(1) La Region y la Provinzies à, n armunia cun i prinzips dl sistem dla chëutes dl Stat, la facultà de istituì cun leges chëutes tla materies che ie de si respetiva cumpetënza. La chëutes sun i auti istituides cun leges provinzieles ie chëutes a pert. 40)41)
(1/bis) N cont dla chëutes stateles, per chëles che l Stat nen vëij danora la puscibltà, possa la provinzies, te uni cajo mudé l'alicuotes y udëi danora esenzions, detrazions y deduzions, a cundizion che les sibe ti lims dl' alicuotes plu autes dates dant dala normes stateles. La Provinzies possa, cun lege aposta y tl respet dla normes dla Union europeica sun i aiuc dl Stat, cunzeder sustënies, cuntribuc, alesiramënc, suvenzions y benefizies de uni sort da adurvé coche cumpensazion aldò dl Capitul III dl decret legislatif di 9 de lugio 1997, n. 241. I mesuns che ie de bujën per l’avaliazion cuntabla dla cumpensazions vën metui ala sëula cëria dla Provinzies respetives, che se cruzia dla stipulazion de na cunvenzion cun l’Agenzia dla ntredes per regulé la manieres operatives per la nuzeda di alesiramënc nunziei de sëura. 42)