a) Lege Provinziala di 21 de jenà dl 1987, n. 21)
Normes por l'aministraziun dl patrimone dla Provinzia autonoma de Balsan

(1)  I bëgns dla Provinzia é metüs adöm da bëgns demaniai y bëgns patrimoniai aladô dles normes dl Codesc zivil.

(2)  Dl'aministraziun di bëgns demaniai y patrimoniai se crüzia, tl respet dla competënza dla Junta provinziala aladô dl articul 54 dl Statut, l'assessur competënt por l'aministraziun dl patrimone. 2)

(3)  Sce chisc bëgns va debojëgn por l’eserzize de competënzes provinziales, mo nia por l'aministraziun dl patrimone en general, y sce al va debojëgn de conescënzes spezifiches por süa aministraziun, ti vëgn la gestiun dl bëgn surandada al assessur competënt por chë materia, o al ënt o organism corespognënt che depënn dala Provinzia.

(4)  Por la gestiun di bëgns preodüs dal coma dessura vëgnel apliché les leges speziales de chël setur.

(5)  L'ordinn de priorité di laûrs de costruziun, ampliamënt y restrotoraziun é de competënza dla Junta provinziala, la manutenziun di bëgns patrimoniai indere vëgn stabilida dal assessur competënt por l'aministraziun dl patrimone y dal assessur por i laûrs publics.

(6)  Sce al é bojëgns tecnics particolars, po la Junta provinziala despone, tl respet dl prinzip dl tratamënt valì y dl’uniformité tla gestiun patrimoniala, che i assessurs competënć por chi sorvisc se crüzies dl'acuisiziun y dla manutenziun di bëgns mobii, sciöche inće dla manutenziun di bëgns imobii.

(1)  I trus dla roda y les rodes dla roda intercomunai fej pert dl demane publich, strades o demane idrich.

(2)  La Provinzia autonoma de Balsan antervëgn ti raporc iuridics atifs y passifs sön les convenziuns stlütes jö dai gesturs di trus dla roda y dles rodes dla roda intercomunai cun i patruns di terac, che é canche chësc articul vá en forza.

(3)  Canche al toma les convenziuns preodüdes dal coma 2, y a vigni moda te 36 mëisc dala data de tomada, vëgn i terac privac olache al passa trus dla roda o rodes dla roda intercomunai aladô dl decret dl presidënt dla Provinzia di 20 de setëmber dl 2007, n. 50, acuisis dal demane publich provinzial aladô dla lege provinziala di 15 d'auri dl 1991, n. 10, y mudaziuns suandëntes, y cina a süa acuisiziun vëgn i terac ocupá aladô y por la faziun dl articul 30 dla lege provinziala di 15 d'auri dl 1991, n. 10, y mudaziuns suandëntes.  3)

(1)  I bëgns vëgn descrić ti inventars aposta aladô dles normes di articui dessot. 4)

(2)  L'inventar general vëgn tignì y ajornè dal Ofize patrimone competënt y é metü adöm da chisc inventars particolars:

1. inventar di bëgns demaniai;
   
2. inventar di bëgns patrimoniai imobii;
   
3. inventar di bëgns patrimoniai mobii. 4)
   

(3)  Les normes por tignì i inventars di bëgns, che mëss jì a öna cun l'adoranza dl sistem de portadać, vëgn stabilides cun regolamënt d'esecuziun.

(4)  Dötes les cumpres y alienaziuns di bëgns imobii y mobii, sciöche inće i atri ać o provedimënć che müda la consistënza dl demane y dl patrimone, mëss ti gnì lascià alsavëi al Ofize patrimone nominé tl secundo coma por la registraziun di inventars.

(5)  Al ne po nia gnì paié fora spëises che reverda la cumpra de bëgns mobii, zënza l'atestaziun che le bëgn é gnü scrit ite tl inventar.

(1)  L'inventar di bëgns demaniai contëgn la descriziun di bëgns aladô de ći che é ti catastri, tles listes o ti registri che toca laprò.

(2)  I bëgns demaniai che n'é nia plü destinà al bëgn publich, vëgn trasferis al patrimone cun deliberaziun dla Junta provinziala, da publiché por estrat tl Boletin Ofizial dla Regiun.

(1)  I bëgns patrimoniai se desfarenziëia aladô dles normes dl Codesc zivil, te bëgns desponibli y indesponibli, imobii y mobii.

(2)  I bëgns che ne po nia gnì alienà o tuć demez a val’ manira dal patrimone dla Provinzia, ajache ai é destinà al'adoranza publica o porvia de na desposiziun de lege, é bëgns indesponibli.

(3)  Düć i atri bëgns patrimoniai é desponibli.

(4)  I bëgns imobii vëgn detlarà indesponibli cun deliberaziun dla Junta provinziala, sön proposta dl assessur competënt por l'aministraziun dl patrimone.

(5)  I bëgns imobii dl patrimone indesponibl, che ne vëgn nia plü adorà por fins istituzionai, vëgn detlarà desponibli cun les modalitês preodüdes dal coma dessura.

(1)  L'inventar di bëgns patrimoniai imobii mëss contignì chëstes indicaziuns:

1. le post, la denominaziun y la cualité di bëgns;
   
2. i dać dl liber fondiar;
   
3. le titul de provegnënza;
   
4. i dać sön le valur y la destinaziun di bëgns.
   

(1)  L'inventar di bëgns patrimoniai mobii mëss contignì chëstes indicaziuns:

1. l'ubicaziun;
   
2. la descriziun y la cuantité;
   
3. le prisc de cumpra o le valur de sciazada.
   

(1)  Düć i bëgns mëss ti gnì surandà cun n verbal aposta a agënć "consegnatars", nominà cun decret dl assessur competënt por l'aministraziun dl patrimone. Le provedimënt de nominaziun dl consegnatar po gnì revochè te vigni momënt. Al vëgn revochè por lege por rajuns de incompatibilité, sciöche inće por sospenjiun o fin dl sorvisc.

(2)  I consegnatars é de regola funzionars dirigënć, direturs dles scores y di istituć scolastics, direturs di laûrs, funzionars che mëna aziëndes o sorvisc speziai, rapresentanć legai de ënć y organisms che à a desposiziun bëgns de proprieté dla Provinzia.

(3)  I consegnatars é personalmënter responsabli di bëgns che ai à ciafè ćina che ai ne vëgn nia deslià da chësta responsabilité.

(4)(5)  -  5)

(6)  I consegnatars à le dovëi da ćiarè dl'adoranza, dla conservaziun y dla funzionalité di bëgns, di implanć y dles atrezadöres. Ai se crüzia inće da ciafè fora i dagns gaujà da terzi ai bëgns y dai bëgns a terzi, y da ti le lascè alsavëi al diretur dl ofize competënt por le patrimone. Por laûrs de manutenziun de prescia pol gnì autorisé daurides de credit a bëgn di consegnatars.

(7)  I consegnatars n'é nia responsabli di dagns por negligënza di bëgns lascià o surandà regolarmënter a sotconsegnatars, ater co sce ai n'à nia ademplì so dovëi de verda.

(1)  L'ofize patrimone competënt controlëia dötes les operaziuns di consegnatars por ći che reverda i bëgns surandà, dà diretives, fej ispeziuns por azertè la regolarité dl'ativité di consegnatars y ti lascia alsavëi les iregolaritês ciafades fora al assessur competënt por l'aministraziun dl patrimone.

(2)  Al po gnì inćiarié inće esperć che n'alda nia pro l'aministraziun provinziala por azertè i dagns eventuai y sües gaujes, cun deliberaziun dla Junta provinziala.

(1)  Le sorvisc de verda di bëgns dla Provinzia ti vëgn normalmënter surandè al personal dl pröm, secundo o terzo livel funzional.

(2)  Sce al é bëgns dl demane o patrimone indesponibl, po le sorvisc de verda inće gnì fat da personal de livel funzional plü alt.

(3)  Al personal de verda pol ti gnì metü a desposiziun n'abitaziun de sorvisc.

(4)  Le sorvisc de verda ti po gnì dè inće a che che ne toca nia pro l'aministraziun provinziala sön la basa dl'inćiaria da surandè aladô dles modalitês dl articul 25 dla lege provinziala di 3 de messè dl 1959, n. 6, y mudaziuns suandëntes.

(5)  Sce al n'é nia n sorvisc de verda pol gnì metü sö inće s'anuzan de aziëndes spezialisades.

(1)  Ince i bëgns dla Provinzia che ne mëss nia gní assigurá por lege pó gní assigurá.  6)

(1) I bëgns patrimoniai pó gní dá en afit, dá en locaziun o gní metüs a desposiziun a paiamënt cun deliberaziun dla Junta provinziala sön proposta dl assessur competënt por l'aministraziun dl patrimone. I contrac relatifs o les conzesciuns relatives vëgn fates dal diretur dla Repartiziun provinziala Aministraziun dl patrimone. 7) 

(2) I bëgns pó gní metüs a desposiziun debann o imprestá cun les modalités dades dant tl coma 1 a porsones iuridiches y assoziaziuns zënza fin de davagn, ince sce ares á la sënta defora dala provinzia, che á te so statut sciöche fin le bëgn de düc tan inant che i bëgns ne vëgn nia adorá por ativités che falsifichëia la concorënza o influenzëia i barac danter i Stac mëmbri. I provedimënć che alda laprò mëss preodëi l'assunziun da pert dl conzescionar di cosć de manutenziun ordinara, sciöche inće de düć i atri cosć y dovëis dl imobil, cun laprò dötes les spëises secundares. 8)

(3) Le diretur dla Repartiziun provinziala Aministraziun dl patrimone á la facolté da impresté o mëte a desposiziun i bëgns por alplü dodesc mëisc. 9)

(4)  I contrać d'afit o de locaziun, sides atifs che passifs, po gnì stlüć jö cun tratativa privata. 10)

(1)  I bëgns demaniai o patrimoniai de interès artistich, storich, archeologich o etnografich dla Provinzia po gnì metüs a desposiziun a paiamënt cun les modalitês dades dant tl articul 11, comesc 1 y 3.

(2)  I bëgns preodüs dal coma 1 po gnì imprestà o metüs a desposiziun debann, cun les modalitês indicades tl coma 1 dl articul 11, a porsones iuridiches o assoziaziuns zënza fin de davagn, inće sce ares à la sënta defora dala provinzia, che à te so statut sciöche fin le bëgn de düć. Sce i bëgns culturai dla Provinzia vëgn ma adorà por fins culturai y zënza fin de davagn poi gnì imprestà o metüs a desposiziun debann inće a porsones fisiches.

(3)  I bëgns vëgn ma metüs a desposiziun sce al vëgn garantì la conservaziun y l’adoranza publica dl bëgn. 11)

(1)  Por sostigní la recreaziun economica de impreses y operadus economics, sciöche ince de privac, ne mëss les ativités stlütes aladô dles ordinanzes de emergënza sön le COVID-19 nia paié i afic o les conzesciuns o d’atres somes por l’adoranza de imobii de proprieté dla Provinzia, por le tëmp merz-aurí dl 2020 o a vigni moda cina che al ne vëgn nia daurí l’ativité, sce i sogec interessá á albü n smendrimënt dl faturé de altamo le 50 porcënt respet al faturé dl 2019.  12)

(2) Renunzié al afit o ala conzesciun, o a d’atres somes preodüdes dal coma 1 toca pro la Comunicaziun dla Comisciun europeica di 19 de merz dl 2020 C (2020) 1863 final “Cheder temporan por les mosöres d’aiüt statales por sostigní l’economia tl’emergënza dl COVID-19”, y mudaziuns suandëntes, o vëgn conzedüda sciöche aiüt de minimis aladô dl regolamënt (UE) n. 1407/2013 dla Comisciun di 18 de dezëmber dl 2013. 13)

(1)  I bëgns imobii cun destinaziun agricola po gnì dà en afit, y sce ara va a paurs che coltivëia instësc le terac.

(2)  Le fit vëgn determiné sön proposta dl ispetorat provinzial dl'agricoltöra, aladô dles leges varëntes en materia de contrać agrars.

(3)  I esproprià o sü afitadins po coltivé debann i terac agricui y les perts che alda laprò, ciafà dala Provinzia cun l'espropriaziun, ćina che al ne vëgn nia realisé la costruziun publica, sce ai ćiara dl terac.

(4)  Le nullaosta por l'adoranza provisora vëgn relascè dal assessur provinzial competënt por l'aministraziun dl patrimone a öna cun cun l'assessur provinzial por i laûrs publics.

(1)  I bëgns imobii che ara va da adorè sciöche abitaziun ti po gnì metüs a desposiziun debann dala Junta provinziala al istitut por le frabiché abitatif alisiré, che se crüzia de süa aministraziun aladô dles normes varëntes sön le frabiché abitatif alisiré. Te chësc caje é les spëises de manutenziun y gestiun a ćiaria dl istitut, che à inće sura le fit de locaziun y d'atres entrades coliades.

(1) En aplicaziun dl articul 3, coma 4, dl decret-lege di 6 de messè dl 2012, n. 95, convertì te lege, cun mudaziuns, dala lege di 7 d’agost dl 2012, n. 135, y por smendrì la spëisa publica, en referimënt ai contrać de locaziun passiva por imobii por adoranza istituzionala stlüć jö dala Provinzia, dai ënć che depënn da d’ëra y da chi che à n ordinamënt che é de süa competënza legislativa o delegada, sciöche inće dai comuns, dai ënć che depënn da d’ëi y dai consorc di comuns, vëgn i afić de locaziun smendris pian ia dala data de jüda en forza de chësta lege dl 15 porcënt de ći che al gnô paié ćina śegn. Pian ia dala medema data vëgnel apliché la reduziun preodüda dala frasa dessura a vigni moda ai contrać de locaziun tomà o renovà do chësta data. La reduziun dl afit de locaziun vëgn fata aladô dles modalitês y dles condiziuns preodüdes dal articul 3, coma 4, dl decret-lege di 6 de messè dl 2012, n. 95. La medema reduziun vëgn inće aplicada ales adoranzes che é bele, sce al manćia le titul canche al va en forza chësta lege. Por i contrać de locaziun passiva che vëgn stlüć jö danü vëgnel apliché la reduziun dl 15 porcënt söl afit fat fora dal Ofize Sciazada provinzial. 14) 

(1)  Tl respet de ći che é preodü dai articui 15 y 17, vëgn les cumpres y les alienaziuns di bëgns imobii autorisades do la sciazada dl valur da pert dl Ofize Sciazada dla Provinzia, che po, sce ara va y al se paia, propone da partì sö i imobii te loć funzionai. 15)

(1)  Por definí le bojëgn de investimënc y manutenziun, sciöche ince les priorités pro les mosöres por les üties de munt dla Provinzia, pó la Junta provinziala s’anuzé de na comisciun de esperc.

(2)  La comisciun de esperc é metüda adöm:

1. dala direturia/dal diretur dla Repartiziun provinziala Aministraziun dl patrimone o da na porsona delegada da d'ëra/ël;
   
2. dala direturia/dal diretur dl Ofize provinzial Geologia y proes de materiai o da na porsona delegada da d'ëra/ël;
   
3. dala presidënta/dal presidënt dles döes lies da munt plü rapresentatives dla provinzia o da na porsona delegada da d’ëra/ël.
   

(3)  La comisciun de esperc á l’inciaria da aconsié la Junta provinziala y da sostigní i ofizi provinziai tles chestiuns che reverda les üties de munt dla Provinzia. Ara porta dantadöt a espresciun valutaziuns por ci che reverda i laurs de manutenziun y recostruziun, sües priorités y les mius dezijiuns tecniches da tó. La comisciun desfira ince n’ativité de coordinamënt, control y verda sön i gesturs dles üties de munt dla Provinzia.

(4)  Ai comëmbri dla comisciun de esperc ne ti spetel no compënsc no retüdes dles spëises.  17)

(1)  I bëgns imobii vëgn venüs tres lizita publica o, sce la venüda ne vëgn nia a s’al dè, tres lizita privata, aladô dl valur sciazè dal Ofize Sciazada dal Provinzia.

(2)  L'aministraziun provinziala po vëne i bëgns imobii tres tratativa privata te chisc caji

1. sce le valur de sciazada ne superëia nia la soma de 260.000 euro; 18)
   
2. sce i bëgns vëgn destinà ala realisaziun de implanć o de sorvisc publics o a vigni moda por arjunje fins de interès publich;
   
3. sce i bëgns vëgn alienà a porsones che po fà avarëi n dërt de cumpra;
   
4. sce l'imobil é sotmetü ai lians de sconanza dl patrimone storich, artistich y popolar aladô dla legislaziun varënta y che che cumpra se tol dant da le restaurè ti terminns stabilis dala Junta provinziala y aladô dles normes varëntes en materia.
   

(3)19)

(4) I profic che vëgn dal'alienaziun de bëgns imobii pó gní adorá por cumpré bëgns dla medema sort o por d'atri investimënc te bëgns imobii. 20)

(1)  21)

(2)  22)

(3)  23)

(4)  Sce i imobii da alienè é plü alalt co 600 m s.l.m. y che che cumpra le bëgn, o so predezessur tla medema familia de paurs che laôra instësc le terac, l'à coltivé por altamo diesc agn indolater, vëgn le prisc de venüda determiné aladô dl articul 21 dl test unifiché dles leges provinziales sön l'ordinamënt di mêsc stlüć, aprovè cun decret dl Presidënt dla Junta provinziala di 28 de dezëmber dl 1978, n. 32. 24)

(5)   25)

(1)  L'aministraziun provinziala é autorisada da baratè tres tratativa privata imobii de proprieté provinziala cun d'atri imobii, sce al ti convëgn por arjunje sü fins istituzionai. L'avaliaziun eventuala gnarà fata te scioldi. 26)

(1)  I bëgns patrimoniai imobii pó gní zedüs debann ai comuns, ales comunités raionales, ai consorc di comuns o a d'atri ënc teritoriai, ales aziëndes y a d’atri ënc che depënn dala Provinzia, sciöche ince ai organisms de dërt publich che ara á metü sö, che á süa sënta tla provinzia de Balsan y ti vá do a fins d'interes publich.  28)

(2)  Sce al é les condiziuns preodüdes dal articul 11, coma 2, pröma frasa de chësta lege, po l'aministraziun provinziala zede, inće debann, i bëgns imobii a porsones iuridiches y assoziaziuns. 29)

(3)  I bëgns zedüs aladô de chësc articul ne po nia gnì alienà o destinà a fins desfarënć da chi preodüs originariamënter zënza le consëns dla Junta provinziala, sön proposta dl assessur competënt por l'aministraziun dl patrimone.

(4)  Le lian vëgn anotè tl liber fondiar por 25 agn alalungia.

(5)  La Provinzia à le dërt da ciafè zoruch le bëgn zënza indenisaziun, inće sce al é gnü fat mioraziuns o ajuntes.

(6)  La tlausola che toca laprò vëgn metüda ite tl contrat de zesciun.

(1)  La Junta provinziala é autorisada da ti conzede debann al'organisaziun, che gestësc le Zënter de formaziun y de tecnologia por i mistiers dl setur dl lëgn, a condiziun che ara n'ais nia fins de davagn, l'adoranza di bëgns imobii adatà a ademplì i dovëis istituzionai dl Zënter, tl respet dl'assunziun da pert dl'organisaziun di cosć preodüs dal coma 2 dl articul 11. 30)

(1)  I bëgns imobii trasferis ala Provinzia cun i decreć legislatifs di 2 de setëmber dl 1997, n. 320, y di 21 de dezëmber dl 1998, n. 495, po gnì zedüs te chësc ordinn de preferënza decrescënt:

1. ai comuns, ales comunitês raionales, ai consorc di comuns o a d'atri ënć publics, a condiziun che ai adores i bëgns por arjunje sü fins istituzionai o, a vigni moda, i fins de interès publich; sce al é les condiziuns preodüdes dal articul 20 po la zesciun gnì fata debann;
   
2. ales porsones che desmostra d'avëi n dërt de prelaziun aladô dla lege di 26 de mà dl 1965, n. 590, o a porsones che desmostra da coltivé instësc le terac, bele da denant che le decret legislatif di 21 de dezëmber dl 1998, n. 495, o dl decret legislatif di 2 de setëmber dl 1997, n. 320 jiss en forza, a condiziun che ares n'ais nia zedü terac rurai ti ultimi dui agn; zesciuns por l'interès publich ne vëgn nia conscidrades alienaziuns aladô de chësta lëtra;
   
3. ales porsones o sü suzessur legai, che desmostra che le bëgn ti ê gnü esproprié dal Stat o dal'aministraziun statala;
   
4. ales porsones che desmostra de avëi n dërt de prelaziun aladô dla lege di 14 d'agost dl 1971, n. 817.
   

(2)  La Junta provinziala po ti vëne zënza limić imobii sön la basa dl valur de sciazada ales porsones preodüdes dal coma 1, lëtra b) y d), sce so valur sciazè dal Ofize Sciazada dla Provinzia é plü bas co le limit fissé dal articul 16, coma 2, lëtra a).

(3)  Les desposiziuns preodüdes dales lëtres b), c) y d) dl coma 1 ne vëgn nia aplicades ai bëgns destinà tl plann urbanistich a raiuns da frabiché o produtifs, a raiuns por implanć turistics o por atrezadöres coletives o sce ai vëgn imprestà dala Junta provinziala. Chisc imobii ne vëgn nia publicà tles listes preodüdes dal coma 4. I imobii destinà tl plann urbanistich a raiuns da frabiché o produtifs o a raiuns por implanć turistics po gnì venüs zënza limitaziuns dala Junta provinziala, sce so valur sciazè é plü bas co le limit fissé dal coma 2.

(4)  Por i bëgns imobii che la Junta provinziala ô zede vëgnel fat listes partides sö por comun. Les listes vëgn publicades por 30 dis sön la tofla dl comun olache al é i bëgns. L'intenziun de alienè vëgn lasciada alsavëi ales porsones preodüdes dal coma 1, lëtra b) y d), tres lëtra racomanada cun avis de recioiüda. Che che ô fà avarëi n titul de preferënza preodü dal coma 1, lëtra b), c) y d), mëss ti le lascè alsavëi por scrit ala Repartiziun provinziala Aministraziun dl patrimone, te 3 mëisc dal terminn dla publicaziun, scenò tómel. 31)

(5)  La deliberaziun dla Junta provinziala, cun chëra che al vëgn desponü le trasferimënt dl bëgn a n comun o a n ater ënt publich, costituësc le titul por l'intavolaziun y la trascriziun catastala. 32)

(1)  L’aministraziun provinziala, i comuns y d'atri ënć publics dla Provinzia de Balsan po zede, inće debann, ai consorc de bonificaziun y de mioramënt dl terac i bëgns imobii che à les carateristiches de operes de bonificaziun. 33)

(2)  I comuns dla provinzia de Balsan pó ti dé jö, ince debann, ala Provinzia autonoma de Balsan bëgns imobii preodüs por fins istituzionai dla Provinzia. 34)

(1)  I bëgns mobii nia plü da adorè vëgn de regola baratà cun d'atri bëgns, che i sostituësc. Sce chisc bëgns ne vëgn nia baratà po l'assessur competënt por l'aministraziun dl patrimone i alienè tres tratativa privata. L'alienaziun po gnì fata sce le consegnatar detlarëia che i bëgns n'é nia plü da adorè y dà jö n arat de conformité dl prisc, o le damana al funzionar responsabl dla prozedöra de cumpra de chë sort de bëgns. 35)

(2)  I bëgns dà dant dessura po gnì zedüs inće debann sce che che damana do é istituć de benefiziënza, ënć publics, cooperatives, assoziaziuns y d'atres porsones iuridiches zënza fins de davagn, che à la sënta tla provinzia y laôra dantadöt por la popolaziun dla provinzia.

(1)La Junta provinziala é autorisada da cumprè y sotescrì ćiamò plü aziuns o cuotes de sozietês de capitai olache la Provinzia à bele na partezipaziun.

(1/bis) La Junta provinziala po ti caji preodüs dal coma 1 inće dè aziuns o cuotes de sozietês de capital, olache la Provinzia à bele na partezipaziun, a n'atra sozieté olache la Provinzia y ënć publics y sozietês cun partezipaziun publica à döt le capital sozial, por arjunje n interès de düć i sozi publics, inće tres sozietês cun partezipaziun publica direta o indireta, che ais sciöche fin, da cumprovè y da motivé avisa, chël da ademplì i bojëgns de interès general.  36)

(1/ter)  La Junta provinziala po inće fà pert, a pert i caji preodüs dal coma 1, de sozietês de chëres che al fej bele pert la Regiun. 37)

(2)  Sce al n'é nia les condiziuns preodüdes dal coma 1, vëgn la sotescriziun de aziuns o cuotes autorisada cun lege provinziala.

(3)  Por garantì i sorvisc de interès general, vëgn la Junta provinziala autorisada da curì pordüdes y fà recapitalisaziun de sozietês, de chëres che la Provinzia fej pert, che à por oget la produziun de bëgns y sorvisc che va assolutamënter debojëgn por arjunje i fins istituzionai dla Provinzia. Le capitul che alda laprò vëgn alimentè cun le fonds de resserva por les spëises nia odüdes danfora.

(4) L’assessur provinzial competënt ti lascia alsavëi al Consëi provinzial les operaziuns fates aladô di comesc 1, 1/bis, 1/ter y 3, te 30 dis dala contujiun dl’operaziun.  38) 39)

(1)  La consistënza di bëgns imobii y mobii dla Provinzia al scomenciamënt dl eserzize finanziar, les mudaziuns che é gnüdes a s'al dè intratan y la consistënza ala fin, mëss gnì desmostrades tl decunt finanziar general dla Provinzia, adöm cun les atres usc atives y passives dl patrimone.

(2)  I dać che alda laprò ti vëgn lascià alsavëi al Ofize Bilanz dla Provinzia, cun laprò na relaziun di movimënć prinzipai dl eserzize passè.

(3)  La desposiziun preodüda dal coma dessura vëgn aplicada inće ai ofizi provinziai che tëgn registri o anotaziuns sön posiziuns de credit o debit dla Provinzia, che ne resultëia nia tla contabilité finanziara.

(1)  Por i imobii trasferis ai comuns aladô dl articul 8 dla lege provinziala di 12 d'agost dl 1978, n. 48, po la Junta provinziala, sön domanda dl comun interessè, autorisé la straicada dl lian de inalienabilité inće denant che le terminn stabilì tomes, sce l'imobil vëgn trasferì daldöt o en pert a n ater ënt publich por arjunje i fins istituzionai tl interès dla popolaziun dl post.

(1)  Sce i afars dl'aministraziun dl patrimone ne vëgn nia partis sö aladô dl articul 52, terzo coma, dl D.P.R. 670/1972, po le Presidënt dla junta provinziala ti surandè a n assessur, inće suplënt, o a funzionars dirigënć aladô dl ordinamënt varënt di ofizi provinziai, l'eserzize, total o parzial, dles funziuns che ti é gnüdes atribuides da chësta lege.

(2)  Do che al é gnü aprové n program anual de aministraziun dl patrimone deleghëia la Junta provinziala l'assessur provinzial competënt da despone l'acuisiziun, l'alienaziun o la zesciun debann de imobiliars sciöche ince la costituziun o l'estinziun de dërc reai, tan inant che so valur ne vá nia sura i 260.000,00 euro. I contrac relatifs, cun valur cina al limit nominé dessura, vëgn stlüc jö dal diretur dla Repartiziun provinziala Aministraziun dl patrimone. 41)

(1)  Cun la jüda en forza de chësta lege vëgnel abroghè chëstes normes:

1. l'articul 4 dla lege provinziala di 11 de messè dl 1972, n. 14,
   
2. la lege provinziala di 10 de dezëmber dl 1975, n. 54,
   
3. l'articul 8 dla lege provinziala di 12 d'agost dl 1978, n. 48,
   
4. la lege provinziala di 29 de novëmber dl 1973, n. 84, y mudaziuns suandëntes; 42)
   

(1)  Les desposiziuns por tignì i inventars, regolamentè i dovëis di consegnatars di bëgns mobii y imobii, sciöche inće por le sorvisc de conservaziun da surandè a porsones fora dl'Aministraziun, gnarà emanades cun regolamënt.

Chësta lege gnarà publicada tl Boletin Ofizial dla Regiun. Vignun a chël che al ti speta é oblié da la respetè y da la fà respetè sciöche lege dla Provinzia.