3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1)  Tl raion regiunel iel istituì n Cumisser dl Guviern per la Provinzia de Trënt y n Cumisser dl Guviern per la Provinzia de Bulsan. A d'ëi ti spietel:

1. de coordiné, a una cun la diretives dl Guviern, l eserzize dl’atribuzions dl Stat tla Provinzia y de cuntrolé l’atività di ufizies respetives, ora de chëi dl’aministrazion dla giustizia, dla defendura y dla ferates;
2. de cuntrolé l eserzize da pert dla Provinzies y di autri ënc publics locai dla funzions deleghedes a d'ëi dal Stat y de comuniché usservazions eventueles al Presidënt dla Provinzia; 9)
3. de cumplì l’ativiteies giuridiches che ti spitova n iede al prefet, sce les ne ti ie nia unides afidedes da chësc Statut o da d'autra leges a organns dla Region o dla Provinzies o a d'autri organns dl Stat.

(2)  L Cumisser dl Guviern a Trënt eserzitea l’atribuzions nunziedes pra la zifra 2 dl coma dessëura ti cunfronc dla Region y dl’autra aministrazions publiches che à cumpetënza sun dut l raion regiunel.