b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1)  Les istituziuns dl Sorvisc de proteziun zivila é les suandëntes:

1. i zëntri operatifs comunai;
   
2. 2)
   
3. le Zënter operatif provinzial;
   
4. l’Agenzia por la Proteziun zivila; 3)
   
5. le Sorvisc di stödafüch;
   
6. les organisaziuns de volontariat por la proteziun zivila;
   
7. le Comitê provinzial por la proteziun zivila;
   
8. le "Bergrettungsdienst" dl '"Alpenverein Südtirol" (BRD-AVS) y le “Soccorso Alpino e Speleologico Alto Adige del CNSAS." 4)
   

(2)  Les autoritês dl Sorvisc de proteziun zivila é les suandëntes:

1. le Presidënt dla Provinzia y/o l’assessur provinzial competënt;
   
2. i presidënć di zëntri operatifs y dl Comitê provinzial por la proteziun zivila;
   
3. i ombolć.
   

(3)  Le Sorvisc di stödafüch tol ite:

1. le Corp di stödafüch de profesciun tl capolüch dla Provinzia de Balsan;
   
2. i Corps di stödafüch volontars di comuns dla Provinzia;
   
3. l’Uniun provinziala y les Uniuns raionales di Corps di stödafüch volontars y sües sozietês cooperatives, assoziaziuns, uniuns y sozietês;
   
4. les scuadres di stödafüch aziendales;
   
5. la Scora di stödafüch provinziala.
   

(4)  I sorvisc di stödafüch y de proteziun zivila vëgn regolà sön la basa dl articul 63 dla IV Convenziun de Genf di 12 de agost dl 1949 por la sconanza dla popolaziun zivila te tëmps de vera, ratifiché cun la lege statala di 27 de otober dl 1951, n. 1739, y corespogn a chëstes desposiziuns.