(1) Ai aconsiadus provinziai/ales aconsiadësses provinziales ti spetel, ince do la fin dl’inciaria o dl mandat, sön domanda y sön presentaziun dles parzeles emetüdes aladô dles tarifes profescionales varëntes, la retüda dles spëises legales, iudiziares y di arac che ai/ares á albü por se defëne te vigni sort de iudize olache ai/ares é gnüs trac/gnüdes trates ite por ac o fac coliá al ademplimënt de so mandat, sciöche aconsiadus provinziai/aconsiadësses provinziales y al eserzize de sües funziuns, sce ai/ares é gnüs detlará inozënc/gnüdes detlarades inozëntes cun na sentënza cun valur legal, é gnüs detlará inozënc/ gnüdes detlarades inozëntes tl’istrutoria o a vigni moda n’é nia resultá devënc/resultades devëntes.
(1/bis) La retüda dles spëises legales, iudiziaries y di arac pó gní damanda dai aconsiadus provinziai/dales aconsiadësses provinziales don jö les notes onorares determinades aladô dles tarifes profescionales varëntes ince por i recursc fac aöladô dl articul 92 dl Statut spezial. 5)
(2) Ma por ci che reverda la domanda di defensurs/dles defensuries o di peric/dles perites, pó le presidënt/la presidënta dl Consëi provinzial conzede antizipaziuns sön i cosć preodüs dai comesc 1 y 1/bis, do avëi dé jö n impëgn scrit dl aconsiadú interessé/dla aconsiadëssa interessada a rete i imporc, sce al/ara ne vëgn nia detlaré inozënt/detlarada inozënta cun na sentënza cun valur legal, detlaré inozënt/detlarada inozënta tl’istrutoria o a vigni moda n’é nia resulté devënt/resultada devënta. 6)
(3) Por vigni degré dl prozes é la retüda dles spëises legales limitada ales spëises sostignides por n su defensur/na sora defensuria y por so domiziliatar/süa domiziliatara. Le presidënt/La presidënta dl Consëi pó autorisé, ezezionalmënter, la retüda dles spëises legales sostignides por dui defensurs/döes defensuries, sce le prozes é dër comples o relevant o tol ite de plü ciamps. La retüda dles spëises di peric/dles perites é limitada ales spëises por n su profescionist/na sora profescionista, por vigni ciamp o setur che é lié al oget dl arat.
L'art. 8, coma 1/bis é gnü injunté dal art. 41, coma 1 dla l.p. di 24 de setëmber dl 2019, n. 8. Ciara ince l'art. 41, coma 3 dla l.p. di 24 de setëmber dl 2019, n. 8.
L'art. 8, coma 2 é gnü mudé insciö dal art. 41, coma 2 dla l.p. di 24 de setëmber dl 2019, n. 8.