(1) Sön le regolamënt intern, le desfiramënt dl ordin dl de, l’ordin di laurs, por rajuns personales, sön la priorité dla litaziun, sciöche ince te düc i caje nia regolamentá espressamënter da chësc regolamënt pól antergní ma un n iade n’aconsiadëssa/n aconsiadú por fraziun por 3 menüc sön le medemo argomënt.74)
(2) Al n’é nia conzedü, gnanca cun referimënt a n fat personal, da baié de na chestiun stlüta jö.
(3) Degun intervënt ne pó gní tigní sö o sburlé cun le fin da jí inant te n’atra sentada, ater co cun le consëns dl'aconsiadëssa/dl aconsiadú che á la parora.