(1) Per scemplifiché y azeleré la pruzedures dl contraënt, per smendrì la cëries sun i operadëures economics y cuntrasté stritaries, possa l’aministrazions agiudicadëures limité la verifiches dl pussedimënt di recuisic de orden generel y speziel al agiudicater, do la valutazion dla ufiertes. Te chësc cajo vel la partezipazion ala pruzedures coche detlarazion dl pussedimënt di recuisic de orden generel y speziel coche stabilii tla normativa naziunela, spezifichei y sce n cajo ntegrei dala bandida dla garejeda o dala lëtra de nvit.
(2) La verifiches nunziedes tl coma 1 vën fates dala aministrazions agiudicadëures se nuzan dla nfurmazions despunibles pra banches dac pertinëntes tenides da autoriteies publiches; de uni auter recuisit presentea l agiudicater la documentazion damandeda.
(3) Sce l’aministrazions agiudicadëures se nuza dla facultà nunzieda tl coma 1 ne aplicheieles degun cuntrol a urt.
(4) Restan mpé l fat che l pussedimënt di recuisic muessa vester dat dala data dla prestazion dla ufierta, nviëia l’aministrazions agiudicadëures, sce debujën, l agiudicater a cumpleté o a presenté, te n cër lim de tëmp nia plu lonch de diesc dis, tlarimënc n cont dl cuntenut di zertificac y di documënc damandei. Sce la desmustrazion ne vën nia data o sce i tlarimënc ne cunfermea nia l pussedimënt di recuisic damandei, stluj l’aministrazions agiudicadëures ora l concurënt nunzià dessëura, les tën ite la cauzion relativa y senialea l fat al’Autorità cumpetënta. Sce l ie debujën determina l’aministrazion agiudicadëura da nuef l lim esageratamënter bas dla ufierta y de cunseguenza l aplicheiela, sce n cajo, da nuef. 46)