i) Lege Provinziala di 26 de mà dl 2006, n. 41)2)
Gestion dl refudam y defendura dl terac

NB: Chësta njonta cumpëida su i lëures de smaltimënt coche i vën aplichei tla pratica. Aldò dl articul 4 dla diretiva 75/442/CEE dl Cunsëi dl 25 de lugio 1975 sun l refudam, mudeda cun la diretiva 91/156/CEE, y pona mudeda cun la diretiva 91/692/CEE, cunformeda cun la dezijion dla Cumiscion 96/350/CE dl 24 de mei 1996, muessa l refudam unì smaltì zënza gaujé pericul per la sanità dla persones y zënza che l vënie adurvà pruzedures o metodes che pudëssa danejé l ambient.

• D1 Depusizions sun o tl terac (p.e. deponies)
  
• D2 Tratamënt tl ambient dl terac (p.e. biodegradazion dl refudam luter o lutreies ti teraces)
  
• D3 Iniezions tl sofonz (p.e. iniezion dl refudam te pozes, te cupoles da sel o bujes natureles sota tiera)
  
• D4 Lagunaje (p.e. desćëria de refudam luter o de lutreies te pozes, palusc o lagunes y nsci inant)
  
• D5 Depusizions sun na deponia njinieda ite aposta (p.e. sistematisazion te lueges delimitedes y stlutes ju ermeticamënter, che ie stlutes y ijuledes dal ambient ntëurvia)
  
• D6 Desćëria dl refudam solid t' eghes ora che meres y ozeans
  
• D7 Desćëria dl refudam te meres /ozeans, stlut ite ënghe la ntroduzion tl fonz dl mer
  
• D8 Tratamënt biologich, che ne ie nia descrit nzaul d’auter te chësta njonta y tres chël che l se porta pro cumposć o mescedanzes, che vën smaltides te na pruzedura data sëura pra la ujes D1 nchin D12
  
• D9 Tratamënt fisich-chimich che ne ie nia descrit nzaul d’auter te chësta njonta y tres chël che l se porta pro cumposć o mescedanzes, che vën smaltides te na pruzedura data sëura pra la ujes D1 nchin D12 (p.e. evaporazion, seciamënt, ciaucinazion)
  
• D10 Brujeda sun tiera
  
• D11 Brujeda sun l mer
  
• D12 Depusizion permanënta (p.e. sistemazion de cuntenitëures te na minera y nsci inant)
  
• D13 Ragrupamënt dan passé a una dla pruzedures repurtedes pra la ujes D1 nchin D12
  
• D14 Recundiziunamënt dan una dla pruzedures nunziedes pra la ujes da D1 nchin a D13
  
• D15 Depusizion dan una dla pruzedures nunziedes pra la ujes D1 a D14 (stluta ora la depusizion temporera, dan l’abineda, tla luegia te chëla che l refudam vën prodot).