(1) Le regolamënt d’esecuziun preodü dal articul 40/bis dla lege provinziala di 17 de dezëmber dl 1998, n. 13, injuntè dal articul 1, coma 5 de chësta lege vëgn apliché ai contrać d’afit stlüć jö do che le regolamënt nominé é jü en forza, sciöche inće ala sozesciun tl’assegnaziun dl’abitaziun odüda danfora dal articul 107, coma 2 dla lege provinziala di 17 de dezëmber dl 1998, n. 13 y al barat d’abitaziun preodü dal articul 104 dla lege provinziala di 17 de dezëmber dl 1998, n. 13. Por i contrać d’afit che é bele y por la sozesciun tl’assegnaziun dl’abitaziun preodüda dal articul 107, comesc 1 y 4 dla lege provinziala di 17 de dezëmber 1998, n. 13, sciöche inće por la mudaziun dl’assegnaziun y la trascriziun dl contrat d’afit tl caje de separaziun personala, desliaziun o fin dles funziuns ziviles dl matrimone preodüdes dal articul 108 dla lege provinziala di 17 de dezëmber dl 1998, n. 13 stabilësc la Junta provinziala i criters por passè de gre en gre al’aplicaziun dles desposiziuns nöies dl relevamënt de davagn y patrimone unifiché, aladô dl regolamënt d’esecuziun preodü dal articul 40/bis dla lege provinziala di 17 de dezëmber dl 1998, n. 13, injuntè dal articul 1, coma 5 de chësta lege. Le passaje mëss gnì fat te cin agn dala jüda en forza de chësta lege. Les mudaziuns di articui 97 y 112 dla lege provinziala di 17 de dezëmber dl 1998, n. 13 va en forza dala data preodüda dal articul 2, coma 1 de chësta lege.
(2) Les domandes por la conzesciun di contribuć preodüs dal articul 71/ter dla lege provinziala di 17 de dezëmber dl 1998, n. 13, injuntè dal articul 1, coma 11 de chësta lege po ma gnì presentades por contrać de cumpra che é gnüs stlüć jö do la jüda en forza de chësta lege y por laûrs de recuperada metüs man do chësta data.
(3) Ales domandes che é gnüdes presentades dan la data preodüda dal articul 2, coma 1 vëgnel apliché les desposiziuns de lege che à valü ćina chël momënt.
(4) Ales domandes d’aiüt finanziar por l’abitaziun preodüdes dal articul 91 dla lege provinziala di 17 de dezëmber 1998, n. 13, y mudaziuns suandëntes en coliamënt cun l’articul 2 dla lege provinziala di 13 de jügn dl 2012, n. 11 ne vëgnel nia apliché l’articul 40/bis dla lege provinziala di 17 de dezëmber dl 1998, n. 13, injuntè dal articul 1, coma 5 de chësta lege.