3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) Lascian valëi la despusizions di articuli 56 y 84, comes sest y setim, de chësc Statut possa la lege regiunela o provinziela unì cuntesteda dan la Chëurt costituzionela per viulazion dla Costituzion o de chësc Statut o dl prinzip de valivanza danter la grupes linguistiches.

(2) La cuntestazion possa unì fata dal Guviern.

(3) La lege regiunela possa oradechël nce unì cuntesteda da un di Cunsëies provinziei dla Region; la lege provinziela dal Cunsëi regiunel o dal auter Cunsëi provinziel dla Region.