(1) Les autoritês che operëia tla proteziun zivila colaborëia cun la repartiziun competënta tl ćiamp dla sanité y cun les Aziëndes sanitares.
(2) Les Aziëndes sanitares competëntes por n raiun nominëia le dotur d’urgënza competënt o la doturia d’urgënza competënta por le ospedal respetif che é la porsona de referimënt tl caje de situaziuns d’emergënza. L’assessorat ala sanité stabilësc la coordinaziun a livel provinzial.
(3) ) I direturs sanitars y les direturies sanitares di ospedai mëss elaboré por sü ospedai en colauraziun cun l’Agenzia por la proteziun zivila prozedöres d’alarm y de intervënt che concordëies cun les prozedöres corespognëntes di comuns y garantí la partezipaziun de personal dles strotöres sanitares ales eserzitaziuns preodüdes dal articul 17. I ospedai vijins se dëida un cun l’ater y coordinëia les prozedöres d’alarm y d’intervënt. 43)
(4) L’assessorat competënt tl setur dla sanité elaborëia en colaboraziun cun l’Agenzia por la proteziun zivila y l’Ordinn di farmazisć prozedöres por l’organisaziun y l’imagazinamënt de medejines y de materiai sanitars che ne po nia mancé te situaziuns d’emergënza desvalies. 44)
(5) ) N’acordanza analoga de colaboraziun po gní fata dai assessurs competënc o dales assessuries competëntes deboriada cun l’Agenzia por la proteziun zivila, cun le Sorvisc veterinar dla provinzia y ince cun la Crusc Blancia y la Crusc Cöcena Taliana y cun les organisaziuns de pröm aiüt desvalies. 45)
