(1) Al vëgn metü sö na Comisciun de esperc y espertes, sciöche organ tecnich de consultaziun dla Provinzia autonoma de Balsan. La Comisciun dá jö arac ti ciamps de süa competënza sön chestiuns che la Junta provinziala o l’assessur/l’assessuria che á la competënza en materia de agricoltöra ti sotmët.
(2) La Comisciun é metüda adöm da cin componënc da n’esperiënza reconesciüda ti ciamps de competënza, danter chisc l’ecologia, la biodiversité, la sanité dles plantes, l’economia y la soziologia. I componënc dla Comisciun vëgn nominá dala Junta provinziala por la dorada de cin agn. La porsona plü vedla dla comisciun surantol la funziun de coordinaú/coordinadëssa dla comisciun. Les funziuns de secreter/secreteria dla Comisciun vëgn destrigades da n impiegat/n’impiegada dla repartiziun provinziala competënta en materia de agricoltöra che é almanco de sesto livel. Ales componëntes/Ai componënc dla Comisciun ti vëgnel reconesciü i compënsc preodüs dala lege provinziala di 19 de merz dl 1991, n. 6, y mudaziuns suandëntes. 23)