(1)La leges che cumporta spëises o ntredes nueves o majeres possa autorisé la Jonta provinziela a fé, cun na si deliberazion, la variazions al bilanz che se porta pro dainora.
(2) Restan mpe cie che ie preudù dal decret legislatif di 23 de juni 2011, nr. 118, possa la Jonta:
- 35)
- fé l’autra variazions preududes dal articul 46, coma 3, y dal articul 48, coma 1, pustoms a) y b), dl decret legislatif di 23 de juni 2011, nr. 118;
- fé mudazions ala listes nunziedes tl articul 39, coma 11, pustoms a) y b), dl decret legislatif di 23 de juni 2011, nr. 118;
- fé variazions al bilanz de previjion, al documënt tecnich d’acumpaniamënt dl bilanz gestionel per avané la ntredes y la spëises revardëntes i cunferimënc de bëns y credic a titul d’avanamënt dl capital soziel, sciche nce chëles reverdëntes i barac de bëns, credic o d’auter patrimone, tl respet dl urdinamënt statuter y dla ndicazions eventualmënter cuntenides tl DEFP.
(3) L Assessëur provinziel per la Finanzes ie autorisà a fé variazions al bilanz per la iscrizion de de majera spëises y ntredes per na soma curespundënta y variazions ai capituli dla contabilteies spezieles dl bilanz nstës.
(4) L diretëur dla Repartizion Finanzes possa:
- fé la variazions nunziedes tl articul 51, coma 2, pustom c) y coma 4, dl decret legislatif di 23 de juni 2011, n. 118; 36)
- fé i prelevamënc dai fonds nunziei tl articul 48, coma 1, pustoms a) y c), dl decret legislatif di 23 de juni 2011, n. 118; 37)
- fé sturnamënc de cassa danter i capituli che toca pra l medemo macroagregat;
- Fé la variazions che ie de bujën acioche n posse adurvé l fond riscs per la spëises legales. 38)
(4/bis)I tituleres de uni zënter de respunsabltà aministrativa, a chël che l ie unì assenià la gestion de capituli de spëisa, possa fé la variazions dl bilanz gestiunel cumpensatives danter capituli de spëisa dl medemo macroagregat atribuii ala gestion dl zënter de respunsabltà aministrativa respetif, nen dajan comunicazion, nce tres sistems telematics, al ufize dla Repartizion provinziela Finanzes cumpetënt. 39)
(4/ter) L diretëur dla Repartizion personal possa fé la variazions nunziedes tl articul 51, coma 2, pustom c), dl decret legislatif di 23 de juni 2011, n. 118. 40)
(5) La Jonta provinziela possa deleghé l Presidënt dla Provinzia a fé la variazions de bilanz nunziedes tl articul 51, coma 2, dl decret legislatif di 23 de juni 2011, nr. 118.
(6) La variazions al documënt tecnich d’acumpaniamënt y al bilanz finanzier gestionel possa unì adotedes cun l medemo pruvedimënt repurtan te njontes spartides la variazions relatives a un y al auter documënt.
(7) Pervia dla jita n forza de normes d’atuazion dl Statut speziel che stabilësc l trasferimënt o la delegazion de funzions dal Stat ala Provinzia, ie la Jonta provinziela autoriseda a dé despusizion de fé la variazions de bilanz che ie nce de bujën per la iscrizion dla ntredes y dla spëises che reverda l’atuazion dla cumpetënzes nueves. 41)
L pustom a) dl articul 23, coma 2, ie unì abrogà dal articul 6, coma 3, dla L.P. di 23 de dezëmber 2016, n. 23.
L pustom a) dl articul 23, coma 4, ie unì mudà nsci dal articul 6, coma 4, della L.P. di 2 de dezëmber 2016, n. 23.
L pustom b) dl articul 23, coma 4, ie unì mudà nsci dal articul 6, coma 4, dla L.P. di 2 de dezëmber 2016, n. 23.
L pustom d) dl articul 23, coma 4 ie inò unì juntà tres l articul 12, coma 1 dla L.P. di 29 d’auril 2019, n. 2.
L articul 23, coma 4/bis, ie unì njuntà dal articul 6, coma 5, dla L.P. di 2 de dezëmber 2016, n. 23, y l ie dadedò unì mudà nsci dal articul 28, coma 1, dla L.P. di 7 d’agost 2017, n. 12.
L articul 23, coma 4/ter ie unì njuntà dal articul 6, coma 5, dla L.P. 2 de dezëmber 2016, n. 23.
L articul 23 ie unit remplazà nsci dal articul 1, coma 10, dla L.P. di 23 de dezëmber 2015, nr. 18.