h) Lege Provinziala di 13 de dezëmber dl 2006, n. 141)
Nrescida y inuvazion

Publicheda tl Supl. n. 2 dl B.U. di 27 de dezëmber 2006, n. 52.

Art. 10 (Pruvedimënc per l sustëni dla inuvazion)

(1) La Provinzia sustën, tl respet dla normes sun i aiuc da pert dl Stat, l svilup dla inuvazion tenian cont n particuler dla pitla aziendes y dl’aziendes mesanes tres:

aiuc ala mprejes per proiec de nrescida y de svilup, consulënza tl ciamp dla inuvazion, nce deberieda cun istituc de nrescida naziunei y de oradecà; 28)
la stipulazion de cunvenzions danter i sogec dl sistem provinziel dla nrescida y dla inuvazion y i sogec che atifs tl ciamp dla nrescida y dla inuvazion a livel statel y nternaziunel;
l finanziamënt de proiec de nrescida aplicheda che mira al svilup de tecnologies y pruzesc inuvatifs;
sustëni dla nrescida y dl svilup dla mprejes tres l finanziamënt dl’assunzion de personal scialdi cualificà o dl destacamënt temporer de personal scialdi cualificà da pert de universiteies, organisms de nrescida y defujion dla cunescënza y mprejes, coche nce tres la cunzescion de pesć ala mprejes per l’assunzion de personal scialdi cualificà; 29)
cunzescion de cuntribuc per la promozion d’ativiteies aziendeles y de “spin-offs” metui a jì da universiteies, organisms de nrescida y de defujion dla cunescënza publics y privac, mprejes o da d’autri ënc istituìi aposta; 30)
dejëujamënt de scumenciadives che mira al’acuisizion de dërc de proprietà industriela; 31)
l scrì ora cuncorsc per l finanziamënt de proiec de inuvazion, nrescida y svilup;
partezipazion a programs europeics y atuazion de programs europeics; 32)
la ndiviaduazion, l svilup y l sustëni finanzier de cluster y d’autra formes de cunlaurazion danter aziendes tenian cont a na maniera particulera dl’aziendes leader;
partezipazion a capital de risch o a fonds per la prestazion de garanzies a bën de mprejes, coche nce capitalisazion de mprejes nueves o de mprejes inuvatives che vën metudes su; 33)
partezipazion al capital y finanziamënt dla spëises de gestion de parcs tecnologics, zëntri de fundazion, pói de inuvazion y d’autri ënc finalisei ala promozion dla nrescida y dla inuvazion; 34)
l’atuazion de scumenciadives, studesc y nrescides per la promozion dla inuvazion;
aiuc ala mprejes per la ntroduzion de sistems de management, 35)
mesures per sustenì la start-ups inuvatives tres la cunzescion de cuntribuc nchin al 100 per cënt dla curidura dla spëises curëntes y per la dureda de ntraunides ezeziuneles che determinea n sciautrimënt grief dl’economia aldò dl articul 107, coma, 3, pustom b), dl tratat sun l funzionamënt dla Union europeica. L cuntribut possa unì cunzedù aldò dla Comunicazion dla Cumiscion europeica di 19 de merz 2020 C (2020) 1863 “Cheder temporer per la mesures d’aiut de Stat per l sustenì l’economia tla emergënza atuela dl COVID-19”, y mudazions suzessives, o coche “sustëni de minimis” aldò dl regulamënt (UE) n. 1407/2013 dla Cumiscion, di 18 de dezëmber 2013; 36)
atuazion de campanies de sensibilisazion, evënc y d’autra scumenciadives tl ciamp dla inuvazion, dla nrescida y dl svilup. Per chësc fin possa la Provinzia nce dejëujer spëises diretes y sëurandé ncëries aposta. 37)

(2) Tl cajo de azions metudes a jì n atuazion d’acurdanzes danter la Provinzia y d’autri Stac o ënc teritoriei, possel unì definì cun delibrazion dla Jonta provinziela pruzedures de valutazion, de cunzescion y d’erogazion di aiuc, nce n desvieda da cie che ie udù danora da chësta lege y dai criteres d’aplicazion n forza relatifs, per garantì la coerënza dla pruzedures ndividuedes cun l’acurdanza arjonta. La delibrazion possa nce udëi danora che la valutazion di proiec vënie sëurandata a n cumité tecnich numinà ad hoc. 38)

(3) Per la partezipazion ala sentedes dl cumité tecnich ne vëniel dat degun paiamënt. 38)

28)

L pustom a) dl articul 10, coma 1, ie unì mudà nsci dal articul 2, coma 11, dla L.P. di 19 d’agost 2020, n. 9.

29)

L pustom d), dl articul 10, coma 1, ie n iede unì mudà dal articul 26, coma 14, dla L.P. di 17 de nuvëmber 2017, n. 21, y dadedò sustituì dal articul 2, coma 12, dla L.P. di 19 d’agost 2020, n. 9.

30)

L pustom e) dl articul 10, coma 1, ie unì mudà nsci dal articul 2, coma 13, dla L.P. di 19 d’agost 2020, n. 9.

31)

L pustom f) dl articul 10, coma 1, ie unì mudà nsci dal articul 2, coma 14 dla L.P. di 19 d’agost 2020, n. 9.

32)

L pustom h) dl articul 10, coma 1, ie unì mudà nsci dal articul 2, coma 15 dla L.P. di 19 d’agost 2020, n. 9.

33)

L pustom j) ie unì sustituì dal articul 2, coma 16, dla L.P. di 19 d’agost 2020, n. 9.

34)

L pustom k) dl articul 10, coma 1, ie unì mudà nsci dal articul 2, coma 17 dla L.P. di 19 d’agost 2020, n. 9.

35)

L psutom m) ie unì njuntà dal articul 1, coma 5, dla L.P. di 5 de lugio 2011, n. 5, y l ie dadedò unì mudà nsci dal articul 2, coma 18, dla L.P. di 19 d’agost 2020, n. 9.

36)

L pustom n) ie unì njuntà dal articul 26, coma 1, dla L.P. di 16 d’auril 2020, n. 3.

37)

L pustom o) ie unì njuntà dal articul 2, coma 19, dla L.P. di 19 d’agost 2020, n. 9.

38)

L articul 10, comes 2 y 3 ie unic njuntei dal articul 10, coma 2 dla L.P. di 26 de setëmber 2014, n. 7.