(1) Cun n so decret desponn le Presidënt dl IPFS de lascè lëdies abitaziuns dl frabiché residenzial publich che vëgn ocupades zënza titul de dërt. Por chësc fin inviëia danfora le Presidënt cun lëtra racomanada la porsona che abitëia zënza dërt tl’abitaziun a lascè lëde le cuartier anter chinesc dé y ti dà inće le medemo terminn por dè jö les detlaraziuns decuntra scrites y i documënć.
(2) Anter le terminn pretlusif de 30 dis dala notificaziun dl decret, po la porsona interessada fà recurs cuntra le decret dl Presidënt dl IPFS pro l’autorité iudiziara competënta por le raiun olach’al é l’abitaziun, aladô dles normes statales varëntes.
(3) Le terminn por lascè lëdia l’abitaziun ne po nia ester sura i 30 dis.