c') Lege Provinziala di 5 de merz dl 2001, n. 71)
Ordinamënt nü dl Sorvisc sanitar provinzial

(1)  Le sistem de ajornamënt tl setur dla sanité vëiga danfora l’istituziun di organns colegiai suandënć:

1. la Conferënza provinziala por le govern dl ajornamënt tl setur dla sanité, sciöche organism d’orientamënt strategich, dles diretives y de garanzia dl sistem de ajornamënt tl setur dla sanité. La Conferënza é metüda adöm da alplü 15 mëmbri; chisc é rapresentanć dla Repartiziun Sanité dla Provinzia, dl’Aziënda sanitara dl Südtirol, dles lies y dles ćiamenes profescionales;
2. la Comisciun provinziala por l’ajornamënt CME, sciöche organism tecnich-scientifich, che à le compit de acredité les strotöres d’ajornamënt (provider). La Comisciun é metüda adöm da alplü cin esperć dl ćiamp dla formaziun y vëgn menada da n rapresentant dla Repartiziun Sanité dla Provinzia.

(2)  La composiziun y le funzionamënt di organisms preodüs dal coma 1, sciöche inće les modalitês de consultaziun di rapresentanć dles categories profescionales interessades, vëgn regolamentades cun regolamënt d’esecuziun, tl respet di prinzips dles desposiziuns statales. 118)