(1) Tl respet dl raport danter paziënt y dotur de familia chirì fora dal paziënt, vëgn l’assistënza sanitara di doturs convenzionà tl raiun fata aladô dles modalitês preodüdes dales desposiziuns statales che promöi le svilup dl paîsc tres n livel plü alt de sconanza dla sanité.
(2) La Junta provinziala definësc les diretives che alda laprò y che vëgn atuades dal’Aziënda sanitara dla Provinzia autonoma de Balsan. 16)
(3) 17)
(4) La Provinzia autonoma de Balsan pó conzede alisiraziuns por la costruziun, la restrotoraziun y por atrezadöres de ambulatori di doturs de medejina generala. Chëstes alisiraziuns é preodüdes dantadöt por ambulatori te localités debles y dejavantajades dl Südtirol y tles agregaziuns funzionales teritoriales. 18)
(5) La Provinzia autonoma de Balsan pó sostigní istituc de inrescida tl ciamp dla medejina generala. 19)
(6) La Junta provinziala stabilësc les alisiraziuns, i criters y les formes de convenziun eventuales cun les ciases de palsa y de cura. 20)
(7) Tl caje de bojëgn y prescia pó l’Aziënda Sanitara, do avëi stlüt jö dötes les prozedöres preodüdes dal contrat coletif nazional che regolamentëia le numer mascimal de lites dl dotur y sües limitaziuns, surantó mosöres straordinares sciöche l’aumënt dl numer mascimal de lites dl dotur por le singul dotur, la sospenjiun temporana dl’autolimitaziun, sciöche ince vigni atra mosöra preodüda dai contrac coletifs de referimënt por garantí l’assistënza dl dotur primara dla popolaziun ti singui raiuns. 21)
(8) L’Aziënda Sanitara ti conzed ai doturs/ales doturies a chi che al ti vëgn, porvia dla mancianza de doturs/doturies de medejina generala, surandé n numer de lites dl dotur majer co le numer mascimal preodü por garantí l’assistënza dl dotur te chël teritore cina al insediamënt de n ater dotur/n’atra doturia, cun faziun dal 1. de jená dl 2017 n compëns de n iade fat fora dala Junta provinziala. 22)
(9) Ajache la situaziun linguistica dla provinzia de Balsan é particolara y al mancia doturs/doturies di mituns ti ospedai, ti vëgnel dé ai doturs/ales doturies di mitiuns de lita lëdia, por l’impëgn da surantó dovëis d’assistënza implü, n compëns de n iade fat fora dala Junta provinziala. 23)
Le titul dl art. 4/sexies é gnü sostituí insciö dal art. 10, coma 2 dla l.p. di 7 d'agost dl 2017, n. 12.
Ciara ince l‘acordanza di 9 de forá dl 2018.
L'art. 4/sexies é gnü ajuntè dal art. 8, coma 4 dla l.p. di 16 d’otober dl 2014, n. 9.
L'art. 4/sexies, coma 3 é gnü injunté dal art. 2, coma 1 dla l.p. di 24 de ma dl 2016, n. 10, y spo abroghé dal art. 36, coma 1, lëtra f) dla l.p. di 7 d'agost dl 2017, n. 12.
L'art. 4/sexies, coma 4 é gnü ajunté dal art. 2, coma 1 dla l.p. di 24 de ma dl 2016, n. 10.
L'art. 4/sexies, coma 5 é gnü ajunté dal art. 2, coma 1 dla l.p. di 24 de ma dl 2016, n. 10.
L'art. 4/sexies, coma 6 é gnü ajunté dal art. 2, coma 1 dla l.p. di 24 de ma dl 2016, n. 10.
L'art. 4/sexies, coma 7 é gnü ajunté dal art. 10, coma 3 dla l.p. di 7 d'agost dl 2017, n. 12.
L'art. 4/sexies, coma 8 é gnü ajunté dal art. 10, coma 3 dla l.p. di 7 d’agost dl 2017, n. 12 y dedô él gnü mudé insciö dal art. 15, coma 1 dla l.p. di 20 de dezëmber dl 2017, n. 22.
L'art. 4/sexies, coma 7 é gnü ajunté dal art. 10, coma 3 dla l.p. di 7 d'agost dl 2017, n. 12.