(1) Por superé la situaziun d'emergënza de mancianza de operadus sanitars, che vëgn da tigní te na manira persistënta y por nia prozedöres de concurs, por garantí le dërt costituzional de sconanza dla sanité y la garanzia di standarg de assistënza essenziai, pó l'Aziënda sanitara dl Südtirol, cina ala conclujiun dles prozedöres de concurs, stlüje jö contrac de esecuziun di laurs y contrac de laur de dërt privat por destrighé prestaziuns sanitares, tan inant che al vëgn constaté damperfora che al n'é nia a desposiziun profescionisć, individuá tres stromënc ordinars de acuisiziun dl personal.
(2) I contrac preodüs dal coma 1 vëgn stlüc jö cun la clausola de terminaziun antizipada tl caje che al sides gnü stlüt jö cun suzes la prozedöra de concurs.
(3) Por garantí la cualité dl sorvisc vëgnel stlüt jö i contrac do n avis aposta orienté ai criters de imparzialité, trasparënza y publizité sciöche ince de cualité profescionala.
(4) Le renovamënt dl contrat é ma poscibl, sce al resta inant les condiziuns preodüdes da chësc articul. 153)
