut i provedimënć che va debojëgn tl program d’intervënć aladô dl articul 6.

(1)  Do avëi ciafè l’autorisaziun da pert dla Junta provinziala po l’IPFS baratè sües abitaziuns cun abitaziuns de d’atri proprietars. Tla medema manira po l’IPFS gnì autorisé a dè en afit abitaziuns a d’atri ënć sce inće chisc ti dà en afit al IPFS abitaziuns ch’ai à. L’afit da paié vëgn stabilì sön la basa de na valutaziun dl Ofize sciazada.36) 

(1)  L’IPFS fistidiëia diretamënter dla planificaziun di frabicać ch’al é preodü da realisé ti programs de costruziun o surandon la inćiaria a profescionisć lëdi.

(2)  Le Consëi d’aministraziun aprovëia i proieć de dötes les costruziuns fates dal IPFS tolon en conscidraziun i prisc mascims stabilis aladô dl articul 28. Le Consëi d’aministraziun verifichëia inće sce i proieć corespogn bëgn ai criters de proietaziun por abitaziuns dl IPFS, do avëi aldì la minunga dla comisciun tecnica aladô dl articul 21.

(3)  La direziun, la contabilité y le control di laûrs po gnì surandà a profescionisć lëdi.

(4)  L’IPFS surandà diretamënter i laûrs de costruziun y fistidiëia dla realisaziun di programs de costruziun cun vigni responsabilité tecnica y aministrativa.

(5)  I laûrs de costruziun aprovà dal IPFS vëgn detlarà por dötes les faziuns de lege de ütl publich, de prescia y nia da podëi sburlé.

(1)  Por realisé so program de costruziun po l’IPFS stlüje jö acordanzes cun i proprietars de imobii che va bun por recuperè abitaziuns; te chëstes acordanzes se tràtera de tó en afit imobii por na dorada lungia y de realisé laûrs de recuperada. Les spëises albüdes por la recuperada po gnì completamënter o en pert compensades cun le cost dl afit, conscidran la dorada dl contrat d’afit.

(2)  I contrać d’afit stlüć jö aladô dl coma 1 mëss avëi na dorada de almanco 20 agn.

(3)  I contribuć preodüs ti articui 71 y 73 por la recuperada convenzionada d’abitaziuns vëgn conzedüs al proprietar y paià fora a so inom y sön so cunt al IPFS.

(4)  Por realisé sü programs de costruziun é l’IPFS autorisé a cumprè o a tó en afit por la dorada de almanco 20 agn frabicać tacà al lian de destinaziun de strotöra d’alberch. Sön la basa dl contrat de cumpra o d’afit toma chësc lian de destinaziun de dërt. Cun la registraziun tl liber fondiar dl dërt de proprieté a bëgn dl IPFS o cun l’anotaziun dl contrat d’afit vëgnel straihé l’anotaziun dl lian de destinaziun a strotöra d’alberch.38) 

(1)  I contribuć de capital y i contribuć de de plü agn costanć aladô dl articul 2, coma 1, lëtres A) y B) à le fin de aumentè le patrimone de frabiches dl IPFS che é metü adöm da abitaziuns dades en afit ala generalité dles families cun n davagn plü bas, ales categories speziales o ales categories soziales particolares aladô dl articul 22, y da ćiases alberch por laurantes y lauranć, studëntes y studënć, porsones te na situaziun de handicap, porsones despartides - devorziades che é te dificoltês da n punt de odüda sozial y categories soziales particolares.39)

(2)  L’aumënt dl patrimone de frabiches dl IPFS vëgn realisé tres:

1. la costruziun o la cumpra de frabicać residenziai o la cumpra de frabicać adatà a gnì recuperà;
2. la manutenziun straordinara y la recuperada de abitaziuns de proprieté dl IPFS o che vëgn aministrades dal IPFS;
3. la tuta en afit de imobii a dorada lungia che va bun por recuperè abitaziuns.

(3)  Al po gnì cumprè abitaziuns ma sc’ares n’é nia ocupades y sce sües carateristiches corespogn ai bojëgns dl IPFS.

(4)  Por realisé le program de costruziun pol inće gnì cumprè frabicać che va bun por recuperè abitaziuns mo che é en pert ocupà da afitadins che à les condiziuns por ciafè en assegnaziun n cuartier adinfit dal IPFS. La cumpra de chëstes abitaziuns mëss gnì autorisada danfora dal assessur provinzial competënt y al mëss implü gnì desmostrè che, do che i laûrs de recuperada é gnüs stlüć jö, é le numer dles abitaziuns che é gnüdes recuperades por n’assegnaziun nöia trëi iadi tantes co chëres ocupades dai afitadins vedli.

(5)  L’IPFS mët te n cunt spezial la soma anuala di afić tiran jö i cosć generai de aministraziun, de manutenziun ordinara y dles cutes; insciö fêjera inće cun la soma netta di afić di cuartiers de proprieté dla Provinzia che ti é gnüs surandà en aministraziun al IPFS.

(6)  Tl program di intervënć aladô dl articul 6 vëgnel odü danfora l’adoranza di mesi dl cunt spezial por i fins dà dant te chësc articul.

(7)  Por realisé sü programs de costruziun, la manutenziun straordinara y la recuperada de abitaziuns de proprieté dl IPFS o gestides dal IPFS, pó l’IPFS stlüje jö imprësć cun les banches do avëi ciafé l’autorisaziun dala Junta provinziala. La Provinzia garantësc por i imprësć tuc sö dal IPFS. L'IPFS se crüzia dl amortamënt dles rates dl imprëst cun i fonds metüs sön le cunt spezial. Sce i fonds metüs sön le cunt spezial ne foss nia assá se cruzion di intervënc preodüs tl program preodü dal articul 6.  40)

(8)  Canch’al vëgn determiné l’amunta di contribuć al IPFS vëgnel inće tut en conscidraziun les somes trates ites dala zesciun en proprieté dles abitaziuns dl IPFS.

(1)  Canch’al vëgn surandè i laûrs por la costruziun nöia o la recuperada de abitaziuns aplichëia l’IPFS les desposiziuns che vel por la surandada de laûrs publics dla Provinzia. Por curì les spëises tecniches ti spétel al IPFS na indenité dl 20 porcënt dl cost de costruziun convenzional.41) 

(2)  Sc’al vëgn cumprè abitaziuns ne po le prisc de cumpra nia jì sura le valur convenzional dles abitaziuns fat fora aladô dl articul 7 y dl regolamënt d’esecuziun relatif. Sc’al vëgn cumprè abitaziuns che à debojëgn de intervënć de recuperada vëgn le prisc de cumpra stabilì aplican al cost de costruziun i coefiziënć por l’eté, la situaziun de mantignimënt y de manutenziun.42)

(3)  Sc’al vëgn cumprè abitaziuns cun n lian de destinaziun che n’é nia chël de abitaziun, che po gnì trasformades tres laûrs de recuperada te abitaziuns, vëgn le prisc de cumpra ametü stabilì dal Ofize sciazada dla Provinzia.43)

(4)  Por spëises maius che se porta pro por gauja dl’osservanza di lians aladô dles normes por la sconanza y la conservaziun dl patrimone storich, artistich y popolar y inće de chëres por la sconanza dla contrada y dl carater ambiental dl raiun po le cost de costruziun gnì ćiamò aumentè dl 20 porcënt.

(5)  Por les abitaziuns fates sö, cumprades, recuperades o tutes adinfit por l’alojamënt de porsones te na situaziun de handicap aladô dl articul 22, coma 4, y por i proieć pilot preodüs dal articul 2, coma 1, lëtra O) pol gnì desvié, por rajuns da iustifiché, dai prisc mascimi nominà chilò dessura.

(6)  L’IPFS po gnì autorisé dala Junta provinziala a cumprè sön le marćé lëde abitaziuns singules o frabicać intiers a n prisc che va sura le valur convenzional aladô dl articul 7, coma 3, te chisc caji:

1. sc’al esist le bojëgn urgënt y che ne po nia gnì sburlé de ciafè abitaziuns por porsones che é stades sciurades fora dal cuartier o che vëgn manaciades da chësc o por porsones zënza n tët;
2. sc’al esist le bojëgn urgënt y che ne po nia gnì sburlé de ciafè abitaziuns coletives por porsones imigrades che se tëgn sö regolarmënter tl teritore dla Provinzia;
3. sce te comuns detlarà dala Junta provinziala comuns cun n gran debojëgn de abitaziuns mëssel gnì metü a desposiziun abitaziuns por caji urgënć y che ne se lascia nia sburlé.

(7)  I criters por determiné le prisc de cumpra vëgn inće aplicà a chi comuns olache le program de costruziun aladô dl articul 22 vëiga danfora la realisaziun de alplü cinch abitaziuns.

(1) Sce n’abitaziun costruida, cumprada o recuperada cun les alisiraziuns dl frabiché preodüdes da chësta lege é manaciada dala venüda sforzada, po le patrun gnì autorisé, por tignì fora la venüda sforzada, da dè jö l’abitaziun al’IPFS. L’autorisaziun da pert dl diretur dla Repartiziun provinziala Frabiché abitatif po gnì conzedüda en conscidraziun dla gauja dl indebitamënt y dles condiziuns economiches, soziales y familiares dl damanant.

(2) Le prisc de cumpra che l’IPFS po paié ti corespogn al valur convenzional dl’abitaziun, determiné aladô dl articul 7. Sce l’abitaziun vëgn dada adinfit al comerziant aladô dl coma 3, vëgn le prisc de cumpra smendrì dl 20 por cënt. Le comerziant mëss consintì che le prisc de cumpra vëgnes adorè dantadöt por le paiamënt di debić.

(3) L’IPFS ti dà adinfit al patrun da denant l’abitaziun cumprada o n’atra abitaziun adatada al bojëgn de süa familia, sce al à i recuisić generai por l’assegnaziun de abitaziuns y sce al arjunj altamo 20 punć aladô dl regolamënt d‘esecuziun. Le patrun da denant devënta a düć i efeć afitadin de n’abitaziun dl’IPFS.

(4) Sce n’abitaziun cumprada dal IPFS aladô de chësc articul vëgn metüda ite te n plann de venüda aladô dl articul 124, ne n’é le patrun da denant nia autorisé da cumprè por n tëmp de 20 agn y al vëgn apliché ći che é desponü dal articul 124, coma 3.44)

(1)  L’IPES po cumprè, do avëi ciafè l’autorisaziun da pert dl assessur provinzial por le frabiché abitatif, abitaziuns sön le marćé lëde sce süa spersa é massa grana por le bojëgn normal dl patrun y ël sta tl’abitaziun. La cumpra é ma poscibla ti comuns olache al vëgn porvè che al é n bojëgn abitatif y tl respet di programs de costruziun dl IPES preodüs dal articul 22. I fonds relatifs é preodüs tl program di intervënć preodüs dal articul 6.

(2)  L’IPES ti assegnëia al che che vën n’atra abitaziun en afit, plü adatada al bojëgn dla familia che é tl medemo comun o te n comun che confinëia, a condiziun che al ais i recuisić generai por gnì ametü al’assegnaziun de n’abitaziun y che al arjunjes altamo 20 punć aladô dl regolamënt d’esecuziun.Che che vën devënta a düć i efeć assegnatar de n’abitaziun dl IPES. L’afit ti corespogn al afit provinzial preodü dal articul 112, coma 1.

(3)  Le prisc de cumpra ne po nia jì sura le valur convenzional dl’abitaziun preodü dal articul 7 fora. I coefiziënć de tan vedla che l’abitaziun é y de so stat de conservaziun y manutenziun vëgn ma aplicà al cost de costruziun dl'abitaziun. Sön la conformité dl prisc él l’Ofize provinzial Sciazada che tol na dezijiun. 45)

(1)  Al vëgn metü sö le fonds por intervënc d’emergënza tl setur dl frabiché abitatif alisiré. Na situaziun d’emergënza vëgn da chëstes catastrofes naturales: tremoroc, rogossies, roes, sdramades y lovines; ater co nia le medefüch. 46)

(1-bis)  L’azertamënt de na situaziun d’emergënza preodüda dal coma 1 vëgn fat sce al vá assolutamënter debojëgn da fá sö te n ater post i fabricac urbans, dala conferënza di sorvisc coordinada dal Ofize provinzial Proteziun zivila. Ala conferënza di sorvisc tolel pert l’ombolt dl comun interessé y n rapresentant por vignöna de chëstes repartiziuns provinziales y vignun de chisc ofizi provinziai: Repartiziun Natöra, paesaje y svilup dl teritore, Repartiziun Costruziuns idrauliches, Repartiziun Bosć, Repartiziun Frabiché abitatif, Ofize Geologia y proes materiai y Ofize Proteziun zivila. 47)

(1-ter)  Al é ince na situaziun d'emergënza sce al é da ciafé amiant te frabicac d'abitaziun esistënc de proprieté de porsones privates, tuc fora i frabicac aziendai. Por la remoziun y la desmandrada dl amiant vëgnel conzedü n contribut de n iade. La Junta provinziala stabilësc cun na süa deliberaziun i criters y les modalités por la conzesciun dl contribut. 48)

(2)  Le fonds vëgn destiné:

1. por la conzesciun de contribuć por dortoré o recostruì frabicać d’abitaziun sc’ai à les carateristiches d’abitaziuns popolares o economiches;
2. por la costruziun de ćiases popolares daldöt a ćiaria dla Provinzia da ti assegné adinfit a families dala stënta y restades zënza n tët;
3. por la cumpra de ćiases d’abitaziun che ne à nia les carateristiches de ćiases de lus da ti assegné adinfit a families che é restades zënza n tët;
4. por la conzesciun de contribuć ai comuns por la cumpra y l’urbanisaziun primara de terac da frabiché che va debojëgn por fà indô sö frabicać desdrüć;
5. por la conzesciun de contribuć “una tantum” a families;
6. por la conzesciun de contribuć por realisé laûrs de segurëza geotecnica che va debojëgn por frabicać residenziai a gauja de catastrofes naturales;49)
7. por la conzesciun de contribuc por la remoziun y la desmandrada dl amiant dai frabicac d'abitaziun esistënc de proprieté de porsones privates, tuc fora i frabicac aziendai. 50)

(3)  Sce por rajuns de segurëza ne po i frabicać d’abitaziun nominà tl coma 2, lëtra a) nia plü gnì fać sö tla medema posiziun spo po la recostruziun gnì fata te n ater post tl raiun dl comun tochè dala catastrofa.

(4)  Sce por fá indô sö frabicac desdrüc mëssel gní chirí terac da frabiché nüs, vëgn i termins preodüs dala lege provinziala di 10 de messé dl 2018, n. 9, y mudaziuns suandëntes, por la prozedöra che reverda la mudaziun dl plann comunal por le raiun y la contrada, smendris dl mez. I terac da frabiché che vëgn a chësta manira metüs a desposiziun vëgn espropriá por intier dai comuns y zedüs en proprieté ai damananc che mëss ti dé lassura al comun la spersa olache al ê le frabicat desdrüt. 51)

(5)  I laûrs da fà aladô de chësta seziun é de utilité publica, de prescia y nia da podëi sburlé por dötes les faziuns de lege. Por l’espropriaziun de sperses che va eventualmënter debojëgn por la recostruziun vëgnel apliché l’articul 8, coma 1, dla lege provinziala di 15 d’aurì 1991, nr. 10 y mudaziuns suandëntes.

(1)  Por la reparaziun o la recostruziun di frabicać d’abitaziun aladô dl articul 30, coma 2, lëtra a) vëgnel conzedü contribuć de n iade te na mosöra dal 30 al 70 porcënt dles spëises ametüdes.

(2)  Le limit mascimal dles spëises ametüdes por la reparaziun o la recostruziun é metü adöm dai cosć de costruziun convenzionai dl frabicat dortoré o fat sö danü, calcolà aladô dl articul 7 y che ne po te vigni caje nia jì sura i cosć de costruziun por lege de n cuartier popolar cun na spersa convenzionala de 160 metri cuadrać.

(3)  Por spëises majeres gaujades dal fat de messëi respetè i lians metüs dant dales normes por la sconanza y la conservaziun dl patrimone storich, artistich y popolar y de chëres sön la sconanza dla contrada, aumentëia le contribut dl 25 porcënt.

(4)  Sce sön le frabicat danejè o desdrüt da na catastrofa naturala él na ipoteca por n imprëst tut sö por la costruziun dl frabicat instës vëgnel conzedü n contribut de n iade por paié les rates che toma tratan le tëmp nezesciar por fà i laûrs de reparaziun o de recostruziun che po ester al mascimo de dui agn.

(5)  Pro la conzesciun di alisiramënć aladô dl coma 1 vëgnel tut en conscidraziun le davagn complessif dla familia determiné aladô dl articul 58.

(6)  Al vëgn inće conzedü i alisiramënć sce le damanant à intenziun de cumprè n’abitaziun popolara impede fà sö danü le frabicat desdrüt dala catastrofa naturala. Por gauja di cosć de spersa y de urbanisaziun che röia laprò vëgn le contribut aumentè dl diesc porcënt.

(7)  Sce na pert dl frabicat danejè o desdrüt é gnüda dada en afit a na picia dita aladô dl articul 2083 dl codesc zivil por l’eserzize d’ativitês economiches vëgn i alisiramënć por la recostituziun de chësta pert dl frabicat dà al proprietar, mo la destinaziun d’adoranza originara mëss restè anfat.

(8)  I contribuć de n iade por mosöres de segurëza geotecnica vëgn conzedüs tla mosöra dl 70 porcënt di cosć lascià pro.52) 

(1)  Degöna rajun da ciafè contribuć aladô dl articul 30, coma 2, lëtra a) n’à:

1. i proprietars de frabicac danejá fac sö en contradiziun cun les normes dla lege provinziala di 10 de messé dl 2018, n. 9, y mudaziuns suandëntes, y por chi ch’al n’é nia gnü dé fora la conzesciun da frabiché dopró;  53)
2. chi che n’ademplësc nia la condiziun aladô dl articul 45, coma 1, lëtra b);
3. i componënc de families che á n davagn majer co chël preodü dal articul 58, coma 1, lëtra d); 54)55)
4. i proprietars de n’abitaziun pro chëra che i dagns gaujà da na catastrofa naturala, tolon ite inće i dagns por la pordüda de mebli, aredamënt, guanć y patüc de ćiasa fej fora manco co le 4 porcënt di cosć de costruziun por lege; chësta rajun d’estlujiun ne vel nia sce le davagn complessif dla familia dl proprietar é mënder co le minimum ch’an adora por vire aladô dla lege provinziala di 26 d’otober 1973, nr. 69.

(2)  Les rajuns d’estlujiun aladô dl coma 1 ne vel nia sce l’abitaziun miorada o fata sö danü é vincolada aladô dl articul 79 dla lege provinziala di 10 de messé dl 2018, n. 9, y mudaziuns suandëntes. Te chësc caje ne po le contribut de n iade nia jí sura le 30 porcënt di cosc conzedüs. Sce l’abitaziun ê afitada ia dan la catastrofa spo ti mëssel gní conzedü al afitadin le dërt de jí zoruch tl’abitaziun. 56)

(1)  Les domandes por la conzesciun de contribuć aladô dl articul 31 mëss gnì dades jö tla Repartiziun provinziala frabiché abitatif tl tëmp de 180 dis dala catastrofa.

(2)  Ala domanda mëssel gnì injuntè n protocol d’azertamënt scrit fora dal Ofize tecnich dl comun competënt dan inće dant les obieziuns dles porsones tocades. Tl protocol él da dè dant le numer y la destinaziun d’adoranza di locai dl frabicat desdrüt o danejè dan dal avenimënt sciöche inće l’amunta di cosć probabli por i laûrs de recostruziun. Por le medemo fin pol gnì presentè le protocol scrit fora eventualmënter dai funzionars dl Ofize tecnich dl frabiché alisiré dla Provinzia ti dis atira do la catastrofa, tan inant ch’al contëgn i dać nominà.

(3)  Sön la basa dla documentaziun aladô dl coma 2 desponn l’assessur provinzial por le frabiché abitatif la conzesciun dl contribut a bëgn de chi che à le dërt.

(1)  I contribuć de n iade por la cumpra de terac da frabiché aladô dl articul 30, coma 2, lëtra d) vëgn deposità dal assessur provinzial por le frabiché abitatif sön la basa dl decret dl Presidënt dla Junta provinziala aladô dl articul 5 dla lege provinziala di 15 d’aurì 1991, nr. 10.

(2)  I contribuć de n iade por l’urbanisaziun primara di terac da frabiché aladô dl articul 30, coma 2, lëtra d) vëgn conzedüs dal assessur provinzial por le frabiché abitatif sön la basa dl proiet di laûrs aprovè regolarmënter.

(1)  Ales families che a gauja de na catastrofa à pordü mebli, aredamënt, guanć y patüc de ćiasa daldöt o en pert ti vëgnel conzedü n contribut ćina a 30 miliuns de lires. Chësta soma vëgn spo alzada de dui miliuns de lires por vigni componënt dla familia do dal terzo.

(2)  La sovenziun po gnì conzedüda ćina a n limit mascimal dl 50 porcënt di dagns subis: chisc mëss resulté dal protocol d’azertamënt scrit fora, dan dant les obieziuns dles porsones tocades, dal Ofize tecnich dl comun o dal Ofize tecnich dl frabiché alisiré dal Provinzia ti dis atira do la catastrofa.

(3)  Les sovenziuns vëgn desponüdes dal assessur provinzial por le frabiché abitatif. Pro la conzesciun de chëstes sovenziuns vëgnel tignì cunt dl davagn complessif dla familia.

(4)  La domanda relativa mëss gnì dada jö anter 90 dis dala catastrofa naturala, scenò toma chësc dërt.

(1)  I benefizi aladô de chësc titul vëgn conzedüs suraprò ai alisiramënć dles cutes preodüs dales atres leges varëntes te chësc ćiamp mo ne po indere nia gnì acumulà cun d’atri benefizi statai o provinziai.

(2)  Les modalitês de paiamënt di contribuć aladô de chësta seziun vëgn regolades cun regolamënt d’esecuziun.

(1)  Ai intervënć de emergënza por nezescitês particolares de iustizia avaliada aladô dl articul 2, coma 1, lëtra D2), pol gnì lascè pro damananć che:

1. é bele en proprieté de n’abitaziun;
2. é te na situaziun particolara de bojëgn;
3. é en possès dles condiziuns generales por gnì lascià pro ai alisiramënć por frabiché dla Provinzia aladô dl articul 45 y à a desposiziun n davagn familiar complessif che ne va nia sura chël dl secundo scalin de davagn aladô dl articul 58, coma 1, lëtra a).57)

(1-bis)  Por i damananć che à debojëgn, cun laprò chi che à pordü le post de laûr porvia de lizenziamënt nia por sües gauja, bel anfat sce ai é n mobilité o en cassa integraziun, vëgn la capazité economica valutada, en derogaziun a ći che é desponü dal articul 58, coma 4, cun referimënt ala situaziun de davagn al momënt dla presentaziun dla domanda. . Na situaziun de bojëgn particolara vëgn ince dala mancinaza dl paiamënt dl personal de aziëndes tla crisa por altamo 3 mëisc. La Junta provinziala stabilësc cun deliberaziun i criters por la conzesciun dl sostëgn d’emergënza. 58)

(2)  La situaziun de bojëgn ne po nia ester gnüda a s’al dè por colpa dl damanant y mëss ester tara che le damanant é tl prigo de perde l’abitaziun zënza l’aiüt dla Provinzia.

(3)  Pro la conzesciun de n aiüt te na situaziun d’emergënza él da tignì cunt dla gauja dla situaziun d’emergënza, dles condiziuns economiches, familiares y soziales dla familia dl damanant.

(1)  L’aiüt d’emergënza é la conzesciun de n contribut de n iade o de alplü trëi contribuć anuai costanć; al po gnì conzedü sc’an arata che cun chësc aiüt vëgnel garantì te na manira permanënta la proprieté dl’abitaziun por la familia.

(1-bis) Tl caje de n imprëst de diesc agn zënza fic aladô dl articul 2, coma 1, lëtra R), y dl articul 78-ter o dla deliberaziun dla Junta provinaziala di 10 de jügn dl 2014, n. 691, é l'aiüt d'emergënza fat dla conzesciun de n termo de alplü cin'agn surapró por paié derevers les rates sce an mina che cun chësc aiüt vëgnel metü al sigü la proprieté abitativa dla familia. 59)

(2)  La mosöra dl aiüt d’emergënza ne po indöt nia jì sura le 10 porcënt dl valur convenzional dl’abitaziun che vëgn calcolè aladô dl articul 7.

(3)  Sce a ćiaria dl’abitaziun oget dl alisirimënt aladô dl coma 1 n’él nia bele gnü anotè le lian sozial dl frabiché abitatif alisiré de vint agn 60)  preodü dal articul 62, coma 1, spo él da fà chësta anotaziun tan inant che l’alisirimënt va sura le 5 porcënt dl valur convenzional dl’abitaziun fora. Le lian sozial che vëgn dala conzesciun de n contribut por caji d'emergënza soziala toma cun la mort dla porsona benefiziada. Les normes sön la straicada dl'anotaziun dl lian tl liber fondiar romagn anfat. 61) 62)

(1)  Sc’an arata che l’aiüt d’emergënza damanè ne sides nia adatè a garantì te na manira permanënta la proprieté dl’abitaziun por la familia damanënta o sc’an vëgn sura de chësc do che le contribut é gnü conzedü spo po l’IPFS gnì autorisé a surantó l’abitaziun ales condiziuns dades dant tl articul 29; i contribuć conzedüs aladô dl articul 38 mëss gnì trać jö.

(2)  L’IPFS ti surandà al proprietar da denant l’abitaziun cumprada o n’atra abitaziun adatada al bojëgn de süa familia. Le proprietar da denant devënta insciö por faziun dla lege assegnatar de n’abitaziun dl IPFS.

(1)  Oget di alisiramënć por frabiché dla Provinzia por fà sö y cumprè abitaziuns por le bojëgn primar de n’abitaziun po ma ester abitaziuns che à les carateristiches de abitaziuns popolares.

(2)  Oget di alisiramënć por frabiché dla Provinzia por recuperè abitaziuns po ester sides les abitaziuns che à les carateristiches de abitaziuns popolares che chëres che à les carateristiches de abitaziuns economiches.

(3)  Tan dî che le lian sozial por le frabiché abitatif alisiré aladô dl articul 62 é anotè tl liber fondiar ne po abitaziuns che é bele stades n iade oget de alisiramënć por frabiché dla Provinzia por fà sö, cumprè o recuperè abitaziuns por le bojëgn primar de n’abitaziun nia ester oget de alisiramënć por frabiché dla Provinzia por la cumpra de abitaziuns aladô de chësta seziun. Chësta rajun d’estlujiun ne vel nia sce le lian sozial por le frabiché abitatif alisiré é ma gnü anotè porvia che l’abitaziun é gnüda realisada sön n terac destiné al frabiché abitatif alisiré.63) 

(4)  Por gnì lasciades pro al alisirimënt de recuperada mëss les abitaziuns avëi almanco 25 agn. Le medemo vel por d’atri frabicać che n’à nia na destinaziun d’adoranza sciöche abitaziun mo che mëss gnì trasformà te abitaziuns. Sce ti 25 agn dan la domanda él gnü fat certi laurs de recuperada alisirá pro l'abitaziun, ne vëgnel ma por chësta sort d'intervënc dé degun alisiramënt. 64) 65)

(5)  Ai alisiramënc por recuperé abitaziuns vëgnel lascé pro i intervënc de recuperada aladô dl articul 62, coma 1, lëtres b), c) y d) dla lege provinziala di 10 de messé dl 2018, n. 9, y mudaziuns suandëntes, cun lapró la demoliziun totala y la recostruziun. La recostruziun pó gní fata tl medemo post o atira dlungia. Sce le frabicat da trá jö é te n post olache al é la proibiziun da frabiché por costruziuns nöies spo pól gní lascé pro al alisirimënt por la recuperada ince la recostruziun dl frabicat te n ater post. 66) 

(6)  Por faziun di alisiramënc por frabiché provinziai regolamentá da chësta seziun y dala seziun 7 vëgnel conscidré ampliamënc de cubatöra cina al 20 porcënt sciöche recuperada. Te vigni caje vëgnel araté na recuperada sce al vëgn amplié tla mosöra mascimala n volum bele esistënt, trasformé te n'abitaziun popolara aladô dl articul 41, ince mudan la destinaziun d’adoranza, cun na suraspera da d'adoré cina a 110m2. Sce al vëgn anuzé le bonus d'energia por le ressanamënt energetich preodü dal articul 3 dla deliberaziun dla Junta provinziala di 5 d'agost dl 2104, n. 964 vel sciöche recuperada i somasc nia abitabli en regola che vëgn recuperá por gní abitá ince sce an vá sura le 20 porcënt dl ampliamënt de cubatöra, sce chisc somasc vëgn alzá cina a arjunje la mosöra che ó ester por l'abitabilité. La cubatöra implü pó ma gní anuzada sön somas y la suraspersa abitabla dl'unité abitativa dl'abitaziun ne pó nia superé chëra de n'abitaziun popolara aladô dl art. 41. 67) 68) 

(7)  Cun regolamënt d’esecuziun vëgnel regolè i standarg minims por i intervënć de recuperada. I standarg mëss inće tó en conscidraziun le respet dles normes por les limitaziuns dl’adoranza d’energia por i implanć da scialdè, de chëres dl’isolaziun termica di frabicać aladô dla lege di 9 de jenà 1991, nr. 10 y inće de chëres dles leges provinziales che reverda i provedimënć cuntra l’incuinamënt acustich.

(8)  I alisiramënć por la recuperada vëgn paià fora do avëi dè jö la documentaziun aposta. 69)

(1)  Le relevamënt unifiché dl davagn y dl patrimone por ti podëi pormez ales prestaziuns economiches tl setur dl frabiché abitatif alisiré vëgn determiné cun regolamënt d’esecuziun. 70)

(1)  Por che n’abitaziun vëgnes conscidrada n’abitaziun popolara ne pora nia avëi les carateristiches de n’abitaziun de lus aladô dl decret ministerial di 2 d’agost 1969 y ara mëss:

1. avëi almanco un y nia plü co cinch locai d’abitaziun suraprò ai locai secundars (ćiasadafüch, bagn, tloset, local de deponüda y entrada);
2. formè n’abitaziun independënta;
3. ademplì les condiziuns odüdes danfora dai regolamënć por l’igiena y le frabiché;
4. tó ite na spersa abitativa ütla nia sot ai 28 y nia sura i 110 metri cuadrać.

(2)  Abitaziuns popolares vëgn inće conscidrades chës abitaziuns che é gnüdes fates sö sön la basa dla conzesciun da frabiché dada fora denant che la lege provinziala di 25 de novëmber 1978, nr. 52 (30 de dezëmber 1978) jiss en forza, olache la spersa abitativa ütla ne va nia sura i 130 metri cuadrać; les atres carateristiches d’abitaziun popolara aladô dl coma 1 mëss indere valëi inant.

(3)  Por les families ch’é metüdes adöm da plü de cinch componënć po la spersa abitativa ütla gnì aumentada de 15 metri cuadrać o, tl cheder de chësc limit, pol gnì ajuntè n local d’abitaziun por vigni componënt do dal cuinto.

(3-bis)  Sön la basa dl majer bojëgn d’abitaziun de na familia, te chëra che al vir na porsona cun n handicap fisich permanënt, stabilësc la Junta provinziala te 180 dis i criters cun chi che ara tëgn cunt dl aumënt dl bojëgn abitatif pro l’assegnaziun de abitaziuns en locaziun y te düć i provedimënć dl frabiché alisiré. 71) 

(4)  Tl caje ch’al vëgn recuperè abitaziuns pol gnì desvié por rajuns de sconanza di bëgns culturai, de sconanza dla contrada y de sconanza dl carater unich dl post dales prescriziuns indicades tl coma 1, lëtres b) y d).

(5)  Le damanant pó s’arjigné, surapró al’abitaziun oget dl alisirimënt por frabiché, ciamó n’abitaziun che fej fora n’unité imobiliara autonoma. Por chësta abitaziun mëssel gní surantut les oblianzes dl frabiché convenzioné preodü dal articul 39 dla lege provinziala di 10 de messé dl 2018, n. 9, y mudaziuns suandëntes. Tl caje de na costruziun nöia ne pó la spersa abitativa dl’abitaziun suplementara nia ester majera co le 50 porcënt dla spersa abitativa dl’abitaziun oget dl alisirimënt. Tl caje de recuperada ne pó la spersa abitativa dl’abitaziun suplementara nia ester majera co la spersa abitativa dl’abitaziun oget dl alisirimënt. 72) 

(6)  Le damanant po realisé, suraprò al’abitaziun oget dl alisirimënt por frabiché, locai che fej fora n’unité imobiliara autonoma, por l’eserzize profescional de n’ativité de na picia dita aladô dl articul 2083 dl codesc zivil da pert dl damanant o dla fomena o dl om che convir. Sc’ara se trata de n’ativité de prestaziun de sorvisc ne po la spersa ütla de chisc locai nia ester majera co chëra dl’abitaziun alisirada; chësta limitaziun ne vel nia sc’ara se trata de n’ativité aladô dla lege provinziala di 14 de dezëmber 1988, nr. 58, “Normes tla materia di eserzizi publics”.

(7)  D’atres carateristiches dles abitaziuns popolares po gnì stabilides cun regolamënt d’esecuziun.

(8)  Ai alisiramënć por la recuperada de abitaziuns por le bojëgn primar de n’abitaziun pol inće gnì lascè pro i proprietars d’abitaziuns te frabicać olache le proprietar afitëia bele da almanco cinch agn ćiamenes y abitaziuns de vacanza aladô dla lege provinziala di 11 de mà 1995, nr. 12, o à n’ativité de agriturism aladô dla lege provinziala di 14 de dezëmber 1988, nr. 57 o eserzitëia n’ativité turistica aladô dla lege provinziala di 14 de dezëmber 1988, nr. 58.

(1)  Abitaziuns economiches vëgn conscidrades chës abitaziuns che à les carateristiches aladô dl articul 41, coma 1, lëtres b) y c) y nia plü de diesc locai abitatifs suraprò ai locai secundars, y te vigni caje na spersa abitativa ütla de nia plü de 160 metri cuadrać.

(2)  D’atres carateristiches dles abitaziuns economiches po gnì odüdes danfora cun regolamënt d’esecuziun.

(3)  Por rajuns de sconanza dla contrada, dla sconanza di bëgns culturai y de sconanza dl carater unich dl post pol gnì desvié dales prescriziuns aladô dl coma 1.

(1)  L’abitaziun vëgn conscidrada adeguada sce la spersa abitativa ütla de chësta n’é nia mëndra co 28 metri cuadrać por öna na porsona. Chësta spersa vëgn aumentada de 15 metri cuadrać por vigni porsona implü. La spersa abitativa po gnì aumentada presentan na domanda motivada por porsones sön n scagn da rodes y por chës porsones che à debojëgn de personal assistënt.

(2)  N'abitaziun saurida da arjunje vëgn definida insciö sön la basa dla destanza y dla desfarënzia d'altëza danter l'abitaziun y le post de laur o de residënza dla damananta/dl damanant. N'abitaziun vëgn aratada saurida da arjunje sce ara n'é nia plü co 40 chilometri dainciará dal post de laur o dala residënza dla damananta/dl damanant. Sce l'abitaziun o le post de laur o la residënza é a plü co 1000 metri d'altëza sura le livel dl mer vëgnel tut ca na destanza de 30 chilometri por definí n'abitaziun saurida da arjunje. 73) 74) 75)

(3)  Abitaziuns che é en proporziun al numer di componënć dla familia suraimplenides aladô dl regolamënt d’esecuziun ne po nia ester oget de alisiramënć por frabiché.

(1)  Por gnì lascià pro ai alisiramënć por frabiché dla Provinzia por fà sö, cumprè y recuperè abitaziuns por le bojëgn primar de n’abitaziun mëss i damananć ademplì chëstes condiziuns generales:

1. avëi da almanco cinch agn la residënza o le post de laûr tla provinzia;
2. ne ester nia proprietars de n’abitaziun adeguada al bojëgn dla familia y saurida da arjunje, n’avëi nia le dërt de nüz, de adoranza, o de abitaziun de n te’ cuartier, o avëi zedü ti cin agn dan la presentaziun dla domanda la proprieté, le dërt de nüz, de adoranza, o de abitaziun de n te’ cuartier; le medemo vel por la fomena o l’om nia despartì y por la porsona che convir te na relaziun somiënta al matrimone;
3. ne fà nia pert de na familia che é gnüda lasciada pro a n contribut publich por fà sö, cumprè o recuperè n’abitaziun, ater co sc’al vëgn metü sö na familia nöia;
4. n’avëi nia n davagn complessif che va sura i limić de davagn mascimai stabilis te na manira desfarënta dal articul 58 aladô dles sorts desvalies de alisiramënć por frabiché;
5. avëi n davagn netto nia sot al minim vital calcolé aladô dla lege provinziala di 26 d’otober dl 1973, n. 69.  77)

(2)  La condiziun dada dant tl coma 1, lëtra a) ne vëgn nia aplicada ai damananć emigrà foradecà che ê residënć tla provinzia da almanco cinch agn dan l’emigraziun y che à intenziun de portè indô süa residënza tla provinzia. Le medemo vel por süa fomena o so om nia despartì.

(3)  Tl caje ch’al vëgn recuperè n’abitaziun por le bojëgn primar de n’abitaziun dl proprietar ne vëgnel nia apliché la rajun d’estlujiun dada dant tl coma 1, lëtra b), gnanca tl caje che le proprietar à alienè tl medemo frabicat olach’al é l’abitaziun da recuperè d’atri cuartiers a parënć en ligna direta.

(4)  Tl caje che na domanda por ciafè alisiramënć por frabiché vëgn refodada y vëgn renovada anter 60 dis dala comunicaziun dla refodanza ne vëgn la condiziun aladô dl coma 1, lëtra b), ma por ći che reverda l’abitaziun oget dla pröma domanada, nia aplicada sce les condiziuns por gnì lascià pro al alisirimënt por frabiché gnô ademplides tl momënt dla presentaziun dla pröma domanda.

(5)  La condiziun aladô dl coma 1, lëtra c) ne vëgn nia aplicada por la recuperada sc’al é passè almanco 25 agn da canch’al é gnü conzedü l’ultimo alisirimënt por la medema abitaziun y tl caje de n imprëst sce chësc é gnü paié jö deplëgn.

(6)  La rajun d’estlujiun dada dant tl coma 1, lëtra b), ne vëgn nia aplicada sc’al é oget dl intervënt de frabica n’abitaziun cun na spersa abitativa sot ai 110 metri cuadrać che à debojëgn de gnì recuperada y che tres l’intervënt de frabica proietè vëgn ampliada ćina a arjunje le limit preodü por n’abitaziun popolara aladô dl articul 41.78) 

(7)  La rajun d’estlujiun dada dant tl coma 1, lëtra b), ne vëgn nia aplicada sce l’abitaziun vëgn espropriada a gauja dl ütl publich o sc’ara vëgn zedüda de bona al ënt espropriënt ti caji olache l’espropriaziun por ütl publich é preodüda dala lege. La rajun d’estlujiun nominada chilò dessura ne vëgn gnanca aplicada sce le proiet aprovè vëiga danfora la demoliziun dl’abitaziun esistënta.79) 

(8)  Por calcolè la dorada minima dla residënza tla provinzia aladô dl coma 1, lëtra a) vëgnel inće tut en conscidraziun la residënza storica.80)

(9)  La gauja de estlujiun preodüda dal coma 1, lëtra c) ne vëgn nia aplicada sce le damandant, che à bele n’alisiraziun dl frabiché, renunziëia a chësta alisiraziun cun faziun pian ia dala data dl’amisciun dl’alisiraziun y dà derevers dötes les somes ciafades, cun laprò i interesc legai pian ia dala data dl’erogaziun.81)

(10)  Por faziun dl coma 1, lëtra b), vëgnel inće conscidré les abitaziuns dles sozietês de porsones o de sozietês a responsabilité limitada pro chëres che al alda la porsona che damana o so om o süa fomena.81)

(11)  La condiziun preodüda dal coma 1, lëtra e), ne vëgn nia aplicada ai zitadins che tol en afit n'abitaziun cun le lian sozial o realisé sön terac alisiré o convenzioné aladô di articui 71 y 71-bis. 82)

(12)  La condiziun preodüda dal coma 1, lëtra e) ne vëgn nia aplicada ai suzessurs tl alisiramënt por frabiché preodü dal articul 69 y mudaziuns suandëntes. 83)

(13) Le recuisit preodü dal coma 1, lëtra e), de chësc articul ne vëgn nia damané sce un di componënc dla familia dé dant tl articul 7-ter, coma 1, lëtraes da a) a f), dl decret dl Presidënt dla Junta provinziala di 15 de messé dl 1999, n. 42, é na porsona cun n'invalidité zivila o dl laur nia sot al 74 porcënt, na porsona vercia zivila o surda, cun n'invalidité de vera dala pröma ala cuarta categoria, o te na situaziun de handicap aladô dl articul 3 dla lege di 5 de forá dl 1992, n. 104. 84)

(1) 85) 

(2)  Ales porsones che ti trasferësc al om o ala fomena, do la separaziun personala, l’anulaziun o la zessada di efeć zivii dl matrimone, la proprieté, la comproprieté, le dërt a vita de nüz o de abitaziun sön l’abitaziun, ne vëgnel nia apliché les rajuns de estlujiun preodüdes dal articul 45, coma 1, lëtra b) y c).

(2-bis)  Les desposiziuns preodüdes dal coma 2 vëgn aplicades sce le trasferimënt vëgn a se le dé insciö:

1. sön la basa dl provedimënt iudiziar de separaziun, anulaziun o zedüda di efec zivii dl matrimone o dl provedimënt iudiziar de mudaziun dles condiziuns de separaziun o devorz;
   
2. sön la basa dl’acordanza de separaziun personala, de anulaziun o zedüda di efec ziviii dl matrimone sciöche ince de mudaziun dles condiziuns de separaziun o devorz, arjunta cun tratatives d’assistënza legala;
   
3. sön la basa de n contrat stlüt jö aladô dles desposiziuns che é tl provedimënt preodü dala lëtra a) o tl’acordanza preodüda dala lëtra b);
   
4. do dal’acordanza de separaziun personala, de anulaziun o de zedüda di efec ziviii dl matrimone stlüta jö dan l’ofizial de stat zivil de comun. Te chësc caje mëss le trasferimënt gní a se le dé ales condiziuns y ti termi che vëgn stabilis cun regolamënt d’esecuziun. 86)
   

(3)  Ales porsones che perd la desponibilité dl’abitaziun, do la separaziun personala, l’anulaziun o la zessada di efeć zivii dl matrimone o de n ater provedimënt iudiziar tl ćiamp dl dërt de familia, nia gaujé dal’adoranza de violënza, ne vëgnel nia apliché les rajuns de estlujiun preodüdes dal articul 45, coma 1, lëtres b) y c), por ći che reverda le aiüt finanziar por l’abitaziun y l’assegnaziun de abitaziuns dl frabiché sozial adinfit.

(4)  Ales porsones che perd l’abitaziun tres la lizita iudiziara ne vëgnel nia apliché les rajuns de estlujiun preodüdes dal articul 45, coma 1, lëtres b) y c), por ći che reverda le aiüt finanziar por l’abitaziun y l’assegnaziun de abitaziuns adinfit dl frabiché sozial.87)

(1)  Por gnì lascià pro ai alisiramënć por frabiché dla Provinzia por fà sö, cumprè y recuperè abitaziuns por le bojëgn primar de n’abitaziun mëss i damananć avëi complì 23 agn sc’ara se trata de damananć nia maridà che n’à da fistidié por le vire de degügn de familia. Chësta condiziun ne vëgn nia aplicada a damananć te na situaziun de handicap.88)

(2)  Sce i geniturs, i joceri o i mituns di damananć é proprietars te n post saurì da arjunje dal post de laûr o de residënza dla porsona che damana, de na spersa abitativa che à n valur convenzional sura la soma ch’al vëgn fora dal valur convenzional de n’abitaziun popolara de 100 metri cuadrać moltiplicà por le numer di mituns, plü un, vëgn i damananć stlüć fora dai alisiramënć por frabiché dla Provinzia por fà sö y cumprè abitaziuns. Dal valur convenzional dles abitaziuns vëgnel trat jö i imprësć ipotecars tuć sö por fà sö o cumprè chëstes abitaziuns. Por i fins dla calcolaziun vëgnel inće tut en conscidraziun les abitaziuns alienades tratan i cinch agn dan la presentaziun dla domanda.Por faziun de chësc coma vëgnel conscidré inće les abitaziuns de proprieté de sozietês de porsones o de sozietês a responsabilité limitada pro chëres che al alda i geniturs o i joceri. Al ne vëgn nia tignì cunt dl patrimone d’abitaziun di joceri tl caje de mort dla fomena o dl om da chël ch’al vëgn le lian d’afinité y gnanca tl caje de desliaziun o fin dles faziuns ziviles dl matrimone.88)

(2-bis)  Sce al al fej pert dl patrimone imobiliar di geniturs, joceri o mituns n mêsc stlüt, ne vëgnel nia tigní cunt dl valur convenzional dles abitaziuns che fej pert dl mêsc stlüt. Le valur convenzional dles atres abitaziuns vëgn partí sö por le numer di mituns manco un. 89) 90)

(3)  Les condiziuns aladô dl articul 45 y aladô dl coma 1 mëss gnì ademplides tl momënt dla presentaziun dla domanda. La rajun d’estlujiun aladô dl coma 2 ne po nia ester tl momënt de presentaziun dla domanda.

(4) 91)

(5)  92) 

(6) 93) 

(1)  Damananć maridà po gnì lascià pro deboriada ai alisiramënć por frabiché dla Provinzia por fà sö, cumprè y recuperè n’abitaziun; chësc vel inće sce ma un di dui à les condiziuns dla dorada de cinch agn dla residënza o dl post de laûr aladô dl articul 45, coma 1, lëtra a) y dl’ativité permanënta de laûr dependënt o autonom aladô dl articul 46, coma 1, lëtra b).94)

(1)  Pro la conzesciun d’alisiramënć por frabiché dla Provinzia mëssel gnì tut en conscidraziun dantadöt:

1. les condiziuns economiches dla familia y inće les condiziuns economiches dla porsona che convir te na relaziun somiënta al matrimone;
2. le numer dles porsones che fej pert dla familia;
3. la dorada dla residënza te un o plü comuns dla provinzia.

(2)  D’atri criters de preferënza é:

1. le sfrat nia por gauja de inademplimënt dles oblianzes dl contrat o de imoralité tan inant ch’al reverda n contrat d’afit tomé che á doré almanco trëi agn y a condiziun che le damanant desmostres tres n zertificat dl ofize anagrafich d’avëi albü por almanco trëi agn alalungia la residënza te chë abitaziun da olache al vëgn sciuré fora; 96)
2. la revocaziun de cuartiers de sorvisc por ponsionamënt por avëi arjunt le limit d’eté anagrafica o de sorvisc, o por mort dla fomena o dl om che â chësc dërt y a condiziun che le damanant à ocupé cuartiers de sorvisc dan le ponsionamënt por almanco diesc agn;
3. l’ester inćiasè te n cuartier detlarè nia da podëi abité aladô dla lege;
4. l’ester inćiasè te n cuartier surafolè;
5. le mëte sö na familia nöia;
6. la situaziun olache le damanant o n mëmber dla familia por chël ch’al mëss ćiamò gnì fistidié é mutilé, invalid dl laûr o invalid zivil.

(3)  97)

(4)  Chi che fej domanda mëss dé dant la consistënza dl patrimone abitatif di geniturs, di joceri y di mituns tres na detlaraziun fata aladô dl articul 47, coma 1 dl decret dl Presidënt dla Republica di 28 de dezëmber dl 2000, n. 445. Al é ince da dé dant les abitaziuns che é gnüdes alienades ti cin’agn dan la presentaziun dla domanda.  98)

(5)  Cun regolamënt d’esecuziun vëgnel stabilí le numer de punc che vëgn atribuí ai criters de preferënza preodüs dai comesc 1 y 2. Por ti podëi pormez ai alisiramënc por frabiché por la costruziun y la cumpra de abitaziuns por le bojëgn abitatif primar vëgnel damané 20 punc.  99)

(6)  Le numer de punć por le sfrat vëgn reconesciü sce la domanda por i alisiramënć vëgn presentada anter chisc terminns:

1. tl caje ch’al vëgn convalidé la desdita deache l’afitanza é rovada, do che le contrat d’afit é tomè y te vigni caje anter n ann;
2. tl caje ch’al vëgn convalidé le sfrat anter n ann dal provedimënt che convalidëia le sfrat.

(7)  Te vigni caje vëgn le numer de punć por le sfrat reconesciü ćina che le damanant ocupëia inant l’abitaziun o à n’atra sistemaziun provisora.

(8)  Por l’atribuziun dl numer di punć por le sfrat ne vëgn i sfrać danter parënć en ligna direta nia reconesciüs.

(9)  Ales families tocades dal sfrat aladô dl coma 2, lëtra a) vëgnel parifiché l’om o la fomena cun mituns a süa ćiaria, che mëss s’un jì dal’abitaziun do s’avëi despartì. Sce do da trëi agn dala separaziun ne vëgnel nia presentè anter i sis mëisc che vëgn domanda de deslié o anulè les faziuns ziviles dl matrimone y sce dedô ne vëgnel nia metü dant la sentënza definitiva por deslié o anulè les faziuns ziviles dl matrimone, spo vëgnel revochè l’alisiramënt por frabiché, sce le numer di punć por le sfrat é stè determinant por l’amisciun al alisiramënt.

(1)  Les domandes por n alisiramënt por frabiché po gnì dades jö tratan döt l’ann pro la Repartiziun provinziala frabiché abitatif.

(2)  La Junta provinziala po tó la dezijiun de sospëne la presentaziun dles domandes te certes periodes de tëmp.

(3)  Les domandes vëgn tresfora ametüdes do l’ordinn cronologich dla presentaziun. Les domandes che ne vëgn nia lasciades pro tl ann corënt vëgn ametüdes tl ann che vëgn do cun priorité respet a chëres presentades dedô.

(4)  La junta provinziala po fà fora, inće mudan o integran ći che é bele gnü regolamentè ti comesc dessura, d’atres modalitês y d’atri criters por presentè les domandes d’alisiraziun por les categories di intervënć preodüs dal articul 2, inće tres gradatöres. La junta provinziala fej fora les ressurses finanziaries che alda laprò. 100)

(1)  Ala domanda de alisiramënt por frabiché mëssel gní injunté la conzesciun da frabiché o la segnalaziun zertificada de scomenciamënt di laurs (SZSL) sce ara se trata de na costruziun o de na recuperada, y le contrat de cumpra preliminar registré, sce ara se trata de na cumpra, sciöche ince la documentaziun preodüda cun regolamënt d’esecuziun. Por i laurs de recuperada por chi che al é scrit dant aladô dla lege provinziala di 10 de messé dl 2018, n. 9, y mudaziuns suandëntes, na comunicaziun de scomenciamënt di laurs confermada (CSLC) dl proietist, bastel na proa che la comunicaziun de scomenciamënt di laurs confermada é gnüda dada jö te comun. 101)

(2)  Ai alisiramënc provinziai por frabiché por la cumpra pól ince gní ametü damananc/damanantes che á bele stlüt jö le contrat de cumpra definitif sce la domanda vëgn dada jö anter dodesc mëisc dala registraziun dl contrat de cumpra. 102) 103)

(1)  Les abitaziuns alisirades mëss gnì ultimades y abitades dala porsona benefiziada y dai familiars dà dant tla domanda de alisirimënt por frabiché anter trëi agn da canche l’alisirimënt é gnü aprovè. Sön domanda motivada dla porsona benefiziada po l’assessur provinzial por le frabiché abitatif prolungé de n ann chësc terminn. Terminns plü lunć po ma gnì conzedüs por condiziuns che n’à nia da fà cun l’orentè dl benefiziar y che intardiëia i laûrs.

(2)  Sc’al vëgn cumprè abitaziuns che é bele olach’ara ne va nia debojëgn de intervënć de recuperada mëss l’abitaziun gnì abitada te na manira permanënta tl tëmp de n ann da canche l’alisirimënt é gnü aprovè.

(3)  Sce i terminns indicà ti comesc 1 y 2 passa debann spo detlarëia l’assessur provinzial por le frabiché abitatif che l’alisirimënt por frabiché é tomè. La porsona benefiziada mëss paié zoruch les somes ciafades cun laprò inće i fić legai.

(4)  Sce le benefiziar dl’alisiraziun edilizia é na porsona obligada a tó ite sön la basa de n contrat de laûr n’abitaziun de sorvisc, pol damanè l’autorisaziun da ocupé l’alojamënt alisiré ma do avëi stlüt jö le raport de laûr. Por la dorada dl raport de laûr l’abitaziun mëss gnì dada en afit aladô dl articul 63, coma 4.104)

(1)  Te n ann dai terminns dà dant tl articul 50 por rové y jì ite tl’abitaziun mëssel gnì scrit ite tl liber fondiar, a ćiaria dl’abitaziun alisirada, le lian sozial de frabiché abitatif alisiré y al mëss gnì presentè la documentaziun damanada dal regolamënt de esecuziun por l’erogaziun dl’alisiraziun dl frabiché.

(2)  Sön domanda dla porsona benefiziada, olache al resultëia ćiodì che ara ne n’é nia jüda da tignì ite le terminn, po l’assessur provinzial por le frabiché abitatif proroghé de n ann chësc terminn. Terminns plü lunc po ma gnì conzedüs por fać che ne depënn nia dala porsona benefiziada.

(3)  Sce i terminns preodüs dai comes 1 y 2 toma zënza che an s’ais anuzé de chisc, desponn l’assessur provinzial por le frabiché abitatif la tomanza dl’alisiraziun dl frabiché. La porsona benefiziada mëss rete les somes ciafades cun laprò i fić legai.105)

(1)  I alisiramënć por frabiché dla Provinzia por fà sö, cumprè y recuperè n’abitaziun personala por le bojëgn primar de n’abitaziun é:

1. la conzesciun de imprësć zënza fić por na dorada de chinesc o vint agn; 106)
2. la conzesciun de contribuć de fić costanć sön imprësć che döra chinesc agn; 107)
3. la conzesciun de contribuć costanć por diesc agn;
4. la conzesciun de contribuć de n iade.

(1)  Por la conzesciun de imprësć zënza fić, preodüs dales lëtres E1) y F1), coma 1, dl articul 2, él gnü metü sö le fonds de rotaziun por le frabiché abitatif alisiré. Te chësc fonds röiel i mesi preodüs tl program anual di intervënć aladô dl articul 6 por les sorts d’intervënt dades dant tles lëtres E1) y F1), coma 1, dl articul 2, les somes che vëgn zoruch dai imprësć conzedüs da chësc fonds, i profić dles obligaziuns che é gnüdes cumprades dal comitê por le frabiché residenzial aladô dl articul 9-bis dla lege provinziala di 2 d’aurì 1962, nr. 4 injuntè dal articul 76 dla lege provinziala di 21 de novëmber 1983, nr. 45, sciöche inće düć i scioldi che röia zoruch di imprësć dal fonds de rotaziun, metü sö aladô dl articul 6 dla lege provinziala di 2 d’aurì 1962, nr. 4 mudé dal articul 3 dla lege provinziala di 25 de novëmber 1978, nr. 52. Le fonds de rotaziun preodü te chësc coma vëgn tut jö dai 31 de dezëmber dl 2015 inant. I scioldi che röia zoruch dai imprësć y les somes preodüdes tl coma 1-bis röia dal 2016 inant pro le bilanz provinzial por gní adorá por d'atri impëgns de spëisa tl setur dl frabiché abitatif alisiré. 108)

(1-bis)  Tl fonds de rotaziun preodü dal coma 1 röia inće dötes les somes che mëss gnì dades al’ aministraziun provinziala do la renunzia, le anulamënt o la revocaziun di alisiramënć por frabiché.109)

(1-ter)  Por le 2014 fej fora la dotaziun iniziala dl fonds por le finanziamënt dla sort d'intervënt preodüda dal articul 2, coma 1, lëtra Q1) 20.000.000,00 euro. La Junta provinziala stabilësc ann por ann les modalités y l’amunta dl refinanziamënt dl fonds. Le fonds po inće gnì cofinanzié da d’atri sogeć publics y privać. La gestiun dl fonds ti po gnì surandada tres na convenziun a sogeć publics y privać, por chi che al vel, tan inant che al é compatibl, le coma 4 de chësc articul. I cosć de gestiun por l’imprëst a fić basc tla mosöra dada dant tla convenziun é a ćiaria dla Provinzia. Implü stabilësc la Junta provinziala i criters d’adejiun al model de sparagn da frabiché preodü dal articul 2, coma 1, lëtra Q1), sciöche inće les modalitês de gestiun. L’azès al fonds à sciöche fin ma chël da conzede imprësć a fić basc, la spana di fić vëgn stabilida te na convenziun aposta aprovada dala Junta provinziala. I imprësć a fić basc ti vëgn conzedüs a che che damana zënza tó en conscidraziun so davagn y so patrimone. Por podëi se jovè dl imprëst a fić basc mëss la porsona che damana documentè che ara sparagna bele da almanco 8 agn aladô dl model de sparagn da frabiché. 110)

(2)  Le sorvisc de gestiun dl fonds de rotaziun ti po gnì surandè a un o plü istituć de credit o ënć de rapresentanza de chisc che operëia te Südtirol y che à strotöres adeguades por la conzesciun de imprësć a tëmp lunch.

(3)  La condiziun por l’amisciun al sorvisc de gestiun dl fonds de rotaziun é la desponibilité da pert di istituć de credit de ti pité a na gran pert dla popolaziun formes de sparagn por frabiché y te vigni caje de ti conzed a chi che ciafa imprësć dal fonds de rotaziun imprësć suraprò cun na dorada de nia manco de diesc agn.

(4)  Les atres condiziuns por rové pro la gestiun dl fonds de rotaziun vëgn regolades dala Junta provinziala te na convenziun–ejëmpl a chëra che i singui istituć de credit po s’assozié. Tla convenziun mëssel gnì stabilì en particolar:

1. l’oblianza da pert di istituć de credit de informè y presentè n decunt anual ala Provinzia;
2. les modalitês por paié fora i imprësć;
3. les condiziuns por la conzesciun de imprësć eventuai suraprò y prefinanziamënć;
4. la provijiun che ti speta ai istituć de credit por la gestiun dl fonds;
5. les modalitês y i prozedimënć por recuperè i credić sce la conzesciun dl imprëst vëgn anulada o trata zoruch o tl caje de intardiada tl paiamënt dles rates singules da pert dla porsona che nen benefiziëia;
6. les desposiziuns menüdes sön les formes por sparagné tl frabiché.

(5)  I contrać por imprësć dal fonds de rotaziun preodü tl coma 1 vëgn sotescrić dal assessur competënt y atestà dal diretur dla Repartiziun provinziala frabiché abitatif o da n funzionar da ël inćiarié, che se crüzia inće da tignì sö i contrać.111) 

(1)  Al imprëst zënza fić vëgnel lascè pro chi che fej pert dl pröm scalin de davagn indiché tl articul 58, sc’ai arjunj almanco 20 punć aladô dl regolamënt d’esecuziun.

(2)  La dorada dl imprëst é de 15 agn. Por damananć cun dui mituns a ćiaria é la dorada dl imprëst de 20 agn. Pro la dorada dl imprëst él ćiamò da injuntè n tëmp eventual de prefinanziamënt y le tëmp de preamortisaziun por na dorada de nia plü de dui agn. L’amortamënt dl imprëst mëss te vigni caje mëte man cun le pröm de jenà o le pröm de lugio dan da rové le secundo ann dl tëmp de prefinanziamënt.

(3)  Les porsones ametüdes a n imprëst che döra chinesc agn po do ch’al é nasciü le secundo möt damanè ch’al ti vëgnes proroghè la dorada dl imprëst a vint agn.

(1)  A chi che fej pert dl secundo scalin de davagn indiché tl articul 58 che arjunj almanco 20 punć aladô dl regolamënt d’esecuziun, ti vëgnel conzedü n contribut de fić sön n imprëst calcolè aladô dl articul 55. La dorada dl imprëst é de 15 agn. Pro la dorada dl imprëst él ćiamò da injuntè n tëmp de prefinanziamënt y n tëmp de preamortisaziun por na dorada de nia plü de dui agn.

(2)  L’amunta dl contribut de fić vëgn stabilì tl program di intervënć aladô dl articul 6.

(1)  L’amunta dl imprëst por na costruziun nöia ne pó nia jí sura chisc limic fora: 112)

1. 113)
2. 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora.

(2)  L’amunta dl imprëst por la cumpra ne po nia jì sura le plü bas di limić suandënć fora:

1. 114)
2. 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora;
3. 75 porcënt dl prisc de cumpra.

(3)  L’amunta dl imprëst por la recuperada ne po nia jì sura le plü bas di limić suandënć fora:

1. 115)
2. 100 miliuns de lires por porsones singules che fej domanda, 140 miliuns de lires por porsones maridades che fej domanda, meton laprò 20 miliuns de lires por le pröm möt a ćiaria y 10 miliuns de lires por vigni ater möt a ćiaria; l’imprëst ne po te vigni caje nia jì sura i 180 miliuns de lires fora;
3. 75 porcënt dles spëises reconesciüdes por l’intervënt de recuperada.

(4)  Sce al vëgn ma cumpré le su dërt de nüz de n'abitaziun mëss le proprietar dl’abitaziun dé pro che al vëgnes iscrit l’ipoteca eventuala sciöche garanzia dl imprëst provinzial y che i lians dl frabiché abitatif alisiré vëgnes anotá sön la proprieté bludra. 116)

(5) 117)

(6)  Sc’al convir cun la porsona che fej domanda inće sü geniturs vëgn les amuntes di imprësć preodüs ti comesc 1, 2 y 3 aumentades respetivamënter de 20 o 30 miliuns de lires sce un o trami i geniturs vir adöm al damanant da almanco dui agn y al s’impegnëia a tó sö i geniturs tl’abitaziun alisirada.

(6-bis)  Sce le damanant s’impegnëia a tó sö te süa abitaziun te na manira permanënta sorus y fredesc che à na diminuziun dla capazité de laurè sura le 74 porcënt, o sce al vir tla familia na porsona cun n handicap fisich permanënt, aladô dl articul 41, coma 3-bis, vëgn les amuntes di imprësć preodüs dai comesc 1, 2 y 3 aumentà de 10.000,00 euro por vigni atra porsona tuta sö. Chësc impëgn vëgn metü ite tl documënt cun chël ch’al vëgn tut sö le lian sozial dè dant tl articul 62. 118) 

(7)  Por les spëises implü che resultëia dal respet di lians aladô dles normes sön la sconanza y la conservaziun dl patrimone storich, artistich y popolar y inće de chëres sön la sconanza dla contrada vëgn l’amunta dl imprëst a fić basc alzada ćina al 25 porcënt.

(8)  I limić mascimai di imprësć aladô di comesc 1, 2 y 3 po gnì mudà dala Junta provinziala; le limit mascimal dl 75 porcënt dl cost de costruziun por lege de n’abitaziun cun na spersa convenzionala de 160 metri cuadrać ne po indere nia gnì superè.

(9) Tl caje de cumpra vëgnel alzé dl 20 porcënt i cosć de costruziun por lege dl'abitaziun en conscidraziun di cosć de spersa y di cosć de urbanisaziun. 119)

(1)  A chi che fej pert dl terzo y cuarto scalin de davagn aladô dl articul 58, sciöche inće a chi che tóca pro le pröm y secundo scalin de davagn che ne röia nia sö a vint punć aladô dl regolamënt d’esecuziun, ti vëgnel conzedü n contribut costant por diesc agn. Chi che fej pert dl pröm y secundo scalin de davagn che arjunj 20 punć aladô dl regolamënt d’esecuziun po damanè impede l’imprëst la conzesciun de n contribut costant por diesc agn.

(2)  Le contribut vëgn mosoré do l’amunta dl imprëst calcolè aladô dl articul 55. Al amunta a sis porcënt por chi che fej pert dl pröm scalin de davagn, a cinch porcënt por chi dl secundo scalin, a cater porcënt por chi dl terzo y al trëi porcënt por chi che tóca pro le cuarto scalin.

(3)  I contribuć nominà tl coma 2 po gnì mudà cun deliberaziun dla Junta provinziala cun chëra ch’al vëgn aprovè le program di intervënć aladô dl articul 6.

(1)  Impede l’imprëst zënza fić, le contribut de fić y le contribut costant por diesc agn po i damananć dl pröm, secundo, terzo y cuarto scalin de davagn gnì ametüs al contribut de n iade.

(2)  Por i damananć dl pröm scalin de davagn, che röia sö a 20 punć aladô dl regolamënt d’esecuziun, corespogn le contribut de n iade al 45 porcënt dl imprëst calcolè aladô dl articul 55.

(3)  A chi damananć che à n davagn che röia ćina al limit superiur dl cuarto scalin de davagn ti vëgnel conzedü n contribut de n iade tla mosöra dl 20 porcënt dl imprëst calcolè aladô dl articul 55.

(4)  Por i damananć dl secundo scalin de davagn che röia a 20 punć aladô dl regolamënt d’esecuziun, y por chi dl terzo y dl cuarto scalin de davagn vëgn le contribut de n iade fissé tres interpolaziun danter i valurs limit de 45 porcënt y de 20 porcënt dl’amunta dl imprëst. Por i damananć dl pröm y secundo scalin de davagn che ne röia nia sö a 20 punć aladô dl regolamënt d’esecuziun, corespogn le contribut de n iade a chël di damananć che à n davagn anfat al limit plü bas dl terzo scalin de davagn.

(4-bis)  Ai damananć che alda pro le cuinto scalin de davagn ti vëgnel conzedü n contribut de un n iade dl 20 por cënt dla soma de imprëst determinada aladô dl articul 55, a condiziun che ai realisëies süa abitaziun sön na spersa nia destinada al frabiché abitatif alisiré. Sce l’abitaziun vëgn realisada sön na spersa destinada al frabiché abitatif alisiré, ne ciàfon nia le contribut por la costruziun.122)

(5)  Sc’al vëgn cumprè da parënć o afins dl pröm gre spo vëgnel conzedü n contribut de n iade tla mosöra dl 20 porcënt dl imprëst calcolè aladô dl articul 55.123)

(5-bis)  La Junta provinziala pó aumenté, sce al é rajuns particolares y iustificades, la porcentuala preodüda dai comesc 2, 3 y 4 de alplü 5 punc porcentuai, ince te na mosöra desfarënta aladô dla sort de intervënt alisiré. 124)

(6)  Por recuperé abitaziuns por le bojëgn primar de n’abitaziun dl proprietar vëgnel alzé la procentuala preodüda dai comesc 2, 3 y 4 de 10 punc porcentuai, tolon en conscidraziun le coma 5-bis. 125)

(1)  Sciöche mosoraziun dla situaziun economica de vigni familia por ti podëi pormez ales alisiraziuns por frabiché dla Provinzia por cumprè, fà sö y recuperè abitaziuns por le bojëgn primar de n’abitaziun vëgnel tut le “valur dla situaziun economica” (VSE), stabilì insciö:

1. VSE ćina 3,24 (pröm scalin de davagn); 127)
   
2. VSE da 3,25 ćina 4,46 (secundo scalin de davagn); 127)
   
3. VSE da 4,47 ćina 5,07 (terzo scalin de davagn); 127)
   
4. VSE da 5,08 ćina 5,48 (cuarto scalin de davagn); 127)
   
5. VSE da 5,49 ćina 5,68 (cuinto scalin de davagn). 128)
   

(1-bis)  Pian ia dal 1. de jená dl 2017 romagn en forza la cuinta fascia de davagn preodüda dala lëtra e) dl coma 1 ma por la faziun dl articul 82. 129)

(2)  La Junta provinziala po, por rajuns particolares y motivades, aportè al VSE i adatamënć che va debojëgn. 130)

(1)  Chi che à bele ciafè n alisirimënt por frabiché dala Provinzia po ćiamò n iade gnì ametü a n alisirimënt por cumprè o fà sö n’atra abitaziun o por amplié l’abitaziun che n’é nia plü adeguada, sce l’abitaziun alisirada ne corespogn nia plü al bojëgn dla familia.

(2)  Por l’abitaziun nia adeguada vëgnel apliché les desposiziuns aladô dl articul 63, coma 1, lëtra a) y coma 2.

(3)  L'amunta dl alisiramënt vëgn calcolada sön la basa dla desfarënzia danter le limit mascimal stabilí aladô dl articul 55 y chël dl alisiramënt bele ciafé. 131)

(1)  La Junta provinziala po aumentè les mosöres de alisiraziun por promöie le mioramënt dles prestaziuns energetiches di frabicać, l’adoranza de energies renovables y le ressanamënt energetich.132)

(1)  Les mosöres de sostëgn suraprò preodüdes dal articul 1, coma 1, lëtra f), vëgn ma conzedüdes sce le damandant à i recuisić por l’amisciun ales alisiraziuns provinziales da frabiché por la costruziun, la cumpra y la recuperada de abitaziuns por le bojëgn abitatif primar. La conzesciun dl’alisiraziun preodüda da chësc articul comporta l’anotaziun dl vincul sozial preodü dal articul 62. 133)

(1)  Sc’al vëgn cumprè n’abitaziun po la domanda por la conzesciun de n’alisiraziun por la recuperada gnì presentada adöm cun chëra de n’alisiraziun por la cumpra dl’abitaziun o inće dedô. Canch’al vëgn presentè la domanda por ciafè l’alisiraziun suraprò mëss l’abitaziun avëi almanco 25 agn. 134)

(2)  L’alisirimënt por la cumpra vëgn conzedü tla mosöra odüda danfora dai articui 53, 54 y 55. L’alisirimënt suraprò por la recuperada vëgn conzedü tla mosöra preodüda dai articui 71 y 73.

(3)  Sce la domanda de alisirimënt por la recuperada vëgn presentada do da chëra por la cumpra ne vëgnel nia damanè la condiziun aladô dl articul 45, coma 1, lëtra c).

(1)  Les abitaziuns oget de alisiramënć por frabiché dla Provinzia por la costruziun, la cumpra y la recuperada por le bojëgn primar de n’abitaziun vëgn sotmetüdes al lian sozial de diesc agn dl frabiché abitatif alisiré. 136) 

(2)  Sce le lian sozial de diesc agn n’é nia bele gnü anoté tl liber fondiar sön la basa dla deliberaziun dl comun sön l'assegnaziun dl grunt alisiré vëgnel fat l’anotaziun dl lian tl liber fondiar sön la basa dl contrat d’imprëst ipotecar autentiché da n notar/na notara o sön la basa de na detlaraziun d’oblianza unilaterala autenticada da n notar/na notara. 137)

(3)  Le lian pëia ia dala data de süa anotaziun tl liber fondiar. 138)

(4)  Le lian aladô dl coma 1 comporta che la porsona benefiziada y süa familia mëss vire ti pröms diesc agn te na manira permanënta y efetiva tl’abitaziun dal momënt che al é gnü fat l'anotaziun tl liber fondiar y a vigni moda te n mëis da canche al é gnü relascé la lizënza d'adoranza, la segnalaziun zertificada por l'agibilité o la comunicaziun dla fin di laurs; implü ne pó l’abitaziun no gní alienada y no dada en afit, no zedüda a val’ titul o gní aćiariada cun dërc reai ater co por l’amortamënt de imprësć che é gnüs tuc sö por la costruziun, la cumpra o la recuperada dl’abitaziun. Tl contrat d’imprëst mëssel gní fat fora espressivamënter che l’imprëst é destiné por la costruziun, la cumpra o la recuperada dl’abitaziun alisirada. La proibiziun d’alienaziun ne vel nia por la zesciun de cuotes d’arpejun ai coarpadus aladô dl articul 732 dl codesc zivil. 139)

(4-bis) I grunc de pertinënza y i atri ogec de comproprieté pó gní aciariá, do le nulla osta dl diretur/dla direturia dla Repartiziun provinziala Frabiché abitatif, cun servitus sön le terac aladô dl liber III, titul VI dl Codesc zivil, tut fora le trasferimënt de cubatöra lëdia tres ci titul che mai. 140)

(4-ter) Nel primo decennio di durata del vincolo sociale, l’usufruttario che è al contempo anche beneficiario dell’agevolazione, può acquistare, previa autorizzazione del Direttore della Ripartizione provinciale edilizia abitativa, la nuda proprietà dell’alloggio oggetto di agevolazione, diventando pieno proprietario. 141)

(5)  142) 

(6)  Tl secundo dezen dl lian 143)  vëgnel lascé pro, do avëi ciafé l’autorisaziun dl diretur dla Repartiziun provinziala frabiché abitatif, l’alienaziun, l’afitanza, la zesciun por adoranza a vigni titul y ince la costituziun di dërc de nuzaziun reai a bëgn de porsones che ademplësc les condiziuns generales por gní ametüdes ai alisiramënc por frabiché dla Provinzia. Al vëgn ince ametü l’afitanza al IPFS o al comun. Implü vëgnel ince lascé pro la costituziun de ipoteches a ciaria dl’abitaziun alisirada zënza les limitaziuns preodüdes dal coma 4. L’afit ne pó nia ester plü dl 75% dl afit provinzial. Al vëgn autorisé l’alienaziun sce le cumpradú vëgn dant tl contrat d’imprëst stlüt jö eventualmënter dal alienant, ater co sce l’imprëst vëgn paié jö bele danfora. Le diretur de repartiziun mëss dé l’autorisaziun anter 90 dis dala domanda. Sce l’autorisaziun ne vëgn nia conzedüda anter chël termin, spo póra gní remplazada da na detlaraziun dl damanant olach’al resultëia che la domanda é gnüda fata. Le damanant é te vigni caje responsabl dl’oblianza da aliené, dé en afit, zede o aciarié cun dërc reai l’abitaziun ma a bëgn de porsones che ademplësc les condiziuns damanades.Tl art. 62, coma 6 é la desposiziun che reverda le secundo dezen dl lian gnüda abrogada aladô dl art. 8, coma 2 dla l.p. di 18 de merz dl 2016, n. 5.  144)  

(7)  Tl secundo dezenn dl lian 145)  pol inće gnì conzedü l’autorisaziun a zede la proprieté bludra dl’abitaziun. Sce l’abitaziun é gnüda fata sön na spersa che é gnüda espropriada por le frabiché abitatif alisiré po la proprieté bludra gnì alienada ma a chës porsones che à les condiziuns por ciafè grunt da frabiché alisiré tl comun relatif.

(8)  Les ates iuridiches che va cuntra les desposiziuns di comesc 4, 6 y 7 ne vel nia. 146)

(9)  Tles abitaziuns fates sö cun alisiramënć da frabiché dla Provinzia pol gnì dè en afit, do avëi ciafè l’autorisaziun, ćiamenes singules a lerneri, scolars, studënć, lauranć o porsones de tëmp. I criters relatifs vëgn determinà cun deliberaziun dla Junta provinziala. L’autorisaziun po gnì conzedüda por alplü döes ćiamenes y a condiziun che la pert nia afitada ia dl’abitaziun sides adeguada al bojëgn dla familia. L’autorisaziun vel sciöche conzedüda chitamënter sce la domanda ne vëgn nia sciurada zoruch anter 90 dis.147) 

(10)  Tl’abitaziun alisirada pol gnì tut sö sön domanda motivada parënć y parënć afins ćina al terzo gre.148) 

(11)  Por abitaziuns che dan la jüda en forza de chësta lege ê oget d’alisirimënć por frabiché por fà sö, cumprè y recuperè abitaziuns por le bojëgn primar de n’abitaziun pëia ia le lian dala data dla conzesciun dl alisirimënt por frabiché.149)

(12)  Por dötes les abitaziuns che dan la jüda en forza dla lege provinziala di 18 de merz dl 2016, n. 5 é gnüdes lasciades pormez ai alisirimënc por frabiché dla Provinzia por fá sö, cumpré y recuperé l'abitaziun por le bojëgn primar y por düc i grunc da frabiché alisirá assegná dan y do la jüda en forza dla lege nominada á le lian sozial na dorada de 20 agn. 150)

(13)151)  Por les faziuns iuridiches preodüdes dal coma 12 y dötes les desposiziuns corelatives vëgnel apliché les normes varëntes dan la jüda en forza dla lege provinziala di 18 de merz dl 2016, n. 5 por ci che reveda le secundo dezen dla dorada dl lian.  

(1)  Sce n’abitaziun oget de n’alisiraziun dl frabiché aladô de chësta lege é de döes o de plü porsones, respogn düć i comproprietars solidarmënter por l’osservanza di dovëis che vëgn dal lian sozial dl frabiché abitatif alisiré.152) 

(1)  Por garantì la coretëza, la trasparënza y l’efiziënza dla verda sön le frabiché abitatif alisiré vëgnel metü sö l’Agenzia por la verda dl’osservanza dles prescriziuns sön le lian sozial dl frabiché abitatif alisiré, nominada da chilò inant Agenzia. Ara vëgn metüda sö pro la Repartiziun provinziala Frabiché abitatif.

(2)  L’Agenzia surantol, inće porvia dles convenziuns cun la Repartiziun provinziala Frabiché abitatif, tl respet dles desposiziuns en materia, la funziun de ofize de verda unich cun le compit da ciafè fora les contravenziuns dl lian sozial y de adotè i provedimënć preodüs dales desposiziuns en materia, sciöche despone la revocaziun y la reduziun dl’alisiraziun, damanè do la retüda dles somes, comanè la recostituziun la situaziun da denant, ordiné les sanziuns pecuniaries y aministratives y relascè les autorisaziuns dopormez. Implü sce al é dan man les condiziuns preodüdes dal coma 5, eserzitëia l’Agenzia les funziuns preodüdes dailò.

(3)  L’Agenzia é n ënt stromental dla Provinzia cun personalité iuridica de dërt publich, dotè de autonomia y plëna independënza funzionala, organisativa, aministrativa, contabla y patrimoniala, che laôra aladô de criters de efiziënza, economizité y faziun.

(4)  La Junta provinziala à funziuns de ordinn y de control ti confrunć dl’Agenzia, aprovëia so statut y le schema de convenziun che disciplinëia i raporć danter les repartiziuns provinziales y l’Agenzia, sciöche la sort, l’oget y les modalitês de desfiramënt dl’ativité y di sorvisc.

(5)  I comuns competënć por la verda dl’osservanza dl lian dl frabiché convenzionè po s’anuzé dl sorvisc dl’Agenzia por ciafè fora y contestè les contravenziuns dl lian dl frabiché convenzionè, y por ordiné les sanziuns pecuniaries preodüdes dales desposiziuns en materia. La sort, l’oget y les modalitês de desfiramënt dl’ativité y di sorvisc, sciöche inće la retüda dles spëises a ćiaria di comuns, vëgn regolamentà da convenziuns aposta che i comuns stlujarà jö cun l’Agenzia, tolon le schema de convenziun aprovè dala Junta provinziala. La Junta provinziala stabilësc inće i criters por la determinaziun dla retüda dles spëises.

(6)  Tl respet dles competënzes y dles responsabilitês dl responsabl dl prozedimënt pro les singoles aministraziuns, se crüzia l’Agenzia ma de ativitês de interès general y de sorvisc por i sogeć preodüs dal coma 5, lauran por so cunt, o te so inom y por so cunt.

(7)  L’Agenzia ciafa, aladô dles convenziuns, dales repartiziuns provinziales y dai comuns düć i dać y dötes les informaziuns che va debojëgn por le sorvisc y

1. colaborëia cun funziuns de consulënza cun chëstes aministraziuns che se crüzia da realisé i dovëis de verda preodüs dala lege;
   
2. se crüzia da ademplì i compić de verda preodüs dal coma 2 te dötes sües fases, da trà ite les sanziuns pecuniaries y aministratives, y da ademplì i compić lià a na litiga eventuala.
   

(8)  L’Agenzia laôra cun personal provinzial, cun personal de aministraziuns locales, che vëgn comanades o n’é nia sön n post de rode, o cun personal cun n contrat a tëmp determiné. Ti limić dles desponibilitês dl bilanz, po l’Agenzia s’anuzé de esperć de gran profescionalité, por tematiches dër complicades o por certes dificoltês tecniches. 153)

(1)  Denant ch’al sides passè i pröms diesc agn de dorada dl lian sozial po l’abitaziun alisirada gnì alienada o afitada ia, do avëi ciafè l’autorisaziun da pert dl diretur dla Repartiziun provinziala Frabiché abitatif, te chisc caji:154)

1. sce la porsona benefiziada à intenziun de cumprè n’atra abitaziun adeguada por le bojëgn de süa familia;
2. sce la porsona benefiziada à intenziun de spostè la residënza te n ater comun ti caji odüs danfora dal regolamënt d’esecuziun;
3. sce la porsona benefiziada n’é nia plü autonoma y n’é porchël nia bona da vire personalmënter tl’abitaziun;
4. sce la porsona benefiziada va a vire tl’abitaziun dl om o dla fomena o dl compagn che vir para more uxorio;155)
5. sce la porsona benefiziada por rajuns de familia gravëntes dà en afit l’abitaziun alisirada por nen tó öna adeguada al bojëgn dla familia en afit;
6. sce la porsona benefiziada che é proprietara de n mêsc stlüt, de chël che l’abitaziun alisirada é na pert che ne po nia gnì despartida, à intenziun de zede le lüch aladô dl articul 21-a, coma 2 dl test unifiché dles leges provinziales sön l’ordinamënt dl mêsc stlüt, aprovè cun decret dl Presidënt dla Junta provinziala di 28 de dezëmber 1978, nr. 32; tl medemo tëmp che le mêsc stlüt vëgn zedü ti mëssel gnì garantì ala porsona benefiziada le dërt de nüz o d’abitaziun te n’abitaziun adeguada;156)
7. tl caje de na separaziun personala, de desliaziun o de fin dles faziuns ziviles dl matrimone.157)

(2)  Ti caji aladô dl coma 1, lëtres a) y b), ma por ći che reverda le trasferimënt dla residënza tl raiun provinzial, po la porsona benefiziada gnì autorisada a trasferì l’alisirimënt sön n’atra abitaziun ch’al à intenziun de fà sö o de cumprè. L’autorisaziun al’alienaziun dl’abitaziun tol inće ite l’autorisaziun a trasferì le lian aladô dl articul 62 sön l’abitaziun nöia y a straihé le lian sön l’abitaziun vedla. Le medemo tl secundo dezenn dla dorada dl lian; 158)  l’autorisaziun relativa vëgn dada fora dal diretur de repartiziun.

(2-bis)  Sce sön la medema abitaziun resultëiel anotà tl liber fondiar de plü lians aladô dl articul 3 dla lege provinziala di 2 d’aurì 1962, nr. 4, remplazè dal articul 43 dla lege provinziala di 21 de novëmber 1983, nr. 45, remplazè dal articul 3 dla lege provinziala di 16 de novëmber 1988, nr. 47, mudé dal articul 3 dla lege provinziala di 20 de dezëmber 1993, nr. 27 tla verjiun che valô dan la jüda en forza de chësta lege, lascia l’autorisaziun a trasferì le lian sön la costruziun nöia inće pro de straihé düć i lians anotà a ćiaria dl’abitaziun vedla.159) 

(2-ter)  I termi stabilis dal regolamënt d’esecuziun cun referimënt al’autorisaziun al’alienaziun cun trasferimënt dl alisiramënt y dl lian por la presentaziun dla documentaziun tecnica dl’abitaziun che vëgn cumprada o fata sö vëgn ciamó prorogá de 6 mëisc, ma por le tëmp dla situaziun d’emergënza sanitara porvia dl Covid-19. La prorogaziun de chësc termo vëgn ince aplicada te na manira retroativa a chës domandes, pro chëres che le termo nominé dessura é tomé ti sis mëisc dan la jüda en forza de chësta desposiziun. 160)

(3)  Ti caji aladô dl coma 1, tut fora i caji de trasferimënt dl alisirimënt y dl lian sön l’abitaziun nöia, vëgn l’alienaziun autorisada sce le cumpradù à les condiziuns por gnì lascè pro al medemo alisirimënt a chël che l’alienant é gnü lascè pro y sc’al röia ite tl contrat d’imprëst stlüt eventualmënter jö dal alienant.

(4)  Sce l’abitaziun vëgn dada en afit ti caji indicà tl coma 1, ti pora gnì dada en afit a n parënt ćina al terzo gre che é en possès dles condiziuns generales por gnì lascè pro ai alisiramënć por frabiché dla Provinzia. Sce chësc n’é nia le caje mëss l’abitaziun gnì dada en afit al IPFS o ala porsona nominada dal comun. L’afit ne po nia ester plü alt co le 75 porcënt dl afit provinzial. L’abitaziun mëss gnì dada en afit ćina che le lian di diesc agn 161)  dè dant tl articul 62 é passè. Sce l’IPFS o la porsona nominada dal comun ne tol nia en afit l’abitaziun spo pora gnì dada en afit ti pröms diesc agn, do avëi ciafè l'autorisaziun dala Repartiziun provinziala Frabiché abitatif, a na familia che à les condiziuns por gnì lasciada pro al medemo alisirimënt por frabiché che le proprietar dl’abitaziun à ciafè. Al plü adora do da cater agn à le proprietar le dërt che l’abitaziun vëgnes lasciada lëdia sc’al desmostra de adorè l’imobil por sè instës, süa fomena o so om, sü geniturs o sü mituns. Por l’afitanza tl secundo dezenn, te chël che le lian vel, 162)  vëgnel apliché l’articul 62, coma 6.163)

(5)  La zesciun dla mesa pert nia despartida dla proprieté dl’abitaziun ala fomena o al om pó gní autorisada te vigni momënt, sce la fomena o l’om dla porsona benefiziada á les condiziuns generales por gní lasciada pro ai alisiramënc por frabiché aladô dl articul 45, stlujon fora ci ch’al vëgn scrit dant dal coma 1, lëtra c) y e). Do che la cuota de comproprieté é gnüda zedüda vëgn ince le mez dl alisirimënt trascrit ala fomena o al om. Le medemo vel sce trami, fomena y om, benefiziëia y un di dui á intenziun da ti dé süa pert nia despartida al ater. Le medemo vel por i compagns che vir impara more uxorio. 163) 164)

(1)  Tl caje de de lizita iudiziara de abitaziuns fates sö, cumprades o recuperades, s’anuzan dles alisiraziuns dl frabiché preodüdes da chësta lege, antervëgn l’aiudicadù che à les condiziuns generales por l’amisciun ales alisiraziuns dl frabiché dla provinzia aladô dl articul 45, al’alisiraziun dl frabiché y ai dovëis lià al lian sozial dl frabiché abitatif alisiré. Sce l’aiudicatar ne n’à nia les condiziuns generales por l’amisciun ales alisiraziuns dl frabiché dla provinzia, mëssel dè adinfit o alienè l’abitaziun a porsones che à les condiziuns generales por l’amisciun ales alisiraziuns dl frabiché dla provinzia aladô dl articul 45.

(2)  La poscibilité de renunzié al’alisiraziun dl frabiché aladô dl articul 64 romagn en pé. Sce l’aiudicatar ne renunziëia nia al’alisiraziun dl frabiché vëgnel conscidré a düć i efeć de chësta lege na porsona benefiziara de alisiraziun dl frabiché.

(3)  Tl caje de lizita iudiziara de abitaziuns realisades sön sperses destinades al frabiché abitatif alisiré , à l’aiudicatar inće le dovëi de respetè les desposiziuns speziales preodüdes dal articul 86. L’abitaziun aiudicada po porchël gnì alienada o dada adinfit, y a vigni moda, pora ma gnì ocupada da porsones che à les condiziuns por ester assegnatars de sperses destinades al frabiché abitatif alisiré tl comun respetif.165)

(1)  La porsona benefiziada po renunzié te vigni momënt al alisirimënt por frabiché y damanè ch’al vëgnes tut demez le lian sozial dal’abitaziun a chëstes condiziuns:

1. tl caje de n imprëst zënza fić mëssera dè zoruch ala Provinzia na soma che corespogn al imprëst romagnënt y ai fić legai por l’imprëst romagnënt; i fić vëgn calcolà dal pröm dé de amortamënt dl imprëst aplican le tas de fit legal varënt tl momënt dla renunzia. La soma da paié ala Provinzia sciöche indenité por le lian sozial ne po nia ester mëndra co n terzo dl imprëst zënza fić che é gnü conzedü. Ti ultimi cater agn de dorada dl lian s’arbassa la soma d’indenité vigni ann de n cuinto dla soma nominada dessura;166)
2. tl caje de n imprëst a fić basc ne mëssel nia gnì paié inant i contribuć de fić y la porsona benefiziada mëss paié ala Provinzia na soma anfat ai contribuć de fić paià, mo te degun caje sura la soma di contribuć de fić por cin agn. Ti ultimi cater agn de dorada dl lian s’arbassa la soma d’indenité vigni ann de n cuinto dla soma nominada dessura;
3. tl caje de n contribut costant por diesc agn ne mëssel nia gnì paié inant i contribuć y la porsona benefiziada mëss paié ala Provinzia na soma anfat ai contribuć paià, mo te degun caje sura la soma de cin contribuć anuai. Ti ultimi cater agn de dorada dl lian s’arbassa la soma d’indenité vigni ann de n cuinto dla soma nominada dessura;
4. tl caje de n contribut de n iade tl pröm dezenn de dorada dl lian mëssel gnì dè derevers döta la soma. Tl secundo dezenn de lian mëssel gnì dè derevers por vigni ann ch’al manćia al compimënt dl vintejimo ann de dorada dl lian, n diejimo dl contribut de n iade. 167)168)

(2)  Sce sön la medema abitaziun resultëiel ester anotà tl liber fondiar de plü lians aladô dl articul 3 dla lege provinziala di 2 d’aurì 1962, nr. 4, remplazè dal articul 43 dla lege provinziala di 21 de novëmber 1983, nr. 45, remplazè dal articul 3 dla lege provinziala di 16 de novëmber 1988, nr. 47, mudé dal articul 3 dla lege provinziala di 20 de dezëmber 1993, nr. 27 tla verjiun che valô dan la jüda en forza de chësta lege, dà la renunzia al ultimo alisirimënt conzedü le dërt de straihé inće düć i lians anotà denant.169)

(1)  Sc’al vëgn constatè che la porsona benefiziada dl alisirimënt por frabiché:

1. à ciafè n alisirimënt por frabiché sön la basa de detlaraziuns falzes,
2. ne abitëia nia te na manira permanënta y efetiva tl’abitaziun, 170)
3. à alienè o dè en afit l’abitaziun en contradiziun cun ći che é odü danfora dal articul 62, coma 4, o zënza l’autorisaziun aladô dl articul 62, coma 6, y dl articul 63, coma 1, o a porsones che ne ademplësc nia les condiziuns odüdes danfora dala lege,
4. à aćiarié l’abitaziun de dërć de nuzaziun reai en contradiziun cun ći che é odü danfora dal articul 62, comesc 4 y 5 o zënza l’autorisaziun aladô dl articul 62, coma 6 y dl articul 63, coma 1, o a bëgn de porsones che ne ademplësc nia les condiziuns odüdes danfora dala lege,
5. à mudé inće ma en pert la destinaziun d’adoranza dl’abitaziun,
6. à trasformè l’abitaziun a na te’ manira che chësta ne à nia plü les carateristiches de n’abitaziun popolara o economica,

desponn le diretur dla Repartiziun provinziala Frabiché abitatif la revocaziun dl alisirimënt comporta la restituziun dles somes odüdes danfora aladô dl articul 64 tl caje de renunzia; chëstes vëgn alzades cun i fić legai da chël dé inant olach’al é gnü constatè la violaziun. Implü vëgnel apliché na straufunga anfat al 10 porcënt dla soma da dè derevers. 171)172)173)

(2)  Sc’al vëgn constatè che por gnì lascè pro al alisirimënt por frabiché la porsona benefiziada dl alisirimënt por frabiché à dè jö indicaziuns nia completes mo d’importanza por la mosöra dl alisirimënt determinëia le diretur dla Repartiziun provinziala Frabiché abitatif la soma de chëra che l’imprëst o le contribut mëss gnì smendris, tan inant che an ne röia nia ite ti fać dà dant tl coma 1, lëtra a). Chësta soma vëgn alzada cun i fić legai meton man dal dé olach’al é gnü paié fora por le pröm iade l’alisirimënt por frabiché. Implü él da paié na straufunga aministrativa dl 5 porcënt dla soma da dè derevers. 174) 175) 176) 

(3)  Sc’al vëgn constatè che la porsona benefiziada dl alisirimënt por frabiché:

1. à en pert dè adinfit o lascè en adoranza a terzi l’abitaziun a vigni titul, inće debann, zënza l’autorisaziun aladô dl articul 62, coma 6, y dl articul 63, coma 1, o a porsones che n’ademplësc nia les condiziuns damanades dala lege,
2. à trasformè l’abitaziun popolara te n’abitaziun economica ti pröms cin agn do avëi trasferì la residënza,
3. ne à nia ademplì condiziuns eventuales suraprò liades al amisciun al alisirimënt por frabiché,

comana le diretur dla Repartiziun provinziala Frabiché abitatif la porsona benefiziada de restabilì anter n terminn de sis mëisc la situaziun abitativa da denant. Dala data dla contravenziun ćina ch’al vëgn restabilì la situaziun da denant él da paié na straufunga aministrativa che corespogn ai fić legai dl imprëst zënza fić o dl contribut. Sc’ara se trata de n imprëst a fić basc o de n contribut costant por diesc agn vëgnel sospenü, dala data dla contravenziun ćina ch’al vëgn restabilì la situaziun da denant, le paiamënt dl contribut di fić o dl contribut costant por diesc agn o al mëss gnì paié ala Provinzia sciöche straufunga somes tla mosöra corespognënta. Sce do ch’al é passè le terminn de sis mëisc n’él nia gnü restabilì la situaziun da denant desponn le diretur dla Repartiziun provinziala Frabiché abitatif la revocaziun dl alisirimënt aladô dl coma 1.177)

(4)  La contravenziun preodüda dal coma 1, lëtra b) ne esist nia sce la porsona benefiziada lascia l’abitaziun por na perioda de tëmp sot a sis mëisc. Assënzes plü lunges vëgn autorisades sc’al mëss gnì fat intervënć de recuperada o por rajuns de familia gravëntes o por rajuns de laûr. 178) 179) 180)

(5)  Sce l’abitaziun é gnüda dada adinfit o a vigni moda dada ia a vigni titul -zënza avëi ciafè denant l’autorisaziun - inće debann, ales condiziuns preodüdes dal articul 63, coma 4, a porsones che à les condiziuns por ciafè les autorisaziuns preodüdes dai articui 62 y 63, po l’autorisaziun relativa gnì relasciada dopormez. L’autorisaziun dopormez vëgn relasciada do avëi ciafè na sanziun aministrativa de 500,00 euro. 181) 182) 183) 184) 185)

(6)  Stlüt fora les normes che vel por les abitaziuns realisades sön sperses destinades al frabiché abitatif alisiré, ne vëgn les sanziuns aministratives preodüdes dai comesc 1, 2 y 3 nia aplicades sce la porsona benefiziada renunzia, te 30 dis dala comunicaziun che al é gnü stlüt jö la prozedöra d'inrescida, al’alisiraziun dl frabiché cun faziun pian ia dala data dla violaziun. Tl provedimënt de conclujiun dl diretur dla Repartiziun provinziala Frabiché abitatif él na motivaziun detaiada por ci che reverda la tuta de posiziun dla porsona benefiziada. 181) 182) 186) 187) 188)

(7) Do che le lian sozial relatif é tomé pó les contravenziuns preodüdes da chësc articul ma gní straufades sce ares é gnüdes contestades tratan la dorada dl lian. 189)

(1)  Tl caje de na separaziun, desliaziun o fin dles faziuns ziviles dl matrimone autorisëia l’assessur por le frabiché abitatif la trascriziun dl alisirimënt se tignin ala desposiziun dl vicare. Do l’autorisaziun ala trascriziun dl alisirimënt vëgnel inće conzedü l’autorisaziun al trasferimënt parzial o total dla proprieté dl’abitaziun.

(2) 190)

(1)  Sce döes porsones che vir deboriada more uxorio y che ciafa l’alisiraziun dl frabiché tla mosöra odüda danfora por om y fomena, vëgn l’alisiraziun dl frabiché smendrida, tignin cunt di componënć dla familia che romagn tl’abitaziun. L’autorisaziun eventuala de zede la cuota de comproprieté dl’abitaziun ala porsona benifiziara che romagn tl’abitaziun vëgn ma relasciada do che al é gnü paié la soma damanada dal’aministraziun provinziala.191)

(2)  Tl caje de anulaziun dla conviënza more uxorio cun na desposiziun iudiziara vëgnel apliché l’articul 66. 192)

(1)  Les sanziuns preodüdes dal articul 65 ne vëgn nia aplicades sce do da cin agn dal trasferimënt dla residënza tl’abitaziun alisirada, vëgn la cubatöra nia adorada utilisada por amplié süa abitaziun, che mëss conservè les carateristiches de n’abitaziun economica, o por fà sö n’atra abitaziun por le bojëgn abitatif de parënć o parënć afins ćina al terzo gre.

(1)  Sce ara se trata de n’abitaziun che n’é nia gnüda fata sö sön grunt da frabiché alisiré toma le lian sozial preodü dal articul 62, coma 1 do da 10 agn dala data dl'anotaziun tl liber fondiar. La straicada dl lian pó gní damanada do che la dorada dl lian é passada. Tl caje de renunzia al alisiramënt por frabiché, de alienaziun autorisada cun trasferimënt dl alisirimënt o de iscriziun nia coreta, relascia le diretur/la direturia dla Repartiziun provinziala competënta tla materia dl frabiché abitatif le nulla osta por straiché le lian sozial tl liber fondiar. 193)

(2)  Pornanch’al é gnü paié jö l’imprëst dà fora le diretur dla Repartiziun provinziala frabiché abitatif por dötes les sorts d’imprëst por frabiché dla Provinzia, sön domanda dla porsona che à ciafè l’imprëst, le decret por straihé les ipoteches scrites ite a bëgn dla Provinzia autonoma tl liber fondiar.194)

(3)  Sc’ara se trata de n’abitaziun fata sö sön grunt da frabiché alisiré, vëgnel apliché l’articul 86.

(4)  Do le nulla osta dl diretur dla Repartiziun provinziala frabiché abitatif pol gnì fat ti imobii che é oget dl’ipoteca por imprësć a fić basc o dl lian sozial de frabiché abitatif alisiré, chëstes operaziuns tl liber fondiar:

1. spartiziuns tl caje che la comuniun de proprieté va indalater;
2. permutes;
3. movimënć de grunt de pertinënza y de d’atri ogeć de comproprieté;
4. escorporaziuns de sperses y cuotes che n’é nia oget de alisiramënć por frabiché.
5. divijiuns o mudaziuns dla destinaziun de adoranza de suraspersa oget de alisiraziuns dl frabiché.195)

(4-bis)  Por la zesciun de dërć de comproprieté sön les perts coletives de frabicać despartis te porziuns materiales n’él nia damanè le nulla osta aladô dl coma 4.196)

(5)  Le nulla osta aladô di comesc 1, 2 y 4 mëss gnì relascè o refodè anter 90 dis. Sce le nulla osta ne vëgn no relascè y no refodè anter le terminn chilò dessura, pol gnì remplazè da na detlaraziun dl alienant o dl comproprietar dada jö aladô dl articul 3 dla lege di 4 de jenà 1968, nr. 15 olach’al resultëia che la domanda é gnüda presentada. Le detlarant é te vigni caje responsabl che les condiziuns por ciafè le nulla osta é bëgn dades.

(6)  Les desposiziuns di comesc 1, 2, 3, 4 y 5 vëgn inće aplicades por les ipoteches dla Provinzia liades a alisiramënć por frabiché y por lians aladô dl articul 3 dla lege provinziala di 2 d’aurì 1962, nr. 4, remplazè dal articul 43 dla lege provinziala di 21 de novëmber 1983, nr. 45, remplazè dal articul 3 dla lege provinziala di 16 de novëmber 1988, nr. 47 y mudé dal articul 3 dla lege provinziala di 20 de dezëmber 1993, nr. 27 che é gnüs iscrić o anotà tl liber fondiar dan la jüda en forza de chësta lege.

(7)  Porsones benefiziades che dan la jüda en forza de chësta lege à ciafè l’autorisaziun a alienè les abitaziuns o à renunzié al alisirimënt por frabiché aladô dles normes da denant po ciafè le nulla osta por straihé le lian tl liber fondiar anotè aladô dl articul 3 dla lege provinziala di 2 d’aurì 1962, nr. 4, zënza messëi paié les somes preodüdes dal articul 64.197)

(01)  La Junta provinziala stabilësc i criters y les modalités de sozesciun tla domanda de alisiramënt por frabiché ti caji de mort dla porsona che damana l’alisiramënt tl tëmp danter la presentaziun dla domanda y le scomenciamënt dla decorënza dl lian sozial. 198)

(1)  Tl caje de mort dla porsona benefiziada de alisiramënć por frabiché dla Provinzia vëgn l’imprëst o le contribut trascrit a bëgn di suzessurs, sce almanco un de chisc é en possès dles condiziuns generales por gnì lascè pro ai alisiramënć por frabiché dla Provinzia aladô de chësta seziun y abitëia veramënter tl’abitaziun. Sce gnanca un di suzessurs ne ademplësc les condiziuns damanades, po l’abitaziun gnì dada en afit a na porsona dl parentè anter le terzo gre che é en possès dles condiziuns generales por gnì lasciada pro ai alisiramënć por frabiché dla Provinzia. Scenò mëss l’abitaziun gnì dada adinfit al IPFS, al comun o sce chisc n’à nia intenziun de la tó en afit, a porsones che é en possès dles condiziuns generales por gnì lasciades pro ai alisiramënć por frabiché dla Provinzia. L’afit ne po nia ester plü alt co 75% dl afit provinzial. Tl caje contrar pronunziëia l’assessur provinzial por le frabiché abitatif la revocaziun dl alisirimënt por frabiché y plü avisa dala data de mort dla porsona benefiziada y cun les faziuns dl articul 64; indere tl caje de n imprëst zënza fić vëgnel calcolè i fić sön l’imprëst che resta dal dé dla mort dla porsona benefiziada inant.199)

(2)  Sc’al mör la porsona titolara dl dërt de nüz vëgn l’imprëst o le contribut trascrit a bëgn dl proprietar sc’al é en possès dles condiziuns generales por gnì lascè pro ai alisirimënć por frabiché dla Provinzia y abitëia veramënter tl’abitaziun. Sce le proprietar n’ademplësc nia les condiziuns damanades po l’abitaziun gnì dada en afit a na porsona dl parentè anter le terzo gre che é en possès dles condiziuns generales por gnì lasciada pro ai alisirimënć por frabiché dla Provinzia. Scenò mëss l’abitaziun gnì dada adinfit al IPFS, al comun o sce chisc n’à nia intenziun de la tó en afit, a porsones che é en possès dles condiziuns generales por gnì lasciades pro ai alisiramënć por frabiché dla Provinzia. L’afit ne po nia ester plü alt co 75% dl afit provinzial. Tl caje contrar pronunziëia l’assessur provinzial por le frabiché abitatif la revocaziun dl alisirimënt por frabiché a ćiaria dl proprietar y plü avisa dala data de mort dla porsona benefiziada y cun les faziuns dl articul 64; indere tl caje de n imprëst zënza fić vëgnel calcolè i fić sön l’imprëst che resta dal dé dla mort dla porsona benefiziada inant.200)

(3)  Sce l’alisiraziun dl frabiché provinziala é gnüda conzedüda a om y fomena, che é copatruns dl’abitaziun alisirada, po l’alisiraziun dl frabiché gnì scrita al ater, sce un di dui mör, inće sce chësc n’à nia i recuisić generai por gnì ametü ales alisiraziuns dl frabiché provinziales, sce al vir tresfora tl abitaziun. Sce al ne le fej nia, spo vëgnel apliché les desposiziuns dl coma 1. 201)

(4)  Sön domanda di suzessurs po l’alisiraziun por frabiché ti gnì trascrita al coarpadù che sta efetivamënter tl’abitaziun y à le dërt d’abitaziun o de nüz sön les cuotes de comproprieté di atri coarpadus o che sta tl’abitaziun sciöche om o fomena che suravir aladô dl articul 540 dl Codesc zivil. 202)

(1)  Les modalitês de paiamënt di imprësć y di contribuć vëgn determinades cun regolamënt d’esecuziun. Tl regolamënt d’esecuziun vëgnel preodü, do ch’al é gnü metü dant garanzies adeguades, le paiamënt di alisiramënć por frabiché dla Provinzia inće dan l’iscriziun dl dërt de proprieté tl liber fondiar, dan l’anotaziun dl lian tl liber fondiar aladô dl articul 62 y dan l’iscriziun dl dërt de ipoteca sciöche garanzia dl imprëst.

(2)  Tl caje de imprësć zënza fić pol gnì conzedü inće denant che stlüje jö le contrat d’imprëst y tratan le tëmp de prefinanziamënt y de preamortisaziun, do ch’al é gnü metü dant garanzies adeguades, antizipaziuns man man che la costruziun va inant; por chësc fin vëgnel adorè i mesi dl fonds de rotaziun preodü dal articul 52.

(1)  Por la recuperada dl patrimone de frabicac esistënt ti vëgnel conzedü ai proprietars n contribut de n iade por vigni abitaziun popolara o economica recuperada y convenzionada por la dorada de 20 agn aladô dl articul 39 dla lege provinziala di 10 de messé dl 2018, n. 9, y mudaziuns suandëntes. Le lian preodü pëia ia dala data de süa anotaziun tl liber fondiar. Le contribut de n iade vëgn calcolé aladô di cosć de costruziun legai de n’abitaziun de 120 metri cuadrac de spersa convenzionala y ne pó nia jí sura le 30 porcënt dles spëises reconesciüdes amissibles y gnanca sura le 20 porcënt di cosć de costruziun por lege.  203)

(2) 204)

(3)  ) I alisiramënc aladô dl coma 1 pó ma gní conzedüs por recuperé abitaziuns por le bojëgn de n’abitaziun dl damanant instës y de süa familia o de so parenté en ligna direta. Desvian dal articul 79 dla lege provinziala di 10 de messé dl 2018, n. 9, y mudaziuns suandëntes, mëssel porchël gní metü ite tla convenziun o tla detlaraziun d’oblianza unilaterala chëstes desposiziuns speziales: 205)

1. la porsona benefiziada instëssa pó jí a abité tl’abitaziun convenzionada adöm a süa familia ma sc’ara n’é nia bele instëssa proprietara de abitaziuns adeguades ai bojëgns de süa familia te n ater frabicat fora che te chël che é oget dl alisirimënt, y sc’ara n’á nia n davagn familiar complessif che vá sura chël dl cuarto scalin de davagn preodü dal articul 58, coma 1, lëtra d); al mëss gní ademplí les condiziuns canche al vëgn presenté la domanda;  206)
2. le parenté en ligna direta dla porsona benefiziada pó ocupé l’abitaziun convenzionada ma sc’al é en posses dles condiziuns generales por gní lascé pro ai alisiramënc por frabiché dla Provinzia tl momënt dl’ocupaziun detlarada dl’abitaziun ;  207)
3. l’abitaziun convenzionada pó gní alienada tl pröm y secundo dezen dla dorada dl lian ma al parenté en linia direta dla porsona benefiziada. Al pó gní aliené la proprieté plëna o ince ma la proprieté bludra cun la resserva dl dërt de nüz a bëgn dla porsona che á fat domanda, tl medemo tëmp ince cun l'iscriziun tl liber fondiar dl dërt de nüz suandënt a bëgn dl om o dla fomena o dla porsona che convir more uxorio. Por l'alienaziun dla proprieté plëna ól ester l'autorisaziun dl diretur/dla direturia dla Repartiziun provinziala Fabiché abitatif. 208)209)

(4)  Ti pröms diesc agn dla dorada dl lian po l’abitaziun convenzionada, desvian da ći che é odü danfora dal coma 3, lëtra c), gnì alienada o dada en afit do avëi ciafè l’autorisaziun dl diretur dla Repartiziun provinziala frabiché abitatif ti caji preodüs dal articul 63, coma 1.210)

(5)  Sce l’abitaziun convenzionada vëgn lëdia tratan i pröms diesc agn dla dorada dl lian 211), mëssera gnì dada en afit al IPFS o a n afitadin nominé dal comun. Sce l’IPFS ne tol nia adinfit l’abitaziun o sce le comun ne se crüzia nia de nominé n afitadin spo po l’abitaziun gnì dada en afit a porsones che é en possès dles condiziuns generales por gnì lasciades pro ai alisiramënć por frabiché dla Provinzia.212)

(6)  Tl secundo dezenn dla dorada dl lian po l’abitaziun, do che le diretur dla Repartiziun provinziala frabiché abitatif à dè süa autorisaziun, gnì dada en afit o alienada a porsones che é en possès dles condiziuns generales por gnì lasciades pro ai alisiramënć por frabiché dla Provinzia.213)

(7) 214) 

(8)  Por les spëises implü che resultëia dal respet dles desposiziuns sön la sconanza y la conservaziun dl patrimone storich, artistich y popolar, sciöche inće de chëres sön la sconanza dla contrada y dl carater ambiental dl raiun, vëgn la soma dl contribut alzada ćina al 50 porcënt. Les spëises implü mëss gnì constatades de iade en iade aladô dla competënza, dala repartiziun Bëgns culturai dla Provinzia autonoma de Balsan o dal Comitê por la cultura dl frabiché y la contrada. 215)

(8-bis)  Ma por ći che reverda l'abitaziun che cür le bojëgn abitatif primar dl patrun vëgnel, por les spëises implü porvia dl respet dles desposiziuns preodüdes aladô dles normes sön la sconanza y la conservaziun dl patrimone storich, artistich y popolar, sciöche inće de chëres sön la sconanza dla contrada y dl carater ambiental dl raiun, alzè la soma dl contribut ćina al 50 porcënt. Les spëises implü mëss gnì constatades de iade en iade, aladô dla competënza, dala repartiziun Bëgns culturai dla Provinzia autonoma de Balsan o dal Comitê por la cultura dl frabiché y la contrada. 216) 

(9) 214) 

(10)  Te vigni momënt po la porsona benefiziada gnì lëdia dal lian sozial. Ti pröms diesc agn de dorada dl lian mëssel gnì dè derevers döt le contribut de n iade. Tl secundo dezenn mëssel gnì dè derevers por vigni ann che manćia ćina al compimënt dl vintejimo ann de dorada dl lian n diejimo dl contribut de n iade. Tl caje de contribuć de fić sön imprësć a fić basc mëssel gnì paié, sön la basa dles desposiziuns varëntes dan la jüda en forza de chësta lege, na soma anfat ai contribuć de fić paià mo te vigni caje nia plü alta co la soma di contribuć de fić por cin agn. Ti ultimi cater agn de dorada dl lian vëgn la soma d’indenité arbassada vigni ann de n cuinto dla soma chilò dessura. 217) 218)

(11)  I alisiramënc aladô dl coma 1 pó gní conzedüs por frabicac residenziai espropriá aladô dl articul 17, coma 4, dla lege provinziala di 10 de messé dl 2018, n. 9, y mudaziuns suandëntes, che é gnüs fac sö te n’atra posiziun dl raiun de comun. 219)

(12) 214) 

(13)(14)(15)   220)

(16) Le lian toma do da 20 agn dala data de süa anotaziun tl liber fondiar. La straicada dl lian pó gní damanada do che la dorada dl lian é passada. 221)

(17) Les contravenziuns che vëgn preodüdes tla convenziun o tla detlaraziun d’oblianza unilaterala pó gní sanzionades ma sce ares vëgn contestades tratan la dorada dl lian. 222)

(1)  Por sostigní i laurs de recuperada de abitaziuns dl patrimone de frabicac esistënt, ti pól gní conzedü ai patruns por vigni abitaziun n contribut de un n iade che ne n’é nia majer co chël preodü dal articul 71, coma 1. I criters che alda lapró vëgn stabilis dala Junta provinziala. Aladô de chësc articul mëssel gní preodü tl at d'oblianza unilateral, preodü dal articul 39 dla lege provinziala di 10 de messé dl 2018, n. 9, y mudaziuns suandëntes, le dovëi da ti dé adinfit les abitaziuns recuperades a porsones che á i recuisic generai por l'amisciun ales alisiraziuns dl frabiché provinziales preodüdes dal articul 45.  223) 224)

(1)  Por promöie la recuperada de abitaziuns dl patrimone de frabica esistënt ti zëntri frabicá preodüs dal articul 12 dla lege provinziala di 15 d’aurí dl 1991, n. 10, y mudaziuns suandëntes, ti pól gní conzedü ai proprietars n contribut por laurs de recuperada nia plü alt co chël odü danfora dal articul 71, coma 1 por vigni abitaziun. Pro chëstes abitaziuns mëssel gní anoté le lian dl frabiché convenzioné preodü dal articul 39 dla lege provinziala di 10 de messé dl 2018, n. 9, y mudaziuns suandëntes, por la dorada de 20 agn. Por curí les spëises implü che vëgn dal respet di lians scric ite tl liber fondiar por sconé y mantigní le patrimone storich o artistich, vëgn le contribut aumenté dl 10 porcënt, desvian da ci che é stabilí tl articul 71, comesc 8 y 8-bis de chësta lege. 225)

(2)  Sce les abitaziuns recuperades y convenzionades aladô dl coma 1, vëgn cumprades te trëi agn dal’ultimaziun di laûrs da porsones che à i recuisić por gnì ametüdes ales alisiraziuns dl frabiché, él conzedü, impede les alisiraziuns dl frabiché preodüdes, n contribut de un n iade dl 30 porcënt dl valur convenzional dl’abitaziun y a vigni moda nia majer co 30.000,00 euro. La conzesciun dl’alisiraziun preodüda da chësc coma comporta l’anotaziun dl vincul sozial preodü dal articul 62. 226)

(1)  Al vëgn alisiré la recuperada de frabicac o de perts de chisc che â bele dan la presentaziun dla domanda la funziun de ciases de calonia o ciases d’alberch por comunités religioses y che mantëgn, ince do la recuperada, la destinaziun d'adoranza abitativa por les medemes comunités religioses.

(2)  Al vëgn alisiré la recuperada de frabicac o perts de chisc da pert de ënc publics o de organisaziuns zënza fins de davagn, scrites ite tl register provinzial dles porsones iuridiches, che se impegnëia, tres na detlaraziun d'oblianza unilaterala, da destiné chisc frabicac a convic por studënc y studëntes, a ciases d'alberch por porsones cun n contrat de laur o de lernerat, a proiec abitatifs por porsones atempades, porsones cun handicap, maraties psichiches o dependënzes, por jënt jona o ince a abitaziuns por la convivënza de de plü generaziuns y le cohousing o a proiec abitatifs somiënc.

(3)  Por i laurs de recuperada sön frabicac o perts de chisc sön chi che al n'é gnü fat degügn de te laurs ti ultimi 25 agn vëgnel conzedü n contribut de investiziun. I ogec de aredamënt vëgn stlüc fora dal contribut. Al mëss gní desmostré la proprieté plëna o le dërt de suraspersa por almanco 99 agn sön l'imobil oget dl alisiramënt por frabiché.

(4)  I frabicac recuperá mëss mantigní la medema destinaziun d'adoranza por 20 agn alalungia. Le proprietar/La proprietara stlüj jö cun le diretur-la direturia dla Repartiziun provinziala Frabiché abitatif na detlaraziun d'oblianza unilaterala. Sce le proprietar-la proprietara ne ademplësc nia les desposiziuns dla detlaraziun d'adoranza unilaterala stlüta jö vëgnel revoché l'alisiramënt por frabiché. Tl caje de na revocaziun mëssel gní retü l'import dl alisiramënt cun lapró i fic legai che vëgn calcolá dal de che al é gnü paié fora l'alisiramënt.

(5)  La Junta provinziala stabilësc i criters y les modalités por ti podëi pormez al alisiramënt y por süa licuidaziun y definësc le contignü dla detlaraziun d'oblianza unilaterala y les modalités por renunzié al alisiramënt. 227)

(1)  I alisiramënć aladô dl articul 74 vëgn aplicà independëntemënter dal numer d’abitanć dl comun.

(1)  Por recuperè so patrimone da frabiché por fins abitatifs ti vëgnel conzedü ai comuns contribuć de n iade tla mosöra preodüda dal articul 71, coma 1, por la recuperada convenzionada d’abitaziuns. 229)

(2)  Por intervënć de ordinn urbanistich che va debojëgn por realisé le plann de recuperada y é intervënć por tó demez costruziuns vëgnel conzedü contribuć de n iade tla mosöra dl 70 porcënt dles spëises reconesciüdes dal Ofize sciazada dla Provinzia. Le contribut de n iade vëgn calcolè aladô de chë pert, destinada a abitaziuns, dl volum dla unité da ressanè, delimitada tl plann de recuperada y olach’al é le frabicat da trà jö.

(1)  Sce frabicac de proprieté dl comun olache al é abitaziuns o frabicac adatá da gní trasformá te abitaziuns tres un di provedimënc de recuperada che é tl articul 59, coma 1, lëtres d) y f) dla lege provinziala di 10 de messé dl 2018, n. 9, y mudaziuns suandëntes, vëgn detlará nia abitabli o en malester y sce le comun ne tol nia anter n termin fissé dala Junta provinziala sön proposta dl assessur provinzial por le frabiché abitatif – y che ne pó te vigni caje nia ester plü co n ann – i provedimënc che vá debojëgn por la recuperada dles abitaziuns, vëgn le frabicat trasferí tla proprieté dl IPFS cun decret d’espropriaziun dl Presidënt dla Junta provinziala. 230)

(2)  Al comun ti spétel n’indenisaziun por vigni meter cubich de volum esistënt de nia plü co le 40 porcënt di cosć de costruziun por lege dl’abitaziun. Por vigni abitaziun ocupada vëgnel trat jö na soma che corespogn al valur convenzional de n’abitaziun cun na spersa convenzionala de 100 metri cuadrać.

(1)  Les modalitês de paiamënt di contribuć de n iade odüs danfora te chësta seziun vëgn regolades cun regolamënt d’esecuziun. Tl regolamënt d’esecuziun mëssel gnì odü danfora che i contribuć de n iade preodüs dal articul 71, coma 1 y dal articul 72 po gnì paià fora, do avëi metü dant les garanzies adeguades, inće dan l’anotaziun dl lian aladô dl coma 1 dl medemo articul.

(1)  I ać d’oblianza unilaterai preodüs da chësta seziun po gnì autenticà dal diretur dla Repartiziun provinziala Frabiché abitatif. 231)

(1)  Sön la basa dla soma totala teoretica dles detrates dala cuta preodüdes dala legislaziun statala vëgnel conzedü alisiraziuns por intervënc de recuperada privac y por intervënc de ressanamënt energetich. La Junta provinziala stabilësc i criters che alda lapró. L’alisiraziun bele sciazada por le 2014 de 12.000.000,00 de euro vëgn sciazada por l'ann 2015 de 13.000.000,00 de euro. Cun na süa deliberaziun pó la Junta provinziala stabilí les modalités y l'amunta dl finanziamënt dla sort d'intervënt preodüdes dal articul 2, coma 1, lëtra R), sciöche ince ti surandé süa gestiun a sogec de dërt publics y privac tres na convenziun. Les groaries che vëgn a s'al dé da chësc coma vëgn curides da na cuota dles ressurses preodüdes dal articul 1 dla lege regionala di 13 de dezëmber dl 2012, n. 8. 232) 233)

(1-bis)  An arat che les alisiraziuns preodüdes dal coma 1 sides de 10.000.000,00 euro por l’ann 2016. I cosć che vëgn da chësc coma vëgn curis cun le bilanz provinzial. 234)

(1-ter)  An arata che les alisiraziuns preodüdes dal coma 1 sides de 12.000.000,00 euro por le 2017. I cosć che vëgn da chësc coma vëgn curis cun le bilanz provinzial. 235)

(1-quater)  An arata che les alisiraziuns preodüdes dal coma 1 sides dl 2018 de 5.000.000,00 de euro. Les spëises che vëgn da chesc coma vëgn paiades cun le bilanz provinzial. 236)

(2)  Les alisiraziuns preodüdes dal coma 1 vëgn conzedüdes por intervënc fac o da fá dl 2014, 2015, 2016, 2017 y 2018. 237)

(2-bis)  I cosć sciaziá de 5.000.000,00 euro por l’ann 2019, 3.000.000,00 euro por l’ann 2020 y 3.000.000,00 euro pian ia dal ann 2021, vëgn curis tres le smendrimënt di stanziamënc scric ite tl fonds spezial “Fonds global por curí cosć che vëgn da provedimënc legislatifs nüs” por cosć corënc tl cheder dl program 03 dla misciun 20 dl bilanz de previjiun 2019-2021. 238)

(3)  I contrac d'imprëst stlüc jö do la conzesciun di alisirimënc preodüs dal coma 1 vëgn sotescric dal assessur competënt y autenticá dal diretur dla Repartiziun provinziala Frabiché abitatif, che tëgn ince sö i contrac, o da n funzionar deleghé da d'ël. 239)

(1)  Sön la basa dla proposta de costituziun dla comuniun de proprieté o dla divijiun materiala dles sperses che é tl plann d’atuaziun aprové, desponn l'ombolt/l'ombolta la costituziun dla comuniun o dla divijiun materiala por les sperses ti raiuns moscedá. 241)

(2)  Les cuotes de comproprieté vëgn determinades en raport al estenjiun dles sperses singules tutes ite tl plann. I dërć de nuzaziun reai y les ipoteches che pësa sön i tòć de grunt singui vëgn trasferis sön les cuotes de comproprieté o sön i tòć de grunt assegnà. Les servitus sön le terac vëgn straihades, conservades o costituides aladô dl articul 1032 dl codesc zivil en relaziun ai bojëgns dla nuzaziun da frabiché.

(3)  I decrec dl ombolt/dl'ombolta de costituziun dla comuniun de proprieté o de divijiun materiala vëgn iscric tl liber fondiar sön domanda dl'aministraziun comunala. 242)

(4)  I tòć de grunt che é oget di decreć sön la costituziun dla comuniun de proprieté o de divijiun materiala ne vëgn nia sotmetüs ales normes sön i mêsc stlüć y gnanca a chëres sön les rajuns de vijinanza; porchël poi gnì scorporà dai mêsc respetifs zënza provedimënć aministratifs implü y al toma le lian de oget de coletivité por forza di decreć sön la costituziun dla comuniun o de divijiun materiala.

(1)  Do che al é gnü fat ia ci che é indiché tl articul 79 vëgnel porté inant l’espropriaziun dles sperses por le frabiché abitatif alisiré y por i implanc de urbanisaziun primara. Dal’indenisaziun d’espropriaziun che ti speta ai comproprietars singui dl raiun moscedé vëgnel trat jö na soma che ti corespogn ala cuota che é pert dles sperses destinades a implanc de urbanisaziun primara a ciaria di loc por le frabiché residenzial privat y che aladô dl articul 74, coma 2 dla lege provinziala di 10 de messé dl 2028, n. 9, y mudaziuns suandëntes mëss ti gní zedüda debann al comun. 243)

(2) 244)

(3) 

(1)  Do ch’al é passé le termo por l'edificaziun dé dant tl plann comunal por le teritore y la contrada, zënza che i proprietars dles sperses destinades al frabiché residenzial privat ais fat domanda da frabiché al comun, espropriëia le comun les sperses nia frabicades. Le cost de chëstes sperses vëgn determiné sön la basa di medemi criters adotá pro la prozedöra d'espropriaziun da denant, tignin cunt dla condiziun dles sperses. Sce chësc é plü interessant por l'aministraziun publica pól gní paié le cost tl'amunta dl'indenisaziun d'espropriaziun da paié tl medemo raiun por la cumpra de sperses por le frabiché abitatif alisiré, revaluté aladô dl indesc provinzial di prisc al consum, che é gnü azerté dal Istitut provinzial de statistica (ASTAT) cun referimënt al tëmp danter la data dl paiamënt dl'indenisaziun d'espropriaziun dles sperses por le frabiché abitatif alisiré y la data de determinaziun dl'indenisaziun nöia de espropriaziun. 245)

(2)  Les sperses espropriades aladô dl coma 1 mëss gní adorades deplëgn por le frabiché abitatif alisiré. Le finanziamënt dl’acuisiziun dles sperses vëgn fat aladô dl articul 87. 246)

(3)  Sön domanda di proprietars pó l’espropriaziun de sperses por le frabiché privat gní fata ince denant che al tomes le termin preodü tl plann comunal por le teritore y la contrada. 247)

(1)  Ales sperses resservades al frabiché abitatif alisiré vëgnel lascè pro l’IPFS y les porsones singules o assoziades te cooperatives che po gnì ametüdes ai alisiramënć aladô dl articul 2. I comuns po adorè les sperses resservades al frabiché abitatif alisiré por fà sö abitaziuns finanziades daldöt o en pert cun sü mesi.248)

(2)  Al vëgn inće lascè pro les sozietês y i ënć cun le fin de fà sö, zënza intenziun de davagn, abitaziuns popolares standard da vëne o da dè en afit, inće cun l’impormetüda de venüda tl dagnì, sön la basa de acordanzes cun l’aministraziun provinziala. Chësta acordanza mëss fissé i criters por l’assegnaziun dl’abitaziun, por la determinaziun y la revijiun dl afit sciöche inće por la determinaziun dl prisc de venüda, osservan i prinzips de chësta lege cun garanzies finanziares adatades por ademplì les oblianzes tutes sö.

(3)  Canch’al vëgn assegné sperses por le frabiché abitatif alisiré ti vëgnel dè la prezedënza al IPFS che à intenziun de fà sö tl comun abitaziuns adinfit che é preodüdes tl program de costruziun aladô dl articul 22.

(4)  I comuns determinëia cun regolamënt i termi y les modalités por la presentaziun dles domandes de assegnaziun dles cooperatives da frabiché y dles porsones singoles che fej domanda o de chëres che reverda proiec abitatifs por porsones atempades, porsones cun handicap, maraties psichiches o dependënzes, por jënt jona o por abitaziuns por la convivënza de de plü generaziuns y le cohousing o proiec abitatifs somiënc, sciöche ince i criters por formé la gradatöra y por determiné la mosöra dla spersa da assegné. Surapró determinëia i comuns tl regolamënt i criters de prezedënza dles domandes dades jö dales cooperatives por le frabiché en confrunt a chëres che reverda proiec abitatifs por porsones atempades, porsones cun handicap, maraties psichiches o dependënzes, por jënt jona, por abitaziuns por la convivënza de de plü generaziuns y le cohousing o proiec abitatifs somiënc y en confrunt ales domandes dles porsones singoles che fej domanda. Tl regolamënt pó i comuns ince odëi danfora che al vëgnes reconesciü dui punc implü por la dorada dla residënza tl comun y che la gradatöra veles al mascimo trëi agn. 249)

(4-bis) Cun regolamënt stabilësc i comuns les condiziuns por chëres che al ti pó gní zedü la rajun de proprieté o le dërt de suraspersa dl raiun resservé al frabiché abitatif alisiré a che che á le dërt al'assegnaziun. 250)

(5)  Por acuisì la proprieté de sperses resservades al frabiché abitatif alisiré mëss i comëmbri de cooperatives por le frabiché y i damananć singui ester en possès de chëstes condiziuns:

1. avëi la residënza tl comun o avëi le post de laur tl comun; les porsones che fej domanda che é maridades o convir more uxorio aladô dl articul 7 dl decret dl Presidënt dla Junta provinziala di 15 de messé dl 1999, n. 42, pó ciafé deboriada l'assegnaziun dla spersa, ince sce ma öna de ëres á la condiziun dla residënza o dl post de laur tl comun. 251)
2. ester en posses dles condiziuns damanades dala lege por gní lasciá pro ai alisiramënc por frabiché dla Provinzia por fá sö n’abitaziun de proprieté y avëi n davagn che ne vá nia sura chël dl cuinto scalin de davagn; 252)
3. arjunje almanco 16 punć aladô dl regolamënt d’esecuziun;
4. n’ester nia proprietars y n’avëi nia zedü ti cin agn dan la presentaziun dla domanda n tòch de grunt da frabiché te n post saurì da arjunje che bastass por fà sö n’abitaziun de almanco 495 metri cubich.

(6)  A parité de punć vëgnel trat dant i damananć che po mostrè sö, por ći che reverda la condiziun dada dant tl coma 5, lëtra a), la residënza plü lungia.

(7)  L’assegnaziun dles sperses por le frabiché abitatif alisiré tla proprieté de che che fej domanda o la costituziun dl dërt de spersa a so bëgn vëgn fata, en concordanza cun le cronoprogram por la frabicaziun dl raiun dé dant tl plann comunal por le teritore y la contrada y cun le plann d’atuaziun aprové, do l’ordin dla gradatöra definitiva cun deliberaziun dla junta comunala. 253)

(7-bis)  Les sperses destinades al frabiché abitatif alisiré che é de proprieté sóra dla Provinzia o dl IPFS ti vëgn dades en proprieté ai damananć dala Junta provinziala o dal IPFS en acordanza cun le comun competënt te chël raiun.254)

(7-ter)  Desvian dal coma 5, lëtra a) pó le comun competënt ti assegné les sperses por le frabiché abitatif alisiré ince a damananc y damanantes che á la residënza te n ater comun dla provinzia. Por chësc fin ól ester le consëns di comuns interessá. 255)

(8)  L’assegnaziun dles sperses pó gní fata te döes fases. L’assegnaziun provisora pó gní fata do che le plann d’atuaziun é gnü aprové y la prozedöra d’espropriaziun é gnüda inviada ia. Sön la basa dl’assegnaziun provisora pó les porsones che ciafa en assegnaziun na spersa damané la lizënza por l'ativité de costruziun. L’assegnaziun definitiva tla proprieté pó impormó gní fata do che al é gnü esproprié les sperses destinades al frabiché abitatif alisiré. Tla deliberaziun d’assegnaziun provisora o tla deliberaziun d’assegnaziun definitiva, sce chëra provisora n’é nia gnüda fata, mëssel gní verifiché che al ne vëgnes nia dant les rajuns d’esclujiun preodüdes dal articul 45, coma 1, lëtres b) y c), y tl coma 5, lëtra d) de chësc articul. 256)

(9)  Tratan ch’an aspeta l’assegnaziun definitiva en proprieté po le comun dè l’autorisaziun ales porsones che ciafa en assegnaziun la spersa a ocupé les sperses espropriades y a mëte man i laûrs de costruziun. L’autorisaziun a tó ite la spersa depënn dal paiamënt de n acunt dl 80 porcënt dl prisc de zesciun dla spersa probabl y di cosć de urbanisaziun.

(10)  Sön les sperses resservades al frabiché abitatif alisiré pól ma gní fat sö abitaziuns che á les carateristiches stabilides tl articul 41. Tut fora da chësc é les ciases alberch por lauranc/laurantes, scolars/scolares y studënc/studëntes, les abitaziuns protezionades y i proiec abitatifs por porsones atempades, porsones cun handicap, maraties psichiches o dependënzes, por jënt jona o ince abitaziuns por la convivënza de de plü generaziuns y le cohousing o proiec abitatifs somiënc. 257)

(11)  Les porsones emigrades foradecá che é bele stades residëntes tla provinzia dan l’emigraziun por almanco cin' agn, sciöche ince süa fomena o so om nia despartis legalmënter o les porsones convivëntes more uxorio, che á intenziun da porté indô la residënza tla provinzia, pó presenté la domanda d’assegnaziun de grunt tl comun de süa ultima residënza o te chël olache ares desmostra da ester bones da eserzité süa profesciun o so laur. Por faziun de chësta norma vëgnel conscidré le tëmp de laur fat foradecá sciöche fat tl comun. 258)

(1)  La deliberaziun d’assegnaziun dada dant tl articul 82 é le titul iuridich por l’iscriziun tl liber fondiar dl dërt de proprieté o dl dërt de spersa a bëgn dla porsona che á ciafé le grunt assegné, por l’anotaziun dl lian sozial por le frabiché abitatif alisiré preodü dal articul 62, por l'anotaziun dl lian preodü dal articul 39 dla lege provinziala di 10 de messé dl 2018, n. 9, y mudaziuns suandëntes, y ince por l'iscriziun di dërc de servitú definis tl plann d'atuaziun. Tla deliberaziun él da dé dant:

1. tl respet dl plann d'atuaziun, la mosöra dla spersa assegnada, la cubatöra preodüda y le numer dles abitaziuns da fá sö;
   
2. tl respet dl plann d'atuaziun, les carateristiches dles abitaziuns da fá sö;
   
3. i termi por la presentaziun dl proiet, por le scomenciamënt y la fin di laurs;
   
4. i caji te chi che la nia osservanza dles oblianzes preodüdes dala lege o dala deliberaziun d’assegnaziun á sciöche conseguënza la revocaziun dl’assegnaziun;
   
5. i lians da anoté;
   
6. le prisc por la zesciun dl toch de grunt, por i cosć d’urbanisaziun dl medemo y por les spëises de planificaziun;
   
7. n referimënt al’oblianza dla porsona, a chëra che al ti é gnü assegné le grunt, da ti presenté al comun, te n ann dala segnalaziun zertificada de agibilité, na detlaraziun sostitutiva dl at de notorieté por ci che reverda l’ocupaziun efetiva stabila dl’abitaziun fata sö sön le grunt assegné. 259)
   

(1)  La deliberaziun d’assegnaziun mëss gní anulada sce al vëgn constaté che le damanant n’ê nia en posses dles condiziuns por l’assegnaziun tl momënt dla deliberaziun d’assegnaziun provisora, sce al n'é gnü fat na tara, o dla deliberaziun d’assegnaziun definitiva. Do ch’al é gnü anulé la deliberaziun d’assegnaziun desponn le comun l’espropriaziun dl grunt assegné y di frabicac che é gnüs fac sö lassura. Sce l'abitaziun fata sö sön la spersa assegnada é bele gnüda rovada, ti corespogn l'indenité d'espropriaziun al prisc de venüda da stabilí aladô dl articul 86, coma 4. Sce l'abitaziun n'é nia ciamó gnüda rovada ti corespogn l'indenité d'espropriaziun por i laurs de costruziun al valur di laurs stabilí dal Ofize provinzial Sciazades, deperpo che por le grunt vëgn l'indenité d'espropriaziun stabilida aladô dl articul 8, coma 2 dla lege provinziala di 15 d'aurí dl 1991, n. 10. 260)

(1)  Te chisc caji vëgn l’assegnaziun detlarada sciöche tomada:

1. sce anter n ann da canche al é gnü fat la segnalaziun zertificada por l'agibilité ne vëgn l’abitaziun fata sö sön la spersa assegnada nia ocupada dala porsona che á ciafé l’assegnaziun o nia dada en afit aladô dl articul 86; 261)
2. sce l’abitaziun vëgn afitada en contradiziun cun les normes dl articul 86;
3. sc’al vëgn mudé la destinaziun d’adoranza dl’abitaziun o de na pert de chësta, en contradiziun cun la deliberaziun d’assegnaziun y al n’é nia plü poscibl jì derevers ala condiziun da denant;
4. sc’al ne vëgn nia respetè i terminns aladô dl articul 83, coma 1, lëtra c);
5. sce les atres oblianzes odüdes danfora tla deliberaziun d’assegnaziun ne vëgn nia respetades;
6. sce l’assegnatar ne vir nia veramënter y tres tl’abitaziun por la dorada dl liam preodü dal articul 86. 262)

(2)  I fać che à sciöche conseguënza la tomanza dl’assegnaziun vëgn constatà cun deliberaziun dla Junta comunala y à da gnì contestà dal ombolt ala porsona che à ciafè l’assegnaziun tres lëtra racomanada cun recioiüda derevers cun l’invit a dè jö anter 60 dis deduziuns decuntra documentades te na manira adeguada.

(3)  Do che le termin dé dant tl coma 2 é passé pronunziëia la junta comunala la tomanza dl’assegnaziun dla spersa. Cuntra la deliberaziun dla junta comunala pól gní fat recurs ierarchich tl tëmp de 30 dis dala comunicaziun ala Junta provinziala che tol na dezijiun definitiva. La detlaraziun definitiva dla tomanza dl’assegnaziun comporta che la spersa assegnada y i frabicac che é gnüs fac sö lassura pois gní espropriá. Le comun desponn l'espropriaziun. 263)

(4)  I comesc 2 y 3 vëgn inće aplicà tl caje de renunzia al’assegnaziun.

(5)  Les desposiziuns di articui 82, 83, 84, di comesc 1, 2, 3 y 4 de chësc articul sciöche inće dl articul 86 vëgn aplicades tl caje d’assegnaziun de sperses por le frabiché abitatif alisiré da pert dl’aministraziun provinziala o dl IPFS; te n te’ caje röiel ite impede la Junta comunala la Junta provinziala y le Consëi d’aministraziun dl IPFS.

(6) Do che le lian sozial é tomé pó les contravenziuns preodüdes da chësc articul ma gní sanzionades sce ares é gnüdes contestades tratan la dorada dl lian. 264)

(1)  Les sperses por le frabiché abitatif alisiré é sotmetüdes al lian sozial de vint agn por le frabiché abitatif alisiré preodü dal articul 62. 265)

(2)  Les abitaziuns fates sö sön terac da frabiché alisirá pó gní alienades o dades en afit, tan inant che al é preodü dai articui 62 y suandënc l’alienaziun, l’afitanza o la groaria cun dërc de nuzaziun reai de abitaziuns sotmetüdes al lian sozial, ma a porsones che é en posses dles condiziuns por l’assegnaziun de terac da frabiché alisirá tl comun relatif. Tla medema manira pól ma gní costituí dërc de nuzaziun reai por de te porsones. L’alienaziun, l’afitanza de abitaziuns o la groaria cun dërc de nuzaziun reai vëgn te vigni caje impormó dades pro do che al é passé almanco n ann dala data dla presentaziun dla detlaraziun de ocupaziun stabila y efetiva. 266)

(3)  Chi che alienëia, dà en afit o aćiaria cun dërć de nuzaziun reai n’abitaziun fata sö sön n terac da frabiché assegné mëss desmostrè de avëi a desposiziun n’abitaziun adeguada por le bojëgn de süa familia.

(4)  Le prisc de venüda corespogn al valur convenzional dl’abitaziun stabilì aladô dl articul 7. Ma al cost de costruziun dl’abitaziun vëgnel apliché i coefiziënć por l’eté y la condiziun de mantignimënt y de manutenziun. Les desposiziuns por paié eventualmënter derevers i alisiramënć por frabiché ne vëgn nia azicades da chësta norma.267) 

(5)  Le lian sozial toma do da 20 agn dala data de süa anotaziun tl liber fondiar. La straicada dl lian pó gní damanada do che la dorada dl lian é passada. 268)

(5-bis)  Por les abitaziuns che é gnüdes fates sö y rovades sön sperses por le frabiché abitatif alisiré dan la jüda en forza de chësta lege pëia ia le terminn aladô dl coma 5 dala data de emisciun dla detlaraziun de abitabilité.269)

(5-ter) 270)

(5-quater)  Ai proprietars de abitaziuns fates sön grunt da frabiché alisiré che á bele damané al Comun competënt, dan la jüda en forza de chësc coma, le paiamënt dl'indenité da paié aladô dl coma 5 tla verjiun varënta denant che chësc coma jiss en forza, ti pól gní conzedü, do avëi paié ci che é debit, le nulla osta por straiché dan tëmp le lian sozial aladô dl articul 68. 271)

(6)  Sc’al é na contradiziun danter la deliberaziun d’assegnaziun dla spersa y i laûrs de costruziun, realisà en conformité cun le proiet originar o cun le proiet de mudaziun aprovè, se crüzia la junta comunala de fà les mudaziuns che va debojëgn sön la deliberaziun d’assegnaziun dla spersa. Sön la basa de chësta deliberaziun pol gnì fat, desvian dala proibiziun d’alienaziun aladô dl articul 62, i trasferimënć de proprieté che va debojëgn y al po gnì costituì dërć de spersa y de servitù.

(7)  Do che al é passé cin' agn dala detlaraziun de ocupaziun efetiva dl’abitaziun, pól gní adoré la cubatöra restënta, lasciada eventualmënter pro sön la spersa assegnada, por amplié süa abitaziun, che mëss conservé les carateristiches de n’abitaziun economica, o ince por fá sö n’abitaziun nöia. Sce al vëgn fat sö n’abitaziun autonoma, mëssel, sce al é le caje, naota gní paié ite al comun la soma preodüda dal coma 5 por la spersa che vëgn separada dal’abitaziun che é bele. L’abitaziun autonoma mëss gní destinada al bojëgn abitatif dl parenté o dla parentela dl om o dla fomena cina al terzo degré che á i recuisic por l’assegnaziun de n terac alisiré te chël comun. Le lian sozial aladô de chësc articul colié cun l’articul 62 mëss gní surantut cun na detlaraziun d’oblianza unilaterala y anoté tl liber fondiar, aladô de n plann de divijiun materiala, esclusivamënter a ciaria dl’abitaziun nöia che é gnüda realisada. 272)

(8) 273) 

(8-bis)  Sce ara se trata de abitaziuns realisades sön terac alisiré zënza s’avëi anuzé dles alisiraziuns dl frabiché preodüdes da chësta lege, vëgn düć i nulla-osta y dötes les autorisaziuns preodüdes dal articul 62 y chi che vëgn do, relascià dal ombolt. 274)

(9)  Tl caje de separaziun personala, de na desliaziun o fin dles faziuns ziviles dl matrimone vëgnel autorisé le trasferimënt dla proprieté dla spersa assegnada y dl’abitaziun fata sö sön chësta a bëgn dla fomena o dl om a chël che l’abitaziun vëgn surandada sön la basa de n provedimënt iudiziar.

(1)  Por finanzié l’acuisiziun y l’urbanisaziun de sperses por le frabiché abitatif alisiré vëgnel conzedü finanziamënc y contribuc ai comuns, al IPFS y a sozietés y ënc zënza fins de davagn, aladô dl articul 2, coma 1, letra H).

(2)  Sön la basa dl decret de determinaziun dl’indenisaziun d’espropriaziun nominada tl articul 5 dla lege provinziala di 15 d’aurí dl 1991, n. 10, y mudaziuns suandëntes, desponn l’assessur provinzial por le frabiché abitatif la conzesciun de n finanziamënt a bëgn dl comun tla mosöra dl’indenisaziun d’espropriaziun. Le 50 porcënt de chësc finanziamënt vëgn conzedü sciöche contribut de n iade y l'ater 50 porcënt mëss gní dé zoruch dal comun instës. Sce les sperses por le frabiché abitatif alisiré vëgn espropriades diretamënter a bëgn dl IPFS, aladô dl articul 80, coma 3 de chësta lege, vëgnel conzedü n contribut de n iade de döta la soma dl’indenisaziun d’espropriaziun.

(2-bis) Sce l'acuisiziun dles sperses destinades al frabiché abitatif alisiré vëgn adaldé tres n contrat de cumpra aladô dl articul 19, coma 3 dla lege provinziala di 10 de messé dl 2018, n. 9, y mudaziuns suandëntes, desponn la Provinzia la conzesciun de n finanziamënt che ti corespogn al prisc de cumpra a bëgn dl comun sön la basa dl contrat de cumpra preliminar respetif registré. Le 50 porcënt de chësc finanziamënt vëgn conzedü sciöche contribut de n iade y le 50 porcënt che resta mëss gní retü dal comun instës. Sce les sperses destinades al frabiché abitatif alisiré vëgn acuisides a bëgn dl Istitut por le frabiché sozial vëgnel conzedü n contribut de n iade de döt l'import dl prisc de cumpra. L'Ofize Sciazada dla Provinzia determinëia sce le prisc de cumpra é amosoré. 275)

(3)  Sce l'autorité iudiziara competënta stabilësc te sües sentënzes indenisaziuns d’espropriaziun maius desponn l’assessur por le frabiché abitatif da integré le finanziamënt aladô.

(4)  Tl caje d’espropriaziun de sperses por le frabiché abitatif alisiré aladô dl articul 16 dla lege provinziala di 15 d’aurí dl 1991, n. 10, y mudaziuns suandëntes desponn l’assessur provinzial por le frabiché abitatif, sön la basa dla deliberaziun en forza cun chëra che le comun delibrëia da cumpré les sperses cun la prozedöra preodüda dal articul 16, la conzesciun de n finanziamënt che ti corespogn al'indenisaziun d'espropriaziun. Le 50 porcënt de chësc finanziamënt é n contribut de n iade y l'ater 50 porcënt mëss gní dé zoruch dal comun instës.

(5)  Les desposiziuns di comesc 2, 3 y 4 vëgn ince aplicades tl caje che al vëgn esproprié terac da frabiché, aladô dl articul 81.

(5-bis) Sce les sperses resservades al frabiché abitatif alisiré ê bele proprieté dl comun, tl momënt che al é gnü individué le raiun, á les porsones che ciafa en assegnaziun les sperses resservades al frabiché abitatif alisiré le dërt che al ti vëgnes assegné chëstes sperses a n prisc che ti corespogn al 50 porcënt dl'indenisaziun d’espropriaziun che é da determiné aladô dl articul 7-quinquies dla lege provinziala di 15 d'aurí dl 1991, n. 10, y mudaziuns suandëntes. Sön la basa dles deliberaziuns d'assegnaziun ti vëgnel conzedü al comun n contribut che amunta al 50 porcënt che resta dl'indenisaziun d'espropriaziun. L'Ofize Sciazada dla Provinzia determinëia sce l'indenisaziun d'espropriaziun é amosorada. Te chësc caje ne spetel nia l'aumënt dl 10 porcënt dl'indenité preodüda dal articul 6, coma 2 dla lege provinziala di 15 d'aurí dl 1991, n. 10, y mudaziuns suandëntes. 276)

(6)  Sce por cumpré sperses por le frabiché abitatif alisiré mëssel gní paié la cuta sön le valur ajuntè vëgn les somes dades dant ti comesc 2, 3, 4 y 5 alzades dla soma corespognënta.

(7)  I comuns o sü consorc assegnëia les sperses acuisides do les desposiziuns de chësta lege meton a ciaria dla porsona che ciafa l’assegnaziun na soma che ti corespogn al import da ti rete ala Provinzia por la cumpra dles sperses, tl respet de ci che vëgn preodü al coma 5-bis de chësc articul. Sce por le raiun moscedé interessé dal'assegnaziun él danman tl medemo tëmp chëstes trëi condiziuns, ti corespogn le prisc d'assegnaziun al dopl dl import da rete:

1. les porsones che á ciafé l'assegnaziun é i proprietars da denant dles sperses o so parenté y süa parentela de pröm degré dl om o dla fomena;
   
2. i stromënc de planificaziun urbanistica resservëia plü co le 60 porcënt dla spersa o dla cubatöra por le frabiché abitatif alisiré o por abitaziuns a cun n lian de prisc;
   
3. cun le 40 porcënt dla spersa o dla cubatöra dl raiun moscedé fossel sté poscibl por le proprietar da denant da realisé n'abitaziun de almanco 495 metri cubics. 277) 
   

(7-bis) Les majeres entrades poscibles dl comun o de so consorz sön la basa de ci che vëgn odü danfora dal coma 7 de chësc articul, mëss ti gní retüdes ala Provinzia te 120 dis da canche les sperses ti é gnüdes zedüdes a che che ciafa l'assegnaziun. Te chësc caje n'éson nia debit i fic legai. 278)

(8)  L’acuirënt mëss paié la soma corespognënta tl momënt dla zesciun y le comun mëss dé derevers la soma finanziada danfora dala Provinzia tl tëmp preodü dal coma 14. Le somes incassades de iade en iade dala Provinzia röia indô tl bilanz provinzial por gní adorades por d'atri impëgns de spëisa.

(9)  Por l’urbanisaziun primara dles sperses por le frabiché abitatif alisiré sciöche ince por i atri laurs che vá debojëgn por taché ite chëstes sperses ala rëi di sorvisc publics vëgnel conzedü n contribut de n iade tla mosöra dl 60 porcënt dles spëises reconesciüdes por i laurs. Al vëgn stlüt fora les mosöres de proteziun cuntra prighi naturai che pó gní finanziades aladô dl articul 89. Sön domanda dl comun pól gní conzedü n'antizipaziun tla mosöra dl 60 porcënt dla spëises preventivades tla domanda de contribut y che corespogn ai laurs preodüs da chësc coma. Le contribut definitif che speta vëgn determiné sön la basa dl decunt final y pó ester de alplü le 60 porcënt dles spëises reconesciüdes por i laurs. Dal contribut definitif vëgnel trat jö l'antizipaziun che é eventualmënter bele gnüda conzedüda. Sce sön la basa dl decunt final mëssel gní dé derevers na pert dl'antizipaziun conzedüda, ne éson nia debit i fic legai. Le decunt final mëss gní presenté te cinch agn dala data de conzesciun dl'antizipaziun scenó vëgn le contribut revoché. Sön domanda motivada dl comun pó le termin por la presentaziun dl decunt final gní proroghé de alplü trëi agn. 279)

(10)  Adöm cun le contribut de n iade por l’urbanisaziun primara ti vëgnel conzedü ai comuns n contribut de n iade por l’urbanisaziun secundara tla mosöra dl 60 porcënt dl contribut che, sön la basa dl regolamënt comunal sön le scudimënt di contribuc d’urbanisaziun, é a ciaria dles sperses por le frabiché abitatif alisiré.

(11)  L’assessur provinzial/L'assessuria provinziala por le frabiché abitatif ti conzed ai comuns o a sozietés y ënc zënza fins de davagn n finanziamënt por cumpré terac frabicá o sön chi che al pó ciamó gní frabiché che é ti raiuns moscedá, ti zëntri storics y ti raiuns de recualificaziun urbanistica preodüs dai articui 24, 26 y 30 dla lege provinziala di 10 de messé dl 2018, n. 9, y mudaziuns suandëntes, y te vigni caje tl raiun de insediamënt, por recuperé le patrimone imobiliar che é bele por fins abitatifs o adoré dërc da frabiché por fins abitatifs. Desvian da ci che vëgn stabilí dai articui 57, 58 y 59 dla lege provinziala di 10 de messé dl 2018, n. 9, y mudaziuns suandëntes, vëgn chisc terac destiná al frabiché abitatif alisiré tres na mudaziun dl plann comunal por le teritore y la contrada o, sce al é n plann d'atuaziun, n plann de recuperada o n plann de recualificaziun urbanistica, tres na mudaziun dl plann interessé. I terac che vëgn destiná a chësta moda vëgn conscidrá, por dötes les faziuns dla lege provinziala di 10 de messé dl 2018, n. 9, y mudaziuns suandëntes, sciöche ince de chësta lege, sperses por le frabiché abitatif alisiré y é sotmetüdes al lian preodü dal articul 86 colié a ci che vëgn stabilí dal articul 62. Do che al é gnü mudé le plann comunal por le teritore y la contrada o le plann d'atuaziun, le plann de recuperada o le plann de recualificaziun urbanistica vëgn na pert dl finanziamënt trasformé te n contribut de n iade. Por i terac frabicá da recuperé fej fora le contribut de n iade dal 50 al 80 porcënt di cosć de costruziun dla cubatöra amissibla sön le terac. I criters por la conzesciun dl contribut nominé vëgn stabilis dala Junta provinziala cun na deliberaziun da publiché tl Boletin Ofizial dla Regiun. Sce le comun é bele le proprietar di terac frabicá o á bele cumpré i terac cun mesi desvalis da chi preodüs da chësc articul, ti vëgnel conzedü, do che al é gnü mudé le plann comunal por le teritore y la contrada o le plann de atuaziun, de recuperada o de recualificaziun urbanistica cun chi che le terac vëgn destiné al frabiché abitatif alisiré, sön la basa dla deliberaziun de assegnaziun, n contribut de n iade dl 20 porcënt dl cost de costruziun dla cubatöra amissibla sön le terac. 280)

(12)  L'assessur provinzial/L'assessuria provinziala por le frabiché abitatif ti conzed al IPFS n contribut por cumpré sperses che é tl raiun de insediamënt adatades da gní destinades a grunt da frabiché, do ch’al é gnü mudé la destinaziun urbanistica y che vá debojëgn por realisé i programs de costruziun aprová. Denanco cumpré la spersa mëss l’IPFS damané l’arat dl comun competënt te chël raiun y dla Comisciun comunala por le teritore y la contrada. I arac liënc dl comun y dla Comisciun comunala por le teritore y la contrada por ci che reverda l’idoneité dla spersa sciöche terac da frabiché mëss gní dá jö te 90 dis da canche al é gnü presenté domanda. Sce chësc termin toma zënza che le comun o la Comisciun comunala por le teritore y la contrada ais lascé alsavëi valch, vëgn l’arat conscidré positif. Do che al é gnü stlüt jö le contrat de cumpra y sön domanda dl IPFS aprovëia le Consëi de comun te na manira definitiva la mudaziun dl plann comunal por le teritore y la contrada. 281)

(13)  L’assessur provinzial/L'assessuria provinziala por le frabiché abitatif ti conzed ai comuns finanziamënc por cumpré terac tl raiun d'insediamënt che pó gní adorá sciöche grunt da frabiché. Denanche cumpré le grunt mëss le comun damané do l’arat liënt dla Comisciun comunala por le teritore y la contrada. L’arat dla Comisciun comunala por le teritore y la contrada sön l’idoneité dl terac sciöche grunt da frabiché mëss gní dé jö te 90 dis da canche al é gnü fat domanda. Sce chësc termin toma zënza che la Comisciun comunala por le teritore y la contrada ais lascé alsavëi valch, vëgn l’arat conscidré positif. Do che al é gnü aprové le plann d’atuaziun por chës sperses che tl plann d’atuaziun é destinades al frabiché abitatif alisiré y ai laurs d’urbanisaziun primara che alda lapró, mëss le 50 porcënt dl finanziamënt conzedü ti gní retü ala Provinzia. 282)

(14)  Le comun mëss ti rete ala Provinzia le finanziamënt conzedü te 120 dis da canche les sperses ti é gnüdes zedüdes a che che les ciafa en assegnaziun. Le finanziamënt nominé mëss a vigni moda gní retü te cater agn da canche al é gnü conzedü, ince sce les sperses n’é nia ciamó gnüdes assegnades. Sce i finanziamënc ne vëgn nia retüs te chësc tëmp, vëgn les somes corespognëntes trates jö, pro la proscima tomanza, dales somes che ti speta ai comuns aladô dl articul 5 dla lege provinziala di 14 de forá 1992, n. 6, y mudaziuns suandëntes. Les somes trates ite insciö röia indô tl bilanz provinzial por gní adorades por d'atri lians de destinaziun. Sön domanda dl comun pó le termin por la retüda di finanziamënc gní proroghé alplü de ciamó cin' agn, sce le comun dá na motivaziun aladô o sce ara se trata de intervënc d'interes suracomunal. Te chësc ultim caje vëgn la soma valutada danü sön la basa di indesc dl cost dla vita azertá dal Istitut provinzial de statistica tl raiun dla provinzia de Balsan. La retüda revalutada di finanziamënc mëss a vigni moda gní adaldé te 20 agn. Sce les sperses ti é bele gnüdes assegnades al Istitut por le frabiché sozial, pó i finanziamënc conzedüs ai comuns gní retüs sön domanda motivada y sce al é n bojëgn ogetif, te set agn da süa conzesciun, ince sce les sperses n’é nia ciamó gnüdes zedüdes en proprieté. Al romagn la poscibilité da proroghé de n ann le termin por rete i finanziamënc.  283)

(15)  I finanziamënc conzedüs aladô di comesc 12 y 13 ne stlüj nia fora la poscibilité che sön le plann d’atuaziun, che é da arjigné aladô dl articul 37 dla lege provinziala di 11 d’agost 1997, nr. 13, y mudaziuns suandëntes, pól gní preodü aladô dl coma 5 dl articul 37 nominé dessura, da resservé cubatöres por les aziëndes de sorvisc y de comerz al detai sciöche inće por implanc d’urbanisaziun secundara de chi che le raiun à debojëgn.

(16)  Les somes che vá ite aladô de chësc articul röia tl bilanz provinzial por gní destiná a gní impegná danü tl setur dl frabiché abitatif alisiré. 284) 

(1)  Por garantí la realisaziun di programs de costruziun dl Istitut por le frabiché sozial ti damana la Junta provinziala ai comuns, olache al n'é nia ciamó gnü realisé i programs de costruziun, da ti lascé alsavëi sce al é a desposiziun sperses adatades por realisé de te programs.

(2)  Tl caje de inativité dl comun y sce al é sperses adatades a desposiziun vëgneres destinades d'ofize dala Junta provinziala al frabiché abitatif alisiré tres na varianta al plann comunl por le teritore y la contrada o al plann d'atuaziun. Le comun mëss esproprié les sperses individuades a chësta moda a bëgn dl Istitut por le frabiché sozial. 285)

(1)  Ales porsones singules o assoziades te cooperatives da frabiché che fej domanda y che á les condiziuns por gní lasciades pro ales sperses por le frabiché abitatif alisiré y che realisëia süa abitaziun popolara cumpran na spersa resservada al frabiché residenzial privat o na costruziun bele destinada a n’atra adoranza, da trasformé te n’abitaziun tres un di intervënc de recuperada preodüs dales lëtres d) y f) dl coma 1 dl articul 62 dla lege provinziala di 10 de messé dl 2018, n. 9, y mudaziuns suandëntes, ti vëgnel conzedü a ciaria dl fonds preodü dal coma 1 dl articul 87 n contribut de n iade che ti corespogn al mez di costimënc dla spersa y di cosć de urbanisaziun primara y secundara, y che fej fora a vigni moda manco dl 10 porcënt di cosć de costruziun dl’abitaziun. 286)

(1-bis)  Les porsones che fej domanda mëss ademplí les condiziuns preodüdes dal coma 1 canche ares cumpra le terac o le frabicat. 287)

(2)  A ciaria dles abitaziuns por chëres che al vëgn conzedü l'alisirimënt preodü dal coma 1 mëssel gní anoté tl liber fondiar le lian sozial de vint agn dl frabiché abitatif alisiré nominé tl articul 62. 288) 289)

(1)  Sce por arjigné ca n raiun moscedé ne vál nia ma debojëgn da realisé i laurs de urbanisaziun primara preodüs dal articul 18, coma 2 dla lege provinziala di 10 de messé dl 2018, n. 9, y mudaziuns suandëntes, mo ince laurs de segurëza geotecnica y laurs de spostamënt de condütes di sorvisc che é bele, pó ince chisc laurs gní lasciá pro ai alisiramënc por l’urbanisaziun dles sperses destinades al frabiché abitatif alisiré preodüs dal articul 87 de chësta lege. 291)

(2)  La nezescité di laurs preodüs dal coma 1 mëss resulté da n arat geologich y dal plann d’atuaziun. L’alisirimënt é ma poscibl sce i cosć totai por cumpré y arjigné ca le terac y por l’urbanisaziun primara dl terac da frabiché superëia por les porsones che á ciafé le terac en assegnaziun le 20 porcënt di cosć de costruziun por lege dla cubatöra amissibla tl raiun. 292)

(1)  Le contribut de n iade preodü dal articul 2, coma 1, lëtra I) ne pó nia ester majer co le 40 porcënt dl cost de costruziun de n’abitaziun de 80 metri cuadrac convenzionai, determiné aladô dl articul 7, coma 2. Les porsones che á le dërt da tó adinfit o cumpré n'abitaziun popolara che é gnüda fata sö o cumprada dales sozietés o dai ënc preodüs dal articul 2, coma 1, lëtra l) mëss ademplí les condiziuns generales y spezifiches preodüdes dai articui 45 y 46 canche ares dá jö la domanda. Sce la spersa é gnüda cumprada dales sozietés o dai ënc nominá dessura dan la presentaziun dla domanda, mësson avëi les condiziuns generales y spezifiches preodüdes dai articui 45 y 46 ala data dla cumpra dla spersa. Sce le comëmber de na cooperativa vëgn baraté fora da n soze nü do che la cooperativa á cumpré la spersa y denant che ara ti vëgnes surandada sciöche proprieté, mëssel avëi i recuisic dla cooperativa al momënt dla presentaziun dla domanda de contribut.   293)

(1-bis)  Sce les abitaziuns preodüdes dal articul 2, coma 1, lëtra I), vëgn realisades da sozietês o ënć istituis por costruì o acuisì, zënza fins de davagn, abitaziuns da dè n afit, inće cun impormetüda de venüda, o da vëne, vëgn le contribut preodü dal coma 1 calcolè sön la basa dl valur convenzional determiné aladô dl articul 7, tl respet a vigni moda dles alisiraziuns bele ciafades aladô di articui 87, 87-bis y 88. 294)

(2)  I contribuć preodüs dal coma 1 vëgn conzedüs aladô di programs de costruziun aprovà dala Junta provinziala.295)

(3)  Sce les abitaziuns vëgn realisades da comuns o sozietês o ënć zënza fins de davagn, mëssel gnì stlüt jö na convenziun cun l’aministraziun provinziala olache al vëgn stabilì i criters por paié fora le contribut de n iade, assegnè les abitaziuns, fà fora l’afit y, sce al va debojëgn, le prisc de zesciun dles abitaziuns en osservanza di prinzips de chësta lege y cun garanzies finanziares adatades por ademplì i dovëis surantuć. 296) 

(4)  Sce les abitaziuns vëgn realisades dal IPFS, vëgn i criters preodüs dal coma 3 stabilis cun deliberaziun dla Junta provinziala. 297)

(5)  La Junta provinziala po inće stabilì n majer afit co chël preodü dal articul 7, coma 3, pröma frasa, por i cuartiers realisà aladô de chësc articul. 298) 

(6)  Sce tl program de costruziun él preodü che les abitaziuns vëgnes surandades en proprieté ai afitadins te n momënt stabilì tl medemo program de costruziun, pol inće gnì preodü tla convenziun preodüda dal coma 3 che i afitadins dl dagnì toles pert al cost de costruziun dl’abitaziun cun na süa cuota. 299) 299)

(7)  Sce les abitaziuns realisades aladô de chësc articul ti vëgn surandades en proprieté, ne pól nia gní damané do les alisiraziuns dl frabiché por cumpré abitaziuns preodüdes dala seziun 6, ater co chëres odüdes danfora tl cheder dl model de sparagn da frabiché preodü dal articul 2, coma 1, lëtra Q1). 300)

(8)  Sce al é preodü che n’abitaziun vëgnes surandada en proprieté aladô dl articul 2, coma 1, lëtra I), mësson stlü jö na convenziun cun le patrun dl dagnì, olache al vëgn danter l’ater stabilì le prisc de cumpra, les antizipaziuns y les rates mensiles. La convenziun mëss ti corespogne ales diretives dla Junta provinziala, che é da emanè te 180 dis.301)

(9)  Por zede o trasferí abitaziuns por la “classa mesana” pó i comëmbri dla cooperativa por le fabriché, che á ciafé n contribut aladô de chësc articul por realisé chëstes abitaziuns, gní baratá fora ti caji y tl respet dles condiziuns preodüdes dal articul 63 y suandënc, do che la cooperativa á controlé i recuisic d’amisciun dl comëmber nü. La domanda de autorisaziun mëss gní dada jö dala cooperativa por le frabiché. 302)

(10)  Le control di recuisic d’amisciun aladô dl coma 9 n’é nia preodü ti caji preodüs dai articui 66 y 66-bis. 303)

(11)  Do che la cooperativa por le frabiché é gnüda tuta jö vëgn le contribut preodü dal coma 1 partí sö danter i patruns y sües abitaziuns, che romagn sotmetüdes ai lians preodüs dala deliberaziun dla Junta provinziala varënta en materia de abitaziuns por la “classa mesana”, sciöche ince ales desposizius en materia de lian sozial preodüdes dai articui 63 y suandënc, tan inant che ara vá da les apliché. 304)

(1)  I contribuć aladô dl articul 2, coma 1, lëtra L) po gnì conzedüs a porsones cun handicap o cun limitaziuns funzionales permanëntes, tolon ite inće l’ester verc, o limitaziuns da jì o da se möi, a chës porsones che à a ćiaria les porsones nominades tl articul 12 dl decret dl Presidënt dla Republica di 22 de dezëmber 1986, nr. 917, sciöche inće a condomini, zëntri o istituć olach’al vir les categories de porsones benefiziades dites chilò dessura.

(2)  I contribuć po gnì acumulà cun chi che é gnü conzedüs a vigni titul ala porsona cun handicap, ala porsona che l’à a ćiaria, al zënter, al istitut o al condomine.

(3)  Por gnì lascià pro al contribut mëss i laûrs por superè i impedimënć architetonics corespogn ales prescriziuns tecniches aladô dl decret ministerial di 14 de jügn 1989, nr. 236 y dla lege di 5 de forà 1992, nr. 104.

(4)  Les condiziuns y les modalitês por la presentaziun dles domandes, por determiné i cosć lascià pro y por paié le contribut vëgn stabilides cun regolamënt d’esecuziun. Les domandes de contribut indicades tl coma 1 vëgn te vigni caje lasciades pro dan dötes les atres domandes de contribut da frabiché aladô dl articul 2, coma 1.306) 

(5)  Sce por rajuns tecniches cumprovades ne él nia poscibl adatè l’abitaziun esistënta, che mëss ester la sóra abitaziun de proprieté dla porsona che damana, ales desposiziuns sön le superamënt di impedimënć architetonics pol gnì conzedü, impede le contribut aladô di comesc 1, 2, 3 y 4, n contribut por cumprè o fà sö n’abitaziun nöia che corespogn ales normes sön le superamënt di impedimënć architetonics tla mosöra dl 20 porcënt dl valur convenzional dl’abitaziun nöia.307) 

(1)  I contribuć a cooperatives de garanzia por cumprè na ćiasa preodüs dal articul 2, coma 1, lëtra N) vëgn conzedüs a norma dla lege provinziala di 30 de dezëmber 1982, nr. 40, a cooperatives de garanzia bele esistëntes canche chësta lege é jüda en forza. Les cooperatives de garanzia bele esistëntes mëss s’impegné a ne tó sö degöna atra garanzia y a dè sö süa ativité canche les garanzies tutes sö toma.

(1)  Les abitaziuns dl IPFS, dla Provinzia, di comuns y di ënć publics, stlujon fora i ënć publics economics, che é gnüdes realisades totalmënter o en pert cun mesi finanziars dl Stat o dla Provinzia vëgn assegnades aladô dles desposiziuns de chësta seziun.

(2)  Nia sotmetüdes ales desposiziuns de chësta seziun n’é:

1. les abitaziuns che é destinades a abitaziuns de sorvisc;
2. les abitaziuns di ënć publics de previdënza nia fates sö cun mesi finanziars dl Stat;
3. les abitaziuns che a gauja de lians particolars a chi ch’ares é sotmetüdes y de sües carateristiches particolares n’é nia adatades al frabiché abitatif sozial;
4. les abitaziuns de frabica vedla di ënć publics dà dant tl coma 1 y les abitaziuns provisores destinades a ti tè n’abitaziun a families che por gauja de catastrofes naturales é restades zënza na ćiasa o mëss arbandonè sües abitaziuns por rajuns de segurëza publica o de utilité publica;
5. les abitaziuns destinades a sistemé por n pez families tl caje ch’al vëgn fat intervënć de recuperada;
6. les abitaziuns adorades por sistemé temporaneamënter families che vëgn dant sön la gradatöra por l’assegnaziun d’abitaziuns te na posiziun adeguada y che vëgn manaciades da gnì sfratades bele dan la surandada probabla dl’abitaziun;
7. les abitaziuns che vëgn dades en afit dal IPFS do avëi ciafè l’autorisaziun dl’aministraziun provinziala ala comunité raionala competënta te chël raiun, a ënć, cooperatives o assoziaziuns, che à aladô de so statut le fin de dè assistënza a porsones che fej pert de categories soziales particolares aladô dl articul 22;
8. les abitaziuns por le sorvisc d'acompagnamënt y assistënza abitativa por jënt atempada preodüdes dala lëtra a) dl coma 2 dl articul 11-quater dla lege provinziala di 30 d'aurí dl 1991, n. 13, y mudaziuns suandëntes. 308)

(1)  Por ch’al ti vëgnes assegné ai damananć abitaziuns dl frabiché sozial en afit aladô dl articul 94, coma 1, mëss i damananć ademplì chëstes condiziuns:

1. avëi la residënza o le post de laûr da almanco 5 agn tla provinzia y da almanco dui agn tl comun olach’al é les abitaziuns;
2. nia ester titolars dla rajun de proprieté, dl dërt de nüz, d’adoranza o d’abitaziun de n’abitaziun adatada al bojëgn dla familia y gnanca avëi zedü ti ultimi cin agn dan la presentaziun dla domanda n te’ dërt; le medemo vel por la fomena o l’om nia despartì;
3. nia fà pert de na familia lasciada pro a n contribut publich por fà sö, cumprè o recuperè n’abitaziun adeguada al bojëgn dla familia, ater co sc’al vëgn metü sö na familia nöia;
4. nia jì sura le “valur dla situaziun economica” (VSE) de 2,36 fora; 311)
5. al ne po nia ester gnü desponü te sü confrunć la revocaziun dl’assegnaziun de n’abitaziun ti ultimi cin agn, ater co por les revocaziuns d’assegnaziun de abitaziuns desponüdes aladô dl articul 22, coma 5;
6. al ne po nia ester gnü desponü te sü confrunć da pert dl IPFS ti ultimi cin agn le sfrat por intardiada;
7. al ne po nia ester te sü confrunć la gauja d’estlujiun aladô dl articul 46, coma 2.312)
8. al ne po nia ester assegnatar de n’abitaziun IPFS adatada, ater co sce ara nen va dla domanda de mudé abitaziun aladô dl articul 104.313)
   

(1.1)  La Junta provinziala pó, por rajuns particolares y fondades, fá i adatamënc che ó ester al VSE (valur dla situaziun economica) preodü tl coma 1, lëtra d). 314)

(1-bis)  Por calcolè la dorada minima dla residënza tla provinzia aladô dl coma 1, lëtra a) vëgnel conscidré la residënza storica preodüda dal art. 45.315) 

(1-ter)  Ćina che i damananć n’à nia arjunt la dorada minima dla residënza o dl post de laûr preodüda tl coma 1, lëtra a) por l’assegnaziun de n’abitaziun, poi damanè ch’al ti vëgnes assegné n’abitaziun adinfit tl comun de provegnënza.316) 

(2)  Sce les abitaziuns sön chëres che le damanant, o süa fomena o so om nia legalmënter despartì à i dërć aladô dl coma 1, lëtra b), é fora dla provinzia vëgn le damanant ma stlüt fora dal’assegnaziun de abitaziuns en afit sce la valur convenzional de chëstes abitaziuns, sön la basa dles desposiziuns regionales respetives, corespogn al valur convenzional de n’abitaziun adeguada ala familia dl damanant sön la basa dles desposiziuns de leges dla provinzia.

(3)  Les gaujes d’estlujiun aladô dl coma 1, lëtres b) y c), ne vëgn nia aplicades ti caji aladô di articui 29 y 39.

(4)  Sce le damanant é proprietar de n’abitaziun nia adeguada te n comun dla provinzia o à le dërt de nüz de na te’ abitaziun, pol ciafè en assegnaziun n’abitaziun en afit ma sc’al ti pîta süa abitaziun en afit al IPFS.317) 

(5)  Por l’aplicaziun di comesc 1, 2 y 3 vel por le conzet de familia l’articul 44.

(6)  Por le conzet d’abitaziun adeguada vel l’articul 43, coma 1.

(7)  Por calcolè le davagn complessif dla familia vel l’articul 58. Pro la calcolaziun dl davagn complessif dla familia vëgnel inće cumpedè le davagn dla porsona che convir “more uxorio” cun la porsona che fej domanda.

(8)  Tan bëgn le damanant co i comëmbri de süa familia mëss avëi les condiziuns por l’assegnaziun de abitaziuns en afit dal momënt dla presentaziun dla domanda ćina al momënt dl’assegnaziun dl’abitaziun en afit.

(9)  Desvian da ći che é preodü dal coma 1, lëtra a) po les porsones emigrades foradecà bele residëntes dan l’emigraziun por almanco cin agn tla provinzia y che s’impegnëia a mëte indô süa residënza tla provinzia, presentè domanda d’assegnaziun de n’abitaziun te chël comun olach’ai â süa ultima residënza o olach’al é desmostrè ch’ai po eserzité süa profesciun o so laûr.

(10)  Sce tl capolüch dla provinzia o tles localitês zentrales stabilides tl plann provinzial de svilup y de coordinamënt dl raiun él preodü programs abitatifs straordinars, po la Junta provinziala desponn, desvian dala desposiziun aladô dl coma 1, lëtra a), che inće i damananć che à la residënza o le post de laûr te n comun dl raiun d’integraziun po fà domanda d’assegnaziun de chës abitaziuns.

(11) 318)

(1)  Por l’assegnaziun dles abitaziuns vel i criters de preferënza aladô dl articul 47. Cun regolamënt d’esecuziun vëgnel stabilì por l’assegnaziun de abitaziuns en afit punć aposta por le davagn.

(1)  Les modalités y i criters unitars por la presentaziun dles domandes de assegnaziun de n’abitaziun en afit, por la valutaziun dles domandes d’assegnaziun de n’abitaziun en afit, por la formaziun dles gradatöres y por la sozesciun tla domanda, vëgn stabilis cun regolamënt d’esecuziun. c de setëmber y otober de vigni ann al IPFS o al comun competënt te chël raiun. 319) 

(1)  Les abitaziuns che devënta desponibles por gnì assegnades tratan le tëmp de validité dla gradatöra vëgn assegnades cun decret dl Presidënt dl IPFS ai damananć che à le dërt.

(1-bis)  Sce la gradatöra de n comun é rovada po les abitaziuns nia assegnades gnì assegnades, desvian da ći che é preodü tl articul 97, coma 1, lëtra a), a damananć che é sön les gradatöres de comuns vijins.321) 

(2)  Pro l’assegnaziun dles abitaziuns tëgn le Presidënt dl IPFS cunt dl numer di locai de vigni abitaziun y dla consistënza dles families di damananć ametüs. Sce n damanant ametü ne azetëia nia l’abitaziun metüda a desposiziun, inće sce ara à dötes les carateristiches adatades a sü bojëgns, vëgnel straihé dala gradatöra y al po impormò indô se damanè l’assegnaziun de n’abitaziun adinfit do ot agn. 322)

(2-bis)  Por sostignì l’integraziun di imigranć vëgn les abitaziuns assegnades inće desvian da ći é preodü dal coma 2, a na moda che la perzentuala di imigranć ne sides te degun frabicat dl IPFS de regola majera co le 10 por cënt di assegnatars. Sce n frabicat à manco co diesc cuartiers, po un n cuartier gnì metü a desposiziun de imigranć.323)

(3)  Adöm al invit da se chirì fora n’abitaziun o cun n provedimënt spezifich ti vëgnel metü dant ai damananć lascià pro n terminn pretlusif anter chël ch’al é da detlarè sce azetè o no le cuartier assegné.

(4)  Tl invit a stlüje jö le contrat d’afit vëgnel fissé n terminn nia sot ai ot dis y nia sura i 30 dis anter chël che l’abitaziun mëss gnì ocupada te na manira definitiva y abitada te na manira permanënta. Por les porsones residëntes foradecà é le terminn por jì a ocupé y abité te na manira permanënta tl cuartier de 90 dis. Por rajuns de forza plü alta gnüdes a s’al dè denant che i terminns dà dant chilò dessura tomass po le Presidënt di IPFS conzed na prorogaziun dl terminn che é da motivé dër avisa.

(5)  Por l’assegnaziun de abitaziuns a categories soziales particolares nominades tl articul 22, coma 3, vel i criters stabilis dala Junta provinziala aladô dla desposiziun nominada.

(6)  L’abitaziun assegnada po ma gnì abitada da chës porsones dades dant tla domanda d’assegnaziun dl’abitaziun. D’atres porsones po ma gnì tutes sö tl’abitaziun sön domanda motivada y do avëi ciafè l’autorisaziun dl IPFS. L’autorisaziun ne vëgn nia damanada por i mituns de mëndra eté dla porsona che à fat domanda y, en caje de matrimone, por la fomena o l’om.

(7)  Ales porsones a chëres ch’al ti é gnü assegné n’abitaziun dl IPFS y che é tocades dal’esecuziun dl sfrat ti pol gnì dè alberch, por n certo tëmp ćina ch’al ti vëgn dè n’abitaziun, te abitaziuns provisores dl IPFS o te frabicać che l’aministraziun provinziala mët a desposiziun por chësc fin al IPFS.

(8)  Sce l’abitaziun assegnada a na porsona cun handicap ne vá nia a öna cun sü bojëgns y l’obliëia da tó y jí cun impedimënc architetonics tl’abitaziun assegnada, él preodü n finanziamënt dl 100 porcënt dles spëises.  324)

(1)  Les families che vëgn dant sön la gradatöra a chëres ch’al ne ti é nia gnü conzedü de renovè le contrat d’afit por les rajuns dades dant tl articul 3, coma 1, lëtra a) dla lege di 9 de dezëmber 1998, nr. 431, y ti confrunć de chëres che al vëgn fat la prozedöra por lascè lëdia l’abitaziun, po ciafè en assegnaziun n’abitaziun dan dai atri concorënć sön la gradatöra, do avëi aldì la comisciun por les assegnaziuns.325) 

(2)  Les porsones che é tles condiziuns nominades tl coma 1 y i damananć de chi che l’abitaziun é oget de lizita iudiziara po te vigni momënt presentè domanda por l’assegnaziun de n’abitaziun, tan inant ch’ai à les atres condiziuns por l’assegnaziun de abitaziuns en afit dl IPFS. La Comisciun por l’assegnaziun se crüzia de completè la gradatöra y po dè jö n arat por l’assegnaziun cun prezedënza.326) 

(1)  I criters por gnì lascià pro ales ćiases alberch por studënć, lauranć, porsones cun handicap y categories soziales particolares vëgn stabilis dala Junta provinziala. Tla determinaziun de chisc criters po la Junta provinziala inće desvié dai criters generai y spezifics por l’amisciun ai alisiramënć por frabiché dla Provinzia preodüs da chësta lege.

(2)  L’IPFS po gnì autorisé dala Junta provinziala a ti surandè la gestiun dles ćiases alberch ales aministraziuns o ales assoziaziuns interessades sön la basa de na convenziun.

(1)  Por slisiré le bojëgn de cuartiers por lauranć é l’IPFS autorisé a stlüje jö convenziuns por na dorada de nia manco de diesc agn y de nia plü de 20 agn cun ënć publics y privać che à imobii che podess gnì adorà sciöche ćiases alberch por lauranć.

(2)  Les ćiases alberch mëss ti pité ai lauranć na poscibilité d’abitaziun dëgna y a paiamënt, organisada dantadöt te na forma de cuartiers cun mangé y dormì. Chëstes strotöres mëss pité sorvisc coletifs por ademplì i bojëgns de mangé y dormì di lauranć.

(3)  Tla convenziun mëss l’ënt s’impegné da mëte a desposiziun n numer determiné de posć da dormì, da garantì i sorvisc aladô dl articul 114 y da i assegné tl respet di criters d’amisciun indicà tl articul 103.

(4)  Tla convenziun nominada tl coma 1 vëgnel inće regolè i raporć finanziars danter l’IPFS y i ënć. La soma anuala che l’IPFS ti paiarà ai ënć ne po nia ester plü co le 30 porcënt dl afit provinzial che vëgn calcolè aladô dl articul 7 y fej referimënt ala spersa convenzionala dla ćiasa alberch. Le contribut dl IPFS vëgn adorè por curì les mëndres entrades dl afit di posć da dormì che ne po nia gnì metüdes a ćiaria dles porsones che vir tla ćiasa alberch aplican i criters indicà tl articul 103.

(5)  Le regolamënt intern por les ćiases alberch convenzionades mëss gnì concordè cun l’IPFS y mëss se tignì ai criters dà dant tla deliberaziun aladô dl articul 103.

(6)  Les somes che l’IPFS ti darà ai ënć ti vëgn dà zoruch dal’aministraziun provinziala a ćiaria dla sort d’intervënt aladô dl articul 2, coma 1, lëtra K).327) 

(1)  I criters por l’assegnaziun d’abitaziuns te proieć pilot vëgn determinà dala Junta provinziala.328) 

(1)  Chi che à ciafè en assegnaziun n’abitaziun en afit po damanè ch’al ti vëgnes assegné n’atra abitaziun plü adeguada al bojëgn de süa familia. Chi che ciafa n’abitaziun adinfit mëss dal’atra pert dè derevers le cuartier olach’al à abité ćina a chël momënt, lëde da porsones y cosses, anter le terminn stabilì por l’ocupaziun dl’abitaziun nöia. L’assegnaziun de n’abitaziun sciöche barat sön n’atra vëgn fata cun decret dl Presidënt dl IPFS.

(2)  L’IPFS mët adöm na lista de afitadins che ocupëia abitaziuns olache le numer di locai, zënza cumpedè i locai secundars, va sura le numer di componënć dla familia, tan inant che la spersa abitativa ütla sides plü grana co 50 metri cuadrać por öna na porsona y de d’atri 15 metri cuadrać por vigni atra porsona.

(2-bis)  Por sostignì l’integraziun di imigranć vëgn les abitaziuns assegnades inće desvian da ći é preodü dal coma 2, a na moda che la perzentuala di imigranć ne sides te degun frabicat dl IPFS de regola majera co le 10 por cënt di assegnatars. Sce n frabicat à manco co diesc cuartiers, po un n cuartier gnì metü a desposiziun de imigranć.329)

(3)  Sce l’ocupaziun de n’abitaziun cun n numer de locai, zënza cumpedè i locai secundars, che va sura le numer di componënć dla familia döra por plü de n ann, po le Presidënt dl IPFS do avëi aldì la Comisciun por l’assegnaziun, revochè l’assegnaziun dl’abitaziun y ti assegné al afitadin tl medemo momënt n’atra abitaziun adatada al bojëgn dla familia. Te n te’ caje va i cosć dl trasferimënt a ćiaria dl IPFS y vëgn curis cun ći che vëgn trat ite dai afić.

(4)  Por slisiré le barat d’abitaziun ales porsones plü atempades po l’IPFS resservè na pert dles abitaziuns frabicades danü al barat de cuartiers aladô dl coma 1.330) 

(1)  L’IPFS mëss tignì sö na lista di afitadins a chi ch’al ti é gnü assegné n’abitaziun dl frabiché residenzial publich. I afitadins mëss ti dè les informaziuns che va debojëgn por respetè les normes varëntes.

(2)  Cun regolamënt d’esecuziun vëgnel stabilì i dać che i damananć mëss dè jö y i terminns che mëss gnì tignis ite por i dè jö.

(1)  Sce l’afitadin ess da morì antervëgnel tl’assegnaziun la fomena o l’om restè zoruch y le contrat d’afit vëgn trascrit a so bëgn.

(2)  Sc’al manćia na fomena o n om restè zoruch à les porsones dades dant chilò dessot le dërt al’assegnaziun dl’abitaziun te chësc ordinn:

1. i mituns;
2. i mituns di mituns;
3. i geniturs;
4. les sorus y i fredesc.

(3)  Les porsones dades dant tl coma 2 mëss dè proa dla convivënza cun l’afitadin da almanco dui agn tl momënt de süa mort y d’ester sön la lista di afitadins indicada tl articul 105. I fredesc, les sorus y i mituns di mituns mëss avëi vit deboriada cun l’afitadin por almanco diesc agn tl momënt de süa mort y gnì dant sön la lista di afitadins aladô dl articul 105. Por i mituns che tl momënt dla mort dl afitadin n’à nia ćiamò complì dui agn ne vëgnel nia damanè na dorada de convivënza de dui agn.

(4)  Sc’al manćia suzessurs che convir o geniturs vëgnel parifiché ala fomena o al om restà zoruch la porsona che convir te n raport “more uxorio” cun l’afitadin tl momënt de süa mort da almanco dui agn, tan inant ch’ara vëgn dant sön la lista di afitadins aladô dl articul 105.

(4-bis)  La domanda de assegnaziun dl’abitaziun mëss gnì dada jö dales porsones preodüdes dai comesc 2 y 4 tl tëmp de n ann da canche le afitadin é mort. Do che al è passè n ann dala mort dl afitadin zënza che al sides gnü presentè la domanda de assegnaziun dl’abitaziun, vëgn l’abitaziun aratada ocupada ilegalmënter.332)

(5)  L’assegnaziun dl’abitaziun ales porsones dades dant tl coma 2 vëgn desponüda dal Presidënt dl IPFS, do avëi aldì la Comisciun por l’assegnaziun.

(6)  Sce la situaziun de sanité dla porsona che à ciafè l’assegnaziun peiorëia a na te’ manira ch’ara à, aladô dles desposiziuns de lege varëntes, debojëgn d’assistënza y de gnì sistemada te na strotöra por porsones che é plü dî püres, à la fomena o l’om che é restè zoruch mo che n’é nia bele cotitolar dl contrat d’afit y les porsones nominades tl coma 2 le dërt de ciafè en assegnaziun l’abitaziun sce chëstes porsones viô cun l’afitadin da almanco dui agn te na comunité de familia tl momënt dla sistemaziun dl afitadin tla strotöra por porsones plü dî püres y vëgn dant sön la lista di afitadins aladô dl articul 105. Les sorus, i fredesc y i mituns di mituns mëss tl momënt dla sistemaziun dl afitadin te na strotöra por porsones plü dî püres avëi vit cun ël por almanco diesc agn y ai mëss gnì dant sön la lista di afitadins aladô dl articul 105.

(7)  Sce l’afitadin se trasferësc fora dla provinzia à les porsones nominades tl coma 2 le dërt de ciafè en assegnaziun l’abitaziun sce tl momënt dl trasferimënt dl afitadin viôi deboriada da almanco dui agn te na comunité de familia y ai vëgn dant sön la lista di afitadins aladô dl articul 105. Les sorus, i fredesc y i mituns di mituns mëss tl momënt dl trasferimënt dl afitadin avëi vit cun ël te na comunité de familia por almanco diesc agn y ai mëss gnì dant sön la lista di afitadins aladô dl articul 105.333)

(1)  Tl caje de na separaziun personala, de na desliaziun o dla fin dles faziuns dl matrimone müda l’IPFS sc’al é le caje l’assegnaziun dl’abitaziun y se crüzia dla trascriziun dl contrat d’afit se tignin ala dezijiun dl vicare. Sce le vicare ne tol nia na dezijiun ti assegnëia le Presidënt dl IPFS l’abitaziun cun priorité a chël partner a chël ch’al ti é gnü afidé i mituns, a condiziun ch’al vires tl’abitaziun te na manira permanënta.

(2)  Canch’al vëgn trascrit le contrat controlëia l’IPFS ch’al ne sides nia por le suzessur y i atri componënć de süa familia condiziuns che impedësc de stè inant te chë abitaziun.

(1)  Le prisc dl afit por abitaziuns de proprieté dl IPFS o surandades al IPFS por la gestiun vëgn determiné cun regolamënt d’esecuziun, sc’al va debojëgn él da apliché i coefiziënć por l’eté y la situaziun de manutenziun preodüs dai articui 20 y 21 dla lege di 27 de lugio 1978, n. 392. 335)

(1)  Families che ocupëia n’abitaziun che à na spersa abitativa ütla che va sura i 50 metri cuadrać fora por la pröma porsona y sura i 15 metri cuadrać por vigni atra porsona y che n’é nia a öna de baratè abitaziun aladô dl articul 104, mëss paié por la spersa abitativa ütla che va sura la mosöra nominada chilò dessura döt l’afit preodü tl articul 112, coma 1.

(1)  Tl afit aladô dl articul 112 ne él nia aratè i cosć por i sorvisc de verda, por le puzenè, le scialdè, le lift y por d’atri sorvisc eventuai che vëgn da usanzes y tradiziuns locales, sciöche inće les spëises por le consum de ega y forza eletrica por ći che reverda les perts coletives y inće la cuta por les eghes pazes y por le trasport de refodam y le cost dl'assiguraziun por la responsabilité zivila. Chisc cosć ti vëgn aćiarià ai afitadins en relaziun ai sorvisc fać che mëss gnì documentà avisa.336)

(1)  L’IPFS pó chirí fora danter sü afitadins porsones de crëta por mioré so raport cun l'afitadinanza y por che al vëgnes ciaré sura damí, sconé y curé so patrimone imobiliar; por chësc ti vëgnel dé ales porsones de crëta n compëns adaté che vëgn stabilí cun deliberaziun dl consëi d'aministraziun. 337)

(1)  Sc’al esist ti confrunć de n afitadin les condiziuns por trà zoruch l’assegnaziun dl’abitaziun por via che le davagn va sura le limit de davagn dè dant tl articul 110, coma 1, lëtra f), pol schivé la revocaziun dl’assegnaziun dl’abitaziun sc’al é a öna de paié le prisc dl afit provinzial. La detlaraziun dl afitadin de orëi paié l’afit provinzial mëss gnì fata anter 30 dis dala constataziun dl fat ch’al é les condiziuns por la revocaziun dl’abitaziun.

(2)  Sce le davagn complessif dla familia dl afitadin va sura le limit de davagn dè dant tl articul 58, coma 1, lëtra c) po chësc stè inant tl’abitaziun sc’al ti paia al IPFS n afit che va sura l’afit provinzial fora dl 20 porcënt.

(3)  La revocaziun dl’assegnaziun dl’abitaziun ti confrunć di afitadins dà dant ti comesc 1 y 2 po gnì desponüda, do avëi ciafè l’autorisaziun dla Junta provinziala, sce tl comun relatif él domandes d’assegnaziun de abitaziuns che n’à nia podü gnì tutes en conscidraziun da plü de dui agn.

(1)  Nia sotmetüdes ales desposiziuns sön l’assegnaziun de abitaziuns en afit dl IPFS y di comuns n’é les abitaziuns de frabica vedla di ënć publics y les abitaziuns provisores destinades a ti dè n’abitaziun a families che é restades zënza na ćiasa do da catastrofes naturales o che mëss lascè süa abitaziun por rajuns de segurëza publica y de ütl publich.

(2)  Por ciafè n’abitaziun en assegnaziun aladô dl coma 1 mëss les families avëi les condiziuns generales por gnì ametüdes ai alisiramënć por frabiché dla Provinzia aladô dl articul 45.

(1)  Le dërt dl Presidënt dl Junta provinziala de tó provedimënć do la deliberaziun dla Junta provinziala, aladô dl articul 7 dla lege di 20 de merz 1865, nr. 2248, injunta E), ma ti caji de nezescité publica gravënta por ći che reverda le bojëgn abitatif, resta impé.

(2)  Denant co eserzité le dërt aladô dl coma 1 y sc’al manćia les abitaziuns che vëgn tutes en conscidraziun tl articul 119, coma 1, ti mëssel gnì dè ales families zënza n tët de preferënza n alberch te abitaziuns o te ambiënć de proprieté publica adatà a sorvì por n certo tëmp sciöche abitaziun.

(3)  Por chësc fin mëss i ënć publics ti lascè al savëi ala Provinzia les abitaziuns che é y chëres che sarà desponibles; chësc vel inće por i ënć economics che se desfarenziëia da chi nominà tl articul 68 dl decret dl Presidënt dla Republica di 31 d’agost 1972, nr. 670. La comunicaziun mëss gnì fata anter n mëis dal dé de desponibilité inant o dal terminn olach’al é sigü che la desponibilité sides dada.

(1)  Por les abitaziuns assegnades a families che é restades zënza n tët vëgnel apliché les desposiziuns di articui 104, 105, 106, 107, 108, 109, 110, 112, 113, 114 y 115.

(1)  L’IPFS po gnì autorisé cun deliberaziun dla Junta provinziala a zede en proprieté ćina al 30 porcënt de so patrimone de frabiches che à almanco 10 agn dal dé olach’al é gnü dè fora le zertificat d’abitabilité.

(2)  Le prisc de zesciun dles abitaziuns corespogn al prisc de marćé stabilì dal Ofize sciazada dla Provinzia, tignin cunt dles spëises de manutenziun straordinara autorisades dal IPFS y paiades dal afitadin.

(2-bis)  I acuirënć che à les condiziuns generales por gnì lascià pro ai alisiramënć por frabiché dla Provinzia po damanè ch’al ti vëgnes arbassè le prisc de zesciun dl 20 porcënt.340)

(2-ter) Por les abitaziuns zedüdes en proprieté aladô dl coma 1 ne pol nia gnì damanè i alisiramënć por la cumpra de abitaziuns aladô dla seziun 8.341)

(3)  Dala zesciun vëgnel stlüt fora les abitaziuns de sorvisc dl IPFS, les abitaziuns preodüdes tl regolamënt d’esecuziun dl articul 22, coma 5 y les abitaziuns assegnades a categories soziales particolares o a porsones atempades.

(4)  L’IPFS à l’autorisaziun a alienè imobii che ne jô nia a sü fins istituzionai o a fà na permuta cun abitaziuns o cun d’atri imobii che podess gnì trasformà te abitaziuns.

(5)  Les desposiziuns de chësta seziun vëgn aplicades inće por les abitaziuns de proprieté dla Provinzia che ti é gnüdes surandades en aministraziun al IPFS. La venüda de abitaziuns che é de proprieté dla Provinzia vëgn fata dal IPFS por la Provinzia. Ći che vëgn trat ite dala venüda ti röia tl bilanz dla Provinzia, do ch’al é gnü trat jö na cuota dl 5 porcënt sciöche retüda dles spëises.

(5-bis)  Les abitaziuns y les unités imobiliares zedüdes dal IPFS aladô dl articul 42, coma 3-bis, dla lege provinziala di 20 de dezëmber dl 1993, n. 27, y mudaziuns suandëntes ne pó nia gní venüdes - gnanca en pert - por diesc agn alalungia dala data d’iscriziuns tl liber fondiar dl contrat de cumpra, ince por les faziuns preodüdes dal articul 1, coma 20 dla lege di 24 de dezëmber dl 1993, n. 560, y mudaziuns suandëntes. Le lian da ajunté tl contrat de cumpra vëgn registré tl liber fondiar.  342)

(1)  Cumpradus dles abitaziuns dl IPFS po ma ester chi afitadins che n’é nia proprietars de n’abitaziun adatada al bojëgn de süa familia y cuntra chi ch’al n’é nia ćiamò gnü invié ia le prozedimënt de relasciada dl’abitaziun.

(1)  Por zede en proprieté abitaziuns destinades al afit elaborëia l’IPFS programs de trëi agn por la venüda de abitaziuns. I programs de trëi agn mëss gnì aprovà dala Junta provinziala. Canch’al vëgn metü jö i programs de venüda vëgnel trat dant chi frabicać olache bele na pert dles abitaziuns é gnüda zedüda en proprieté ai afitadins.

(2)  Le fin di programs de venüda é chël de alienè frabicać intiers.

(3)  Sce n frabicat é gnü metü ite te n plann de venüda po l’IPFS ti assegné ai afitadins che ne damana nia la zesciun en proprieté, sciöche barat, n’atra abitaziun adeguada al bojëgn dla familia. I cosć de trasferimënt vëgn surantuć dal IPFS che cür les spëises corespognëntes cun ći ch’al tira ite dai afić.

(4)  Por porsones cun handicap y porsones cun plü de 65 agn ne vëgnel nia apliché la desposiziun dl coma 3. A chëstes porsones ti réstel le dërt de abité inant tl’abitaziun sciöche afitadins ćina ch’al ne vëgn nia a s’al dè d’atres zircostanzes che iustifichëia la revocaziun dl’assegnaziun. Do che chisc afitadins é morć po les porsones che à le dërt de sozesciun tl’assegnaziun o tl contrat d’afit detlarè anter 90 dis de orëi cumprè l’abitaziun. Sc’ares ne detlarëia nia d’orëi cumprè l’abitaziun vëgnel apliché inće por ëres la desposiziun dl coma 3.

(5)  Les abitaziuns che ne vëgn nia cumprades dai afitadins che à le dërt po gnì venüdes a d’atri afitadins dl IPFS che à detlarè de orëi cumprè l’abitaziun ch’ai ocupëia, mo che n’é indere nia gnüda metüda sön le program de venüda.

(6)  Por respetè la cuota mascima dada dant tl articul 122 mëssel gnì tignì cunt canch’al vëgn metü jö i programs de venüda, inće dl numer dles abitaziuns venüdes ti agn da denant aladô de chësta lege. Le numer dles abitaziuns destinades a gnì venüdes ti programs singui ne po nia ester majer co chël dles abitaziuns fates sö o cumprades ti trëi agn da denant.

(7)  Les desposiziuns menüdes por la redaziun y l’esecuziun di programs de venüda vëgn regolades cun regolamënt d’esecuziun.

(1)  Les somes trates ite dala zesciun dles abitaziuns aladô de chësta seziun röia sön n cunt spezial dl IPFS y é destinades ala costruziun, ala cumpra o ala recuperada de abitaziuns aladô dl articul 2, coma 1, lëtra A), aladô dl program di intervënć preodü dal articul 6.

(1)  Sce por abitaziuns zedüdes en proprieté aladô dl articul 122, coma 1 vëgnel damanè la reduziun dl prisc de zesciun aladô dl articul 122, coma 2-bis, mëssel gnì anotè adöm al’iscriziun dl dërt de proprieté tl liber fondiar le lian sozial por le frabiché abitatif alisiré aladô dl articul 62. Por faziun dl lian sozial é la reduziun dl prisc de zesciun anfat ala conzesciun de n contribut de un n iade tla medema mosöra.344)

(2)  Le lian comporta che l’IPFS à sön chësta abitaziun n dërt de cumpra por la dorada de diesc agn da canche le contrat de cumpra é gnü stlüt jö inće tl caje de n’alienaziun ma parziala. Por chësc fin mëss la porsona proprietara dl’abitaziun che à intenziun dl’alienè informè l’IPFS tres lëtra racomanada cun recioiüda derevers. L’IPFS po eserzité le dërt de cumpra anter 60 dis. I contrać stlüć jö violan chësc coma é zënza valur.

(3)  Al proprietar ti spétel n prisc che corespogn a chël paié al IPFS por la zesciun. Chësc prisc vëgn revaluté en proporziun al’aumënt dl indesc dl cost dla vita y plü inant svaluté cun l’aplicaziun di coefiziënć preodüs dal articul 20 dla lege di 27 de lugio 1978, nr. 392 tignin cunt dla maiù eté dl’abitaziun. Dal prisc insciö stabilì vëgnel trat jö i alisiramënć eventuai che ti é gnüs dà al cumpradù originar y n’é nia ćiamò gnüs paià derevers.

(1)  Les anotaziuns tl liber fondiar che é gnüdes fates aladô dl articul 9, coma 10 dla lege provinziala di 20 d’aurì 1963, nr. 3 a ćiaria dles abitaziuns zedüdes aladô dla lege nominada chilò dessura perd süa faziun diesc agn do la jüda en forza de chësta lege y al se destöda le dërt de recumpra preodü dal articul 13 de chësta lege dl ënt che zed o dla Provinzia.

(2)  Les anotaziuns tl liber fondiar che é gnüdes fates aladô dl articul 6, coma 2, dla lege provinziala di 14 de novëmber 1988, nr. 45, tla verjiun che valô dan la jüda en forza de chësta lege, a ćiaria d’abitaziuns cumprades dai afitadins zënza alisiramënć por frabiché dla Provinzia, determinëia le dërt de cumpra de diesc agn preodü dal articul 126.

(3)  Le dërt de cumpra dl IPFS po gnì amortisé paian na soma anfat al 20 porcënt dl valur convenzional dl’abitaziun. Do avëi presentè na detlaraziun dl IPFS che confermëia le paiamënt dla soma, dà fora l’assessur provinzial por le frabiché abitatif le nulla osta por straihé tl liber fondiar le lian aladô dl articul 9, coma 10 dla lege provinziala di 20 d’aurì 1963, nr. 3 o aladô dl articul 6, coma 2 dla lege provinziala di 14 de novëmber 1988, nr. 45.345) 

(1)  Desvian da ći che é stabilì dal articul 36 dla lege urbanistica dla Provinzia po i comuns olache les sperses por le frabiché abitatif alisiré ti raiuns d’espanjiun é adorades sö individué, tres na varianta dl plann urbanistich comunal, tl cheder de raiuns de completamënt o di zëntri storics, sperses nia frabicades de na grandëza nia sot a 2000 metri cuadrać.

(2)  Tla deliberaziun de individuaziun mëss i comuns stabilì i indesc urbanistics por le frabicamënt dl raiun. Ai raiuns individuà a chësta manira vëgnel apliché les desposiziuns di articui 24, 34, 37, 38, 39, 40 y 41 dla lege urbanistica dla Provinzia y di articui 79, 80 y 81 de chësta lege.

(1)  Por ciafè na soluziun ai problems lià al bojëgn de n’abitaziun sön le teritore provinzial po i comuns odëi danfora te süa planificaziun urbanistica, terac atrezà cun strotöres por i sorvisc d’abitaziun destinà a porsones, families y grups cun de gragn problems lià al’abitaziun. I terac podarà ester ćina a 5.000 metri cuadrać gragn.

(2)  I comuns fej fora cun n regolamënt aposta i recuisić d’azès y de sojornanza y les carateristiches struturales de chisc terac.347)

(1)  La detlaraziun de inabitabilité de na ćiasa o de na pert de chësta por rajuns de sanité o de segurëza o por gauja de catastrofes naturales ti speta al ombolt; chësta vel te vigni caje y mëss corespogne al bëgnstè de na comisciun metüda adöm da:

1. na porsona en rapresentanza dl’Unité sanitara locala che toca pro le sorvisc por l’igiena y la sanité publica competënta te chël teritore;
2. n tecnich de comun olach’al n’é un, y scenò n tecnich dl IPFS;
3. n tecnich dla Repartiziun provinziala frabiché abitatif.

(1-bis) La comisciun tol na dezijiun por ci che reverda la relasciada dla detlaraziun de inabitabilité sön la basa di documënc presentá al comun o de n surapost fat tla ciasa. 348)

(2)  Le provedimënt dl ombolt ti mëss gnì comuniché al Presidënt dla Junta provinziala. Cuntra le provedimënt dl ombolt pol gnì fat recurs anter 30 dis ala Junta provinziala che po l’anulè inće d’ofize do avëi aldì le sorvisc competënt por l’igiena y la sanité publica o la Repartiziun provinziala por le frabiché y le sorvisc tecnich, anter le terminn pretlusif de 60 dis.

(3)  Cun regolamënt d’esecuziun vëgnel stabilì i criters por determiné l’inabitabilité por rajuns de sanité y de segurëza; l’osservanza de chisc criters mëss resulté dala detlaraziun de inabitabilité.

(1)  Sce les porsones a chëres che al ti é gnü assegné les sperses por le frabiché abitatif alisiré ti raiuns moscedá o i comproprietars damana aladô dl articul 74, coma 4 dla lege provinziala di 10 de messé dl 2018, n. 9, y mudaziuns suandëntes, da fá instësc, adöm al proiet de costruziun, ince i laurs de urbanisaziun primara che vá debojëgn y de colegamënt ai sorvisc publics, mëss le comun, sce al dá pro da fá chisc laurs, stlüje jö cun i damananc n’acordanza che ne toles nia ma ite ci che vëgn stabilí dal articul 57, coma 2 dla lege provinziala di 10 de messé dl 2018, n. 9, y mudaziuns suandëntes, mo ince le regolamënt di raporc finanziars y les diretives por l’esecuziun di laurs che mëss gní colaudá dal comun. 350)

(1)  Al vëgn conzedü n contribut de un n iade por i frabicać abitatifs che é gnüs desdrüć deplëgn dala catastrofa naturala de dezëmber dl 2012 tl Comun de Badia, de alplü 70 porcënt dl valur di dagns. L'Ofize provinzial Sciazada dà jö n arat de conformité sön la soma di dagns.

(2)  Al ne vëgn nia apliché les rajuns de estlujiun preodüdes dal articul 32, coma 1, ater co la lëtra a). Le contribut preodü da chësc articul ne vëgn nia conzedü por curì spëises por cumprè grunt da frabiché; por chëstes vëgnel apliché eventualmënter l'articul 30, coma 4. I contribuć conzedüs po gnì adorà por fà sö danü i frabicać desdrüć o por costituì n dërt de nüz, d’adoranza o d’abitaziun.

(3)  Les domandes por la conzesciun di contribuć preodüs da chësc articul mëss gnì dades jö tla Repartiziun provinziala Frabiché abitatif ćina al 1. de jenà dl 2014. Sön domanda motivada po chësc terminn gnì spostè.

(4)  Por ći che ne vëgn nia preodü da chësc articul vêlel les desposiziuns preodüdes dala Seziun 4.351) 352)

(1) Por sostigní l'afit de abitaziuns prinzipales a porsones privates pó la Provinzia autonoma de Balsan conzede contribuc por spëises corëntes y por investimënc a bëgn de ënc privac che istituësc y manajëia fonds de garanzia. I fonds de garanzia á sciöche fin chël da smendrí le risch che al ne vëgnes nia fat le paiamënt tl caje dl afit de abitaziuns prinzipales a porsones privates sön la basa de n contrat d'afit regolar, tl limit de imporc mascimai determiná danfora y sce al é condiziuns determinades, sce i afitadins o les afitadines ne ademplësc nia les oblianzes de paiamënt y é tla situaziun de paiamënt intardié.

(2) Al fonds de garanzia preodü dal coma 1 mëssel tó pert les organisaziuns de rapresentanza dla proprieté abitativa plü rapresentatives a livel provinzial.

(3) Le fonds de garanzia pó ma gní anuzé dai afitadus y dales afitadësses de imobii che tol pert a so finanziamënt. Les prestaziuns dl fonds de garanzia é ma por porsones privates.

(4) L'anuzamënt dl fonds de garanzia da pert de afitadus y afitadësses tol en conscidraziun la retüda integrala o parziala di imporc che é debit da pert dl afitadin o dl'afitadina, ince do che al é gnü paié fora imporc eventuai da pert dl fonds de garanzia.

(5) Na pert dles ressurses dl fonds de garanzia pó gní destinada da indenisé i afitadus o les afitadësses tl caje de dagns al imobil do che le raport de afit é rové.

(6) Por la conzesciun di contribuc preodüs dal coma 1 mëssel gní aprové damperfora le statut y le regolamënt dl fonds de garanzia dala Junta provinziala. Le regolamënt disciplinëia l'atuaziun de ci che vëgn odü danfora dai comesc da 1 a 5 de chësc articul.

(7) La Junta provinziala determinëia i criters por la conzesciun y le paiamënt di contribuc preodüs dal coma 1. 353)

(1)  Chësta lege ne comporta nia de majeres spëises por l’ann finanziar 1998. Les spëises a ćiaria di agn finanziars che vëgn, vëgn stabilides cun lege finanziara anuala. Les limitaziuns che vëgn dal eserzize provisore dl bilanz por l’ann 1999 aladô dl articul 7 dla lege provinziala di 11 d’agost 1998, nr. 10 vëgn aplicades fajon referimënt ai stanziamënć dl bilanz 1998 por i intervënć corespognënć aladô dles leges provinziales tutes jö cun l’articul 151.

(1)  Les domandes dades jö dan la jüda en forza de chësta lege aladô dles leges sön le frabiché abitatif alisiré che valô denant vëgn lasciades pro ai alisiramënć por le frabiché sön la basa dles normes che valô canche la domanda é gnüda presentada.

(2)  Porsones che benefiziëia de alisiramënć por frabiché che à ciafè dan la jüda en forza de chësta lege en assegnaziun dal comun n terac da frabiché por le frabiché abitatif alisiré sön chël ch’al é bele gnü anotè le lian aladô dl articul 28 dla lege provinziala di 20 d’agost 1972, nr. 15 po gnì lascià pro ai alisiramënć por frabiché por fà sö n’abitaziun zënza anotè le lian sozial aladô dl articul 62.357) 

(3)  Le lian nominé po gnì anotè tl liber fondiar por les abitaziuns por chëres che dan la jüda en forza de chësta lege él gnü tut sö i lians aladô dl articul 3 dla lege provinziala di 2 d’aurì 1962, nr. 4.358)

(1)  Les desposiziuns dl articul 9 che reverda la composiziun dl Comitê por le frabiché residenzial vëgn aplicades ma por le pröm comitê por le frabiché residenzial che gnarà inćiarié do la costituziun dla Junta provinziala por la dodejima legislatöra.

(2)  Le Comitê por le frabiché residenzial esistënt tl momënt dla jüda en forza de chësta lege à la inćiaria de:

1. dè jö n arat sön le program di intervënć dl frabiché abitatif alisiré y sön le program de costruziun dl IPFS aladô dl articul 22;
2. controlè ch’al vëgnes mantignì le proporz danter i grups linguistics tl’assegnaziun dles abitaziuns popolares aladô dl articul 94, y verifiché de ann en ann la situaziun d’atuaziun di programs delibrà inće por ći che reverda le respet dl proporz danter grups linguistics en general por coordiné damì i programs da adotè tl dagnì;
3. tó na dezijiun definitiva sön i recursc presentà cuntra les dezijiuns tutes aladô dl articul 8;
4. aprovè de ann en ann le decunt dla gestiun di fonds aladô dl articul 2.

(1)  Les abitaziuns che é gnüdes assegnades aladô dl articul 43, coma 2 dla lege provinziala di 20 d’agost 1972, nr. 15, mudé dal articul 33 dla lege provinziala di 24 de novëmber 1980, nr. 34, articul 37 dla lege provinziala di 21 de novëmber 1983, nr. 45, y articul 23 dla lege provinziala di 20 de dezëmber 1993, nr. 27, a comëmbri dles forzes dl ordinn ćina ala jüda en forza de chësta lege vel sciöche assegnades por n tëmp indeterminé dala jüda en forza de chësta lege inant. Sön chëstes abitaziuns vëgnel apliché les desposiziuns dla seziun 13 de chësta lege.359) 

(1)  La mudaziun dl articul 40, coma 6 dla lege provinziala di 17 de dezëmber dl 1998 n. 13 vëgn aplicada ales domandes de alisiramënt por frabiché por le bojëgn primar de n’abitaziun bele presentades, por chëres che le prozedimënt d’aprovaziun n’é nia ciamó stlüt jö tl momënt dla jüda en forza de chësta lege. 360)

(2) Sce le comun á aprové n proiet por la realisaziun dl'abitaziun por le bojëgn primar de n’abitaziun dan la jüda en forza dla mudaziun dl articul 40, coma 6 dla lege provinziala di 17 de dezëmber dl 1998, n. 13, cun lege provinziala di 23 de messé dl 2021, n. 5, pól gní presenté na domanda de alisiramënt por le frabiché por la costruziun cina che al vëgn relascé la lizënza d'adoranza o la segnalaziun zertificada por l'agibilité. 361)

(3) La mudaziun preodüda dal articul 40, coma 6 de chësta lege vëgn ince aplicada ales domandes de alisiramënt por frabiché por le bojëgn abitatif primar bele presentades, por chëres che tl momënt dla jüda en forza de chësta mudaziun n'él nia n provedimënt de conzesciun o de esclujiun definitif. L'art. 137-bis, coma 3 é gnü injunté dal art. 6, coma 10 dla l.p. di 22 de dezëmber dl 2022, n. 15. 362)

(1)  Damananć che é gnüs lascià pro sciöche porsones singules dan la jüda en forza de chësta lege a n alisiramënt por frabiché dla Provinzia por fà sö, cumprè o recuperè n’abitaziun por le bojëgn primar de n’abitaziun, che s’é plü tert maridà y à cumprè l’abitaziun cun n contrat de cumpra notaril, cun na deliberaziun d’assegnaziun dl comun o cun n contrat de trasferimënt dla proprieté da pert de na cooperativa tla comunanza di bëgns y a chi ch’al ne ti po porchël nia gnì paié fora l’alisiramënt por frabiché po damanè anter 90 dis dala jüda en forza de chësta lege de gnì ametüs te na comunanza di bëgns al alisiramënt por frabiché conzedü originariamënter.

(1)  Por les domandes presentades anter n ann dala jüda en forza de chësta lege vëgnel damanè por gnì lascià pro ai alisiramënć por frabiché dla Provinzia almanco n ann de laûr sciöche dependënt o autonom zënza interuziun o tl caje de laûr sajonal n’ativité de laûr de indöt nia manco de dodesc mëisc ti ultimi dui agn.

(2)  La condiziun preodüda dal articul 46, coma 5 ne vëgn nia plü aplicada ales domandes de alisiramënt por frabiché por le bojëgn primar de n’abitaziun bele presentades, por chëres che tl momënt dla jüda en forza de chësta desposiziun n’él nia ciamó gnü dé fora le provedimënt de conzesciun o de esclujiun definitif, y gnanca ales domandes bele aprovades por chëres che tl momënt dla jüda en forza de chësta desposiziun n’él nia ciamó gnü stlüt jö le prozedimënt por paié fora l’alisiramënt o por la restituziun dla fideiusciun bancara preodüs dal articul 50-bis, coma 1 de chësta lege y dai articui 19, 20, 21 y22 dl decret dl Presidënt dla Junta provinziala di 15 de messé dl 1999, n. 42, y mudaziuns suandëntes. 363)

(1)  I damananć por chi che le terminn de sis mëisc dala registraziun dl contrat de cumpra aladô dl coma 2 dl articul 49 é tomè danter i 27 de jenà 1999 y i 31 de merz 1999 sciöche inće por chi che le contrat de cumpra registré resultëia stlüt jö do i 27 de jenà 1997, po fà domanda anter 180 dis dala data de jüda en forza de chësta lege.

(2) 364)

(3)  La mudaziun dl termo preodü dal articul 49, coma 2 de chësta lege vëgn ince aplicada ales domandes de alisiramënt por frabiché por le bojëgn primar de n’abitaziun bele presentades, por chëres che tl momënt dla jüda en forza de chësta mudaziun n’él nia ciamó gnü dé fora le provedimënt de conzesciun o de esclujiun definitif. 365)

(1)  La desposiziun aladô dl articul 50, coma 2 ne vëgn nia aplicada pro les domandes d’alisiramënć por frabiché dades jö dan la jüda en forza de chësta lege.

(1)  Le sistem d’aministraziun dl fonds de rotaziun por le frabiché abitatif alisiré preodü dal articul 52 vëgn apliché da mëte man dal 1. de jenà 2000. Ćina ai 31 de dezëmber 1999 réstel en forza les desposiziuns che à valü ćina śëgn.

(1)  Por les domandes dades jö tl tëmp de n ann dala jüda en forza de chësta lege capëscion por davagn le davagn complessif dla familia dl ann dan la presentaziun dla domanda, sce chësta vëgn dada jö do i 30 d’aurì o dl penultimo ann dan la presentaziun dla domanda sce chësta vëgn dada jö anter i 30 d’aurì.

(2)  La determinaziun dl davagn aladô dl articul 58, coma 4 y la condiziun corespognënta dada dant tl articul 46, coma 1, lëtra b) vëgn aplicades bele atira dala jüda en forza de chësta lege inant sce le damanant s’al damana espressivamënter.

(3)  Le pröm iade che chësta lege vëgn aplicada vëgn i limić de davagn aladô dl articul 58, coma 5 adeguà anter 30 dis dala jüda en forza de chësta lege.

(1)  Dötes les abitaziuns che é oget de alisiramënć por frabiché dla Provinzia por la costruziun, la cumpra y la recuperada de abitaziuns por le bojëgn abitatif primar conzedüs dan la jüda en forza de chësta lege, meton man dala jüda en forza dla medema lege é sotmetüdes ales desposiziuns dl articul 62, ater co nia le coma 5, di articui 63, 64, 65, 66, 67, 68, 69 y 70 sciöche inće i articui 84, 85 y 86.

(2)  Por les abitaziuns dades dant tl coma 1, tl caje de autorisaziun al trasferimënt dl alisiramënt y dl lian sön n’atra abitaziun aladô dl original articul 3 dla lege provinziala di 2 d’aurì 1962, nr. 4 o aladô dl articul 63, vëgnel anotè a ćiaria dl’abitaziun nöia le lian originar aladô dl articul 3 dla lege provinziala di 2 d’aurì 1962, nr. 4.

(3)  Por les domandes de alisiramënć por frabiché presentades dan i 27 de jenà 1999 sön domanda motivada dla porsona benefiziada po l’assessur provinzial por le frabiché abitatif conzede ezeziuns pro les limitaziuns dla mosöra mascima dles ipoteches preodüdes dal articul 62, coma 5.366) 

(4)  L’abrogaziun dl articul 62, coma 5 vëgn aplicada ales domades de alisiramënt por frabiché por le bojëgn primar de n’abitaziun bele dades jö por chëres che, tl momënt dla jüda en forza de chësta desposiziun, n’él nia ciamó gnü stlüt jö le prozedimënt d’anotaziun dl lian sozial, y ince ales domandes por chëres che le lian sozial preodü dal articul 62 é bele gnü registré tl liber fondiar. 367)

(5) Tl caje de porsones benefiziades che á presenté, dan la jüda en forza de chësc articul, la detlaraziun sostitutiva dl at de notorieté sön l’ocupaziun efetiva dl’abitaziun aladô dl articul 4 dla lege di 4 de jená dl 1968, n. 15, pëia ia le lian dala data dla detlaraziun sostitutiva nominada dessura. 368)

(6) Tan inant che la porsona benefiziada á presenté, tl momënt dla jüda en forza de chësta desposiziun, la documentaziun por la licuidaziun dl alisiramënt por frabiché ala Repartiziun provinziala Frabiché abitatif, pól gní fat l'anotaziun tl liber fondiar sön la basa dl decret dl diretur/dla direturia dla Repartiziun provinziala Frabiché abitatif. 369)

(1)  Les porsones benefiziades da alisiramënć por frabiché y sü suzessurs de dërt che dan la jüda en forza de chësta lege é jüs cuntra les desposiziuns dl articul 3 dla lege provinziala di 2 d’aurì 1962, nr. 4, o cuntra l’articul 28 dla lege provinziala di 20 d’agost 1972, nr. 15, po damanè l’autorisaziun doprò por l’alienaziun, le trasferimënt dl’ipoteca y dl lian, l’afit, la costituziun di dërć de nuzaziun reai, la zesciun de mesa la pert nia despartida ala fomena o al om y la sozesciun tl alisirimënt sciöche preodü dai articui 62 y suandënć. Sc’al n’é nia poscibl ciafè n’autorisaziun doprò vëgnel apliché les sanziuns por les violaziuns cuntra le lian sozial aladô dl articul 65 y sc’al é le caje vëgnel detlarè la tomanza dl’assegnaziun dl terac aladô dl articul 85.

(2)  Tan inant ch’ara se trata de violaziuns cuntra les desposiziuns dl articul 3 dla lege provinziala di 2 d’aurì 1962, nr. 4, po l’aplicaziun dles sanziuns gnì schivada sce la porsona benefiziada renunziëia al alisirimënt por frabiché aladô dl articul 64. Do ch’al é gnü paié la soma debit dà fora le Diretur dla Repartiziun por le frabiché abitatif le nulla osta por straihé le lian sozial tl liber fondiar.

(3)  Chësta desposiziun ne vëgn nia aplicada ai provedimënć bele definitivamënter eseguis.370)

(1) La norma sön la tomanza dl lian sozial preodüda dal articul 68, coma 1 vëgn aplicada ai lians anotá tl liber fondiar pian ia dala jüda en forza de chësc articul. Por i lians anotá denant tl liber fondiar emët le diretur/la direturia dla Repartiziun provinziala Frabiché abitatif n'atestaziun dla tomanza dl lian impede le nulla osta por straiché le lian tl liber fondiar. 371)

(1)  Damananć che é gnüs lascià pro al alisirimënt por la recuperada convenzionada de abitaziuns aladô dl articul 2, coma 1, lëtra G) dla lege provinziala di 20 d’agost 1972, nr. 15 y aladô dl articul 24 dla lege provinziala di 25 de novëmber 1978, nr. 52 tla verjiun dan la jüda en forza de chësta lege y cuntra chëra ch’al é gnü invié ia le prozedimënt aministratif de revocaziun dl alisirimënt por violaziun dles desposiziuns che é tla detlaraziun unilaterala d’oblianza, po damanè l’interuziun dl prozedimënt sc’ai ocupëia tl tëmp de sis mëisc dala jüda en forza de chësta lege l’abitaziun convenzionada cun porsones legitimades y é inće bogn da le cumprovè.

(2)  Por porsones benefiziades che dan la jüda en forza de chësta lege é jüdes cuntra les desposiziuns dla detlaraziun unilaterala d’oblianza ne vëgnel nia invié ia le prozedimënt aministratif de revocaziun dl alisirimënt sc’ares ocupëia anter sis mëisc dala jüda en forza de chësta lege l’abitaziun convenzionada cun porsones legitimades y mostra sö la proa.

(3)  La desposiziun dl coma 1 ne vëgn nia aplicada ai provedimënć bele definitivamënter eseguis.

(4)  La proibiziun de vëne abitaziuns convenzionades bele metüda sö cun l’articul 21 dla lege provinziala di 23 de jügn 1992, nr. 21, che é gnüdes recuperades cun contribuć de n iade é abrogada. Por i contrać de cumpra bele stlüć jö vëgnel de conseguënza archivié les prozedöres de revocaziun dl alisirimënt por frabiché a condiziun che les abitaziuns vëgn ocupades da porsones legitimades.

(5)  Porsones benefiziades da alisiramënć por la recuperada convenzionada de abitaziuns che é gnüdes lasciades pro al alisirimënt o che à presentè la domanda dan la jüda en forza de chësta lege y che n’à nia ćiamò tut sö le lian de dorada de trënt’agn sciöche dal originar articul 79, coma 3 dla lege provinziala di 11 d’agost 1997, nr. 13 po gnì lasciades pro ai alisiramënć y i ciafè paià fora sc’ares tol sö le lian de dorada de vint agn aladô dl articul 71 de chësta lege.372)

(6) La norma sön la tomanza dl lian sozial preodüda dal articul 71, coma 1 vëgn aplicada ai lians anotá tl liber fondiar pian ia dala jüda en forza de chësc articul. Por i lians anotá denant tl liber fondiar relascia le diretur/la direturia dla Repartiziun provinziala Frabiché abitatif l'atestaziun de tomanza dl termin. 373)

(7) Tl caje de porsones benefiziades che á presenté, dan la jüda en forza de chësc articul, la detlaraziun sostitutiva dl at de notorieté sön l’ocupaziun efetiva dl’abitaziun aladô dl articul 4 dla lege di 4 de jená dl 1968, n. 15, pëia ia le lian dala data dla detlaraziun sostitutiva nominada dessura. 374)

(1) La norma sön la tomanza dl lian sozial preodüda dal articul 86, coma 5 vëgn aplicada ai lians anotá tl liber fondiar pian ia dala jüda en forza de chësc articul. Por i lians anotá denant tl liber fondiar relascia l'ombolt/l'ombolta l'atestaziun de tomanza dl termin. 376)

(1) I ënc costituis cun le fin da fá sö o cumpré, zënza fins de davagn, abitaziuns popolares da assegné en afit ince cun l'impormetüda de venüda tl dagní, o da vëne, che ala jüda en forza de chësc articul é proprietars de sperses, metüdes a desposiziun sön la basa de programs de costruziun aprová dala Junta provinziala aladô dl articul 90, pó damané, cina al 1. de jená dl 2024, i alisiramënc preodüs dai articui 87/bis y 90, tla verjiun che valô dan la jüda en forza de chësc articul, sön la basa di criters aprová cun deliberaziun dla Junta provinziala n. 1527 di 20 de setëmber dl 2010. Por rové pro i alisiramënc preodüs dala pröma frasa mëss i ënc ester proprietars dl terac da frabiché tl momënt che al vëgn presenté domanda de assegnaziun formala da pert dla Junta provinzala 377)

(1) L’imprëst a fic basc tl cheder dl model de sparagn da frabiché preodü dal articul 2, coma 1, lëtra Q1) pó ince gní damané da porsones che fej pert de chës cooperatives da frabiché dla classa mesana che, ala data dla jüda en forza de chësta desposiziun, á bele presenté domanda o é bele gnüdes lasciades pro a n contribut aladô dl articul 90, mo che ne ti á nia ciamó assegné les abitaziuns ales porsones assoziades singoles. 378)

(1)  La norma aladô dl articul 89 che reverda le finanziamënt di laûrs de segurëza geotecnica vëgn inće aplicada ai raiuns d’espanjiun por chi che i cosć por l’urbanisaziun n’é nia ćiamò gnüs definitivamënter partis sö o é gnüs partis sö dan da manco de dui agn tl momënt dla jüda en forza de chësta lege.

(1)  Por adorè sö le credit dl grup linguistich ladin tl setur dl frabiché abitatif alisiré mët la Junta provinziala a desposiziun tl program di intervënć aladô dl articul 6 scioldi por recuperè les “Viles” ti comuns dla Val Badia, sciöche inće por la realisaziun de ćiases alberch por studënć y lauranć ti comuns ladins y ti comuns de Balsan, Porsenù y Bornech.380) 

(2)  L’esecuziun di intervënć de ordinn urbanistich tles “Viles” ti speta ai comuns. Por chësta rajun mëssel gnì fat programs de recuperada o planns d’atuaziun por les “Viles”. Desvian dales desposiziuns aladô dl articul 6 dla lege provinziala di 25 de lugio 1970, nr. 16 réstel impé i lians de sconanza dla contrada por les “Viles”. Sce i intervënć de ordinn urbanistich sön le program se limitëia ma al adeguamënt di implanć de urbanisaziun primara y secundara ne ôl nia ester l’aprovaziun danfora de n program de recuperada o n plann d’atuaziun.

(3)  I contribuć aladô dl articul 76, coma 2 vëgn conzedüs inće por la redaziun di programs de recuperada y di planns d’atuaziun.

(4)  381) 

(5)  382) 

(1)  La desposiziun dl articul 32, coma 6, dla lege provinziala di 20 d’agost 1972, nr. 15, tla verjiun che valô dan la jüda en forza de chësta lege, aladô de chëra che le finanziamënt dl’acuisiziun dles sperses por le frabiché abitatif alisiré tol ite inće la cuta sön le valur ajuntè, tan inant che chësta é debit, vëgn inće aplicada ales sperses espropriades dan la jüda en forza dla lege provinziala di 20 de dezëmber 1993, nr. 27, mo che n’é nia ćiamò gnüdes trasferides tla proprieté di assegnatars.

(1) Cina al'aprovaziun dl plann comunal por le teritore y la contrada preodü dal articul 52 dla lege provinziala di 10 de messé dl 2018, n. 9, vëgnel conscidré düc i referimënc a chësc sciöche referimënc al stromënt de planificaziun corespognënt aladô dla lege provinziala di 11 de agost dl 1997, n. 13, tla verjiun varënta dan süa abrogaziun. 383)

(1)  Por slisiré la tratativa nöia o l’estinziun dan tëmp de imprësć ipotecars tl setur dl frabiché abitatif alisiré vëgn i contribuć de fić dla Provinzia sön domanda dla porsona che à ciafè l’imprëst trasformà por la dorada che romagn dl imprëst originar te contribuć costanć da paié fora diretamënter ala porsona benefiziada.

(2)  La trasformaziun di contribuć de fić te contribuć costanć vëgn aprovada a chëstes condiziuns:

1. sce le contribut de fić paié ćina chël momënt va sura le sis porcënt dl imprëst a fić basc vëgn le contribut smendrì ćina al sis porcënt;
2. sce le contribut de fić paié ćina a chël momënt é sot al sis porcënt spo vëgn le contribut paié inant tla medema mosöra.

(3)  Dala norma dl coma 1 vëgnel stlüt fora i imprësć ipotecars che à, tl momënt dla jüda en forza de chësta lege, na dorada restënta de manco de trëi agn.

(4)  Por i imprësć tuć sö pro Istitut de credit fondiar dla Regiun Trentin-Südtirol mëss les domandes por la trasformaziun dl contribut de fić te n contribut costant gnì dades jö tla banca nominada chilò dessura o a so suzessur y ares gnarà menades inant dales banches instësses ala Repartiziun provinziala por le frabiché abitatif por l’aprovaziun. L’aprovaziun dles domandes vëgn fata jon do l’ordinn cronologich de süa presentaziun.

(5)  Sce por la costruziun, la cumpra o la recuperada de n’abitaziun che é proprieté de de plü porsones él gnü conzedü n contribut de fić mëss la domanda gnì sotescrita da düć i comproprietars.

(6)  Les desposiziuns aladô di comesc 1, 2 y 3 vëgn aplicades inće tl caje de estinziun dan tëmp di imprësć por chi che le contribut de fić vëgn paié diretamënter ala porsona benefiziada aladô dl articul 7-ter dla lege provinziala di 2 d’aurì 1962, nr. 4 che valô dan la jüda en forza de chësta lege. Te chësc caje mëss la domanda gnì fata diretamënter ala Repartiziun provinziala por le frabiché abitatif.