(1) Tl’atuazion di prinzips de legalità, dl bon andamënt, dla mparzialità y azessibltà liedia, rënd la Provinzia, i ënc dependënc da chësta y chëi a urdinamënt provinziel, stlutes ite la sozieteies partezipedes, la sozieteies in-house y l’aziendes spezieles, a pië via dai prim de lugio 2013, azessibli, tl respet dla normativa tla materia de prutezion di dac persunei, sun si plates web, cun link da udëi sun la homepage, i pruvedimënc che reverda chisc ponc:
- la cunzescion de suvenzions, cuntribuc, sustenimënc, premies, aiuc finanzieres y l’atribuzion de vantajes economics d’uni sort ala mprejes;
- 53)
- l’atribuzion de vantajes economics d’uni sort a ënc publics y privac.
(2) I adempimënc nunziei tl coma 1 possa unì atuei tres la ndrova de plates web de d’autra aministrazions y de d’autri ënc publics, o de si assoziazions, che nen ie ubliei.
(3) I pruvedimënc nunziei tl coma 1 resta publichei n ann alalongia.
(4) La publicazion aldò de chësc articul reprejentea na cundizion leghela per la fazion di pruvedimënc de cunzescion y atribuzion de somes sëura 1.000 euro.
(5) L’atuazion de chësc articul vën realiseda cun la ressurses umanes, strumenteles y finanzieres despunibles aldò dla legislazion n forza y, a uni moda, zënza spëises nueves per la finanzes publiches.
(6) La Jonta provinziela ie autoriseda a dé ora diretives ntegratives n cont dla publicazions nunziedes te chësc articul. 54)
L pustom b) dl articul 28/bis, coma 1, ie abrogà dal articul 60, coma 1, pustom b) dla L.P. di 23 de dezëmber 2015, n. 18.
L articul 28/bis ie unit njuntà dal articul 21, coma 1, dla L.P. di 20 de dezëmber 2012, n. 22.