(1) Por garantí la colaboraziun de grups de volontariat organisá pro intervënc de proteziun zivila dantadöt te situaziuns d’emergënza, pó l'Agenzia por la proteziun zivila stlüje jö sön la basa di criters generai fissá dala Junta provinziala, convenziuns aladô dl articul 6 dla lege provinziala dl 1. de messé dl 1993, n. 11, cun organisaziuns scrites ite tl register provinzial dles organisaziuns de volontariat preodü dal articul 5 dla medema lege provinziala. 39)
(2) Les organisaziuns interessades ti presentëia al'Agenzia por la proteziun zivila la domanda de reconescimënt cun la documentaziun damanada che é da sotmëte al arat dla medema Agenzia; te chësta detlarëia les organisaziuns süa desponibilité a colauré y da se sotmëte al control dl'Agenzia por la proteziun zivila y ala coordinaziun dles autorités dl Sorvisc por la proteziun zivila preodüdes dal articul 2, coma 2. 40)
(3) Le diretur dl'Agenzia por la proteziun zivila á n register aposta y é autorisé da ti dé fora a porsones iscrites ales organisaziuns reconesciüdes atestac de partezipaziun al sorvisc de proteziun zivila. 41) 42)
