g) Lege provinziala di 13 de forà dl 1997, n. 41)
Intervënć dla Provinzia Autonoma de Balsan-Südtirol por le sostëgn dl’economia

Publicada tl B.O. di 18 de merz dl 1997, n. 13.

Art. 19 (Intervënć)

(1) Por valorisé la produziun provinziala de düć i seturs economics daìte y defora dal marćé intern europeich, por slarié le marćé y abiné dimenjiuns produtives otimales, promöi la Provinzia chëstes scomenciadies:

stüdi, inrescides y consulënzes por abiné informaziuns d’ütl por la conescënza y la penetraziun sön i marćià daìte y defora dal marćé intern europeich,
realisaziun y partezipaziun a mostres, fieres y manifestaziuns de valorisaziun produtiva daìte y defora dal marćé intern europeich,
l’assiguraziun di risć di credić d’esport,
d) reassiguraziun por les assiguraziuns di credic d'esport cina a n valur de 10 miliuns de euro; 48)
conzesciun de sostëgns de 2.000.000 de euro al ann por sostignì les aziëndes cun la sënta tl Südtirol, che fornësc produć destinà al'esportaziun; 49)
d'atres scomenciadies adatades a amplié la cuota dles esportaziuns. 50)

(2) La Provinzia po realisé diretamënter y tres sozietês controlades o organisms inćiarià aposta les scomenciadies preodüdes dal coma 1, lëtres a), b) y d) y ti rete a d’ëi les spëises albüdes. 51)

(3) Por curí le risch colié cun la reassiguraziun preodüda dala lëtra d) dl coma 1 vëgnel metü döt l'import dla reassiguraziun odüda danfora sön n capitul aposta dl bilanz provinzial. L'import metü sön na pert po ince gní alimenté da cuotes di reflusc dl fonds de rotaziun preodü dala lege provinziala di 15 d’aurì dl 1991, n. 9, y mudaziuns suandëntes. 52)

	Beschluss vom 29. Dezember 2023, Nr. 1175 - Maßnahmen zur Unterstützung der Internationalisierung der Unternehmen (2024 – 2026)
	Delibera 4 febbraio 2008, n. 307 - Legge provinicale 11 agosto 1998, n. 9 art. 21-bis "Applicazione dell'imposta regionale sulle attività produttive" - disposizioni di cui al comma 6-sexies

48)

La lëtra d) dl articul 19, coma 1 é gnüda ajuntada dal articul 29, coma 1 dla l.p. di 20 de dezëmber dl 2012, n. 22 y spo gnüda plü tert sostituida dal art. 26, coma 1 dla l.p. di 23 de dezëmber dl 2015, n. 18

49)

La lëtra e) dl art. 19, coma 1 é gnüda ajuntada dal art. 29, coma 1 dla l.p. 20 de dezëmber dl 2012, n. 22.

50)

La lëtra f) dl art. 19, coma 1 é gnüda ajuntada dal art. 49, coma 2 dla l.p. di 11 de messé dl 2018, n. 10.

51)

L'art. 19, coma 2 é gnü sostituì insciö dal art. 29, coma 3 dla l.p. di 20 de dezëmber dl 2012, n. 22.

52)

L'art. 19, coma 3 é gnü ajunté dal art. 29, coma 4 dla l.p. di 20 de dezëmber dl 2012, n. 22, spo él gnü mudé dal art. 1, coma 1 dla l.p. di 14 de messé dl 2015, n. 8 y inultima él gnü sostituí insciö dal art. 26, coma 2 dla l.p. di 23 de dezëmber dl 2015, n. 18.