b) Lege Provinziala di 31 de agost dl 1974, n. 71)2)
Assistënza scolastica. Previdënzes por garantì le dërt da studié

Publicada tl B.O. di 10 de setëmber dl 1974, n. 42.

Ćiara l’art. 20, coma 4 dla l.p. di 17 de mà dl 2013, n. 7.

Art. 13 (Sorvisc dl trasport scolastich)

(1) La Provinzia autonoma de Balsan po mëte sö n sorvisc de trasport scolastich por i scolars de scores de vigni ordinn y degré.

(2) Al sorvisc de trasport di scolars pol inće gnì ametü i mituns che va ala scolina, sce al é bele n sorvisc relatif y sce al vëgn garantì n sorvisc d’acompagnamënt.

(3) La Junta provinziala po istituì sorvisc de trasport speziai por i scolars che ne po nia s’anuzé dl sorvisc publich de linia.

(4) La Junta provinziala determinëia i criters por atuè le sorvisc de trasport di scolars, i recuisić d’amisciun, sciöche inće les diretives por istituì i sorvisc de trasport speziai.

(5) La Junta provinziala po ti conzede n contribut por i chilometri ai scolars che ne po nia s’anuzé dl sorvisc, inće sce ai à i recuisić por le trasport di scolars, sciöche inće al comun che organisëia eventualmënter chësc sorvisc de trasport. 33)

(6) La Provinzia autonoma de Balsan é autorisada da ti conzede vantaji economics ai gesturs che fej, por cunt dla Provinzia, sorvisc de trasport scolastich o sorvisc de trasport y de acompagnamënt por scolares y scolars cun handicap te döt le Südtirol y mëss sospëne daldöt o en pert chisc sorvisc ti agn 2020 y 2021 porvia dl'emergënza epidemiologica gaujada dal virus SARS-CoV-2, por alisiré le dann economich che vëgn dala sospenjiun dl sorvisc, tl respet dles desposiziuns dl'Uniun europeica tla materia de aiüc de Stat. La mosöra y les modalités de prozedöra por la conzesciun di vantaji economics vëgn stabilides cun criters aposta aladô dl articul 2 dla lege provinziala di 22 d'otober dl 1993, n. 17, y mudaziuns suandëntes. 34)

	Beschluss vom 10. Januar 2023, Nr. 6 - Richtlinien für die Schülerverkehrsdienste und für die Verkehrsdienste für Kindergartenkinder
	Beschluss vom 24. Februar 2021, Nr. 175 - Genehmigung der Richtlinien „COVID-19 – Entschädigung für die von der Autonomen Provinz Bozen beauftragten Betreiber der Schülerverkehrsdienste und der Fahr- und Begleitdienste für Schülerinnen und Schüler mit Behinderungen“
	Delibera N. 2789 del 16.11.2009 - Criteri per accordare gli orari scolastici con gli orari dei servizi di trasporto di linea

33)

L'art. 13 é gnü sostituì dal art. 7 dla l.p. di 20 de mà dl 1980, n. 13.

34)

L'art. 13, coma 6 é gnü ajunté dal art. 19, coma 3 dla l.p. di 19 d’agost dl 2020, n. 9 y dedô él gnü sostituí insciö dal art. 19, coma 3 dla l.p. di 11 de jená dl 2021, n. 1, y dal 19, coma 3 dla l.p di 19 d’agost dl 2020, n. 9.