(1) Ora che i ac, per chëi che l ie bele udù danora dala lege, vëniel publicà tl Buletin Ufiziel dla Region, nce chëi ac che nteressea la generalità dla persones o categories spezifiches de zitadins.
(2) Sun la plata internet dla dla rë zivica de Süstirol vëniel publicà, nchin ai 31 de merz de uni ann n referimënt al eserzize dl ann dant, na lista di cunlauradëures esterns y di nciariei per cunsulënzes cun la ndicazion dla rejon dla ncëria y dl cumpëns paià ora respetivamënter y na lista cun i inuemes de chi che giapa suvenzions o vantajes economics defrënc dala Provinzia cun la ndicazion dl titul curespundënt. Stluc ora ie la suvenzions y i vantajes economics per cie che reverda l'assistënza sanitera, soziela, previdenziela, scolastica y universitera. 48)
(2/bis) Sun la plata dla rë zivica de Südtirol vëniel oradechël nce publicà cun la medema destumënza aldò dl coma 2 la ncëries de presidënt o de cumëmber dl cunsëi d'aministrazion de sozieteies - pra chëles che la Provinzia o un o de plu chemuns dla provinzia ie pert, nce tla forma indireta tres sozieteies cuntroledes - cunferides sun ndicazion dla Provinzia o de un o de plu chemuns dla provinzia, cun i paiamënc respetifs. Tla medema maniera vën la ncëries a presidënt o a cumëmber de cunsëi d'aministrazion de istituc o ënc istituii cun lege o d'autra despusizion provinziela o regulamënt cumenel, y i paiamënc relatifs paiei ora a cëria dla sozieteies, di ënc o istituc nunziei te chësc coma. 49)
(2/ter) Aldò dla modaliteies nunziedes tl coma 2/bis iel nce da publiché la ncëries de aministratëur, de diretëur generel o de dirigënt ecuivalënt dla sozieteies cuntroledes, nce tla forma ndireta, che à si sënta sun l teritore provinziel y di ënc y istituc nunziei tl coma 2/bis, coche nce i paiamënc respetifs paiei a cëria dla sozieteies, di ënc y di istituc nstësc. 50)
(2/quater) Dla publicazions nunziedes ti comes 2/bis y 2/ter se cruzia tl lim de tëmp de trëi mënsc dala destumënza de uni eserzize anuel la sozieteies, i ënc y i istituc nteressei. Tl cajo de ncëries y paiamënc nunziei tl coma 2/bis de sozieteies che ne à nia si sënta sun l teritore provinziel, se cruzia dla publicazion diretamënter cun la medema modaliteies la persones a chëles che l ti ie unì cunferì la ncëria. Sce la publicazion ne vën nia fata scudësc l diretëur dla repartizion provinziela finanzes y bilanz na sanzion aministrativa da 1.000 a 10.000 euro. 51)
(3) Cun la publicazion tl Buletin Ufiziel dla Region o sun la plata internet dla Provinzia autonoma de Bulsan, a cundizion che la sibe ntegrela, ie l dërt d'azes ai documënc da ntënder sciche realisà.52)
L articul 28, coma 2 ie unit mudà nsci tres l articul 13 coma 1 dla L.P. di 21 de dezëmber 2011, n. 15.
L coma 2/bis ie unit juntà dal articul 12 dla lege provinziela di 19 de lugio dl 2007, n. 4 y dadedò mudà nsci tres l articul 13, coma dla L.P. di 21 de dezëmber 2011, n. 15.
L coma 2/te rie unit juntà dal articul 12 dla lege provinziela di 19 de lugio dl 2007, n. 4.
L articul 28, coma 2/quater ie unit juntà dal articul 12 dla lege provinziela di 19 de lugio 2007, n. 4, y pona sustituì nsci dal articul 20, coma 1 dla L.P. di 21 de dezëmber dl 2007, n. 14 y ala fin mudà dal articul 13, coma 3 dla L.P. di 21 de dezëmber 2011, n. 15.
L articul 28 ie unit sustituì dal articul 6 dla lege provinziela di 19 de fauré 2001, n. 4 y ie dedò unit mudà dal articul 15 dla lege provinziela di 28 de lugio dl 2003, n. 12.