a) Lege Provinziala di 20 de forà dl 2002, n. 31)
Disciplina di ufizies de viac y turism

(1) L’abilitazion al’atività de diretëur tecnich de n ufize de viac y turism giata:

1. chi che à i recuisic nunziei tl articul 9, coma 1, o l atestat d’abilitazion arjont te n’autra region o tla provinzia autonoma de Trënt, o chi che possa mustré su la iscrizion tl register di diretëures tecnics de ufizies de viac y turism tla region da ulache i vën; cundizion ie che l vënie cancelà dal register dla region pernanche l scumëncia a lauré tla provinzia de Bulsan,
   
2. chi che fova bele abilità a dejëujer si lëur de diretëur tecnich de n ufize de viac y turism dan che chësta lege ie jita n forza,
   
3. i zitadins talians y chëi di Stac cumëmbri dla UE che à i tituli y i documënc udui danora dal decret legislatif dl 23 de nuvëmber 1991, nr. 392;
   
4. i diretëures tecnics, zitadins de Stac che ne ie nia pert dla Union Europea, che à l’abilitazion ecuiparabla, n basa al prinzip de reziprozità, a chëla ududa danora da chësta lege.