(1)Sce l ie de utl somëter tl medemo tëmp a n ejam i nteresc publics defrënc tuchei da n pruzedimënt aministratif chërd l diretëur dla repartizion provinziela cumpetënt per l’atuazion dl ntervënt cuntlujif o a uni moda prevalënt n cont dl’ativiteies dl pruzedimënt ite na cunferënza di servijes. 128)
(1/bis) Cun regulamënt d’esecuzion vëniel determinà la manieres de funzionamënt dla cunferënza di servijes tenian cont di prinzips dla segurëza di tëmps dla cunferënza, dla partezipazion di nteressei al pruzedimënt, dl’apurvazion chieta y dla refudeda. 129)
(2) 130)
(3) L’apurvazion dl’aministrazions publiches, che à la funzions nunziedes tl coma 2, vën cunscidreda data, sce la cundizions aldò dl articul 17/bis dla lege di 7 d’agost 1990, n. 241 ie ademplides. Ti caji te chëi che l chiet danter l’aministrazions publiches y danter l’aministrazions publiches y i gestëures di bëns y servijes publics dl’aministrazion ie ecuivalënta al azetamënt dla dumanda, possa l’aministrazion cumpetënta adoté pruvedimënc de autodefendura. 131)
(4) L’apurvazion dl proiet o dl ntervënt prejentà dala reprejëntanza dla Provinzia tla cunferënzes di servijes remplazea sota uni aspet duc i ac d’apurvazion che ie ududes danora dala leges dla Provinzia.
(5) Dla cunferënza di servijes ie a cë l organn che à cherdà ite la cunferënza o n si delegà. 132)
(6) La cunferënza di servijes possa nce se dejëujer tla forma telematica. 133)
L articul 18, coma 1, ie n iede unì sustituì dal articul 23, coma 2, dla L.P. di 4 de mei 2016, n. 9, y dadedò mudà nsci dal articul 3, coma 1, dla L.P. di 20 de dezëmber 2017, n. 22.
L articul 18, coma 1/bis, ie unit njuntà dal articul 23, coma 3, dla L.P. di 4 de mei 2016, n. 9.
L articul 18, coma 2, ie mudà nsci dal articul 23, coma 4, dla L.P. di 4 de mei 2016, n. 9 y dadedò abrogà dal articul 20, coma 1, pustom c) dla L.P. di 20 de dezëmber 2017, n. 22.
L articul 18, coma 3, ie unit mudà dal articul 23, coma 5, dla L.P. di 4 de mei 2016, n. 9.
L articul 18, coma 5, ie unit sustituì nsci dal articul 23, coma 6, dla L.P. di 4 de mei 2016, n. 9.
L articul 18, coma 6, ie unit njuntà dal articul 23, coma 7, dla L.P. di 4 de mei 2016, n. 9.