3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) La leges dla Republica y l’ates dla Republica che à valor de lege possa unì cuntestedes dal Presidënt dla Region9) o da chël dla Provinzia72), do la delibrazion dl Cunsëi respetif, per viulazion de chësc Statut o dl prinzip de defendura dla mendranzes linguistiches tudëscia y ladina.

(2) Sce l Stat ferësc cun na si mesura l ciamp de cumpetënza assenieda da chësc Statut ala Region o ala Provinzies, possa la Region o la Provinzia respetivamënter nteresseda fé recurs pra la Chëurt costituzionela per l regulamënt dla cumpetënza.

(3) La pruposta de recurs vën fata dal Presidënt dla Region9) o da chël dla Provinzia72), do delibrazion dla Jonta respetiva.

(4) Na copia dl’ata de cuntestazion y dl recurs per cunflit de atribuzion muessa unì mandeda al Cumisser dl Guviern a Trënt sce l se trata dla Region o dla Provinzia de Trënt, y al Cumisser dl Guviern de Bulsan, sce l se trata dla Provinzia de Bulsan.