(1) Le personal dè dant ti articui 56 y 57 eserzitëia por ći che reverda bosć y munts la funziun de verda y de sconanza y en general, tan inant ch’ara se trata dl ćiamp de competënza dla Provinzia, les funziuns de polizia y de sorvisc d’istitut che ti speta al Corp forestal statal, les funziuns surandades da pert de chësta lege, sciöch’inće inćiaries eventuales stabilides da d’atres normes.
(2) I dovëis istituzionai dl sorvisc forestal provinzial é la gestiun sostignibla dl terac tl respet dl lian idrogeologich-forestal, süa verda y so control, sciöche inće le control surandé al Corp forestala provinzial dl respet de d’atres desposiziuns, l'esecuziun di laurs forestai en economia, la conzesciun de sostëgns, la consulënza, sciöche inće dötes les ativitês coliades y, en particolar, inće les ativitês scientifiches y aministratives che reverda le desfiramënt de chisc compić.
(3) Por ademplì les funziuns odüdes danfora da chësc articul y realisé en economia i laûrs y i intervënć preodüs dai articui 25, 28, 31, 32 y 33 se crüzia le diretur dla Repartiziun provinziala Bosć da realisé en economia laûrs y cumprè en economia bëgns y sorvisc cun laprò le guant de sorvisc, l’echipamënt y les ermes de sorvisc, les mascinns y i veicui speziai. 84)
(4) Les staziuns forestales vëgn aministrades da personal provinzial che à la cualifica de ofiziers de polizia iudiziara.
(5) Les strotöres aladô dl articul 56, coma 1, lëtres a), c) y d), vëgn aministrades da personal laureè te sciënzes forestales che à le titul d’abilitaziun por eserzité la profesciun relativa. 85)86)
L’art. 59, coma 3 é gnü sostituì insciö dal art. 12, coma 4 dla l.p di 19 de messè dl 2013, n. 10.
L’art. 59 é gnü sostituì dal’art. 2 dla L.P. di 18 d’otober 2006, nr. 11.
L'art. 59, coma 5 é gnü mudé insciö dal art. 52, coma 2, lëtra m) dla l.p. di 19 de ma dl 2015, n. 6.