2) Costituziun dla Republica Taliana1)

(1)  I Comuns, les Provinzies, les Citês metropolitanes y les Regiuns à l’autonomia finanziara por les entrades y les spëises, tl respet dl ecuiliber de sü bilanc y dëida garantí l'osservanza di lians economics y finanziars che vëgn dal ordinamënt dl'Uniun europeica. 35)

(2)  I Comuns, les Provinzies, les Citês metropolitanes y les Regiuns à ressurses autonomes. Ai stabilësc y aplichëia sü tribuć y sües entrades, a öna cun la Costituziun y aladô di prinzips de coordinamënt dla finanza publica y dl sistem tributar. Ai partezipëia ales entrades di tribuć statai che reverda so teritore.

(3)  La lege dl Stat istituësc n fonds d’avaliaziun, zënza vincui de destinaziun, por i raiuns cun na mëndra capazité fiscala por abitant.

(4)  Les ressurses che vëgn dales fontanes preodüdes dai comesc dessura ti conzed ai Comuns, ales Provinzies, ales Citês metropolitanes y ales Regiuns de finanzié daldöt les funziuns publiches a d’ëres atribuides.

(5)  Por sostignì le svilup economich, la coejiun y la solidarieté soziala, por tó demez les desvalianzes economiches y soziales, por sostignì l’eserzize efetif di dërć dla porsona, o por ademplì fins desvalis dal eserzize normal de sües funziuns, destinëia le Stat ressurses implü y fej intervënć speziai a bëgn de certi Comuns, certes Provinzies, certes Citês metropolitanes y certes Regiuns.

(6) La Republica reconësc les particolarités dles Isoles y sostëgn les mosöres che vá debojëgn por tó y jí i desvantaji che vëgn dal ester isola. 36)

(7)  I Comuns, les Provinzies, les Cités metropolitanes y les Regiuns á n so patrimone, atribuí aladô di prinzips generai determiná dala lege statala, cun lapró la definiziun di planns de amortamënt y a condiziun che al vëgnes respeté l’ecuiliber dl bilanz por le comples di ënc de vigni Regiun. Ai pó ma s’indebité por finanzié spëises de investimënt. Al é stlüt fora vigni garanzia da pert dl Stat por i debic che ai á fat.   37) 38)