(1) La Provinzia autonoma de Balsan organisëia y realisëia le sorvisc de proteziun zivila. Por garantí la sconanza dla popolaziun y defëne les infrastrotöres, le teritore, les cités y i paîsc da de vigni sort de gaujes de dann o de prigo se crüzia l’aministraziun provinziala y l'Agenzia por la proteziun zivila tl ciamp de sües competënzes y aladô dl plann provinzial de proteziun zivila, ince en economia, di intervënc de prevenziun y de salvamënt sön la basa dles leges provinziales y statales varëntes. Tl caje de emergënza pó i mesi finanziars che vá debojëgn gní tuc fora sides dai capitui normai dles spëises dl bilanz de previjiun che ince dal fonds de resserva por les spëises nia preodüdes dal bilanz provinzial. 17)
(2) Por ci che reverda l’esecuziun di laurs por la prevenziun y por i intervënc aprontá á l'Agenzia por la proteziun zivila y les singules repartiziuns y strotöres organisatives dla Provinzia le dovëi da antergní integran o sostituin chël di comuns y di Sorvisc di stödafüch y de proteziun zivila aladô dles competënzes respetives preodüdes dales normes de lege dla Provinzia. 18)
(3) ) Por i intervënc por laurs de prevenziun, de pröm aiüt y de restabilisaziun do roes, lovines, rogossies y d’atres catastrofes naturales vëgnel apliché la lege provinziala di 12 de messé dl 1975, n. 34, che vëgn aministrada dal'Agenzia por la proteziun zivila. Implü vëgnel apliché les desposiziuns preodüdes dal coma 2. 19)
(4) Tl respet dles desposiziuns varëntes che reverda la materia mët sö la Junta provinziala n sorvisc aprontè da mëte a jì cun so personal fora dl orar d’ofize normal por sostignì na pröma valutaziun dles emergënzes y dles segnalaziun de prigo y inće por la coordinaziun di intervënć che ne po nia gnì sburlà.
(5) Aspetan l’unificaziun dles strotöres raionales dl’aministraziun provinziala por l’atuaziun dl plann de proteziun zivila vëgn le teritore provinzial partì sö te nü raiuns che corespogn ai raiuns dl Corp di stödafüch volontars.
L'art. 11, coma 1 é gnü mudé insciö dal art. 2, coma 1 dl D.P.P. di 4 de dezëmber dl 2015, n. 32.
L'art. 11, coma 2 é gnü mudé insciö dal art. 2, coma 3 dl D.P.P. di 4 de dezëmber dl 2015, n. 32.
L'art. 11, coma 3 é gnü sostituí insciö dal art. 1, coma 11 dl'injunta B dl D.P.P. di 21 de forá dl 2017, n. 4