(1) La Provinzia autonoma de Balsan sostëgn la difujiun de Intervënc cun tiers (IAA), tl respet dles desposiziuns nazionales y europeiches varëntes en materia.
(2) I standarg operatifs por na dërta aplicaziun di Intervënc cun i tiers sön le teritore provinzial, i compic y les responsabilités dles figöres profescionales y di operadus y dles operadësses che fej para, sciöche ince l’istituziun di organisms tecnics aposta che sostëgn les ativités che alda lapró vëgn stabilis dala Junta provinziala.
(3) L’assessur provinzial por la sanité relascëia les autorisaziuns y i nulla osta preodüs dales desposiziuns en materia de Intervënc cun tiers.
(4) I Sorvisc d’Igiena y sanité publica y le Sorvisc veterinar dl’Aziënda Sanitara dl Südtirol eserzitëia funziuns de verda sön le respet dles desposiziuns emanades aladô de chësc articul tl cheder dles competënzes che alda lapró. 108)