g) Lege provinziala di 13 de forà dl 1997, n. 41)
Intervënć dla Provinzia Autonoma de Balsan-Südtirol por le sostëgn dl’economia

(1)  La Provinzia autonoma de Balsan-Südtirol, da chiló inant nominada Provinzia, promöi le svilup di seturs economics dl’industria, dl artejanat, dl comerz, dl turism y di sorvisc y particolarmënter de so valur ajunté y dla concurënza, ince a livel internazional, aladô dles normes dl'Uniun europeica y dles esigënzes dl’ecologia y dla sconanza dl ambiënt, dl bojëgn de garantí n ambiënt de laur a bëgn dla familia, de n svilup balanzé dl’ocupaziun, dla promoziun dl ses sotrapresenté, di bojëgns de sconanza dl laur, dl’igiena y dla segurëza pro le laur. 2)

(2)  Chësta lege ne vel nia por les aziëndes agricoles, ater co i articui 7, 14, coma 1 lëtra d) y 20/septies.   3)

(2/bis)  L’articul 20/septies vëgn apliché ince por i sogec preodüs dala lege provinziala di 11 de ma dl 1995, n. 12, y mudaziuns suandëntes. 4)

(3) Les normes dl'Uniun europeica varëntes tla materia de aiüc statai por i seturs sensibli sciöche chi dl aciá, dl ciarbun, di trasporc, dles fires sintetiches, dl'industria dl auto, dla costruziun de bastimënc y dla pëscia, ne vëgn nia azicades da chësta lege. 5) 

(1) La promoziun sozed tres la conzesciun de aiüc tl respet dles normes dl'Uniun europeica sön i aiüc statai. I aiüc pó surantó les formes che vëgn dant chiló dessot o pó ince gní combiná un cun l'ater: 6)

1. contribut a fonds pordü,
   
2. alisiraziun di fić,
   
3. imprestimënt alisiré.
   

(2) Ales aziëndes, cun la sënta tles zones dejavantajades aladô dles normes dl'uniun europeica, pól ti gní conzedü alisiraziuns cina al 15 por cënt sura la mosöra plü alta preodüda tles seziuns suandëntes sön la basa de criters eman aladô dl articul 2 dla lege provinziala di 22 de otober dl 1993, n. 17, che reverda le „Regolamënt dl prozedimënt aministratif y dl dërt de ti rové pormez ai documënc aministratifs“, y notificá pro l'Uniun europeica. 7)

(3) 8)

(4)(5)  9)

(1)  Por na dorada de 15 agn ne po la destinaziun economica di bëgns sovenzionà aladô de chësta lege nia gnì mudada. Tratan chësc tëmp ne po i bëgns nia gnì dà ia, y l’aziënda pro chëra che i bëgns alda, ne po gnanca gnì afitada: sön i bëgns ne pol nia gnì costituì dërć reai. Cun i criters d’aplicaziun de chësta lege po la dorada de 15 agn gnì smendrida por categories desvalies de bëgns d’investimënt, te na manira desvalia aladô dles formes de zesciun o de costituziun di dërć nominà.

(2)  La violaziun dles desposiziuns aladô dl coma 1 gaujëia la revocaziun dl contribut en proporziun al tëmp che manćia ćina ala scadënza di termi preodüs aladô dl coma 1. Sön l’import corespognënt val debojëgn di interesc legai preodüs.

(3)  La Junta provinziala po renunzié la revocaziun dl contribut sce la violaziun dles oblianzes é gaujada da n inzidënt, na maratia o na mort che limitëia dassënn y codî la continuaziun dl'ativité aziendala. Le medemo vel inće tl caje de dagns gaujà da medefüch, arobada o inzidënt Implü po la Junta provinziala renunzié ala revocaziun dl contribut te caji motivà d’importanza straordinara y strategica por le mantignimënt dl livel d’ocupaziun y por la rëi economica.10)

(4)  Atramënter co ch’al ne vëgn stabilì dal coma 1, po i bëgns sovenzionà gnì dà ia, afità o gravà de dërć reai a bëgn de firmes che à na cuota lassura de almanco le 30 por cënt dl’assoziaziun benefiziara dl contribut o a bëgn de assoziaziuns a chëres che la firma fej pert cun na cuota dl 30 por cënt o inće a assoziaziuns  - do che l’assoziaziun benefiziara dl contribut é gnüda spartida o do la costituziun de n’assoziaziun nöia zënza la partezipaziun de mëmbri terzi – de chëres che i mëmbri corespogn almanco le 30 por cënt ai mëmbri dl’assoziaziun benefiziara dl contribut; chësc a condiziun che le terzo che cumpra le bëgn detlarëies por iscrit de tignì ite les oblianzes preodüdes da chësta lege.

(5)  Atramënter co ch’al ne vëgn stabilì dal coma 1, po i bëgns sovenzionà gnì dà ia, afità o lascià ia adinfit a porsones o i bëgns po gnì gravà de dërć reai a bëgn de porsones che é parënć de terzo grè o che é cogné/cognada tla linea direta cun le benefiziar/la benefiziara dl contribut; chësc a condiziun che le terzo che cumpra le bëgn detlarëies de tignì ite les oblianzes preodüdes da chësta lege.

(6)  Atramënter co ch’al ne vëgn stabilì dal coma 1, ti vëgnel conzedü l’afit dl’aziënda sce i bëgns sovenzionà é mëndri dla mesa pert dl capital d’investimënt dl’aziënda.11)

(1)  I aiüć preodüs da chësta lege vëgn conzedüs sce le benefizié o la benefiziada respetëia les normes tla materia de previdënza, y sce i contribuć de previdënza vëgn paià ite inće por düć i familiars che colaborëia tl’aziënda y ne n’à nia n’atra assiguraziun sön la ponsiun.12)

(1)  Dovëi familiar aladô de chësta lege é la cura de na möta o de n möt sot i sis agn o l’assistënza de parënć ćina al secundo degrè che à debojëgn.

(2)  La zertificaziun de conziliabilité familia-laûr é chëra aladô di articui 32, 33 y 34. 13) 14)

(1)  La Provinzia promöi investimënć aziendai realisà tres:

1. l’acuisiziun de bëgns mobii y imobii,
   
2. la costruziun, la restrotoraziun, l’ampliamënt de stabilimënć o de locai aziendai,
   
3. la modernisaziun, le completamënt di implanć.
   

(2)  La promoziun po inće revardè la realisaziun de bëgns de investimënt mobii y imobii tres l’esecuziun de prestaziuns fates instësc, l'acuisiziun tres leasing y scomenciadies por assiguré i sorvisc de fornidöra locala.

(3)  I investimënć da n contignü inovatif alt po gnì promoiüs te na manira privilegiada.

(4)  Implü pól gní sostigní investimënc te bëgns mobii da adoré tl cheder dl’ativité aziendala y che l’impresa cumpra tres contrac d'afit y d'imprëst por plü dî y contrac de leasing zënza dovëi da cumpré zoruch. 15)

(5)  I aiüc por i bëgns mobii preodüs dal coma 4 vëgn conzedüs sciöche aiüc «de minimis» aladô dl regolamënt (UE) n. 1407/2013 dla Comisciun di 18 de dezëmber dl 2013 sön l’aplicaziun di articui 107 y 108 dl tratat sön le funzionamënt dl’Uniun europeica ai aiüc «de minimis». 16)

(1) Por i investimënc aziendai dles impreses, piceres y mesanes, plü inant nominades IPM, pól gní conzedü aiüc anter i limi dles normes dl'Uniun europeica por i aiüc statai ales IPM. 17)

(2) Sciöche IPM vëgnel conscidré chës impreses che ti corespogn ala definiziun dada dant dales normes dl'Uniun europeica. 18)

(3) La promoziun de investimënc generai dles gran impreses, y te caji ezezionai motivá spezificamënter, dles IPM é poscibla, sce l'alisiraziun ne n’é nia alediada da regolamënc dl'Uniun europeica, tres la notificaziun y l'aprovaziun dl caje spezifich aladô di articui 107 y 88 dl Tratat sön le funzionamënt dl'Uniun europeica y respetan les limitaziuns fissades dala Comisciun Europeica. Ala oblianza de notificaziun ne sotestá nia i aiüc, che ne superëia nia le limo “de minimis” aladô dles normes dl'Uniun europeica varëntes tla materia de aiüc statai.  19)

(4)  Por i investimënć aziendai dles micro-imprejes y dles IPM che fej ativitês che ne n’à nia por oget le barat danter i Stać mëmbri dl’Uniun Europeica, pol gnì conzedü aiüć ćina al 40 por cënt dles spëises sostignides, sön la basa di criters emanà aladô dl articul 2 dla lege provinziala di 22 de otober dl 1993, n. 17.20)

(5) Tl cheder dles normes dl'Uniun europeica por i aiüc dl Stat vëgnel conzedü aiüc cun na maioraziun sön le tas de basa dantadöt por cualificaziuns particolares, por aziëndes te raiuns strotoralmënter debli y por aziëndes cun la zertificaziun de conziliabilité familia-laur. 21) 22)

(6) Tl cheder dles normes dl'uniun europeica por i aiüc dl Stat ti vëgnel dé la prezedënza dantadöt a investimënc tl sorvisc de proscimité, a investimënc de aziëndes te raiuns strotoralmënter debli y a investimënc de aziëndes cun la zertificaziun de conziliabilité familia-laur. 21) 23)

(1)  La Provinzia promöi les scomenciadies aziendales suandëntes:

1. investimënć por la sconanza dl ambiënt,
   
2. investimënć tl ćiamp dl sparagn energetich y dles fontanes d'energia regenerabla,
   
3. archirida y svilup dles tecnologies manco incuinëntes,
   
4. informaziun tecnica, sorvisc de consulënza y formaziun dl personal sön les tecnologies pratiches ambientales nöies,
   
5. audit ambientai tles firmes.
   

(1) Por les scomenciadies dades dant tl articul 5, coma 1, lëtres a) y b), ti pol gnì conzedü n aiüt ales imprejes anter i limi dles normes dl'Uniun europeica varëntes por i aiüć statai por la sconanza dl ambiënt. 24) 

(2) Por les scomenciadies dades dant tl articul 5, coma 1, lëtra c), ti pól gní conzedü n aiüt ales impreses anter i limi dles normes dl'Uniun europeica por i aiüc statai por l'archirida y le svilup, aladô dla seziun IV. 25)

(3) Por les scomenciadies dades dant tl articul 5, coma 1, lëtres d) y e), ti pól gní conzedü n aiüt ales impreses anter i limi dles normes dl'Uniun europeica por i aiüc statai por la promoziun de sorvisc de consulënza, de formaziun y de defujiun de conescënza, aladô dla seziun V. 26)

(4) 27)

(1) 30) 

(2)  La Provinzia conzed premies por studënć che se laureëia y che scrî teses sura i problems de interès local sura le setur economich.

(1)  La Provinzia promöi les scomenciadies suandëntes de formaziun, de consulënza y de defujiun de conescënza:

1. formaziun y perfezionamënt dl personal dirigënt y de esperć cun na cualificaziun alta,
   
2. acuisiziun de conescënzes tecnologiches y de informaziuns sön le marćé tres sorvisc o consulënzes, che vëgn pitades da strotöres d'archirida, universitês o strotöres de consulënza,
   
3. recualificaziun y perfezionamënt dl personal sciöche mosöra de apassenamënt ales ghiranzes mudades dla tecnologia y dl marćé,
   
4. consulënza programada por l’istituziun de joint-ventures danter impreses tla provinzia de Balsan y imprejes foradecà,
   
5. consulënzes, arać, proieć y recualificaziun tl ćiamp dla segurëza söl post de laûr, dla prevenziun de inzidënć söl post de laûr y dl’energia,
   
6. practicums te aziëndes cun la sënta tla provinzia de Balsan,
   
7. consulënzes preliminares por patentè les mersces y i produć aziendai,
   
8. portines de consulënza y de trasferimënt tecnologich,
   
9. relevamënć, stüdi y archirides.
   
10. formaziun y ajornamënt dl ses sotrapresentè tles posiziuns dirigënziales, sciöche formaziun y ajornamënt por che che va indô a laurè do avëi lascé de laurè porvia de dovëis familiars;32)
    
11. introduziun de formes de organisaziun y de modì d’orare de laûr flessibl, y dantadöt de posć de laûr a tëmp parzial por les porsones cun dovëis familiars, sciöche inće de sorvisc de guern y assistënza por mituns organisà dales aziëndes;32)
    
12. arjunjimënt dla zertificaziun de conziliabilité familia-laûr o anuzamënt de d’atres prestaziuns de consulënza che reverda la promoziun dla compatibilité danter familia y profesciun o la promoziun dl ses sotrapresentè.32)
    

(2)  Ales scomenciadies realisades en colaboraziun cun ënć cualificà por la promoziun economica, les assoziaziuns de categoria o sües organisaziuns, o realisades o anuzades da de plü impreses, ti pol gnì dè la priorité.

(3)  La Junta provinziala vëgn autorisada da realisé diretamënter les scomenciadies preodüdes dal coma 1.

(1) Por scomenciadies de consulënza, de formaziun y de difujiun a bëgn dles IPM conzed la Provinzia aiüc tl cheder dles normes dl'Uniun europeica varëntes por i aiüc statai ales IPM. 33)

(2) Sciöche IPM vëgn conscidrades chëres che ti corespogn ala definiziun preodüda dales normes dl'Uniun europeica. 34)

(3) La promoziun de scomenciadies de consulënza, de formaziun y de defujiun por les gran impreses intravëgn tres la notificaziun dl caje spezifich aladô dl articul 108, coma 3, dl Tratat sön le funzionamënt dl'Uniun europeica, respetan i limi fissá dala Comisciun Europeica. Ala oblianza de notificaziun ne sotestá nia i aiüc, che ne superëia nia le limo “de minimis” aladô dles normes dl'Uniun europeica varëntes tla materia de aiüc statai. 35)

(4) 36)

(1)  Al “Istitut por inovaziuns tecnologiches Balsan S.C.A.R.L.”, cun la sënta a Balsan, ti vëgnel assegné n contribut straordinar de 516.456 euro, partì sö te döes rates valies, a pëis di eserzizi finanziars 2003 y 2004, por l’istituziun de n zënter de notificaziun por la zertificaziun CE de sistems y de materiai de segurëza por les furnadoies y d’atri mesi de trasport te raiuns da munt sciöch’inće de injins por la segurëza personala y coletiva tles munts.39)

(1)  La Provinzia, inće cun l’obietif de sostignì l'ocupaziun mascimala de düć i grups linguistics, promöi les scomenciadies suandëntes por l'incremënt y la cualificaziun dl’ocupaziun:

1. sostëgn dl'imprenditorialité dla jonëza y dles ëres, dla costituziun de impreses nöies, di sorvisc de vijinanza y di implanc portamunt de paisc;  40)
   
2. scomenciadies de impreses nöies, sciöch’inće scomenciadies por daidé introdüje indô l’artejanat tradizional,
   
3. trasferimënt dl'aziënda da na generaziun al'atra,
   
4. l'assunziun y la formaziun de lerneri. 41)
   

(2)  Les scomenciadies ne po nia ester investimënć aziendai.

(1)  Por les scomenciadies aladô de chësta pert po la Provinzia conzede aiüć tl respet dl dërt dl’Uniun europeica. 42)

(1) Por garantí posć de laur, po la Provinzia ti conzede aiüc ales impreses por le salvamënt y la restrotoraziun söla basa de n plann de ressanamënt, de restrotoraziun o de mudamënt, en conformité ales desposiziuns dl'Uniun europeica varëntes. I aiüc pó gní conzedüs do la notificaziun y l’aprovaziun dl proiet spezifich aladô dl articul 108, coma 3, dl Tratat sön le funzionamënt dl'Uniun europeica y ti limi scric dant dala Comisciun Europeica. 43)

(1)  La Provinzia autonoma de Balsan po conzede aiüć por sostignì la costituziun y le svilup de impreses singules y de sozietês costituides da lauranć o dependënć lizenzià a gauja de falimënt, de zessada dl’ativité aziendala por manćianza de arpadus, de stlüta dl'aziënda o de reduziuns relevantes dl personal. Al po inće ti gnì conzedü aiüć por l’acuisiziun de impreses che é te na te’ situaziun. Ales imprejes costituides te na cooperativa ti vëgnel apliché les desposiziuns dla lege provinziala di 8 de jenà dl 1993, n. 1.

(2) Tl respet dles normes dl'Uniun europeica varëntes po i aiüc preodüs dal coma 1 gní conzedüs por investimënc preodüs dala pert II, sciöche ince por scomenciadies preodüdes dales perts V, VI y VIII de chësta lege.

Al pó gní conzedü ince aiüc por la formaziun de resserves de materies prömes y semilaurades, sciöche inće por la locaziun de imobii por rajuns aziendales.

Implü pól gní finanzié i cosć che reverda l’adoranza temporana de personal cun na cualifica alta da destiné a ativités de potenziamënt o reorganisaziun dles impreses. 44) 45)

(1)  La Provinzia é autorisada da tó pert a na sozieté cun n capital publich y privat che à le fin de sostignì le svilup dl’ocupaziun y dl inredimënt te Südtirol, tres la partezipaziun a tëmp determiné al capital sozial dles impreses. Les partezipaziuns dla sozieté vëgn conzedüdes ales condiziuns dl marćé y por scomenciadies che pîta prospetives de rendimënt adeguades. Stlütes fora dales partezipaziuns al capital sozial é les impreses insolvëntes.

(2)  La partezipaziun dla Provinzia y de d’atri ënć publics al capital dla sozieté vëgn a s’al dè aladô dles desposiziuns UE che alda laprò y vëgn ecuiparada tla mosöra y modalité de süa remuneraziun ala cuota privata. Pro la determinaziun de chësta cuota vëgnel inće tignì cunt dles cuotes dla Provinzia y di ënć publics pro ënć privać y pro aziëndes che fej pert dla sozieté de partezipaziun. 46)

(3)  Le statut cun les mudaziuns suandëntes mëss ciafè denant l’aprovaziun dala Junta provinziala.

(1)  La sozieté de partezipaziun preodüda dal articul 17 tol pert ala costituziun o al aumënt de capital de sozietês de capital en posiziun minoritara, aladô dles desposiziuns dl’UE che alda laprò, por realisé chisc proieć d’investimënt: 47)

1. insediamënć produtifs nüs y scomenciadies por l'imprendënza di jogn y dles ëres,
   
2. restrotoraziuns por la reorganisaziun, le renovamënt y l’ajornamënt tecnologich dl’impresa,
   
3. ampliamënt y modernisaziun di prozesc produtifs,
   
4. reorganisaziun dl’ativité te categories nöies de marćianzia.
   

(1)  Por valorisé la produziun provinziala de düć i seturs economics daìte y defora dal marćé intern europeich, por slarié le marćé y abiné dimenjiuns produtives otimales, promöi la Provinzia chëstes scomenciadies:

1. stüdi, inrescides y consulënzes por abiné informaziuns d’ütl por la conescënza y la penetraziun sön i marćià daìte y defora dal marćé intern europeich,
   
2. realisaziun y partezipaziun a mostres, fieres y manifestaziuns de valorisaziun produtiva daìte y defora dal marćé intern europeich,
   
3. l’assiguraziun di risć di credić d’esport,
   
4. d) reassiguraziun por les assiguraziuns di credic d'esport cina a n valur de 10 miliuns de euro; 48)
   
5. conzesciun de sostëgns de 2.000.000 de euro al ann por sostignì les aziëndes cun la sënta tl Südtirol, che fornësc produć destinà al'esportaziun; 49)
   
6. d'atres scomenciadies adatades a amplié la cuota dles esportaziuns.  50)
   

(2)  La Provinzia po realisé diretamënter y tres sozietês controlades o organisms inćiarià aposta les scomenciadies preodüdes dal coma 1, lëtres a), b) y d) y ti rete a d’ëi les spëises albüdes. 51)

(3) Por curí le risch colié cun la reassiguraziun preodüda dala lëtra d) dl coma 1 vëgnel metü döt l'import dla reassiguraziun odüda danfora sön n capitul aposta dl bilanz provinzial. L'import metü sön na pert po ince gní alimenté da cuotes di reflusc dl fonds de rotaziun preodü dala lege provinziala di 15 d’aurì dl 1991, n. 9, y mudaziuns suandëntes.   52)

(1)  Por les scomenciadies preodüdes dal articul 19 po la Provinzia ti conzede ales IPM, ai ënć y ales assoziaziuns, sciöch’inće a impreses singules o assoziades cun la sënta tla provinzia de Balsan y sön la basa di criters dà fora aladô dl articul 2 dla lege provinziala di 22 de otober dl 1993, n. 17, y notificà, inće a de gran impreses, aiüć ćina al 50 por cënt dla spëisa ametüda.

(2)  Por les scomenciadies preodüdes dal articul 19 che vëgn eseguides tl interès dla Provinzia da ënć publics, pol gnì conzedü contribuć ćina al 80 por cënt dla spëisa ametüda.

(1)   56) 57)

(2)  Por le tëmp de programaziun 2007-2013 po la junta provinziala comanè, tl caje de proieć aprovà y documentà regolarmënter mo nia zertificà, ajache ai ne tëgn nia cunt avisa dles condiziuns d’amissibilité o di obietifs di programs operatifs di fonds strotorai, le finanziamënt a ćiaria dl bilanz provinzial, a condiziun che les ativitês sides gnüdes realisades daldöt, tl respet dles leges, coretamënter y che ares sides de interès publich. 58)

(1) Tl caje de evënc ezezionai che porta pro a n gran desturb dl’economia, o de crisa finanziaria, sciöche ince te situaziuns de emergënza che vëgn da evënc ezezionai cun faziun sön le sistem economich provinzial, statal o internazional, é la junta provinziala autorisada da ti conzede ai operadus economics imprësć alisirá, sovenziuns, contribuc, sostëgns, contribuc sön i fic y aiüc finanziars y vantaji economics de vigni sort por integré süa licuidité y mantigní la situaziun de ocupaziun. Por chisc intervënc ne vëgnel nia apliché les desposiziuns preodüdes dal articul 2-bis.

(2) Tl respet de n’aplicabilité eventuala de mosöres temporanees compatibles cun l’articul 107, coma 3, lëtra b), dl contrat sön le funzionamënt dl’Uniun europeica, vëgnel conzedü i aiüc predüs da chësc articul tl respet dl regolamënt dl’UE sön i aiüc de stat varënc. Sce ares ne ademplësc nia les condiziuns preodüdes dal regolamënt (UE) n. 651/2014 dla Comisciun di 17 de jügn dl 2014, che detlarëia val’ categories de aiüc compatibli cun le marcé intern en aplicaziuns di articui 107 y 108 dl contrat, vëgn chëstes alisiraziuns conzedüdes sciöche aiüc «de minimis» en conformité cun le regolamënt (UE) n. 1407/2013 dla Comisciun di 18 de dezëmber dl 2013 sön l’aplicaziun di articui 107 y 108 dl contrat sön le funzionamënt dl’Uniun europeica sön i aiüc «de minimis» y en conformité al regolamënt (UE) n. 1408/2013 dla Comisciun di 18 de dezëmber dl 2013 sön l’aplicaziun di articui 107 y 108 dl contrat sön le funzionamënt dl’Uniun europeica sön i aiüc «de minimis» tl setur agricul, mudé cun le regolamënt (UE) n. 316/2019 dla Comisciun di 21 de forá dl 2019.

(3) La mosöra y les modalités de prozedöra por la conzesciun dles alisiraziuns vëgn stabilides cun criters spezifics aladô dl articul 2 dla lege provinziala di 22 d’otober dl 1993, n. 17, y mudaziuns suandëntes.  61)

(1) Tignin cunt dles normes dl'Uniun europeica varëntes por i aiüc statai, vëgnel publiché i criters che reverda les scomenciadies y les spëises ametüdes, le limo minimal y mascimal dles spëises y les modalités de conzesciun di aiüc – partis sö do seturs economics- aladô dl articul 2 dla lege provinziala di 22 de otober dl 1993, n. 17, anter sis mëisc dala publicaziun dl‘ejaminaziun positiva tres la Comisciun Europeica preodüda dal articul 26, coma 1. 62)

(2) Les domandes de finanziamënt presentades denanche la lege sides jüda en forza, vëgn tratades aladô dles normes varëntes ala data de presentaziun, respetan dagnora les normes dl'UE varëntes. Por domandes ortiades ite denanche i criters vais en forza, sön ghiranza dl damanant, él meso da apliché les desposiziuns preodüdes dal articul 25. 63)

(3)  Al vëgn ametü inće les spëises albüdes dan dala presentaziun dla domanda, sce ares reverda la promoziun dl’archirida y dl svilup.64)

(4)  Por la licuidaziun dles alisiraziuns preodüdes te chësta lege sciöch’inće tla lege provinziala di 28 de novëmber dl 1973, n. 79, él gnü metü n termo de trëi agn, che pëia ia do dal ann dl impëgn. I contribuć che ne vëgn nia paià fora anter chësc termo po gnì revocà cun na deliberaziun dla Junta provinziala.65)

(1)  La Provinzia vëgn autorisada a finanzié scomenciadies y mosöres por sostigní les impreses contignides te programs aprová dal Stat o dala Comisciun europeica tla mosöra preodüda dailó y ad finanzié danfora les cuotes di aiüc dl’Uniun europeica y nazionai. I aiüc preodüs da chësc articul ti pó gní conzedüs ince ai ënc publics.  66)

(1)  I mesi finanziars di fonds de restrotoraziun y mudamënt tl’industria preodüs dal articul 27 dla lege provinziala di 8 de setëmber dl 1981, n. 25, y mudaziuns suandëntes, gnarà metüs do l’abrogaziun aladô dl art. 25, te n fonds de rotaziun por l’industria aladô dla lege provinziala di 15 de aurì dl 1991, n. 9, por finanzié aiüć aladô de chësta lege a bëgn dles impreses che operëia ti seturs dl’industria, dl’agricoltöra, dl artejanat, dl turism, dl comerz y dl trasport. La gestiun di fonds de rotaziun dl’industria vëgn tignida deboriada cun i atri fonds de rotaziun esistënć por l’agricoltöra, l’artejanat, le turism, le comerz y i trasporć.67)

(2)  Le fonds por l’archirida y le svilup preodü dal articul 7 dla lege provinziala di 10 de dezëmber dl 1992, n. 44, che reverda i “Intervënć dla Provinzia autonoma de Balsan por l’archirida y le svilup tl setur industrial”, vëgn tut ca do ch'al é tomè le termo preodü dal articul 25, por finanzié i aiüć preodüs dal articul 8.

(3)  I documënć aministratifs por l’impëgn dles desponibilitês finanziares che gnarà autorisades por l’atuaziun de chësta lege, ti speta ales repartiziuns di departimënć competënć.

(4)  Le finanziamënt dles domandes de alisiraziun por i investimënć presentades aladô dla lege provinziala di 8 de setëmber dl 1981, n. 25 y dla lege provinziala di 10 de dezëmber dl 1992, n. 44, sozed cun l’utilisaziun di fonds desponibli dl bilanz provinzial por l’atuaziun de chësta lege.68)

(5)  La desposiziun preodüda dal articul 21, coma 4, vëgn aplicada ales domandes de contribut presentades do che la lege finanziara dl 2000 é jüda en forza.69)

(6)  Les desposiziuns preodüdes dal articul 2/bis vëgn aplicades inće ales domandes de contribut bele presentades, mo nia ćiamò elaurades.70)

(7)  Les desposiziuns preodüdes dal articul 2/bis vëgn aplicades inće ai bëgns che é gnüs sovenzionà dan dala jüda en forza de chësta lege. Les desposiziuns vëgn implü aplicades ales domandes de contribut presentades aladô dles leges provinziales di 13 de novëmber dl 1986, n. 27, di 26 de merz dl 1982, n. 11, di 8 de setëmber dl 1981, n. 25, y di 13 d’agost dl 1986, n. 25, y mudaziuns suandëntes.71)

(1)  En relaziun al’atuaziun dl decret legislatif di 31 de merz dl 1998, n. 112, po la Provinzia autonoma de Balsan conzede i aiüć preodüs dala lege di 28 de novëmber dl 1965, n. 1329, sciöch’inće d’atres alisiraziuns eventuales preodüdes te d’atres leges statales y nia te chësta lege, tan inant ch’ares é gnüdes aprovades dala Comisciun Europeica. Ara resta impé, olach'ara é preodüda, la proibiziun de acumulé aiüć publics por les medemes scomenciadies.

(2)  La Junta provinziala, cun la deliberaziun da publiché tl Boletin Ofizial dla Regiun, individuëia les normes che vëgn aplicades y stabilësc i criters y les modalitês por süa atuaziun, tignin cunt dles desponibilitês finanziares y dles ressurses organisatives nezesciares.72)

(1)  Le profit dala venüda dles zones por i insediamënć produtifs é vincolé al'acuisiziun y al arjignamënt de zones nöies che à la medema destinaziun y l’acuisiziun de stabilimënć aladô di articui 35/quater y 35/sexies dla lege provinziala di 20 d'agost dl 1972, n. 15.

(2)  L’iscriziun dles entrades tl bilanz preodüdes dal coma 1 y dles spëises respetives po gnì fata cun la prozedöra preodüda dai articui 23 y 24 dla lege provinziala di 29 de jenà dl 2002, n. 1.73)

(1)  Por alzé la chersciüda generala y la produtivité dl’economia locala, pó la Provinzia conzede, pian ia dal 2016, contribuc a istituc, ënc, assoziaziuns y organisaziuns por scomenciadies a bëgn di seturs dl artejanat, dl’industria, dl turism, dl comerz y di sorvisc. Les scomenciadies amissibles reverda:

1. la formaziun, l’ajornamënt, la consulënza y la difujiun de conescënzes;
   
2. l’internazionalisaziun;
   
3. le retlam y le sostëgn dla produziun locala;
   
4. i stüdi, i relevamënc, l’inrescida y i proiec de valorisaziun;
   
5. vigni atra scomenciadia aratada d’ütl por arjunje i fins preodüs da chësc coma.
   

(1/bis) Por amplié la chersciüda generala y la produtivité dl’economia locala, pó la Provinzia ti conzede contribuc ai zëntri d'assistenza tecnica ales impreses, metüs sö ince sciöche consorc o cooperatives o en colaboraziun cun d'atri sogec interessá, dales assoziaziuns de categoria plü rapresentatives dl setur che toca lapró a livel provinzial. Chisc zëntri pitará assistënza tecnica ales impreses tl cheder dla formaziun y dl ajornamënt por ci che reverda l'inovaziun tecnologica y organisativa, la gestiun economica y finanziaria d'impresa, l'azes ai finanziamënc dl'Uniun europeica, la segurëza por sconé i consumadus, la sconanza dl'ambiënt, l'igiena y la segurëza sön le post de laur y d'atres materies preodüdes eventualmënter da so statut, sciöche ince ativités por la zertificaziun dla cualité dles aziëndes. I contribuc preodüs da chësc coma vëgn conzedüs aladô dl regolamënt (UE) n. 1407/2013 dla Comisciun di 18 de dezëmber dl 2013 sön l’aplicaziun di articui 107 y 108 dl tratat sön le funzionamënt dl’Uniun europeica ai aiüc «de minimis». 74)

(2)  I contribuc vëgn conzedüs aladô dl regolamënt (UE) n. 651/2014 dla Comisciun di 17 de jügn dl 2014, sön la constataziun dla compatibilité de certes categories d’aiüc cun le marcé intern en aplicaziun di articui 107 y 108 dl tratat sön le funzionamënt dl’Uniun europeica, o sciöche aiüc “de minimis” aladô dl regolamënt (UE) n. 1407/2013 dla Comisciun di 18 de dezëmber dl 2013, sön l’aplicaziun di articui 107 y 108 dl tratat sön le funzionamënt dl’Uniun europeica, ai aiüc «de minimis». 75)

(1)  Les spëises por l’atuaziun de chësta lege a pëis dl eserzize finanziar 1997 gnarà stabilides cun n provedimënt legislatif suandënt.

(2)  Les spëises por l’atuaziun de chësta lege a pëis di eserzizi finanziars suandënć gnarà stabilides cun la lege finanziara anuala despartides por seturs economics.

(1)  Sis mëisc do la publicaziun dl avis dl’ejaminaziun positiva da pert dla Comisciun Europeica, preodüda dal articul 26, coma 1, vëgnel abroghè les desposiziuns de lege suandëntes:

1. la lege provinziala di 13 de agost dl 1986, n. 25, che reverda i “Intervënć por la cualificaziun di eserzizi d'alberch",
   
2. la lege provinziala di 13 de novëmber dl 1986, n. 27, che reverda i “Credić por le comerz”,
   
3. l’articul 2, comesc 1 y 2, y i articui 4, 6, 8 y 10 dla lege provinziala di 26 de merz dl 1982, n. 11, sura i “Provedimënć nüs de promoziun por l’artejanat tla Provinzia de Balsan”,
   
4. i articui 1, 2, 6, 7, coma 1, lëtres a), b), c), y f), l’articul 8, comesc 1, 2, 5 y 7, y i articui 9, 11, 12, 13, 14, 15, 16, 17, 18 coma 1, lëtres a), b), c), d), e), f), g), h), i), y l), 19, 20, 21, 22, 23, 24, 25, 26, 27, 29, 30, 31, 32, 33, 34, 35, 36, 38, 39, 55, 57 y 58 dla lege provinziala di 8 de setëmber dl 1981, n. 25, che reverda i “Intervënć finanziars dla Provinzia autonoma de Balsan tl setur industrial”,
   
5. i articui 1, 2, 3, 4, comesc 1, 2, 3 y 4 y i articui 5, 6, 8, 9, 10, 11, 12, 13, 16 y 17 dla lege provinziala di 10 de dezëmber dl 1992, n. 44, che reverda i “Intervënć dla Provinzia autonoma de Balsan a bëgn dl'archirida y dl svilup tl setur industrial”,
   
6. l’articul 1 dla lege provinziala di 5 d’aurì dl 1995, n. 8, che reverda les “Integraziuns dles leges por la promoziun dl’ativité economica”,
   
7. i articui 1, 2, 3, 4, 5, 6, 7, 8, 12 y 15 dla lege provinziala di 20 de merz dl 1995, n. 7, che reverda la “Promoziun tl setur di sorvisc y normes nöies tla materia de cualificaziun di eserzizi d'alberch, d’iscriziun tl register provinzial di maestri da schi, sciöch’inće dl personal dles scolines”.
   

(1)  L’efiziënza de chësta lege pëia ia dal dé dla publicaziun tl Boletin Ofizial dla Regiun Trentin-Südtirol dl avis dl’ejaminaziun positiva dla Comisciun Europeica aladô di articui 92 y 93 dl Tratat CE.76)

Chësta lege gnarà publicada tl Boletin Ofizial dla Regiun. Al ti vëgn scrit dant a chi ch’al ti speta, de la osservè y de la fà osservè sciöche lege dla Provinzia.