(1) La Junta provinziala pó ti surandé a porsones che ne á nia la residënza tla Provinzia autonoma de Balsan onoranzes por miric straordinars a bëgn dla Provinzia.
(2) Tres l’onoranza vëgnel rengrazié y dé n sëgn tler de reconescënza. Al pó gní onoré miric particolars arjunc tl ciamp scientifich, economich, artistich, cultural, figuratif, sportif, sciöche ince l’engajamënt por fins soziai, umanitars y ambientai.
(3) Al pó gní surandé chëstes onoranzes:
(4) Les carateristiches de vigni onoranza de mirit y les diretives por la surandada vëgn scrites dant dala Junta provinziala.
(1) Les onoranzes de mirit vëgn surandades dala Junta provinziala.
(2) Ales porsones che ciafa l’onoranza de mirit ti vëgnel ince surandé n atestat de mirit, olache al vëgn dé dant les rajuns dl’onoranza de mirit.
(1) Les porsones che ciafa l’onoranza de mirit y l’atestat de mirit pó i adoré te vigni momënt. Do süa mort ne mëss l’onoranza de mirit y l’atestat de mirit nia gní dá zoruch, mo i arpadus/les arpadësses ne pó nia adoré la decoraziun de mirit.
(1) L'onoranza vëgn trata zoruch sce la porsona che l’â ciafada vëgn condanada porvia de n reat cuntra l’aministraziun publica. Te chësc caje mëssera dé zoruch l’atestat de mirit y la decoraziun de mirit.
(1) La Junta provinziala pó ti surandé vigni ann le Pest dles mendranzes dla Provinzia autonoma de Balsan a öna o plü porsones che s’á dé dassënn da fá por la pesc, la sconanza dles mendranzes y la convivënza danter i grups linguistics. Le Pest é metü adöm da n atestat, olache al vëgn dé dant les rajuns por la suradada y 20.000,00 euro.
(1) Por atué chësta lege vëgnel autorisé a ciaria dl eserzize finanziar 2006 na spëisa de alpü 50.000,00 euro, che vëgn curida tres na cuota corespognënta di stanziamënc danman preodüs sön l’UPB 01115 dl bilanz de previjiun dl 2006.
(2) La spëisa a ciaria di eserzizi finanziars suandënc vëgn stabilida cun la lege finanziara anuala. Chësta lege gnará publicada tl Boletin Ofizial dla Regiun. Vigni porsona a chëra che al ti speta é obliada da la respeté y da la fá respeté sciöche lege dla Provinzia.