(1) Tl caje de na separaziun personala, de na desliaziun o dla fin dles faziuns dl matrimone müda l’IPFS sc’al é le caje l’assegnaziun dl’abitaziun y se crüzia dla trascriziun dl contrat d’afit se tignin ala dezijiun dl vicare. Sce le vicare ne tol nia na dezijiun ti assegnëia le Presidënt dl IPFS l’abitaziun cun priorité a chël partner a chël ch’al ti é gnü afidé i mituns, a condiziun ch’al vires tl’abitaziun te na manira permanënta.
(2) Canch’al vëgn trascrit le contrat controlëia l’IPFS ch’al ne sides nia por le suzessur y i atri componënć de süa familia condiziuns che impedësc de stè inant te chë abitaziun.
