n) Lege Provinziala di 17 de mà dl 2013, n. 81)
Svilup y sustëni dla famlies tl Südtirol

(1) Per sustenì la ncëria d’educazion y la lidëza de dezijion y per ti unì ancontra ai bujëns di genitores vëniel sustenì l’assistënza dla mutans/di mutons da pert di genitores tla familia sciche nce i servijes d’assistënza dedora dla familia. La Provinzia y i ënc cumpetënc sustën y ncurajea tramedoi formes coche ufiertes de valor valif, de chëles che la vela depënd dai bujëns dla mutans/di mutons sciche nce dala carateristiches y pusciblteies dla families.

(2) Perchël vëniel:

1. putenzià ti luesc l azes flessibl ala scumenciadives de sustëni dla familia y miurà l coordinamënt di servijes;
   
2. sustenì l autoaiut dla families tla forma de scumenciadives de genitores, grupes de juech, zëntri genitores-mutons y d’autra scumenciadives;
   
3. pità y putenzià sun dut l teritore y aldò dl bujën i servijes sozio-educatifs per la prima nfanzia tres scolines coa, microstrutures per la prima nfanzia, microstrutures aziendeles y servijes per la nfanzia a cësa da pert de omans/peresc dl dì. Chësc vën realisà tl cheder dla despusizions nunziedes tla Pert IV de chësta lege;
   
4. putenzià la ufierta d’assistënza a scola per mutans/mutons y renfurzà la culaborazion cun assoziazions juniles, cultureles, sportives y dl tëmp liede;
   
5. putenzià y alesirà l’ufierta d’assistënza y d’acumpaniamënt extrascolastica y ntegrativa per mutans/mutons cun cunscidrazion particulera dla fasces d’età defrëntes, dla cundizions familieres, sozieles y teritorieles y de n miëur cunliamënt danter i servijes. La spëises lascedes pro a sustëni muessa vester liedes diretamënter ala urganisazion y al dejëujamënt dla scumenciadives. N cunscidrazion di tëmps che ie de bujën per la planificazion y la preparazion, possel unì lascià pro a sustëni nce spëises che se à purtà pro dan che la scumenciadives singules ie unides metudes a jì. 5) 
   

(3) Mutans/mutons cun dejabltà à l medemo dërt d’azes ai servijes d’assistënza y d’acumpaniamënt.

(4) Per seguré na cualità auta pra i servijes d’assistënza y d’acumpaniamënt stabilësc la Provinzia standarc de cualità y la cuntrolea che i vënie respetei.

(5) L’assistënza a persones de familia nia autonomes vën sustenida tres n sistem adecuat de prestazions economiches o de cosses aldò dla lege provinziela sun i ntervënc per l’assistënza dla persones nia autonomes.

(6)  Tl cheder de si cumpetënzes istituzioneles cëla la Provinzia che l Stat y la Region se cruzie che i tëmps dedichei al’educazion dla mutans/di mutons y ala cura de persones de familia nia autonomes vënie recunesciui a fins de pension y sustenì i paiamënc ulenteres de cuntribuc per chisc fins. La Provinzia se mpënia tl particuler de abiné soluzions per l genitor che dan tò la dezijion de se dediché al’educazion dla mutans/di mutons à laurà tl ciamp privat. 6)