(1) Tl respet de ci che vëgn preodü dales normes penales, vëgn vigni violaziun dles desposiziuns preodüdes dai articui 2, 5, 5/bis, 8 y 9 punida cun na straufunga aministrativa de scioldi che va da 144,00 euro a 1.410,00 euro. 12) 29)
(1/bis) Sce al ne vëgn nia osservé les desposiziuns preodüdes dal articul 6 o les normes tecniches dl regolamënt d'esecuziun preodü dal art. 11/bis, coma 1, lëtra b) devënta la straufunga aministrativa de scioldi dada dant tl coma 1 cin iadi tan alta. 30)
(1/ter) Sce al ne vëgn nia respeté les prescriziuns dl regolamënt d'esecuziun preodü dal articul 11/bis, coma 1, lëtra a) o les prescriziuns por la sconanza dl'integrité publica vëgnel sospenü l'autorisaziun d'eserzize cina set dis indolater. 30)
(1/quater) Sce al ne vëgn nia osservé l'ora de stlüta vëgnel apliché les desposiziuns dla lege provinziala di 14 de dezëmber dl 1988, n. 58, y mudaziuns suandëntes. 30)
(2) Les straufunghes aministratives vëgn ordinades, aladô dles competënzes, dala direturia/dal diretur dla Repartiziun provinziala Ënc locai o dal'ombolta competënta /dal ombolt competënt te chël raiun. 31)
(3) Ci che vëgn trat ite cun les straufunghes de scioldi ti speta al'aministraziun che á fat la straufunga.
Cun sentënza n. 300 di 10 de novëmber dl 2011 à la Curt costituzionala detlaré che i articui 1 y 2 dla l.p. di 22 de novëmber dl 2010, n. 13, che á injunté l’art. 5/bis y mudé l’art. 12 dla l.p. di 13 de mà dl 1992, n. 13 y che á mudé l’art. 11, coma 1 y injunté l’art. 1, coma 1/bis tla l.p. di 14 de dezëmber dl 1988, n. 58 é conforms ala costituziun.
L'art. 12, coma 1 é impröma gnü sostituí dal art. 12 dla l.p. di 10 de novëmber dl 1993, n. 21, dedô mudé dal art. 1, coma 2 dla l.p. di 22 de novëmber dl 2010, n. 13 y inultima gnü sostituí insciö dal art. 9, coma 1 dla l.p. di 17 de setëmber dl 2013, n. 17.
L'art. 12, comesc 1/bis, 1/ter y 1/quater é gnü injunté dal art. 9, coma 2 dla l.p di 17 de setëmber dl 2013, n. 17.
L'art. 12, coma 2 é gnü sostituí insciö dal art. 9, coma 3 dla l.p. di 17 de setëmber dl 2013, n. 17.