a) Lege provinziala di 18 de jügn 2002, n. 81)
Desposiziuns sura les eghes

Publicada tl supl. n. 2 dla G.O. dl 2 de messè 2002, n. 28.

Art. 54 (Contribuć por la costruziun de rëis de canalisaziun y dles sarenares che toca laprò y por provedimënć por la sconanza dles eghes)

(1) Por la proietaziun, la realisaziun y le ressanamënt dles sarenares por les eghes pazes comunales y dles rëis de canalisaziun prinzipales pol gnì conzedü ai comuns, a sües assoziaziuns, ales comunitês raionales, ales aziëndes speziales y ales sozietês de capital cun na partezipaziun publica a maioranza n contribut ćina al 100 por cënt dles spëises lasciades pro. Sce la depuraziun dles eghes y la costruziun di implanć che toca laprò vëgn surandades cun n su contrat d´esecuziun di laûrs a n´aziënda pol gnì dè n contribut ćina al 60 por cënt di costimënć por la costruziun di implanć reconesciüs dal Comitê tecnich provinzial.

(2) Por provedimënć odüs danfora tl plann de sconanza dles eghes sön eghes de suraspersa, sön les stricores de proteziun incëria y sön les eghes de sotfunz por garantì o restabilì la cualité aladô di obietifs fissà tl plann pol gnì conzedü n contribut ćina al 100 por cënt di cosć intiers dl intervënt.

(3) Por promöi la sconanza y la reutilisaziun dles eghes pol gnì conzedü contribuć mascimai ai ënć publics y privać che n´eserzitëia degöna ativité de produziun ćina a n mascim dl 50 por cënt dles spëises lasciades pro por i fins suandënć:

reziclaje y reutilisaziun dles eghes pazes y inće acumulaziun, adoranza o disperjiun dles eghes de prezipitaziuns tl sotterac;
realisaziun de implanć de desmetüda por campers aladô dl articul 36;
mosöres de sanaziun y renaturalisaziun dles eghes de sotfunz y de suraspersa cun les stricores de proteziun.

(4) I contribuć aladô de chësta lege pon acumulé cun d´atres sovenziuns.

(5) La proietaziun y la realisaziun di intervënć aladô di comes 1 y 2 po inće gnì fates dala Provinzia.

(6) 53)

	Beschluss vom 21. Juni 2016, Nr. 678 - Richtlinien für die Gewährung von Beiträgen für die Realisierung von Kanalisationen und entsprechenden Kläranlagen und für Maßnahmen zum Schutz der Gewässer
	Delibera N. 1036 del 31.03.2003 - Criteri e modalità per la concessione e la liquidazione di contributi ai sensi dell'art. 54, comma 3 della legge provinciale 18 giugno 2002, n. 8 - Disposizioni sulle acque

53)

L'art. 54, coma 6, é gnü injuntè dal art. 17, coma 1, dla L.P. di 22 de dezëmber dl 2009, n. 11, é gnü abroghé dal art. 19, coma 1 lëtra e) dla L.P. di 18 d'otober dl 2016, n. 21.