In vigore al

RICERCA:

Ultima edizione

i) Lege Provinziala di 6 de novëmber dl 1989, n. 101)
Istituzion dl servisc “Cësa dl’ëiles”

1)
Publicheda tl B.U. di 14 de nuvëmber 1989, n. 49.

Art. 1 (Istituzion dla cësa dl’ëiles)    delibera sentenza

(1)  L vën istituì a Bulsan la “Cësa dl’ëiles”, coche servisc sozio-assistenziel dla Provinzia a bën dl’ëiles che, tl raion dl teritore provinziel, ie manacedes da uni forma de viulënza fisica o psichica o che l’à patida.

(2)  L servisc à l obietif de ti pité al’ëiles secudienza, prutezion y consulënza asvelta n culaborazion cun i servijes saniteres y d’assistënza y tl particuler chëla formes cuncretes de ntervënt te strutures prutejedes ntan dut l di, che ti jude a superé la fasa stenteda acuta y a se rentegré tla vita de relazion.

(3)  La Jonta provinziela ie autoriseda, aldò dl bujën, de istituì sëntes destachedes dal servisc tl raion dla provinzia.

(4)(5)  2)

massimeBeschluss vom 4. Dezember 2018, Nr. 1286 - Projekt "Übergangswohnungen des Frauenhausdienstes"
massimeBeschluss vom 22. August 2017, Nr. 909 - Ermächtigung und Akkreditierung des Frauenhausdienstes
2)
Cëla l articul 8.

Art. 1/bis (Formes dl servisc)

(1)  L servisc Cësa dl’ëiles vëij danora sibe strutures daviertes che residenzieles.

(2)  La strutures daviertes ie lueges de referimënt pra chëles che l’ëiles sometudes a uni sort de viulënza possa jì per giapé nfurmazions, aiut, sustëni y eventualmënter unì mandedes te strutures de aculienza.

(3)  La strutures residenzieles pieta cuatier, aiut y prutezion a ëiles che vën manacedes cun uni forma de viulënza fisica o psichica o che l’à patida. La strutures residenzieles vën menedes tla forma de Cësa dl’ëiles, azessibla 24 ëura sun 24, o tla forma de cuatieres prutejei. 3)

3)
L articul 1/bis ie unit njuntà dal articul 33 dla L.P. di 11 de nuvëmber 1997, n. 16.

Art. 2 (Gestion dl servisc)

(1)  L servisc vën menà diretamënter dala Provinzia de Bulsan tres l Ufize familia, ëiles y junëza, o tres cunvenzions cun una o plu lies o cooperatives de lëur o servijes, che à fins semienc o costituii aposta, aldò dl program curespundënt de ntervënc apurvà dala Jonta provinziela, do che l ie unit audì la minonga dla Consulta nunzieda tl coma 2.

(2)  L servisc ie sometù ala verdia dla Consulta provinziela per l’assstënza al’ëiles, che verifichea l funzionamënt tecnich dla gestion, n relazion al program di ntervënc, y che dà diretives ala operadëures te caji de pesima y de deficultà de gestion. La ie metuda adum da:

  1. na reprejentanta dl’aministrazion provinziela che ti sta a cë;
  2. na reprejentanta dla “Cësa dl’ëiles” de Bulsan y de uni sënta destacheda;
  3. n’assistënta soziela dl servisc provinziel cumpetënt;
  4. trëi reprejentantes de urganisazions d’ëiles che se dà ju a livel de ulentariat dl’assistënza y dla promozion soziela dl’ëiles;
  5. na reprejentanta di servijes publics che cunlëura aldò dl articul 1, coma 2. 4)

(3) 5)

4)
Cëla i articuli 3, 4 y 32 dla L.P. di 30 d’auril 1991, n. 13.
5)
Omissis

Art. 3 (Personal)

(1)  Dla gestion dla strutures prutejedes muessa se cruzië dantaldut personal feminil.

(2)  Cun regulamënt d’esecuzion vëniel fissà i parametri cuantitatifs y cualitatifs che reverda l personal cumpetënt per la gestion dl servisc.

(3)  Sce l servisc vën menà n basa a na cunvenzion, muessa l personal nciarià, ora che avëi i recuisc udui danora dal regulamënt nunzià tl coma 2, nce savëi l talian, l tudësch y l ladin te na maniera adateda ai bujëns de n bon funzionamënt dl servisc. 6)

6)
L articul 3 ie unit mudà nsci dal articul 34 dla L.P. di 11 de nuvëmber 1997, n. 16.

Art. 4 (Gestion dla Strutures)

(1)  La Jonta provinziela ie autoriseda a cumpré y/o a tò a fit la imubilies che ie da destiné a sënta de servisc; chësta imubilies possa unì cunzedudes debant ai ënc gestëures cunvenziunei; la Jonta provinziela nen sëurantòl nce duta la spëises per l mantenimënt urdener y straurdener.

(2)  Sce la strutures vën menedes defin o n pert tres cunvenzion ie la Jonta provinziela autoriseda a antizipé al plu uni mez ann la soma dl rembursamënt acurdeda sun la basa de n’analisa dla spëises revardëntes l personal, l maië y la permanënza dl’ëiles che sta iló, y chëles per i bëns che se dejudiea saurì sciche sun la basa dla spëises genereles d’aministrazion y de manejamënt.

(3)  Uni strutura vën sustenida da n regulamënt ntern, aldò de n schema-model che muessa unì apurvà dala Consulta provinziela nunzieda tl articul 2 y che muessa vester ispirà da chisc criteres:

  1. la cunvinzions etiches, religëuses y cultureles dla utëntes muessa unì respetedes;
  2. nce i mutons y la mutans de mëndra età dl’ëiles possa unì tëui su, normalmënter nchin che i cumplësc 16 ani;
  3. l’ëiles che sta tla cësa juda a la guerné;
  4. la permanënza tla strutures ne daussa normalmënter nia vster plu longia de sies mënsc;
  5. l muessa unì respetà la maniera de viver che l’ëiles lascedes pro à cris ora per sé nstësses, sce chësc ne limitea nia la vita normala dla cumenanza;
  6. al’ëiles lascedes pro ne ti daussel nia unì fat diretamënter vel’ sort de terapia;
  7. dl’amiscions y dla dimiscions dala strutures vën la dezijion tëuta da pert dla direzion; contra i pruvedimënc respetifs possen fé recurs pra la Consulta provinziela che tol na dezijion definitiva do avëi audì l’ëila nteresseda;
  8. L ne vën nia lascià pro tla strutura de tò su uemes, cunvivënc, parënc o cunescënc de sés maschil dl’ëiles che sta tla cësa;
  9. l ie da mantenì i liams che ie debujën cun i consultoresc provinziei o cunvenziunei, cun l servisc soziel y saniter provinziel y cun i autri servijes dl teritore;
  10. 7)
7)
L pustom j) ie unit abrogà dal articul 35, coma 2 dla L.P. di 11 de nuvëmber 1997, n. 16.

Art. 5 (Cuntribuc per nvestimënc)

(1)  La Jonta provinziela ie autoriseda a paië ora a ënc, lies o a d’autra istituzions che mëina cëses dl’ëiles, cuntribuc per l aredamënt dla strutures sciche nce per la realisazion y la manutenzion straurdenera de chëstes.

Art. 6-7 5)

(5)  Omissis.

5)
Omissis

Art. 8 (Abrogazions)

(1)  Cun fazion dala data dla jita n forza dl regulamënt d’esecuzion nunzià tl articul 7 dla lege provinziela di 30 d’auril 1991, n. 13, y mudazions suzessives, vëniel abrogà i comes 4 y 5 dl articul 1 de chësta lege.

(2)  Dla data nunzieda tl coma 1 vëniel dat nfurmazion tl Buletin Ufiziel dla Region. 8)

Chësta lege unirà publicheda tl Buletin Ufiziel dla Region. Uni una y uni un a chi che ti spieta à da la respeté y da la fé respeté coche lege dla Provinzia.

 

8)
L articul 8 ie unit njuntà dal articul 35, coma 1 dla L.P. di 11 de nuvëmber 1997, n. 16. L regulamënt d’esecuzion nunzià tl articul 7 dla L.P. di 30 d’auril 1991, n. 13 ie unit dat ora cun D.P.J.P. di 11 d’agost 2000, n. 30.
ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionA A – Assistënza ala persones de tëmp
ActionActionB B – Servisc de consulënza per la families
ActionActionC C – Scolines coa – servisc umans dl di
ActionActionD D – Familia, ëila, junëza
ActionActionb) Lege Provinziala di 19 de jenà dl 1976, n. 6
ActionActionf) Lege Provinziala di 1 de jügn dl 1983, n. 13
ActionActiong) Lege Provinziala di 21 de dezëmber dl 1987, n. 33
ActionActioni) Lege Provinziala di 6 de novëmber dl 1989, n. 10
ActionActionArt. 1 (Istituzion dla cësa dl’ëiles)   
ActionActionArt. 1/bis (Formes dl servisc)
ActionActionArt. 2 (Gestion dl servisc)
ActionActionArt. 3 (Personal)
ActionActionArt. 4 (Gestion dla Strutures)
ActionActionArt. 5 (Cuntribuc per nvestimënc)
ActionActionArt. 6-7
ActionActionArt. 8 (Abrogazions)
ActionActionj) Lege Provinziala di 29 de jenà dl 2002, n. 2
ActionActionk) Lege Provinziala di 3 de otober dl 2003, n. 15
ActionActionm) Lege provinziala di 8 de merz 2010 , n. 5
ActionActiono) Lege Provinziala di 17 de mà dl 2013, n. 8
ActionActionE E – Mesures per persones cun handicap
ActionActionF F – Ntervënc tl ciamp dla dependënzes
ActionActionG G – Mesures per nvalic zevii
ActionActionH H – Assistënza economica de basa
ActionActionI I – Cooperazion per l svilup
ActionActionJ J – Servijes soziei
ActionActionK K – Previdënza ntegrativa
ActionActionL L – Ulentariat
ActionActionM Emigrei
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich