a) Lege Provinziala di 13 de mà dl 1992, n. 131)2)
Normes sön les manifestaziuns publiches

Publicada tl B.O. di 26 de má dl 1992, n. 22.

Tl test talian vëgn les parores "Presidente della giunta provinciale" sostituides dales parores "Presidente della Provincia", dal art. 10, coma 1 dla l.p. di 17 de setëmber dl 2013, n. 17.

Art. 3 (Recuisic)

(1) L'autorisaziun ti po gní conzedüda a porsones fisiches y iuridiches.

(2) Les porsones fisiches mëss avëi la capazité da agí y l'afidabilité che va debojëgn aladô dla sort de manifestaziun.

(3) Ales porsones iuridiches ti vëgnel conzedü l'autorisaziun sce ares nominëia na rapresentanta/n rapresentant che á i recuisic scric dant.

(4) L'autorisaziun ne ti vëgn nia conzedüda a che che é gnüs condaná cun sentënza de valur legal a na pëna de detenziun sura trëi agn por n delit nia gaujé y n'á nia arjunt la reabilitaziun, o vëgn sotmetüs a mosöres de prevenziun aladô dl decret legislatif di 6 de setëmber dl 2011, n. 159, y mudaziuns suandëntes, o é gnüs detlará delincuënc abituai, profescionai o por tendënza. 10)

(5) L'autorisaziun ne ti po nia gní conzedüda a che che é gnüs condaná por delic cuntra la personalité dl Stat o cuntra l'ordin publich, por delic de violënza cuntra porsones, por arobades, rapines, estorjiuns, secuestraziun de porsones por rapina o estorjiun, por violënza o resistënza al'autorité, por reac cuntra la moralité publica, por l'eserzize de jüc de fortüna proibis sciöche ince a che che é jüs en concurs.

(6) Sce, do che al é gnü conzedü l'autorisaziun, vëgnel a s'al dé o resultëiel öna dles rajuns de refodanza dades dant ti comesc 4 y 5 mëss o pó l'autorisaziun gnì revocada.

T.A.R. di Bolzano - Sentenza N. 45 del 10.02.2004 - Pubblici esercizi - revoca della licenza per venir meno requisito dell'affidabilità: illegittimità

10)

L'art. 3, coma 4 é gnü naota sostituí dal art. 12 dla l.p. di 10 de novëmber dl 1993, n. 21 y plü tert dal art. 3, coma 1 dla l.p. di 17 de setëmber dl 2013, n. 17.