d) Lege provinziala di 10 de messè dl 2018, n. 91)2)
Teritore y cuntreda

(1) L’autorisazion de cuntreda per l’atività y i ntervënc cumpedei su tla njonta B de chësta lege vën data dal diretëur/dala diretëura dla repartizion provinziela cumpetënta tl ciamp de natura, cuntreda y svilup dl teritore.

(2) Per i ntervënc che ne ie nia cumpedei su tla njonta B vën la cumpetënza de pudëi dé l’autorisazion delegheda ai Chemuns.

(3) Tl zënter frabicà aldò dl articul 12 dla lege provinziela di 15 d’auril 1991, n. 10, y mudazions suzessives, ie l taië lëns te chisc caji sometù al’autorisazion de cuntreda dl Chemun:

1. per lëns singui che à arjont n’autëza majera de 20 metri o n diameter dla pura a 1,30 metri dal fonz majera de 50 zentimetri, ora che i lëns da fruc da os y da nujel;
   
2. ti caji preudui dai regulamënc cumenei dl vërt. 137)