b) Lege Provinziala di 7 de aurì dl 1997, n. 51)
Mesures dla Provinzia autonóma de Bulsan per l sustëni de sostes da mont

(1) Sostes da mont aldò de chësta lege ie:

1. Frabiches, nluegedes sun montes y crëps, ries da arjonjer, che ie njiniedes ite bën assé da ti pité sosta i pusciblteies de pernuetamënt a arpizadëures y viandanc,
   
2. Frabiches, che à la carateristiches cumpededes su pra l pustom a) y che ie oradechël njiniedes ite a na moda da lascé pro pernuetamënc saurìi o ënghe permanënzes curtes.
   

(2) Sciche ries da arjonjer vën ratedes chëla frabiches, pra chëles che n possa ruvé sun troies y te uni cajo nia cun na furnadoia publica o sun stredes publiches.

(3) Sciche njiniedes ite bën assé vën ratedes la frabiches che à na cësadafuech, n local per dé ora da maië y da bever o n local, te chël che n possa se tenì su, oradechël na majon da durmì y na majon da sté per l ost o la osta dla sosta da mont. Tla sostes da mont muessel nce vester servijes saniteres adatei y, de regula, n local che ie, nce ti tëmps de stlujura, for daviert.

(4) La sostes da mont muessa vester nluegedes te raions che ie alpinisticamënter de mpurtanza, a na moda da reprejenté lueges de basa de utl per viandanc y arpizadëures te chël raion y per dejëujer nsci na funzion essenziela de nteres publich.

(1) Per nvestimënc revardënc sostes da mont aldò dl articul 1 possel unì cunzedù chisc sustenimënc:

1. cuntribuc a fonz perdù nchin al 70 per cënt dla spëisa lasceda pro; 2)
   
2. Mprësć a fic slesirei aldò dla lege provinziela dl 15 d’auril 1991, n.9; l’ecuivalënza dla soma suvenziuneda, nunzieda pra l pustom a), ne daussa nia unì supereda.
   

(2) Per nvestimënc scric dant dala lege tl ciamp dla defendura dl ambient y dla segurëza sciche nce per l ressanamënt de furnadoies da material possel unì cunzedù nchin l 80 per cënt dla spëises lascedes pro, sce i custimënc dl nvestimënt ie ora de mesura auc n raport ala ntredes dla sosta da mont. 3)

(3) I sustenimënc udui danora da chësta lege possa mé unì cunzedui per sostes da mont aldò dl articul 1, che ne ie nia dl Alpenverein Südtirol (AVS) o dl Club Alpino Italiano (CAI), o che ne ti ie nia unides lascedes n cunzescion a chësta lies.

(4) L sustëni ie revucà, sce l unissa, tl tëmp de 5 ani dala data dla cuntlujion di lëures o dala data dla ultima conta lasceda pro al sustëni, mudà la destinazion de sosta da mont aldò dl articul 1. La retuda dl sustëni vën fata n proporzion ala dureda dl tëmp che resta. 4)

(1) L vën cunzedù cuntribuc per chësta scumenciadives:

1. Frabica y manutenzion de mplanc per tò y jì l’eghes pazies, de sereneres, mesures per sparanië ega y mesures per abiné adum y tò y jì l refudam tl respet ecologich dl ambient,
   
2. Frabica y manutenzion de cundotes y resservares sibe per abiné ca l’ega tla sostes da mont che per tò y jì l’ega dala sostes.
   
3. Frabica y manutenzion de furnadoies da material per mené adalerch cosses pra la sostes da mont,
   
4. Nstalazion de mplanc radiofonics y telefonics y de mplanc per la produzion de lectrisc,
   
5. Recostruzion, ampliamënt, manutenzion y aredamënt de sostes da mont che ie bele,
   
6. Compra de auti speziei per l trasport de persones y marcanzia, sce l ne ie degun autri mesuns de trasport economicamënter azetabli.
   

(2) I cuntribuc aldò dl pustom f) dl coma 1 possa unì cunzedui nce ai osć y ala ostes de sostes da mont dl Alpenverein Südtirol (AVS) o dl Club Alpino Italiano (CAI). 5)

(1) La Jonta provinziela determinea, cun deliberazion da publiché tl Boletin Ufiziel dla Region, i criteres y la modaliteies per la cunzescion di sustenimënc che chësta lege ne veij nia danora spezificamënter, tenian cont di duvieres istituzionei publics dejëuc dala sostes da mont. Nvestimënc tl ciamp dla defendura dl ambient ie te uni cajo da sustenì dan a d’autri.

(2)6)

(1) Chësta lege vën publicheda tl Boletin Ufiziel dla Region do la dezijion positiva dla Cumiscion dla Chemunanza Europea y va n forza n l chindejejem di do si publicazion. Uni un y uni una a chël/chëla che ti spieta, à da la respeté sciche lege provinziela y de la fé respeté. 8)

(1) La disposizions de chësta lege vën ënghe aplichedes a duta la dumandes mo nia tratedes. 9)