c) Lege provinziala di 27 d’aurì 1995, n. 91)2) —
Istituziun dl register anagrafich provinzial dl bestiam y dles aziëndes de zidlamënt y desposiziuns de prescia tl setur dl’agricoltöra

Publicada tl B.O. di 16 de mà 1995, n. 24.

Regolamënt d’esecuziun: ćiara D.P.P. di 16 de mà dl 2012, n. 16.

Art. 1 (Istituziun dl register anagrafich)

(1) Pro le Sorvisc veterinar dla Provinzia vëgnel metü sö le register anagrafich provinzial dl bestiam. Chilò vëgnel registré y descrit i armënć, les bisces, les ćioures y i porcì sciöche inće les aziëndes de zidlamënt relatives che é te Südtirol. Chësc vëgn fat por realisé n sistem de identificaziun y de registraziun cun chël che al é meso da apliché puntualmënter tl raiun provinzial intervënć tl ćiamp veterinar, dl zidlamënt de bestiam y dl’economia dl lat. 3)

(1/bis) Por i ćiavai vëgnel istituì n register anagrafich pro le Sorvisc veterinar dla Provinzia en analogia al register anagrafich di ćians, sciöche preodü dal articul 4, dl’acordanza di 6 de forà 2003 danter le Minister dla Sanité, les Regiuns y les Provinzies autonomes de Trënt y Balsan, tl ćiamp dl bëgnester di tiers da ćiasa y dla “pet-therapy”, publicada tla Gasëta Ofiziala dla Republica, seria generala di 3 de merz 2003, n. 51. 4)

(2)Por tigní le register anagrafich nominé tl coma 1 ti surandá la Provinzia autonoma de Balsan al’Assoziaziun dles organisaziuns de zidlamënt di tiers dl Südtirol, nominada da chiló inant ma plü Assoziaziun, l’identificaziun, la registraziun y l’emisciun di documënc d’identificaziun ofizai dl bestiam odüs danfora dales normes dl'Uniun europeica varëntes te chësta materia. Tl eserzize de chëstes ativités se tëgn l’Assoziaziun ales desposiziuns dades dal diretur dl Sorvisc veterinar dla Provinzia. 5)

(3) Por l’esecuziun dl articul 1, coma 37, dla lege di 28 de merz 1997, n. 81, colaborëia le sorvisc veterinar dles aziëndes speziales unitês sanitares ala gestiun dl register anagrafich nominé tl coma 1, se tignin ales indicaziuns dades dal diretur dl Sorvisc veterinar dla Provinzia. 6)

Corte costituzionale - sentenza del 9 novembere 2016, n. 270 - Sanità pubblica - prescrizione di misure dettagliate di polizia veterinaria per la lota contro le malattie infettive trasmissibli - identificazione elettronica degli animali - discipliana delle movimentazioni come la monticazione - funzioni dei direttori generali delle Aziende sanitarie - competenza statale

Le coma 1 é gnü remplazè dal art. 32 dla l.p. di 28 de lugio 2003, n. 12.

Le coma 1/bis é gnü injuntè dal art. 32 dla l.p. di 28 de lugio 2003, n. 12.

L'art. 1, coma 2 é gnü naota sostituí dal art. 18 dla l.p. di 15 de ma dl 2000, n. 9, y spo dal art. 3, coma 1 dla l.p. di 22 de jená dl 2010, n. 2, y spo mudé insciö dal art. 9, coma 1 dla l.p. di 17 de novëmber dl 2017, n. 21.

Le coma 3 é gnü remplazè dal art. 18 dla l.p. di 15 de mà 2000, n. 9.