b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1)  Pro l'Agenzia por la Proteziun zivila vëgnel metü sö le Comité provinzial por le sorvisc cuntra le medefüch sciöche organ tecnich-consultif dla Provinzia autonoma de Balsan. 35)

(2)  Le Comité é metü adöm:

1. dal assessur competënt o dal’assessuria competënta por la proteziun zivila che é a ce dl comité;
   
2. döes porsones en rapresentanza dl’Agenzia por la proteziun zivila;
   
3. döes porsones en rapresentanza dl’Uniun provinziala di Corps di stödafüch volontars;
   
4. öna na porsona en rapresentanza di comuns dla provinzia de Balsan, chirida fora danter trëi inoms proponüs dal Consorz di comuns. 36)
   

(3)  Le Comitê vëgn nominé dala Junta provinziala y romagn en ćiaria por la dorada dla legislatöra dl Consëi provinzial.

(4)  Le Comitê formulëia propostes y dà jö arać en materia de proteziun cuntra le medefüch.

(5)  Ai componënć o ales componëntes dl Comitê ne ti spétel degun compëns. I cosć de partezipaziun ales sentades dl Comitê é a ćiaria di sogeć y organns rapresentà, che s’anüza di stanziamënć ordinars de bilanz, zënza gaujè de majeri cosć o ćiamò d’atri cosć a ćiaria dla finanza publica. 37)