(1) Les inciaries preodüdes dal articul 46, coma 3 vëgn atribuides a tëmp determiné dal Diretur general o da n so deleghé, tignin cunt dles valutaziuns preodüdes dal articul 46/bis. Les inciaries döra almanco trëi agn y nia deplü co set agn, cun la poscibilité de renovamënt.
(2) La surandada dla inciaria mëss gní fata tignin cunt dles normes che reverda la repartiziun di posć aladô dla consistënza di trëi grups linguistics a livel provinzial che resultëia dal’ultima cumpëda ofiziala dla popolaziun.
(3) L’inciaria de direziun por na strotöra d’organisaziun complessa ti vëgn dada a n dirigënt sanitar/na dirigënta sanitara dal Diretur general/dala Direturia generala, do che al é gnü publiché la prozedöra de seleziun tla Gasëta Ofiziala dla Republica y tl Boletin Ofizial dla Regiun Trentin-Südtirol; le Diretur general/la Direturia generala nominëia le candidat/la candidata che á arjunt le majer numer de punc tla gradatöra, dá da na comisciun aposta aladô di criters fissá danfora. La prozedöra de seleziun di candidac y dles candidates, sciöche ince la composiziun y la nominaziun dla comisciun vëgn regolamentades cun regolamënt d’esecuziun en conformité cun les desposiziuns de setur varëntes. 136)
(3/bis) En conformité ala lege provinziala di 18 d'otober dl 1988, n. 40, y mudaziuns suandëntes, mëss la composiziun dla comisciun ti corespogne ala consistënza di trëi grups linguistics a livel provinzial sciöche ara resultëia dal'ultima cumpëda ofiziala dla jënt. Un di comëmbri dla comisciun pó ince fá pert dl grup linguistich ladin. Sce al n'é nia poscibl da nominé na comisciun aladô de chëstes modalités pó l'assessur provinzial por la Sanité autorisé che al vëgnes desvié dales desposiziuns sön la consistënza di grups linguistics. 137)
(4) L’inciaria de direziun de strotöra d’organisaziun complessa surandada a n dirigënt sanitar é sotmetüda a conferma da pert dl superiur diret do n tëmp de proa; le tëmp de proa döra sis mëisc pian ia dala surandada dl’inciaria y pó gní arlungé de ciamó sis mëisc. L’inciaria de direziun de strotöra d’organisaziun complessa confermada dal dirigënt sanitar döra da cin a set agn, é pó gní renovada por le medemo tëmp o por n tëmp plü cört, che mëss ester de altamo dui agn. 138)
(5) Les inciaries dirigenziales vëgn revocades aladô dles prozedöres preodüdes dales desposiziuns varëntes y dai contrac de laur coletivs provinziai tl caje de:
- inosservanza dles indicaziuns dades dant dala direziun generala o dala direziun dl departimënt;
- mancianza de arjunjimënt di obietivs fac fora azertada dai organisms de valutaziun competënc;
- repetiziun de de gran violaziuns di dovëis;
- mancianza dl superamënt dl tëmp de proa preodü;
- y te düc i atri caji preodüs dai contrac de laur. 139)
(6) Sce le dirigënt sanitar cun inciaria de direziun de strotöra d’organisaziun complessa mancia o ne sciafia nia, o te caji de gran prescia, vëgnel sostituí da n dirigënt dla medema repartiziun o dl medemo sorvisc, chirí fora dal responsabl dla strotöra y inciarié dal diretur general. 140)
(7) Tl caje che le post de dirigënt sanitar cun inciaria de direziun de na strotöra complessa n’é nia ocupé y che le sostitut preodü dal coma 6 ne n’é nia gnü nominé, ti vëgnel surandé i compic corespognënc, cun provedimënt dl Diretur general cina al conferimënt dl’inciaria y por alplü ot mëisc, a n dirigënt chirí fora danter i dirigënc dla medema repartiziun o dl medemo sorvisc. Sce le post de dirigënt sanitar cun inciaria de direziun de strotöra complessa ne vëgn nia curí por mancianza de candidac adatá, ti pól gní prolungé l’inciaria al dirigënt, a chël che al ti é gnü assegné i compic superiurs relatifs, cina che al vëgn tigní i concursc por la curida dl post, y a vigni moda por ciamó nia plü co ot mëisc.
(8) Tl caje che le post de dirigënt sanitar cun inciaria de direziun de na strotöra complessa n’é nia ocupé ne ti spetel ala porsona che surantol les funziuns corespognëntes por i pröms dui mëisc degöna indenité surapró. 141)
L'art. 48, coma 3 é gnü mudé dal art. 10, coma 7 dla l.p. di 7 d'agost dl 2017, n. 12, y é spo gnü sostituí insciö dal art. 21, coma 1 dla l.p. di 4 d'agost dl 2023, n. 18.
L'art. 48, coma 3/bis é gnü injunté dal art. 28, coma 2 dla l.p. di 23 de messé dl 2021, n. 5.
Ciara l’art. 6, coma 1 dla l.p. di 21 d’aurí dl 2017, n. 4.
Ciara l’art. 6, coma 1 dla l.p. di 21 d’aurí dl 2017, n. 4.
Ciara l’art. 6, coma 1 dla l.p. di 21 d’aurí dl 2017, n. 4.
L’art. 48 é impröma gnü sostituí dal art. 25 dla l.p. di 2 d’otober dl 2006, n. 9, y dedô dal art. 3, coma 15 dla l.p. di 21 d’aurí dl 2017, n. 4. Ciara l’art. 6, coma 1 dla l.p. di 21 d’aurí dl 2017, n. 4.