i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) L ti spieta ala Provinzia:

1. njinië, adoté y ajurné l plann provinziel per la gestion dl refudam aldò di articuli 10 y 11 dl plann provinziel dla lueges mpaziedes aldò dl articul 40, coma 5;
   
2. lauré ora la normes tecniches y aministratives per la gestion dl refudam;
   
3. apurvé i proiec di mplanc per l tratamënt dl refudam aldò dl articul 23;
   
4. autorisé i lëures de recupereda y de smaltimënt dl refudam aldò di articuli 24, 25 y 26;
   
5. e) dejëujer l’ativiteies liedes ala spedizions sëura i cunfins ora dl refudam aldò dl regulamënt 259/93/CEE dl Cunsëi dl 1 de fauré 1993;
   
6. determiné i criteres cualitatifs y cuantitatifs per l’assimilazion dl refudam speziel nia periculëus al refudam de nridlamënt nunzià tl articul 4, coma 2, pustom b);
   
7. ndividué i sogec y i ënc – Provinzia, chemuns, cumenanzes raioneles o si cunsorc, ënghe coatifs, o sozieteies de capital a partezipazion publica – che sëurantòl la costruzion de mplanc de recupereda o de smaltimënt dl refudam de nridlamënt;
   
8. scrì adum y mandé uni ann al Ministere dl ambient i dac revardënc la lutrées damandei aldò dl decret legislatif dl 27 de jené 1992, nr. 99;
   
9. lauré ora y mandé ala Sezion naziunela dl Cataster i dac revardënc la denunzia anuela dl refudam aldò dla lege dl 25 de jené 1994, nr. 70;
   
10. mandé al'Agenzia naziunela per la defendura dl ambient y per i servijes tecnics (APAT) i dac revardënc i aparac che cuntën PCB (nventar) aldò dl decret legislatif dl 22 de mei 1999, nr 209;
    
11. verifiché y cuntrolé regulermënter duta l'ativiteies de gestion dl refudam;
    
12. ndividué i miëur raions teritoriei per la gestion dl refudam de nridlamënt y determiné la formes y la manieres de cunlauré danter i ënc locai, che toma te chisc miëur raions teritoriei.
    

(2) Sce i ënc ndividuei aldò dl coma 1, pustom g) ne realisea nia i ntervënc de si cumpetënza coche udù danora tl plann per la gestion dl refudam y sce chësta tralascedes possa gaujé n desvantaje grief per l’atuazion dl plann nstës, nviëia l assessëur provinziel cumpetënt tla materia de defendura dl ambient l’autoriteies che ne ademplësc nia a si duvieres a se cruzië dl fé tl lim de tëmp de 90 dis. Canche chësc tëmp ie passà via, possa l assessëur provinziel tò, mpede ëi, duc i pruvedimënc che ie de bujën per l’atuazion di ntervënc cuntenii tl plann, aldò dl articul 67 dla lege provinziela dl 11 agost 1997, nr. 13.